Matagal nang binibigyang-priyoridad ng Google ang mga user sa lahat ng ginagawa nito. Bilang bahagi ng pangako namin sa mga user, hinding-hindi kami nagbebenta ng personal na impormasyon at nagbibigay kami sa mga user ng transparency at kontrol sa kanilang mga karanasan sa ad sa pamamagitan ng mga tool tulad ng Aking Account, Bakit Ipinapakita ang Ad na Ito, at I-mute ang Ad na Ito. Namumuhunan din kami sa mga programang tulad ng Coalition for Better Ads, Digital News Initiative, Google News Initiative, at ads.txt para suportahan ang isang maayos at sustainable na ecosystem ng mga ad at matulungang lumago ang mga publisher naming tulad mo.
Noong Agosto 2017, inanunsyo namin ang aming pangakong sundin ang bagong Pangkalahatang Regulasyon para sa Proteksyon ng Data (General Data Protection Regulation o GDPR) ng European Union, na nalalapat sa mga user na nasa European Economic Area (EEA) at UK.
Nagbibigay ang artikulong ito ng mga karagdagang detalye tungkol sa kung paano namin sinusuportahan ang mga naapektuhang publisher. Bukod pa rito, nagbigay kami ng mga sagot sa ilang karaniwang tanong.
Mga responsibilidad ng controller
Sa aming publisher suite (Google Ad Manager, Ad Exchange, AdMob, at AdSense), ikaw at ang Google ay parehong independent na controller ng personal na data. Kami ay controller dahil regular kaming nagpapasya tungkol sa data para maibigay at mapahusay ang produkto — halimbawa, sa pamamagitan ng pagsubok sa mga algorithm na naghahatid ng ad, pagsubaybay sa latency ng end user, at pagtiyak sa katumpakan ng aming system ng paghula. Dagdag pa rito, gumagamit kami ng data para maghatid ng mga ad na may kaugnayan at mahusay ang performance sa mga feature tulad ng Naka-optimize na Pagpepresyo sa bukas na auction. Alamin pa ang tungkol sa kung paano kami nagpoproseso ng data sa Ad Manager at Ad Exchange dito.
Ang pagkakatalaga ng mga produkto ng publisher ng Google bilang controller ay hindi nagbibigay sa Google ng anumang karagdagang karapatan sa data na nakuha mula sa paggamit ng isang publisher sa mga produktong iyon. Ang mga paggamit ng Google sa data ay patuloy na kinokontrol ng mga tuntunin ng kontrata nito sa mga publisher nito, at ng anumang setting na partikular sa feature na pinili ng isang publisher sa pamamagitan ng user interface ng aming mga produkto.
Hindi mo kinakailangang humingi ng pahintulot para sa aktibidad ng isang user sa mga site ng Google (kami ang hihingi noon kapag bumisita ang mga user sa aming mga site). Hinihiling lang naming humingi ka ng pahintulot para sa iyong mga paggamit ng aming mga produkto sa mga ad sa mga property mo. Iniaatas na namin ang paghingi ng ilang partikular na pahintulot sa iyong mga user sa EEA at UK, at ia-update namin ang mga kinakailangang iyon ayon sa GDPR. Hinihikayat ka naming mag-link sa page na ito na para sa mga user na nagpapaliwanag kung paano pinamamahalaan ng Google ang data sa mga produkto nito sa mga ad. Kapag ginawa mo iyon, matutugunan ang kinakailangan sa aming Patakaran sa Pagpapahintulot ng User sa EU (EU User Consent Policy) na bigyan ng impormasyon ang iyong mga user tungkol sa mga paggamit ng Google sa kanilang personal na data.
Mga feature ng processor
Nag-o-operate ang Google bilang data processor para sa ilang feature sa Ad Manager, Ad Exchange, at AdMob. Dahil dito, pinoproseso lang ng Google ang data sa ngalan ng, at ayon sa tagubilin ng, mga nauugnay na publisher.
Suporta sa pahintulot
Nagpakilala ang GDPR ng mahahalagang bagong obligasyon para sa ecosystem (tingnan ang mga sangguniang gabay sa batas at regulasyon ng GDPR sa ibaba), at ipinapakita ito ng mga pagbabagong inanunsyo namin sa aming Patakaran sa Pagpapahintulot ng User sa EU. Na-update namin ang aming Page ng Tulong para sa Patakaran sa Pagpapahintulot ng User sa EU para sagutin ang mga tanong na natanggap namin mula sa aming mga customer.
