ໃຊ້ບົດຄວາມນີ້ເພື່ອຕິດຕາມຂໍ້ມູນອັບເດດຫຼ້າສຸດສຳລັບຜູ້ສ້າງ. ສຳລັບຫົວຂໍ້ອື່ນໆ, ໃຫ້ອ່ານບົດຄວາມເຫຼົ່ານີ້:
ການອັບເດດຫຼ້າສຸດ
ອັບເດດຈາກ 2 ອາທິດກ່ອນ
ຊຸມຊົນ ແລະ ຄຳເຫັນ
- ຄວາມພ້ອມຂອງໂພສຊຸມຊົນ: ໃນອີກສອງສາມອາທິດຕໍ່ໄປ, ພວກເຮົາຈະເປີດຕົວສິດເຂົ້າເຖິງໂພສສຳລັບຊ່ອງສ່ວນໃຫຍ່ຢູ່ YouTube. ສຶກສາເພີ່ມເຕີມ.
YouTube Analytics
- ເບິ່ງແນວຄິດຕ່າງໆຢູ່ແຖບແຮງບັນດານໃຈ: ກຳລັງຈະມີການປ່ຽນແປງຈຳນວນໜຶ່ງເກີດຂຶ້ນກັບແຖບຄົ້ນຄວ້າວິໄຈ. ຕອນນີ້ແຖບຄົ້ນຄວ້າວິໄຈປ່ຽນຊື່ເປັນແຖບແຮງບັນດານໃຈແລ້ວ. ຢູ່ YouTube Studio ສຳລັບເດັສທັອບ, ຕອນນີ້ຜູ້ສ້າງສາມາດລະດົມແນວຄິດສ້າງສັນ ແລະ ສ້າງໂຄງຮ່າງວິດີໂອໄດ້ດ້ວຍຄວາມຊ່ວຍເຫຼືອຂອງເຄື່ອງມືສ້າງໂດຍ AI ເຊິ່ງພ້ອມໃຫ້ນຳໃຊ້ຢູ່ແຖບແຮງບັນດານໃຈແລ້ວ. ສຶກສາເພີ່ມເຕີມ.
- ຕົວກັ່ນຕອງການຮັກສາຜູ້ຊົມ: ຕອນນີ້ຜູ້ສ້າງສາມາດກັ່ນຕອງການວັດແທກປະສິດທິພາບ ເຊັ່ນ: ເວລາເບິ່ງ ແລະ ໄລຍະເວລາເບິ່ງໂດຍສະເລ່ຍຕາມຜູ້ຊົມໃໝ່ ຫຼື ຜູ້ຊົມທີ່ກັບມາໄດ້ແລ້ວ, ເພື່ອເບິ່ງວ່າເນື້ອຫາຂອງທ່ານມີປະສິດທິພາບແນວໃດຕໍ່ກັບຜູ້ຊົມແຕ່ລະປະເພດ. ສຶກສາເພີ່ມເຕີມ.
- ປຽບທຽບການສະແດງຜົນ: ຕອນນີ້ທ່ານສາມາດປຽບທຽບຈຳນວນການສະແດງຜົນ ແລະ ອັດຕາ-ຄລິກ-ຜ່ານ (CTR) ທີ່ໄດ້ຮັບຈາກຜູ້ຊົມໃໝ່ທຽບກັບຜູ້ຊົມທີ່ກັບມາໄດ້ແລ້ວ. ສຶກສາເພີ່ມເຕີມກ່ຽວກັບ ຄຸນສົມບັດນີ້.
- ການເຂົ້າເບິ່ງການຖ່າຍທອດລວງຕັ້ງ: ຮັບຂໍ້ມູນເພີ່ມເຕີມກ່ຽວກັບວິທີທີ່ຜູ້ຊົມຄົ້ນພົບການຖ່າຍທອດລວງຕັ້ງດ້ວຍແຫຼ່ງທີ່ມາທຣາບຟິກ. ທ່ານສາມາດຊອກຫາສະຖານທີ່ຫຼິ້ນຂອງການຖ່າຍທອດສົດລວງຕັ້ງທີ່ເຜີຍແຜ່ແລ້ວຂອງທ່ານ ແລະ ແຫຼ່ງຂໍ້ມູນຜູ້ຊົມຂອງທ່ານໄດ້ໃນພາກສ່ວນແຫຼ່ງທີ່ມາທຣາບຟິກຂອງ ຟີດສົດລວງຕັ້ງ.
ຂໍ້ມູນອັບເດດອື່ນໆ
- ການສະແດງພາບພັກໜ້າຈໍໃໝ່ຢູ່ສະມາດທີວີ: ຕອນນີ້ການສະແດງພາບພັກໜ້າຈໍຈະສະແດງຢູ່ສະມາດທີວີ ແລະ ອຸປະກອນອື່ນໃນເວລາທີ່ບໍ່ມີການເຄື່ອນໄຫວ. ການສະແດງພາບພັກໜ້າຈໍປະກອບດ້ວຍຮູບຄົງທີ່ຈາກເນື້ອຫາ YouTube ທີ່ຜ່ອນຄາຍເຊິ່ງຄັດສັນມາຢ່າງຫຼາກຫຼາຍ ແລະ ຊ່ວຍປ້ອງກັນບໍ່ໃຫ້ໜ້າຈໍເບີນອິນ. ສຶກສາເພີ່ມເຕີມ.
- ການປ່ຽນແປງການສະແດງໜ້າເວັບຊ່ອງ: ຕອນນີ້ໜ້າເວັບຊ່ອງຂອງທ່ານຈະສະແດງທຸກຂັ້ນຂອງລະດັບການເບິ່ງເຫັນ (ເຜີຍແຜ່, ສ່ວນຕົວ, ກຳນົດເວລາ, ບໍ່ໄດ້ຈັດເຂົ້າໃນລາຍການ ແລະ ວິດີໂອສຳລັບສະມາຊິກ) ພ້ອມຊິບຕົວກັ່ນຕອງເພື່ອໃຫ້ທ່ານສາມາດຈັດຮຽງເນື້ອຫາຂອງທ່ານຕາມວິດີໂອຫຼ້າສຸດ, ເກົ່າສຸດ ແລະ ໄດ້ຮັບຄວາມນິຍົມສູງສຸດ, ທັງໝົດໄດ້ຢ່າງງ່າຍດາຍໃນບ່ອນດຽວ. ນອກຈາກນີ້, ທ່ານຍັງສາມາດເບິ່ງຂໍ້ຈຳກັດໃນວິດີໂອ ແລະ ການອັບໂຫຼດທີ່ບໍ່ສຳເລັດຂອງທ່ານໄດ້ນຳ. ສຶກສາເພີ່ມເຕີມກ່ຽວກັບການຕັ້ງຄ່າຄວາມເປັນສ່ວນຕົວຂອງທ່ານ.
YouTube Shorts
- ດັດແປງຣີມິກ: ຕອນນີ້ທ່ານສາມາດຣີມິກເນື້ອຫາທີ່ເຄີຍຜ່ານການຣີມິກມາແລ້ວໄດ້. ເຊິ່ງນີ້ຈະຊ່ວຍໃຫ້ທ່ານມີສັກກະຍະພາບໃນການສ້າງສັນຫຼາຍຂຶ້ນໃນ Shorts. ສຶກສາເພີ່ມເຕີມ.
YouTube Studio
- ຄລິບໃນ YouTube Studio: ຕອນນີ້ຜູ້ສ້າງສາມາດເບິ່ງ, ຈັດການ ແລະ ແບ່ງປັນຄລິບໃນ YouTube Studio ໄດ້ແລ້ວ. ສຶກສາເພີ່ມເຕີມ.
- ການຕັ້ງຄ່າເນື້ອຫາທີ່ມີການດັດແປງ: ຕັ້ງແຕ່ວັນທີ 18 ມີນາ 2024 ເປັນຕົ້ນໄປ, ທ່ານຈະຕ້ອງເປີດເຜີຍໃນຂັ້ນຕອນການອັບໂຫຼດວ່າເນື້ອຫາທີ່ທ່ານອັບໂຫຼດເປັນເນື້ອຫາທີ່ມີການດັດແປງຢ່າງມີຄວາມໝາຍ ຫຼື ສ້າງຂຶ້ນໂດຍການສັງເຄາະຫຼືບໍ່. ໂດຍເຄື່ອງມືນີ້ຈະພ້ອມໃຫ້ບໍລິການໃນ YouTube Studio ຢູ່ຄອມພິວເຕີກ່ອນ ແລ້ວຈາກນັ້ນຈະຂະຫຍາຍການໃຫ້ບໍລິການໄປຫາການສ້າງສັນຢູ່ໂທລະສັບມືຖື. ສຶກສາເພີ່ມເຕີມ.
- ຢຸດຄຳເຫັນໄວ້ຊົ່ວຄາວ: ທ່ານສາມາດຢຸດຄໍາເຫັນໃໝ່ຈາກການຖືກເຜີຍແຜ່, ແຕ່ຮັກສາອັນທີ່ມີຢູ່ແລ້ວໄວ້ໄດ້, ໂດຍໃຊ້ຄຸນສົມບັດການຢຸດຊົ່ວຄາວພາຍໃຕ້ການຕັ້ງຄ່າຄໍາເຫັນ. ສຶກສາເພີ່ມເຕີມກ່ຽວກັບວິທີຢຸດຄຳເຫັນໄວ້ຊົ່ວຄາວ.
ສະຫຼຸບປະຈຳເດືອນຈາກຊ່ອງຜູ້ສ້າງ YouTube
ສະຫຼຸບປະຈຳເດືອນຂອງຜູ້ສ້າງ YouTube
ຕິດຕາມ ຊ່ອງຜູ້ສ້າງ YouTube ເພື່ອຮັບຂ່າວຫຼ້າສຸດ, ຂໍ້ມູນອັບເດດ ແລະ ເຄັດລັບຕ່າງໆ.
ການອັບເດດກ່ອນໜ້າ
ອັບເດດຈາກໄລຍະ 6 ເດືອນທີ່ຜ່ານມາ
ກຸມພາ 2024
ຂໍ້ມູນອັບເດດອື່ນໆ
- ການຂະຫຍາຍການໃຫ້ບໍລິການຂອງ YouTube Create: ຕອນນີ້ YouTube Create ພ້ອມໃຫ້ບໍລິການໃນ 21 ປະເທດ/ພາກພື້ນ ແລ້ວ. ຕັດຕໍ່ວິດີໂອຢູ່ອຸປະກອນ Android ຂອງທ່ານໄດ້ໂດຍບໍ່ມີຄ່າໃຊ້ຈ່າຍ. ຈາກນັ້ນ, ເຜີຍແຜ່ວິດີໂອໄປຫາຊ່ອງຂອງທ່ານໄດ້ໂດຍກົງ. ສຶກສາວິທີປັບປຸງວິດີໂອຂອງທ່ານໃຫ້ດີຂຶ້ນດ້ວຍ YouTube Create.
ມັງກອນ 2024
YouTube Studio
- ພາກສ່ວນ "ຄລິບຊຸມຊົນຍອດນິຍົມ" : ທ່ານສາມາດສະແດງຄລິບຍອດນິຍົມຂອງວິດີໂອຂອງທ່ານໃນແຖບໜ້າຫຼັກຂອງຊ່ອງຂອງທ່ານໄດ້. ເຊິ່ງຈະເປັນຄລິບທີ່ທ່ານ ຫຼື ຄົນໃນຊຸມຊົນຂອງທ່ານສ້າງຂຶ້ນກໍໄດ້. ເມື່ອເພີ່ມໃສ່ແຖບໜ້າຫຼັກຂອງທ່ານແລ້ວ, ຄລິບຕ່າງໆຈະເຫັນໄດ້ແບບສາທາລະນະ ແລະ ຖືກຈັດລະບຽບຕາມຄວາມນິຍົມ ແລະ ຕາມເວລາທີ່ພວກມັນຖືກສ້າງຂຶ້ນຫຼ້າສຸດ. ສຶກສາເພີ່ມເຕີມ.
ພະຈິກ 2023
YouTube Music
- ສົ່ງພອດແຄສໂດຍໃຊ້ຟີດ RSS: ຫາກທ່ານເປັນຜູ້ສ້າງພອດແຄສທີ່ເນັ້ນຜະລິດເນື້ອຫາສຽງເປັນຫຼັກ, ທ່ານສາມາດໃຊ້ເຄື່ອງມືການນຳເຂົ້າຂໍ້ມູນສື່ມັນຕິມີເດຍ RSS ຂອງ YouTube Studio ເພື່ອອັບໂຫຼດພອດແຄສຂອງທ່ານໄປຫາ YouTube ໄດ້. ສຶກສາກ່ຽວກັບຟີດ RSS ຢູ່ YouTube ແລະ ເຊື່ອມຕໍ່ຟີດຂອງທ່ານ.
YouTube Analytics
- ການວັດແທກຕາມປະເພດເນື້ອຫາ: ຕອນນີ້ທ່ານສາມາດເບິ່ງຂໍ້ມູນວິເຄາະຜູ້ຊົມໃໝ່ ແລະ ຜູ້ຊົມທີ່ກັບມາຕາມປະເພດເນື້ອຫາໄດ້ແລ້ວເພື່ອສຶກສາວ່າເນື້ອຫາຮູບແບບໃດທີ່ເຂົາເຈົ້າໂຕ້ຕອບກັບຊ່ອງຂອງທ່ານ. ສຶກສາເພີ່ມເຕີມ.
YouTube Studio
- ພາກສ່ວນ “ສຳລັບທ່ານ”: ພາກສ່ວນ “ສຳລັບທ່ານ” ໃນແຖບໜ້າຫຼັກຂອງຊ່ອງທ່ານຊ່ວຍໃຫ້ທ່ານສາມາດແບ່ງປັນເນື້ອຫາແບບປະສົມປະສານຈາກຊ່ອງຂອງທ່ານທີ່ຖືກປັບແຕ່ງໃຫ້ເປັນແບບສ່ວນຕົວສຳລັບຜູ້ຊົມແຕ່ລະຄົນໄດ້. ທ່ານສາມາດເລີ່ມການກະກຽມພາກສ່ວນ “ສຳລັບທ່ານ” ໃນຊ່ອງຂອງທ່ານໄດ້ຕັ້ງແຕ່ວັນທີ 8 ພະຈິກ 2023 ເປັນຕົ້ນໄປ. ຜູ້ຊົມຂອງທ່ານຈະເຫັນພາກສ່ວນນີ້ເລີ່ມແຕ່ວັນທີ 20 ພະຈິກ 2023. ສຶກສາເພີ່ມເຕີມ.
- ຂໍ້ມູນການຈ່າຍເງິນໃໝ່ໃນແອັບ Studio: ພວກເຮົາຈະເປີດຕົວເບຕ້າຮຸ່ນໃໝ່ທີ່ນຳເອົາຂໍ້ມູນການຈ່າຍເງິນມາໄວ້ໃນແຖບສ້າງລາຍໄດ້ຂອງແອັບ YouTube Studio ສຳລັບມືຖື. ຜູ້ສ້າງທີ່ມີສິດ ສາມາດເບິ່ງສະຖານະຂອງເຂົາເຈົ້າຕໍ່ການຈ່າຍເງິນເທື່ອຕໍ່ໄປ ແລະ ປະຫວັດການຈ່າຍເງິນຂອງເຂົາເຈົ້າໄດ້. ສຶກສາເພີ່ມເຕີມກ່ຽວກັບເວີຊັນເບຕ້າໃນ ໂພສໃນກະທູ້ຂອງພວກເຮົາ.
- ແຖບໜ້າຫຼັກຊ່ອງ YouTube ທີ່ປັບໃຫ້ຮຽບງ່າຍຂຶ້ນ: ແຖບໜ້າຫຼັກຊ່ອງ YouTube ຈະເຊື່ອງແຖບທີ່ຫວ່າງເປົ່າໄວ້ ແລະ ລຶບແຖບ "ກ່ຽວກັບ" ແລະ "ຊ່ອງ" ອອກເພື່ອປະສົບການຜູ້ໃຊ້ທີ່ຮຽບງ່າຍຂຶ້ນ. ຂໍ້ມູນທີ່ກ່ອນໜ້ານີ້ສາມາດໃຊ້ໄດ້ຢູ່ແຖບເຫຼົ່ານີ້ແມ່ນສາມາດໃຊ້ໄດ້ຢູ່ບ່ອນອື່ນຢູ່ຊ່ອງຂອງທ່ານ. ທ່ານສາມາດເບິ່ງຄຳອະທິບາຍຂອງຊ່ອງຂອງທ່ານໄດ້ໃນສ່ວນຫົວຂອງຊ່ອງ ແລະ ຊ່ອງທີ່ແນະນໍາໃດກໍຕາມຢູ່ແຖບໜ້າຫຼັກ.
- Showcase ລິ້ງໃນຊ່ອງຂອງທ່ານ: ຕອນນີ້ລິ້ງຜູ້ສ້າງຢູ່ແຖບໜ້າຫຼັກຂອງຊ່ອງຖືກສະແດງຢ່າງໂດດເດັ່ນຢູ່ສ່ວນຫົວໂປຣໄຟລ໌ຊ່ອງໃກ້ກັບປຸ່ມ "ຕິດຕາມ". ຜູ້ສ້າງຈະບໍ່ສາມາດສະແດງລິ້ງໃນແບນເນີໄດ້ອີກຕໍ່ໄປ.
- ເບິ່ງ Recap ສິນລະປິນຂອງທ່ານ: ໃຊ້ Recap ສິນລະປິນຂອງທ່ານເພື່ອສະຫຼອງເຫດການສຳຄັນຕະຫຼອດທັງປີ ແລະ ສຶກສາວ່າແຟນໆມີສ່ວນຮ່ວມກັບເພງຂອງທ່ານຢູ່ໃນ YouTube ແນວໃດ. ຈາກນັ້ນ, ໃຫ້ແບ່ງປັນຄວາມສຳເລັດຂອງທ່ານໃນສື່ສັງຄົມໂດຍໃຊ້ບັດຂໍ້ມູນທີ່ປັບແຕ່ງເອງ. ສຶກສາເພີ່ມເຕີມກ່ຽວກັບ Recap ສິນລະປິນຂອງທ່ານ.
YouTube Shorts
- Dream Track: Dream Track ໃນ Shorts ເປັນເຄື່ອງມືສ້າງເພງເວີຊັນທົດລອງທີ່ຊ່ວຍໃຫ້ຜູ້ສ້າງສາມາດສ້າງເພງປະກອບຄວາມຍາວ 30 ວິນາທີທີ່ບໍ່ຊ້ຳໃຜດ້ວຍສຽງຂອງສິນລະປິນທີ່ເຂົ້າຮ່ວມໄດ້. ໂດຍພວກເຮົານຳເອົາຄວາມຊ່ຽວຊານຂອງ Google DeepMind ແລະ ນັກວິໄຈທີ່ມີແນວຄິດລ້ຳໜ້າທີ່ສຸດຂອງ YouTube ມາຮວມເຂົ້າກັບຄວາມຊ່ຽວຊານຂອງຮຸ້ນສ່ວນໃນວົງການເພງ, ເພື່ອເປີດໂອກາດໃໝ່ໆໃຫ້ຜູ້ສ້າງມີການສ້າງສັນ ແລະ ມີສ່ວນຮ່ວມກັບສິນລະປິນຢູ່ Shorts. ປັດຈຸບັນຄຸນສົມບັດນີ້ມີໃຫ້ບໍລິການສຳລັບຜູ້ສ້າງບາງກຸ່ມໃນສະຫະລັດອາເມລິກາ ແລະ ຢູ່ອຸປະກອນມືຖືບາງປະເພດເທົ່ານັ້ນ. ໂດຍພວກເຮົາຫວັງວ່າຈະນຳເອົາຄຳຕິຊົມຈາກການທົດລອງນີ້ໄປໃຊ້ໃນໂອກາດດ້ານຜະລິດຕະພັນທີ່ອາດເກີດຂຶ້ນ ເຊິ່ງຈະເປັນປະໂຫຍດຕໍ່ສິນລະປິນ ແລະ ຜູ້ສ້າງ. ຜູ້ຊົມທົ່ວໂລກສາມາດໃຊ້ເພງປະກອບທີ່ມີໃຫ້ບໍລິການຢູ່ໃນຕອນນີ້ເພື່ອຣີມິກໃຫ້ເປັນ Shorts ຂອງຕົນເອງໄດ້.
ຕຸລາ 2023
ການສ້າງລາຍໄດ້
- ຊື້ຢູ່ Google ສຳລັບ YouTube ຈະຢຸດໃຫ້ບໍລິການ: ຕັ້ງແຕ່ວັນທີ 26 ຕຸລາ 2023 ເປັນຕົ້ນໄປ, ຊື້ຢູ່ Google ສຳລັບ YouTube, ເຊິ່ງເປັນຄຸນສົມບັດການຈ່າຍເງິນໃນແອັບຢູ່ YouTube, ຈະບໍ່ມີໃຫ້ບໍລິການໃນສະຫະລັດອາເມລິການອີກຕໍ່ໄປ. ໂດຍຄຳສັ່ງຊື້ໃດກໍຕາມທີ່ເກີດຂຶ້ນໃນວັນທີ 25 ຕຸລາ 2023 ຫຼື ກ່ອນວັນທີດັ່ງກ່າວຈະຍັງຄົງໄດ້ຮັບການດຳເນີນການ. ພວກເຮົາຈະປ່ຽນໄປໃຫ້ຄວາມສຳຄັນກັບວິທີອື່ນໆເພື່ອມອບປະສົບການໃນການຈ່າຍເງິນຢູ່ເວັບໄຊທີ່ເປັນປະໂຫຍດສຳລັບຜູ້ຂາຍຍ່ອຍ, ຜູ້ສ້າງ ແລະ ຜູ້ຊົມຂອງພວກເຮົາໃນອະນາຄົດອັນໃກ້.
ກັນຍາ 2023
YouTube Studio
- ດາວໂຫຼດ YouTube Create: YouTube Create ຊ່ວຍໃຫ້ທ່ານຕັດຕໍ່ວິດີໂອຢູ່ອຸປະກອນ Android ຂອງທ່ານໄດ້ໂດຍບໍ່ມີຄ່າໃຊ້ຈ່າຍ. ນຳເຂົ້າວິດີໂອເພື່ອເພີ່ມຂໍ້ຄວາມ, ເອັບເຟັກ ແລະ ການປ່ຽນສາກ. ຈາກນັ້ນ, ເຜີຍແຜ່ວິດີໂອໄປຫາຊ່ອງຂອງທ່ານໄດ້ໂດຍກົງ. ສຶກສາວິທີປັບປຸງວິດີໂອຂອງທ່ານໃຫ້ດີຂຶ້ນດ້ວຍ YouTube Create.
- ຄລິບໃນ YouTube Studio: ຕອນນີ້ຜູ້ສ້າງສາມາດເບິ່ງ, ຈັດການ ແລະ ແບ່ງປັນຄລິບໃນ YouTube Studio ໄດ້ແລ້ວ. ສຶກສາເພີ່ມເຕີມ.
ສິງຫາ 2023
ຂໍ້ມູນອັບເດດອື່ນໆ
- ການປ່ຽນແປງການລິ້ງສຳລັບ YouTube: ເພື່ອຫຼຸດຄວາມພະຍາຍາມໃນການສະແປມ ແລະ ສະແກມ, ລິ້ງຕ່າງໆໃນ ຄຳເຫັນ YouTube Shorts ແລະ ຄຳອະທິບາຍ Shorts ຈະບໍ່ສາມາດຄລິກໄດ້ເລີ່ມຕັ້ງແຕ່ວັນທີ 31 ສິງຫາ 2023, ໂດຍການປ່ຽນແປງນີ້ຈະຄ່ອຍໆເປີດຕົວ. ນອກຈາກນັ້ນ, ພວກເຮົາຍັງຈະຍົກເລີກລິ້ງແບນເນີໃນວັນທີ 10 ສິງຫາ 2023 ນຳ ແລະ ຈະເປີດຕົວວິທີໃໝ່ໃນການ ສະແດງລິ້ງສຳຄັນ ຢູ່ໜ້າເວັບຊ່ອງຂອງທ່ານ. ທ່ານສາມາດເລີ່ມການກະກຽມລິ້ງໂປຣໄຟລ໌ຊ່ອງໄດ້ໃນວັນທີ 10 ສິງຫາ ແລະ ຜູ້ຊົມຂອງທ່ານຈະເຫັນພວກມັນເລີ່ມຕັ້ງແຕ່ວັນທີ 23 ສິງຫາ. ສຶກສາເພີ່ມເຕີມກ່ຽວກັບການປ່ຽນແປງນີ້.
- ຄຸນສົມບັດຂັ້ນສູງໃໝ່ໃນ YouTube: ເລີ່ມຕັ້ງແຕ່ວັນທີ 17 ສິງຫາ 2023, ທ່ານສາມາດແກ້ໄຂ Shorts ຂອງທ່ານໃຫ້ມີລິ້ງໄປຫາວິດີໂອຈາກຊ່ອງຂອງທ່ານໄດ້. ລິ້ງດັ່ງກ່າວຈະປາກົດໃນຕົວຫຼິ້ນ Shorts ເພື່ອຊ່ວຍນຳທາງຜູ້ຊົມຈາກ Shorts ຂອງທ່ານໄປຫາເນື້ອຫາ YouTube ອື່ນໆຂອງທ່ານ. ສຶກສາເພີ່ມເຕີມ.
ກໍລະກົດ 2023
YouTube Studio
- ການຂະຫຍາຍສິດການອະນຸຍາດຊ່ອງ: ຜູ້ໃຊ້ທີ່ໄດ້ຮັບສິດການອະນຸຍາດສາມາດດຳເນີນການໃນນາມຊ່ອງຂອງທ່ານຢູ່ YouTube ໄດ້ໂດຍກົງນອກເໜືອຈາກ YouTube Studio. ແຕ່ຕອນນີ້, ຜູ້ໃຊ້ຕົວແທນທີ່ມີສິດເຂົ້າເຖິງລະດັບຜູ້ຈັດການ ຫຼື ບັນນາທິການສາມາດສ້າງ Short, ເພີ່ມໂພສ, ຈັດການລາຍການຫຼິ້ນ ຫຼື ສະແດງຄຳເຫັນຢູ່ວິດີໂອ YouTube ທັງໝົດໄດ້ໃນຖານະເຈົ້າຂອງຊ່ອງ. ສຶກສາເພີ່ມເຕີມ.
ມິຖຸນາ 2023
ການສ້າງລາຍໄດ້
- ຕອນນີ້ໂຄງການນາຍໜ້າ YouTube Shopping ສາມາດໃຊ້ໄດ້ສຳລັບຜູ້ສ້າງໃນສະຫະລັດທຸກຄົນແລ້ວ: ຕັ້ງແຕ່ວັນທີ 13 ມິຖຸນາ 2023 ເປັນຕົ້ນໄປ, ໂຄງການນາຍໜ້າ YouTube Shopping ແມ່ນສາມາດໃຊ້ໄດ້ສຳລັບຜູ້ສ້າງໃນສະຫະລັດທຸກຄົນທີ່ເຮັດໄດ້ຕາມເກນການມີສິດ. ສຳລັບຄວາມເປັນມາ, ໂຄງການນາຍໜ້າ YouTube Shopping ຊ່ວຍໃຫ້ຜູ້ສ້າງຕິດແທັກສິນຄ້າທີ່ສະແດງໃນວິດີໂອຂອງຕົນເອງຈາກແບຣນ ແລະ ຜູ້ຂາຍຍ່ອຍຍອດນິຍົມໄດ້. ສຶກສາເພີ່ມເຕີມ.
YouTube Analytics
ບັດ ‘ຜູ້ຊົມໃນຮູບແບບຕ່າງໆ’ ໃນ YouTube Analytics: ໃນແຖບເນື້ອຫາໃນ YouTube Analytics, ຕອນນີ້ທ່ານສາມາດເບິ່ງເຫັນໄດ້ຖ້າວ່າມີ ແລະ ມີເທົ່າໃດທີ່ຜູ້ຊົມຂອງທ່ານເບິ່ງຫຼາຍກວ່າໜຶ່ງຮູບແບບ ແລະ ການທັບຊ້ອນໃຫຍ່ປານໃດ. ຂໍ້ມູນນີ້ມີໃຫ້ສຳລັບວິດີໂອ Shorts ແລະ ການຖ່າຍທອດສົດ. ສຶກສາເພີ່ມເຕີມ.
