Tandaan: Simula sa Hunyo 2026, ia-update ng Google Ads kung paano nilalagyan ng label ang mga strategy sa pag-bid. Magiging "Target na CPA" ang "I-maximize ang mga conversion na may Target na CPA," at magiging "Target na ROAS" ang "I-maximize ang halaga ng conversion na may Target na ROAS." Bagama't posibleng naiiba nang kaunti ang mga pangalang nakikita mo sa panahon ng transition na ito, parehong-pareho pa rin ang pinagbabatayang gawi sa pag-bid. Hindi mo kakailanganing gumawa ng anumang aksyon sa iyong account bilang resulta ng mga pagbabagong ito.
Matuto pa tungkol sa Mga pagbabago sa kung paano nakaayos ang mga Smart Bidding strategy para sa mga Search campaign.
Ang Smart Bidding sa Google Ads ay tumutukoy sa mga strategy sa pag-bid na gumagamit ng Google AI para mag-optimize para sa mga conversion o halaga ng conversion sa bawat auction, isang feature na kilala bilang “pag-bid sa oras ng auction." Ang Target na CPA, Target na ROAS, Pag-maximize ng mga conversion, at Pag-maximize ng halaga ng conversion ay mga Smart Bidding strategy.
Ang Smart Bidding ay isa sa ilang paraan ng pag-bid sa Google Ads.
Sa page na ito
- Mga Smart Bidding strategy
- Mga benepisyo ng Smart Bidding
- Sino ang nakikinabang sa Smart Bidding
- Gumawa ng Smart Bidding strategy
- Mga FAQ sa Smart Bidding
Mga Smart Bidding strategy
Piliin ang tamang Smart Bidding strategy sa Google Ads batay sa iyong mga layunin:
Para makita ang mga subtitle sa iyong wika, i-on ang mga caption sa YouTube. Piliin ang icon ng Mga Setting sa kanang sulok sa itaas ng video player, piliin ang Mga Caption, at pagkatapos ay tukuyin ang iyong wika.
| Layunin ng negosyo | Layunin ng campaign | Smart Bidding strategy |
|---|---|---|
| Paramihin ang mga benta o lead | Makakuha ng maraming conversion hangga't posible sa nakatakdang badyet o nakatakdang ROI | Pag-maximize ng mga conversion, Target na CPA |
| Palakihin ang tubo | Makakuha ng pinakamaraming conversion na posible sa nakatakdang badyet o nakatakdang return on ad spend (ROAS) | Target na ROAS, Pag-maximize ng halaga ng conversion |
Mga benepisyo ng Smart Bidding
Higit pang ginagamit ng Smart Bidding sa Google Ads ang mga benepisyo ng naka-automate na pag-bid na nakatuon sa layunin at inilalapat ang mga iyon sa mga conversion (mga pag-click na na-convert sa mga pagbili o serbisyo) at halaga ng conversion.
Sa Smart Bidding, magkakaroon ka ng 4 na mahahalagang benepisyong makakatulong sa iyong makatipid ng oras at mapahusay ang performance.
1. Advanced na machine learning
Sa Smart Bidding, ang mga algorithm ng machine learning ay nagsasanay gamit ang napakaraming data para matulungan kang hulaan nang mas tumpak kung paano puwedeng makaapekto ang iba't ibang halaga ng pag-bid sa mga conversion o halaga ng conversion sa buong account mo. Ang mga algorithm na ito ay nagsasaalang-alang ng saklaw ng mga parameter na nakakaapekto sa performance na mas malawak pa kaysa sa kayang kalkulahin ng isang tao o team.
2. Malawak na saklaw ng mga signal na ayon sa konteksto
Sa pag-bid sa oras ng auction, puwede kang magsaalang-alang ng malawak na saklaw ng mga signal sa iyong mga pag-optimize ng pag-bid. Ang mga signal ay mga natutukoy na attribute tungkol sa isang tao o sa kanyang konteksto sa oras ng isang partikular na auction. Kasama rito ang mga attribute gaya ng device at lokasyon, na available bilang mga manual na adjustment ng bid, at mga karagdagang signal at kumbinasyon ng signal na eksklusibo sa Smart Bidding. Magsuri ng listahan ng ilan sa mahahalagang signal na ito sa ibaba.
Mga signal ng naka-automate na pag-bid
Device
Paglalarawan: Puwedeng mag-optimize ang Google Ads ng mga bid para sa mga strategy na Target na CPA o Target na ROAS batay sa kung gumagamit ng mobile, desktop, o tablet device ang isang tao.
Halimbawa: Para sa isang dealership ng sasakyan, puwedeng i-adjust ang mga bid kung naghahanap sa isang mobile device ang isang tao, dahil mas malamang siyang mag-book ng appointment sa isang lokasyon sa malapit.
Aktwal na lokasyon
Paglalarawan: Puwedeng mag-optimize ang Google Ads ng mga bid batay sa partikular na lokasyon (hanggang sa lungsod) kung saan matatagpuan ang isang tao, kahit na hindi kasing partikular nito ang ginagamit na pag-target ng lokasyon ng advertiser.
Halimbawa: Para sa isang bangko, kahit na nakatakda sa estado ng New York ang pag-target ng lokasyon ng advertiser, puwedeng i-adjust ang mga bid kung hahanapin ng isang tao ang “bagong checking account” mula sa isang lungsod na mas maraming bilang ng mga branch kung saan siya mas malamang na mag-apply para sa isang account.
Layunin sa lokasyon
Paglalarawan: Puwedeng mag-optimize ang Google Ads ng mga bid batay sa layunin sa lokasyon ng isang tao, dagdag pa sa kanyang aktwal na lokasyon.
Halimbawa: Para sa isang travel provider, puwedeng i-adjust ang mga bid kung aktibong nananaliksik ang isang tao tungkol sa isang destinasyon sa pagbabakasyon na iniaalok mo (hal. “mga bakasyon sa paris sa agosto”), kahit na hindi malapit doon ang kanyang aktwal na lokasyon.
Weekday at oras ng araw
Paglalarawan: Puwedeng mag-optimize ang Google Ads ng mga bid batay sa lokal na oras ng araw at araw ng linggo ng isang tao sa kanyang time zone.
Halimbawa: Para sa isang restaurant, puwedeng i-adjust ang mga bid kung naghahanap ang isang tao sa 8 PM ng Huwebes, kung kailan mas malamang na magpareserba ang mga tao para sa darating na weekend, kumpara sa 8 AM ng Lunes.
Listahan ng remarketing
Paglalarawan: Puwedeng mag-optimize ang Google Ads ng mga bid sa Search, Display, at Hotel batay sa kung saang listahan ng remarketing nabibilang ang isang tao. Matutukoy rin ng Search at Display kung kailan lang idinagdag ang isang user sa listahang iyon. Isinasaalang-alang din ng Search ang bawat listahan na kinabibilangan ng user para sa isang partikular na campaign o ad group.
Halimbawa: Para sa isang online na retailer ng damit, puwedeng i-adjust ang mga bid kung na-browse na ng isang tao ang isang produkto sa nakaraan niyang pagbisita sa site, at kung idinagdag niya ito sa isang shopping cart noong nakaraang linggo, kung kailan mas malamang na gustuhin niya itong bilhin kaagad, kumpara sa nakaraang buwan.
Mga katangian ng ad
Paglalarawan: Puwedeng mag-optimize ang Google Ads ng mga bid batay sa kung aling bersyon ng isang ad ang ipapakita, at kung para ito sa isang mobile app.
Halimbawa: Para sa isang kumpanya ng telecom, puwedeng i-adjust ang mga bid kung ang ipinapakitang ad ay ang creative na “Mga Pinakabagong Deal” o ang creative na “Mga Flexible Plan,” o kung humahantong ito sa pang-mobile na site o app, batay sa kung aling variation ang mas malamang na mag-convert. Para sa mga Display campaign, isinasaalang-alang ng mga bid kung aling mga laki at format ng ad ang mas malamang na mag-convert.
Wika ng interface
Paglalarawan: Puwedeng mag-optimize ang Google Ads ng mga bid batay sa language preferences ng isang tao.
Halimbawa: Para sa isang Spanish language learning na site, puwedeng i-adjust ang mga bid para sa query na “mag-aral ng bagong wika” kung nakatakda sa English ang language preference ng isang tao sa halip na Spanish, kung saan mas malabo siyang bumili ng bagong tutorial.
Browser
Paglalarawan: Puwedeng mag-optimize ang Google Ads ng mga bid batay sa browser na ginagamit ng isang tao.
Halimbawa: Para sa isang kumpanya ng masusustansyang pagkain, puwedeng i-adjust ang mga bid kung naghahanap ang isang tao gamit ang Chrome, na mas malamang na magresulta sa conversion para sa negosyong iyon dati, kumpara sa iba pang browser.
Operating system
Paglalarawan: Puwedeng mag-optimize ang Google Ads ng mga bid batay sa operating system na ginagamit ng isang tao.
Halimbawa: Para sa isang developer ng gaming app, puwedeng i-adjust ang mga bid kung naghahanap ang isang tao ng “larong puzzle” sa Google Play mula sa isang Android device na na-upgrade na sa pinakabagong bersyon ng OS, na mas malamang na magresulta sa isang pag-install ng app, kumpara sa isang mas lumang bersyon ng OS.
Aktwal na query sa paghahanap (Search at Shopping)
Paglalarawan: Puwedeng mag-optimize ang Google Ads ng mga bid batay sa text ng query na nag-trigger sa ad, hindi lang sa tumutugmang keyword.
Halimbawa: Para sa isang retailer ng sapatos, puwedeng i-adjust ang mga bid kung “leather boots” ang query sa paghahanap ng isang tao dahil mas malamang na bumili siya ng bagong pares kumpara sa isang paghahanap para sa “boot repairs,” kahit na parehong malawak na tumutugma sa keyword na “boots” ang mga query.
Partner sa Search Network (Search lang)
Paglalarawan: Puwedeng mag-optimize ang Google Ads ng mga bid batay sa kung sa aling site ng partner sa paghahanap lumalabas ang ad.
Halimbawa: Para sa isang brand ng consumer packaged goods, puwedeng i-adjust ang mga bid kung nagmumula ang query sa isang mas may kaugnay na paghahanap sa isang site para sa ecommerce, na mas malamang na magresulta sa conversion, kumpara sa isang site ng balita.
Placement sa web (Display lang)
Paglalarawan: Puwedeng mag-optimize ang Google Ads ng mga bid batay sa kung sa aling placement sa site lumalabas ang ad.
Halimbawa: Para sa isang brand ng consumer packaged goods, puwedeng i-adjust ang mga bid kung lumalabas ang ad sa isang sikat na site na mataas ang trapiko, na mas malamang na magresulta sa conversion.
Gawi sa site (Display lang)
Paglalarawan: Puwedeng mag-optimize ang Google Ads ng mga bid batay sa aktibidad ng isang tao sa iyong site, kasama na ang bilang ng mga page na tiningnan, ang halaga ng mga na-browse na produkto, kung gaano na siya kalayo sa proseso ng conversion, at iba pang mga site na dati niyang binisita.
Halimbawa: Para sa isang brand ng furniture, puwedeng i-adjust ang mga bid kung nag-browse ang isang tao ng ilang sofa na mas mataas ang presyo kumpara sa mga lamp na mas mababa ang inirerekomendang presyo.
Mga attribute ng produkto (Shopping lang)
Paglalarawan: Puwedeng i-optimize ng Smart Bidding sa Google Shopping ang mga bid batay sa magkakatulad na attribute ng iba't ibang produkto, gaya ng presyo, kundisyon, brand, at kategorya ng produkto.
Halimbawa: Para sa isang retailer na nagbebenta ng outdoor gear, puwedeng i-adjust ang mga bid kung magdaragdag ka ng bagong tent sa iyong data ng produkto na katulad ng iba pang tent na malamang na magresulta sa conversion.
Mga attribute ng hotel at itinerary (Mga Hotel lang)
Paglalarawan: Puwedeng mag-optimize ang Google Ads ng mga bid batay sa mga attribute ng hotel at itinerary na pinili ng user.
Halimbawa: Para sa isang partikular na hotel, puwedeng i-adjust ang mga bid kung ang mga positibong rating ng user at ang pagkakaroon ng mga petsa ng pag-check in at pag-check out na pinili ng user (kaysa sa default) ay mas malamang na magresulta sa pag-book ng hotel.
Mga rating ng mobile app (paparating na)
Paglalarawan: Puwedeng mag-optimize ang Google Ads ng mga bid batay sa kalidad at dami ng mga review ng isang app.
Halimbawa: Para sa isang brand ng fitness, puwedeng i-adjust ang mga bid kung maraming magagandang review ang isang app at mas malamang itong magresulta sa pag-install.
Pagiging mapagkumpitensya ng presyo (Shopping at Mga Hotel lang)
Paglalarawan: Puwedeng mag-optimize ang Smart Bidding sa Google Shopping at Mga Hotel ng mga bid batay sa kung gaano kalapit ang presyo ng iyong produkto sa presyo ng produkto ng iba pang advertiser na kasali rin sa mga auction na sinasalihan mo.
Halimbawa: Para sa isang retailer ng cookware, puwedeng i-adjust ang mga bid kung nag-aalok ka ng mas sulit na deal para sa isang set ng kutsilyo kumpara sa iba pang advertiser.
Seasonality (Shopping lang)
Paglalarawan: Puwedeng mag-optimize ang Smart Bidding sa Google Shopping ng mga bid batay sa mga seasonal na trend sa performance sa iba't ibang pagkakataon sa buong taon.
Halimbawa: Para sa isang retailer ng electronics, puwedeng i-adjust ang mga bid kung naghahanap ang isang tao ng bagong telebisyon sa holiday season, na karaniwang mas malamang na magresulta sa conversion.
3. Mga flexible na kontrol sa performance
Nagbibigay-daan sa iyo ang Smart Bidding na magtakda ng mga target sa performance at i-customize ang mga setting para sa mga natatangi mong layunin sa negosyo:
- I-optimize ang mga bid sa Search sa napili mong modelo ng attribution, kasama na ang attribution na batay sa data.
- Magtakda ng mga target na performance na partikular sa device para sa mobile, desktop, at tablet gamit ang Target na CPA na pag-bid.
- Gumamit ng mga built-in na feature sa pag-steer para panatilihin ang mga partikular na strategy sa pag-bid. Suriin ang Paano i-steer ang mga AI-powered na Search ad para sa mga detalye.
4. Transparent na pag-uulat sa performance
Nag-aalok ang Smart Bidding ng mga tool sa pag-uulat na nagbibigay sa iyo ng mas detalyadong insight tungkol sa performance ng pag-bid mo at tumutulong sa iyong ma-troubleshoot kaagad ang anumang isyu. Kabilang sa mga ito ang:
- Mga ulat sa strategy sa pag-bid na tumutulong sa iyong maunawaan kung gaano kahusay ang performance ng mga Smart Bidding strategy mo. Alamin Kung paano hanapin ang iyong mga ulat sa strategy sa pag-bid
- Mga detalyadong status ng diskarte sa pag-bid na nagpapakita sa iyo ng mga nangyayari sa likod ng pag-bid mo.
- Mga draft at eksperimento sa campaign para sa mga Search at Display campaign na nagpapadali sa pagsubok sa kung gaano kahusay ang performance ng Smart Bidding kumpara sa iyong kasalukuyan paraan ng pag-bid.
- Mga simulator na humuhula kung ano sana ang naging performance ng iyong mga ad pagdating sa mga pangunahing sukatan tulad ng gastos, mga conversion, halaga ng conversion, mga impression, at mga pag-click kung nagtakda ka ng ibang CPA, mga target na ROAS, o mga badyet.
- Mga alerto at notification na nagfa-flag ng mga isyu sa pagsubaybay sa conversion at nagbibigay ng malilinaw na hakbang para sa pag-aayos sa mga ito.
Sino ang nakikinabang sa Smart Bidding
Mabisa ang Smart Bidding sa Google Ads para sa malalaki at maliliit na negosyo. Puwedeng mag-optimize ang Smart Bidding batay sa data mula sa lahat ng iyong campaign, kaya kahit ang mga bagong campaign na walang sariling data ay puwedeng makapansin ng pinahusay na performance. Para tumpak na masuri ang mga resulta, inirerekomenda ng Google Ads na sukatin ang performance sa loob ng mas mahahabang panahon na may hindi bababa sa 30 conversion, gaya ng isang buwan o mas matagal (50 conversion para sa Target na ROAS). Puwedeng magdagdag ng nauugnay na keyword sa mga campaign na may mababang dami para palawakin ang pag-target at pataasin ang mga conversion.
Dapat sumunod ang mga advertiser na gumagamit ng Smart Bidding sa mga naaangkop na legal requirement at sa mga patakaran sa Google Ads. Halimbawa, responsibilidad mong tiyaking nakakasunod ang iyong paggamit ng Smart Bidding sa mga patakaran sa naka-personalize na pag-advertise ng Google. Mahalagang maging pamilyar ka sa mga signal na ayon sa konteksto na ginagamit sa Smart Bidding para matukoy mo kung angkop ba ang Smart Bidding para sa iyong negosyo.
Gumawa ng Smart Bidding strategy
Bago gumawa ng Smart Bidding strategy
Para magamit ang Smart Bidding sa Google Ads, kailangan mong i-enable ang pagsubaybay sa conversion. Matuto pa tungkol sa Iba't ibang paraan para sumubaybay ng mga conversion
Sa pinagandang experience na ito, mas madaling makukumpleto ng iyong mga customer ang mga nilalayon nilang pagkilos, pagbili man ito, pag-sign up, o pagdaragdag ng mga item sa kanilang cart. Dagdag pa rito, mula sa interface ng App Connect, masusubaybayan mo ang mga in-app na pagkilos na conversion na ito at makakakuha ka ng mga rekomendasyon kung paano papahusayin ang iyong campaign.
Para magsimula sa App Connect, sundin ang 2 hakbang sa ibaba:
- Sa iyong Google Ads account, piliin ang Tools icon
.
- Piliin ang Hub ng pag-advertise ng app. Dadalhin ka nito sa interface ng App Connect.
.Matuto pa tungkol sa pag-convert nang mas mahusay sa interface ng App Connect.
Puwede kang gumawa ng Smart Bidding strategy para sa isang campaign (karaniwang strategy) o maraming campaign (portfolio na strategy sa pag-bid):
- Gumawa gamit ang bagong campaign
- Gumawa o magbago mula sa mga setting ng campaign
- Gumawa mula sa “Mga strategy sa pag-bid”
Para gawin, suriin, o pamahalaan ang iyong mga strategy sa pag-bid, gawin ang mga sumusunod na hakbang:
- Sa iyong Google Ads account, i-click ang Tools icon
- Piliin ang drop down na Mga badyet at pag-bid sa menu ng seksyon.
- Piliin ang Mga strategy sa pag-bid.
Attribution ng conversion ng video ad para sa Smart Bidding
Para sa mga video ad na gumagamit ng Smart Bidding, gumagamit ang Google Ads ng mga data ng conversion mula sa iyong mga campaign para mahulaan kung gaano kalaki ang posibilidad na humantong sa isang conversion ang engagement sa video ad mo.