Nagbibigay kami ng iba't ibang opsyonal na tool para matulungan ka sa pangangalap ng pahintulot ng user sa iyong mga website at app, kasama ang:
- "Privacy at pagmemensahe" ng Funding Choices, isang tool sa pagkuha ng pahintulot na available para sa desktop at mobile web sa mga sumusunod na produkto:
- Mga update sa iminumungkahing wika ng pahintulot sa cookiechoices.org (kung saan kami naglista ng mga alternatibong solusyon sa pagpapahintulot)
- Isang bahagi ng pagpapahintulot para sa mga Accelerated Mobile Page (AMP)
Patuloy kaming makikipag-ugnayan sa IAB Europe tungkol sa kanilang framework ng transparency at pahintulot, at makikipagtulungan din kami sa kanila para matiyak na puwedeng isama sa mga produkto sa paghahatid ng ad ng publisher ng Google (Ad Manager, AdSense) ang mga solusyon sa industriya.
Kontrol sa pag-personalize ng mga ad
Nagbibigay din kami ng mga kontrol ng publisher para sa pag-personalize ng mga ad:
- Ang Mga Kontrol ng Provider ng Teknolohiya ng Ad (Help Center ng Ad Manager, Help Center ng AdMob, Help Center ng AdSense) ay nagbibigay sa iyo ng kakayahang pumili kung aling mga partner ang gusto mong magsukat at maghatid ng mga ad para sa mga user sa EEA at UK sa iyong mga site at app kapag nagbebenta ng imbentaryo sa pamamagitan ng mga programmatic na channel, kasama ang Programmatic Guaranteed. Puwede mong piliin ang iyong mga gustong partner sa isang listahan ng mga kumpanyang nagbigay sa amin ng impormasyon tungkol sa kanilang pagsunod sa GDPR - at lahat sila ay kailangan ding sumunod sa aming patakaran sa paggamit ng data para makatulong na protektahan ang data ng mga user mo. Available ang kumpletong listahan ng mga provider ng teknolohiya ng ad na itinatampok sa mga kontrol na iyon sa Mga Help Center para sa Ad Manager, AdSense, at AdMob. (Dapat makipag-ugnayan ang mga partner sa pagsukat at teknolohiya ng ad na hindi pa nagbibigay ng ganitong impormasyon gamit ang form na ito).
- Ang isang solusyon para sa Mga Hindi Naka-personalize na Ad (Help Center ng Ad Manager, Help Center ng AdSense) ay nagbibigay-daan sa iyong papiliin sa mga naka-personalize at hindi naka-personalize na ad ang mga user sa EEA at UK (o magpasyang maghatid lang ng mga hindi naka-personalize na ad sa lahat ng user sa EEA at UK). Ang Mga Hindi Naka-personalize na Ad ay gumagamit lang ng impormasyon ayon sa konteksto, kasama ang hindi masyadong tumpak at pangkalahatang lokasyon (sa level ng lungsod).
- Bagama't hindi gumagamit ng cookies ang mga ad na ito para sa pag-personalize ng mga ad, gumagamit ang mga ito ng cookies para sa capping ng dalas, pinagsama-samang pag-uulat ng ad, at para labanan ang panloloko at pang-aabuso. Samakatuwid, kinakailangan ang pahintulot para makagamit ng cookies para sa mga layuning iyon mula sa mga user sa mga bansa kung saan nalalapat ang mga probisyon sa cookie ng ePrivacy Directive.
Mga regulasyon sa privacy ng bata sa Europe
Noong Agosto 2020, inanunsyo namin ang aming pangakong sundin ang Age Appropriate Design Code (AADC) na nalalapat sa mga user sa United Kingdom, at mga karagdagang regulasyon sa privacy ng bata na nalalapat sa mga user sa European Economic Area (EEA) at Switzerland.
Sa ilalim ng Age Appropriate Design Code at mga nauugnay na regulasyon sa privacy ng bata, hindi puwedeng magpakita ang mga publisher ng mga naka-personalize na ad sa mga user na wala pang 18 taong gulang sa European Economic Area, United Kingdom, at/o Switzerland. Bilang publisher, puwede mong markahan ang isang kahilingan sa ad para sa limitadong pagpoproseso ng data sa pamamagitan ng paggamit sa TFUA tag para magsaad ng kahilingan para sa isang user na wala pang 18 taong gulang. Bukod pa rito, magpapatupad ang Google ng mga pag-iingat para pigilang maipakita ang mga kategorya ng ad na sensitibo sa edad at ifi-filter nito ang mga creative batay sa aming mga patakaran.
Mga sangguniang gabay sa batas at regulasyon ng GDPR
Para sa higit pang impormasyon tungkol sa GDPR at sa paglalapat nito sa mga digital publisher at pag-advertise:
- Article 29 Working Party Guidelines on consent under the GDPR (2018)
- Article 29 Working Party Guidelines on transparency under the GDPR (2018)
- Opinion 06/2014 on the notion of legitimate interests of the data controller under Article 7 of Directive 95/46/EC
- IAB Europe Guidance: Five Practical step to comply with the EU E-Privacy Directive (2015)
Para sa gabay sa regulasyon tungkol sa pagpapahintulot sa cookie sa pag-advertise, sumangguni sa: