Hlaða upp YouTube-vídeóum

Nýr ítareiginleiki á YouTube: Frá 17. ágúst geturðu breytt Shorts þannig að tengt sé á eitt annað vídeó á rásinni þinni. Tengillinn verður sýnilegur í Shorts-spilaranum og vísar áhorfendum frá Shorts á annað YouTube-efni frá þér. Hægt er að tengja vídeó, Shorts og efni í beinni. Vídeóið sem þú velur þarf að vera opinbert eða óskráð og ekki brotlegt gagnvart reglum netsamfélagsins. Breytingin verður innleidd smám saman og ekki er víst að hún verði tiltæk fyrir allar rásir eða áhorfendur þar til eiginleikinn hefur verið innleiddur að fullu.

Þú getur hlaðið vídeóum upp á YouTube í nokkrum einföldum skrefum. Notaðu leiðbeiningarnar hér að neðan til að hlaða upp vídeóum í tölvu eða snjalltæki. Upphleðsla er ef til vill ekki í boði í upplifun með eftirliti á YouTube. Fáðu frekari upplýsingar hér.

Hlaða upp vídeóum í YouTube Studio

Skráðu þig inn í YouTube Studio.
Í horninu efst til hægri skaltu smella á BÚA TIL Hlaða upp vídeóum .
Veldu skrána sem þú vilt hlaða upp. Þú getur hlaðið upp allt að 15 vídeóum í einu. Gættu þess að smella á Breyta í hverri skrá til að breyta upplýsingunum um vídeóið.

Athugaðu: Vídeóinu verður breytt í hæstu mögulegu upplausn til að tryggja góða spilun í mismunandi tækjum og netkerfum. Þú getur skoðað áætlaðan vinnslutíma fyrir SD-, HD- og 4K-vídeó. Meiri gæði, til dæmis 4K eða HD, geta tekið lengri vinnslutíma. Nánar um vídeógæði eftir upphleðslu og vídeóupplausn og myndhlutföll. Ef þú lendir í vandræðum skaltu skoða leiðbeiningar um algengar upphleðsluvillur.

Ef þú lokar upphleðsluviðmótinu áður en þú lýkur við að velja stillingarnar þínar þá vistast vídeóið sem lokað á síðunni Efni.

Nánar

Bættu mikilvægum upplýsingum við vídeóið þitt. Athugaðu: Þú getur smellt á NOTA UPPLÝSINGAR AFTUR til að afrita ákveðnar upplýsingar úr vídeói sem þegar hefur verið hlaðið upp.

Heiti	Heiti vídeósins Athugaðu: Heiti vídeóa hafa stafahámark upp á 100 stafi og ekki má nota ógilda stafi.
Lýsing	Upplýsingar sem birtast fyrir neðan vídeóið. Notaðu eftirfarandi snið fyrir vídeóeigindir: [Rásarheiti] [Titill vídeós] [Vídeóauðkenni] Til að leiðrétta vídeóið skaltu bæta við „Leiðrétting:“ eða „Leiðréttingar:“. Allar leiðréttingar verða að vera á ensku óháð tungumáli vídeósins eða lýsingarinnar. Þú getur bætt við tímastimpli og útskýringu á leiðréttingunni í annarri línu. Dæmi: Leiðrétting: 0:35 Ástæða fyrir leiðréttingu Þessi hluti ætti að birtast á eftir öllum vídeóköflum. Þegar áhorfendur horfa á vídeóið þitt mun Sjá leiðréttingar upplýsingaspjald birtast. Ef þú vilt sníða texta í lýsingum skaltu velja feitletrun, skáletrun eða gegnumstrikun í valkostunum neðst í lýsingarreitnum. Vídeólýsingar eru með stafahámark upp á 5.000 stafi og ekki má nota ógilda stafi. Athugaðu: Ef rásin er með virka punkta eða ef efnið telst óviðeigandi fyrir suma áhorfendur verður leiðréttingareiginleikinn ekki tiltækur.
Smámynd	Myndin sem áhorfendur sjá áður en þeir smella á vídeóið.
Spilunarlisti	Bættu vídeóinu við spilunarlista sem þú átt eða búðu til spilunarlista.
Áhorfendur	Til að fylgja lögum um persónuvernd barna á netinu (e. Children's Online Privacy Protection Act – COPPA), ber þér skylda til að láta okkur vita hvort vídeóin þín séu ætluð börnum.
Aldurstakmark	Settu aldurstakmark á vídeó sem eru mögulega ekki viðeigandi fyrir ákveðna aldurshópa.
Tengt vídeó	Vídeó af rásinni þinni sem er smellanlegur tengill í Shorts-spilaranum til að vísa áhorfendum úr Shorts-vídeóunum þínum í annað YouTube-efni frá þér. Með aðgangi að ítareiginleikum geturðu breytt Shorts og sett inn tengil á vídeó frá rásinni þinni. Hægt er að tengja vídeó, Shorts og efni í beinni. Athugaðu: Vídeóið sem þú velur þarf að vera opinbert eða óskráð og fylgja reglum netsamfélagsins okkar.

Veldu SÝNA MEIRA neðst á upplýsingasíðunni til að velja ítarlegar stillingar.

Kostuð kynning	Lætur áhorfendur og YouTube vita að vídeóið innihaldi kostaða kynningu.
Sjálfvirkir kaflar	Þú getur bætt vídeóköflum og tímastimplum við vídeó til að auðveldara sé að horfa á þau. Þú getur búið til þína eigin vídeókafla eða notað sjálfvirkt útbúna kafla með því að merkja við reitinn „Leyfa sjálfvirkt útbúna kafla“ (þegar það er hægt). Allir vídeókaflar sem eru færðir inn hnekkja sjálfvirkt útbúnum vídeóköflum.
Valdir staðir	Valdir staðir (þegar það er í boði og gjaldgengt) notar áfangastaði sem þú hefur vakið athygli á í lýsingu, textauppskrift vídeós og vídeórömmum til að vekja athygli á helstu stöðum í hringekju í lýsingu vídeósins. Til að afþakka sjálfvirka valda staði skaltu afmerkja í gátreitinn „Leyfa sjálfvirka valda staði“. Athugaðu: Valdir staðir notar ekki staðsetningargögn tækisins né hefur það áhrif á hvaða auglýsingar birtast í vídeóinu (ef þú ert með tekjuöflun).
Merki	Bættu við lýsandi leitarorðum þannig að hægt sé að leiðrétta leitarmistök. Merki geta verið gagnleg ef algengar innsláttarvillur eru gerðar í tengslum við efni í vídeóinu þínu. Annars gegna merki litlu hlutverki við uppgötvun vídeóa.
Tungumál og vottun skjátexta	Veldu upprunalegt tungumál vídeósins og vottun skjátexta.
Dagsetning og staðsetning upptöku	Skrifaðu dagsetninguna þegar vídeóið var tekið upp og staðsetninguna þar sem vídeóið var tekið upp.
Leyfi og dreifing	Veldu hvort hægt sé að fella vídeóið inn í annað vefsvæði. Gefðu til kynna hvort þú viljir senda tilkynningar til áskrifenda þegar þú birtir nýtt vídeó.
Shorts-úrtak	Leyfðu öðrum að búa til Shorts með hljóði frá vídeóinu þínu.
Flokkur	Veldu flokk svo áhorfendur geti fundið vídeóin þín á auðveldari hátt. Þú getur valið eftirfarandi valkosti fyrir Education: Gerð: Veldu virkni, yfirlit hugmyndar, sýnikennslu, fyrirlestur, útskýringu á vandamáli, notkun í raunveruleikanum, vísindatilraun, ábendingar eða annað sem gerð fræðslu. Vandamál: Bættu tímastimplinum við og spurningunni sem er svarað í vídeóinu þínu. Athugaðu: þessi valkostur er aðeins í boði fyrir fræðslu af gerðinni útskýring á vandamáli. Akademískt kerfi: Veldu landið/svæðið sem vídeóið þitt samræmist. Þannig getur þú tilgreint frekar stig og próf, námskeið eða akademískan staðal. Athugaðu: Þetta er hugsanlega valið sjálfkrafa byggt á sjálfgefnu landi/svæði rásarinnar. Stig: Veldu stig fyrir vídeóið eins og 9. bekk eða hærra. Próf, námskeið eða staðall: Leitaðu í gagnagrunninum okkar til að bæta við akademískum staðli, prófi eða námskeiði sem tengist vídeóinu þínu.
Ummæli og einkunnir	Veldu hvort áhorfendur geti skrifað ummæli við vídeóið. Veldu hvort áhorfendur geti séð hversu margir hafa lækað vídeóið.

Tekjuöflun

Ef þú ert meðlimur í þjónustu YouTube fyrir samstarfsaðila geturðu

Kveikt og slökkt á tekjuöflun fyrir vídeóið
Valið auglýsingasnið
Stjórnað auglýsingahléum fyrir miðjubirtingar

Hæfi til auglýsinga

Ef þú ert í þjónustu YouTube fyrir samstarfsaðila geturðu notað síðuna fyrir hæfi til auglýsinga til að gefa vídeóunum þínum einkunn út frá leiðbeiningum okkar um auglýsingavænt efni. Þessi aðgerð hjálpar okkur að taka ákvarðanir um tekjuöflun hraðar og af meiri nákvæmni. Nánar um Sjálfsvottun.

Vídeóeiningar

Bæta spjöldum og lokaskjámyndum við til að sýna áhorfendum þínum tengd vídeó, vefsvæði og áköll.

Skjátextar	Bættu skjátextum við vídeóin þín til að ná til breiðari áhorfendahóps.
Lokaskjámynd	Bættu myndeiningu við lok vídeósins. Vídeóið verður að vera 25 sekúndur eða lengra svo hægt sé að bæta við lokaskjámynd.
Spjöld	Bættu gagnvirku efni við vídeóið þitt.

Athuganir

Notaðu athugunarsíðuna til að skoða vídeóið þitt vegna höfundarréttarvandamála og hæfis til auglýsinga ef þú ert í þjónustu YouTube fyrir samstarfsaðila.

Höfundarréttur: Athugun á höfundarrétti leitar að höfundarréttarvörðu efni í vídeóinu þínu. Ef einhver vandamál finnast geturðu fjarlægt efnið sem gert hefur verið tilkall til úr vídeóinu þínu eða valið að andmæla tilkallinu.
Hæfi til auglýsinga: Athugun á hæfi til auglýsinga kannar hvort vídeóið þitt fylgir leiðbeiningum okkar um auglýsingavænt efni. Ef einhver vandamál finnast geturðu beðið um handvirka yfirferð ef þú heldur að kerfin okkar hafi gert mistök.

Þannig geturðu fengið upplýsingar um mögulegar takmarkanir svo að þú getir lagað vandamál áður en vídeóið er birt. Athuganir geta tekið tíma en þær keyra í bakgrunninum svo að þú getur farið aftur í ferlið síðar. Þú getur líka birt vídeóið þitt á meðan á athugun stendur og svo lagað það sem þarf síðar.

Athugaðu: Athuganir á höfundarrétti og hæfi til auglýsinga eru ekki endanlegar. Til dæmis geta handvirk Content ID-tilköll, punktar vegna höfundarréttabrota og breytingar á vídeóstillingum í framtíðinni haft áhrif á vídeóið þitt.

Sýnileiki

Á síðunni Sýnileiki geturðu valið hvenær þú vilt birta vídeóið þitt og hverjir geta fundið það. Þú getur einnig deilt vídeóinu þínu í á lokaðan hátt.

Athugaðu: Sjálfgefin birtingarstilling fyrir höfunda á aldrinum 13–17 er lokað. Ef þú ert 18 ára eða eldri er sjálfgefna birtingarstillingin stillt á opinbert. Allir geta breytt þessari stillingu til að gera vídeó opinbert, lokað eða óskráð.