ການວັດແທກການເປັນນາຍໜ້າຊື້ເຄື່ອງແບບໃໝ່ໃນ Studio: ພາຍໃນແຖບລາຍໄດ້ຢູ່ຄອມພິວເຕີ ຫຼື ອຸປະກອນມືຖື, ຕອນນີ້ທ່ານສາມາດຊອກຫາຂໍ້ມູນການເປັນນາຍໜ້າຊື້ເຄື່ອງເພີ່ມເຕີມໄດ້ພາຍໃຕ້ຫົວຂໍ້ “ນາຍໜ້າ”. ການວັດແທກໃໝ່ເຫຼົ່ານີ້ຈະບອກຂໍ້ມູນເຈາະເລິກໃຫ້ທ່ານຮູ້ກ່ຽວກັບລາຍໄດ້ໂດຍປະມານ, ຍອດຂາຍທັງໝົດ, ຈຳນວນຄຳສັ່ງຊື້ ແລະ ປະສິດທິພາບສິນຄ້າໂດຍຮວມ. ສຶກສາເພີ່ມເຕີມ.
ພຶດສະພາ 2023
ການສ້າງລາຍໄດ້
YouTube Analytics
ຂໍ້ມູນອັບເດດອື່ນໆ
- ສ່ວນຫຼຸດ 25% ສຳລັບຜະລິດຕະພັນຈາກຮ້ານຄ້າ Spring ຂອງທ່ານ: ພວກເຮົາກຳລັງໃຫ້ສ່ວນຫຼຸດ 25% ສຳລັບຜະລິດຕະພັນໃດກໍຕາມຈາກຮ້ານຄ້າ Spring ຂອງທ່ານ. ໂປຣໂມຊັນນີ້ເປັນຕາມເກນມາກ່ອນໄດ້ກ່ອນ ແລະ ໃຫ້ບໍລິການໃນໄລຍະເວລາທີ່ຈຳກັດເທົ່ານັ້ນ. ເພື່ອໃຊ້ປະໂຫຍດຈາກໂປຣໂມຊັນນີ້, ໃຫ້ຮັບລະຫັດຂອງທ່ານ ແລະ ເລີ່ມແທັກຜະລິດຕະພັນຂອງທ່ານໃນເນື້ອຫາເພື່ອແບ່ງປັນໂປຣໂມຊັນກັບແຟນໆ.
- ໜ້າຈໍສິ້ນສຸດຂອງສິນຄ້າຈະຢຸດໃຫ້ບໍລິການແລ້ວ: ຢູ່ YouTube, ພວກເຮົາຕ້ອງການທີ່ຈະໝັ້ນໃຈວ່າທ່ານກຳລັງໃຊ້ຄຸນສົມບັດທີ່ກະຕຸ້ນການມີສ່ວນຮ່ວມກັບຜະລິດຕະພັນຂອງທ່ານເພື່ອໃຫ້ທ່ານສາມາດຂະຫຍາຍທຸລະກິດຂອງທ່ານໄດ້. ເພື່ອສືບຕໍ່ປັບປຸງປະສົບການ Shopping ສຳລັບຜູ້ສ້າງ ແລະ ຜູ້ຊົມ, ລະບົບຈະບໍ່ຮອງຮັບໜ້າຈໍສິ້ນສຸດອີກຕໍ່ໄປ. ເພື່ອມີສ່ວນຮ່ວມກັບຜະລິດຕະພັນຂອງທ່ານ, ໃຫ້ສ້າງເນື້ອຫາທີ່ສະແດງຄ່າຂອງຜະລິດຕະພັນ ແລະ ແທັກຜະລິດຕະພັນ ທີ່ແນະນຳເພື່ອໃຫ້ຜູ້ຊົມຂອງທ່ານສາມາດເລືອກຊື້ໄດ້.
YouTube Analytics
- ລາຍລະອຽດລາຍໄດ້ໃໝ່ໃນ YouTube Analytics: ຕອນນີ້ທ່ານສາມາດເຂົ້າໄປແຖບລາຍໄດ້ໃນ YouTube Analytics ເພື່ອເບິ່ງລາຍລະອຽດລາຍໄດ້ຂອງທ່ານຕາມໂຄສະນາໃນໜ້າເບິ່ງ, ໂຄສະນາຟີດ Shorts, ການເປັນສະມາຊິກ, Supers, ຮ້ານຄ້າທີ່ເຊື່ອມຕໍ່ໄວ້ ແລະ ພັນທະມິດ Shopping ໄດ້ແລ້ວ. ສຶກສາເພີ່ມເຕີມ.