Ang mga engagement para sa mga uri ng campaign (halimbawa, Video action campaign, Demand Gen, at Performance Max) na may mga video ad na na-optimize para sa mga conversion ay tinutukoy bilang mga pag-click sa ad o kahit 10 segundong tagal ng panonood. Kung pareho itong mangyayari, ang pag-click lang ang bibilangin. Itinuturing na hahantong sa conversion sa website ang panonood ng kahit 10 segundo ng isang video ad kung nangyari ang conversion sa loob ng 3 araw mula sa engagement. Para sa mga user na magki-click sa iyong ad, maa-attribute pa rin ang mga conversion sa loob ng kasalukuyan mong palugit ng conversion.
Palaguin ang iyong mga Smart Bidding campaign gamit ang mga malawak na tugmang keyword
Mahusay na naipapares ang mga malawak na tugmang keyword sa mga Smart Bidding strategy, kasama ang Pag-maximize ng mga conversion, Pag-maximize ng halaga ng conversion, Target na CPA, at Target na ROAS.
Hindi na kailangang mag-segment ayon sa uri ng pagtutugma para ma-boost ang pag-optimize. Nagtatakda ang system ng pag-bid ng bid para sa bawat indibidwal na auction ng bawat query at dinaragdagan o binabawasan nito ang bid depende sa kung gaano kahusay ang malamang na magiging performance ng query. Kapag naglapat ng mga malawak na tugmang keyword, mas mabilis matututo ang mga algorithm at makakahanap ang mga ito ng mga karagdagang auction na makakatulong sa iyong makamit ang mga layunin mo sa paglago. Matuto pa tungkol sa mga malawak na tugmang keyword.
Mga FAQ sa Smart Bidding
Ano ang bentahe ng pag-automate ng iyong bid kumpara sa paggamit ng manual na pag-bid pagdating sa isang matagumpay na Google Ads campaign?
Mas pinapadali at pinapatumpak ng naka-automate na pag-bid, lalo na ang Smart Bidding, ang pagtatakda ng mga bid para matugunan ang iyong mga layunin sa performance. Gumagamit ang Smart Bidding ng advanced na machine learning para i-optimize ang mga bid sa oras ng bawat auction (pag-bid sa oras ng auction), at isinasaalang-alang nito ang mas malawak na saklaw ng mga signal ayon sa konteksto, na humahantong sa mga mas tumpak na hula tungkol sa kung paano posibleng makaapekto ang mga halaga ng pag-bid sa mga conversion o halaga ng conversion.
Ilang conversion ang inirerekomenda ng Google para sa Smart Bidding?
Bagama't puwede mong i-on ang Smart Bidding nang walang dating data, inirerekomenda ng Google na matugunan ang ilang partikular na baseline ng conversion. Nakakatulong ang data na ito sa system na i-calibrate ang iyong mga campaign at nagbibigay-daan ito sa iyong tumpak na suriin ang performance mo.
Dahil nag-iiba-iba ang mga rekomendasyon sa data ayon sa uri ng campaign, dapat mong tingnan ang mga partikular na gabay sa tulong para suriin ang mga alituntunin para sa bawat strategy:
Puwede ba akong gumamit ng mga Smart Bidding strategy para sa iba pang uri ng campaign tulad ng mga Shopping at Video action campaign?
Oo, puwede kang gumamit ng mga Smart Bidding strategy para sa iba pang uri ng campaign tulad ng mga Shopping at Video action campaign.
Inilalapat ang Smart Bidding sa iba't ibang uri ng campaign sa pamamagitan ng paggamit ng mga signal na natatangi sa bawat environment. Halimbawa:
- Ginagamit ng mga Shopping campaign ang mga attribute ng produkto (gaya ng presyo, brand, at kundisyon), pagiging mapagkumpitensya ng presyo kumpara sa iba pang advertiser, at mga trend ng seasonal na performance para sa pag-optimize.
- Gumagamit ang mga video action campaign at iba pang uri ng campaign na may video tulad ng Demand Gen at Performance Max ng data ng conversion para hulaan ang posibilidad ng conversion batay sa engagement sa ad, gaya ng pag-click o kahit man lang 10 segundong panonood.