Vista eða birta: Til að birta vídeóið þitt núna skaltu velja þennan valkost og velja Lokað, Óskráð eða Opinbert sem birtingarstillingu fyrir vídeóið þitt. Ef þú velur að gera vídeóið opinbert geturðu líka valið Frumsýning strax.
- Athugaðu:
  - Hægt verður að birta vídeóið þegar SD-vinnslu er lokið.
  - Fyrir höfunda á aldrinum 13 til 17, þú getur vistað birtingarstillinguna til síðari nota með því að merkja í reitinn „Muna þessa stillingu í næstu upphleðslu“.
Dagskrá: Veldu þennan kost til að birta vídeóið þitt síðar og veldu birtingardagsetningu vídeósins. Vídeóið þitt verður lokað fram að henni. Þú getur líka stillt vídeóið sem Frumsýning.

Forskoðaðu breytingarnar og gakktu úr skugga um að þær fylgi reglum YouTube og smelltu svo á VISTA.

Athugaðu: Ef reikningurinn þinn er með punkt vegna brota gegn reglum netsamfélagsins verður tímasetta vídeóið ekki birt á refsingartímabilinu. Vídeóið þitt er stillt á „lokað“ meðan á refsingartímabilinu stendur og þú verður að velja annan tíma til að birta vídeóið þegar lokunartímabilinu lýkur. Nánar um punkta vegna brota gegn reglum netsamfélagsins.

Fáðu ábendingar um upphleðslu á vídeóum fyrir höfunda.

Sjá hvernig þú getur hlaðið upp vídeóum

How To Upload Videos with YouTube Studio

Fáðu áskrift að YouTube-höfundarásinni til að fá nýjustu fréttir, uppfærslur og ábendingar.

Nánar um upphleðslu á vídeóum

Hversu mörgum vídeóum þú getur hlaðið upp á hverjum degi

Takmörk eru á því hversu mörgum vídeóum rás getur hlaðið upp á hverjum degi í tölvu, snjalltæki og YouTube forritaskilum. Lestu þessa grein til að hækka daglega hámarkið.

Hlaða upp hljóðskrám

Þú getur ekki hlaðið upp hljóðskrám til að búa til YouTube-vídeó. Hér er listi yfir studd skráarsnið fyrir efni sem hægt er að hlaða upp á YouTube.

Reyndu að breyta hljóðskránni yfir í vídeóskrá með því að bæta við mynd til að geta bætt efninu við á YouTube. YouTube býður ekki upp á verkfæri til að hlaða upp hljóðskrám en þú getur prófað annað klippiforrit.

Kynntu þér muninn á að „hlaða upp“ og „birta“

Þegar þú hleður upp vídeói er vídeóskráin flutt inn á YouTube.

Þegar þú birtir vídeó geta allir horft á vídeóið.

Hlaða upp lóðréttum vídeóum

Þegar þú hleður upp og birtir vídeóið mun YouTube finna út bestu leiðina til að birta efnið. Til að upplifunin verði sem best skaltu ekki bæta svörtum röndum í jaðra lóðrétta vídeósins. Hvort sem vídeóið er lóðrétt, lárétt eða ferhyrningslaga mun vídeóið passa við skjáinn.

Sjáðu hvers vegna dagsetning upphleðslu vídeósins er önnur en birtingardagsetningin

Dagsetning upphleðslu: Dagurinn sem þú hlóðst vídeóinu upp. Birtist við hliðina á lokuðu eða óskráðu vídeói á efnissíðunni þinni.
Birtingardagsetning: Dagurinn sem videóið var birt. Birtist fyrir neðan vídeó í beinni og er alltaf stillt á staðaltíma vesturhluta Bandaríkjana (PST).

Þessar tvær dagsetningar geta verið mismunandi ef þú hefur hlaðið vídeóinu upp sem lokuðu eða óskráðu og birt það síðar.

Ábending: Þú getur stillt vídeóið þitt þannig að það verði birt á ákveðnum tíma.

Svipaðir tenglar

Var þetta gagnlegt?

Hvernig getum við bætt þetta?