- ຮູບແບບໃໝ່ໆທີ່ຜູ້ຊົມຂອງທ່ານເບິ່ງລາຍງານໃນ YouTube Studio: ໃນແຖບຜູ້ຊົມ, ຕອນນີ້ທ່ານສາມາດຊອກເບິ່ງລາຍງານທີ່ສະແດງຮູບແບບ (ຂອງວິດີໂອ, Shorts ແລະ ຖ່າຍທອດສົດ) ທີ່ຜູ້ຊົມຂອງທ່ານເບິ່ງເລື້ອຍທີ່ສຸດຢູ່ຊ່ອງອື່ນໆໃນໄລຍະ 28 ມື້ທີ່ຜ່ານມາໄດ້ແລ້ວ. ຂໍ້ມູນນີ້ສາມາດຊ່ວຍກຳນົດຍຸດທະສາດເນື້ອຫາຂອງທ່ານ. ສຶກສາເພີ່ມເຕີມ.
ຂໍ້ມູນອັບເດດອື່ນໆ
- ສະຕໍຣີບໍ່ສາມາດໃຊ້ໄດ້ອີກຕໍ່ໄປຕັ້ງແຕ່ວັນທີ 26 ມິຖຸນາ: ຕັ້ງແຕ່ວັນທີ 26 ມິຖຸນາ, ສະຕໍຣີ ຈະບໍ່ມີໃຫ້ບໍລິການອີກຕໍ່ໄປ, ແຕ່ສະຕໍຣີໃດກໍຕາມທີ່ທ່ານໂພສໃນວັນທີ 26 ມິຖຸນາ ຈະໝົດອາຍຸໃນອີກ 7 ມື້ຫຼັງຈາກທີ່ພວກມັນຖືກແບ່ງປັນເປັນເທື່ອທຳອິດ. YouTube ຈະໃຫ້ຄວາມສຳຄັນກັບຄຸນສົມບັດຫຼັກອື່ນໆເພື່ອຊ່ວຍໃຫ້ທ່ານປະສົບຜົນສຳເລັດຫຼາຍຂຶ້ນ ແລະ ຂະຫຍາຍຊຸມຊົນຂອງທ່ານ. ແນວໃດກໍຕາມ, ຍອດເບິ່ງທີ່ມາຈາກສະຕໍຣີຈະຍັງຄົງສະແດງໃນ YouTube Analytics ຢູ່. ສຶກສາເພີ່ມເຕີມ.
ເມສາ 2023
YouTube Music
-
ມາເປັນຜູ້ສ້າງພອດແຄສຢູ່ YouTube: ຕອນນີ້ຜູ້ສ້າງສາມາດອັບໂຫຼດພອດແຄສໃນ YouTube Studio ໄດ້ແລ້ວ. ໂດຍພອດແຄສຖືກຮວມເຂົ້າໃນ YouTube Music, ໄດ້ຮັບການຕິດປ້າຍ ແລະ ມີສິດສະແດງໃນ youtube.com/podcasts. ສຶກສາວິທີສ້າງພອດແຄສ ແລະ ເລີ່ມຕົ້ນນຳໃຊ້.
- ຣີແອັກຊັນພ້ອມໃຫ້ນຳໃຊ້ໃນການສົນທະນາສົດຢູ່ iPhone ແລະ iPad ແລ້ວ: ໃນຂະນະທີ່ຜູ້ຊົມເບິ່ງການຖ່າຍທອດສົດຢູ່ iPhone ຫຼື iPad, ເຂົາເຈົ້າສາມາດຕອບສະໜອງຕໍ່ສິ່ງທີ່ເກີດຂຶ້ນໃນຕອນນັ້ນໄດ້ໂດຍແຕະຣີແອັກຊັນທີ່ກົງກັບຄວາມຮູ້ສຶກຂອງຕົນເອງ. ສຶກສາເພີ່ມເຕີມ.
YouTube Shorts
- ການຣີມິກຄລິບ: ຕອນນີ້ທ່ານສາມາດຣີມິກຄລິບເປັນ Shorts ໄດ້ແລ້ວ. ຄລິກ ບ່ອນນີ້ ເພື່ອສຶກສາກ່ຽວກັບການສ້າງ Shorts ດ້ວຍເນື້ອຫາທີ່ຣີມິກແລ້ວ.
ມີນາ 2023
YouTube Studio
- ສິດການອະນຸຍາດຊ່ອງທີ່ພ້ອມໃຫ້ນຳໃຊ້ໃນແອັບ YouTube Studio: ຕອນນີ້ທ່ານສາມາດຈັດການຕົວແທນຂອງທ່ານຜ່ານສິດການອະນຸຍາດຊ່ອງໃນແອັບ YouTube Studio ໄດ້ແລ້ວ. ຕົວແທນກໍສາມາດດຳເນີນການຕ່າງໆໄດ້ໃນ Studio ຢູ່ຄອມພິວເຕີ, ໃນແອັບ Studio ຫຼື ໃນແອັບ YouTube. ສຶກສາເພີ່ມເຕີມ.