Kutokana na vita vinavyoendelea Ukraini, tutasimamisha kwa muda kuwapatia matangazo ya Google na YouTube watumiaji walio nchini Urusi. Pata maelezo zaidi.
Iwapo unachuma mapato kwenye YouTube, unapaswa kuunganisha akaunti iliyoidhinishwa ya AdSense katika YouTube ili uchume mapato na upokee malipo.
Kufungua na kuunganisha akaunti ya AdSense katika YouTube
Kufungua akaunti ya AdSense katika YouTube na kuiunganisha kwenye chaneli yako ni hatua muhimu katika mchakato wa kupokea malipo kwenye YouTube. Kumbuka kuwa iwapo tayari upo katika Mpango wa Washirika wa YouTube, unaweza kubadilisha akaunti yako iliyounganishwa ya AdSense katika YouTube ukipenda kufanya hivyo. Unaweza pia kuchuma mapato kwenye zaidi ya chaneli moja ya YouTube kupitia akaunti sawa ya AdSense katika YouTube.
AdSense kwa Watayarishi wa YouTube
Unaweza kufungua akaunti mpya ya AdSense katika YouTube na uiunganishe kwenye chaneli yako:
- Ingia katika akaunti ya Studio ya YouTube.
- Katika menyu ya kushoto, chagua kichupo cha Mapato.
- Bofya ANZA katika kadi ya Jisajili kwenye AdSense katika YouTube.
- Ukiombwa, weka nenosiri la akaunti yako ya YouTube kisha uthibitishe upya ikihitajika.
- Chagua akaunti ya Google ambayo ungependa kutumia kwenye AdSense katika YouTube.
- Kumbuka: iwapo tayari unatumia AdSense kwa sababu nyingine nje ya YouTube, ingia katika akaunti ukitumia akaunti ya Google uliyotumia kwenye akaunti yako iliyopo ya AdSense.
- Sasa umeingia kwenye AdSense katika YouTube. Ukishafika hapa, thibitisha kuwa anwani ya barua pepe ni sahihi katika sehemu ya juu ya ukurasa. Iwapo si sahihi, bofya Tumia akaunti tofauti ili ubadilishe akaunti.
- Endelea kuweka mipangilio ya akaunti yako. Weka maelezo yako ya mawasiliano kisha utume ombi lako la akaunti ya AdSense katika YouTube.
Baada ya kufuata hatua zilizo hapo juu, utaelekezwa kwenye Studio ya YouTube, ambapo utaona ujumbe unaothibitisha kuwa ombi lako la akaunti ya AdSense katika YouT u be limepokelewa. Tafadhali kumbuka kuwa iwapo hutaelekezwa kwenye Studio, ombi lako halikukamilika. Kagua akaunti yako ya AdSense katika YouTube ili uangalie ikiwa kuna hatua zozote ambazo hujakamilisha. AdSense katika YouTube itakuarifu kupitia barua pepe baada ya akaunti yako kuidhinishwa, shughuli ambayo kwa kawaida huchukua siku kadhaa lakini wakati mwingine inaweza kuchukua wiki 2 hadi 3. Baada ya kuidhinishwa, utaona ujumbe wa kuthibitisha katika Studio ya YouTube kwenye kadi ya Jisajili kwenye AdSense katika YouTube unaosema kuwa akaunti yako ya AdSense katika YouTube imeidhinishwa na inatumika.
Sifahamu iwapo tayari nina akaunti ya AdSense au AdSense katika YouTube
- Ingia katika akaunti yako ya YouTube kisha uende kwenye https://studio.youtube.com/channel/UC/monetization
- Bofya Anza kwenye kadi ya "Jisajili kwenye AdSense katika YouTube".
- Utahitaji kuweka nenosiri la akaunti yako ya YouTube kisha uthibitishe upya. Pata maelezo kuhusu jinsi ya kuthibitisha upya akaunti yako ya YouTube.
- Chagua akaunti ya Google ambayo ungependa kutumia kuingia katika akaunti ya AdSense katika YouTube. Iwapo tayari una akaunti ya AdSense au AdSense katika YouTube, ni lazima uingie katika akaunti ukitumia akaunti ya Google unayotumia kufikia akaunti yako iliyopo. Huenda akaunti hii ikawa tofauti na vitambulisho vya kuingia katika akaunti unavyotumia kuingia katika YouTube.
- Utaelekezwa kwenye ukurasa wa kujisajili wa AdSense katika YouTube . Thibitisha kuwa barua pepe iliyo katika sehemu ya juu ya ukurasa ni sahihi. Iwapo akaunti ambayo imeonyeshwa si sahihi, bofya "Tumia akaunti tofauti" ili ubadilishe akaunti.
- Bofya Kubali Uunganishaji.
- Utaelekezwa kwenye Ukurasa wa mapato katika Studio ya YouTube.
- Baada ya kuunganisha akaunti yako ya AdSense katika YouTube, tutaweka alama ya kijani kwenye hatua hii ili kuonyesha kuwa “Imekamilika” kwenye kadi ya “Jisajili kwenye AdSense katika YouTube”.
Kuweka mipangilio ya AdSense katika YouTube kupitia akaunti ya Kidhibiti Maudhui
- Ingia katika akaunti yako ya Kidhibiti Maudhui.
- Nenda kwenye Mipangilio.
- Chini ya sehemu ya Muhtasari, utaona AdSense katika YouTube (huenda ukahitaji kusogeza ili uione).
- Bofya Badilisha.
- Bofya Endelea kwenye AdSense.
- Utahitaji kuweka nenosiri la akaunti yako ya YouTube kisha uthibitishe upya. Pata maelezo kuhusu jinsi ya kuthibitisha upya akaunti yako ya YouTube.
- Chagua akaunti ya Google ambayo ungependa kutumia kuingia katika akaunti ya AdSense katika YouTube. Iwapo tayari una akaunti ya AdSense au AdSense katika YouTube, ni lazima uingie katika akaunti ukitumia Akaunti ya Google unayotumia kufikia akaunti yako iliyopo.
- Ukiombwa, weka nenosiri la akaunti yako ya AdSense katika YouTube. Huenda maelezo haya yakawa tofauti na vitambulisho unavyotumia kuingia katika akaunti ya YouTube.
- Thibitisha chaneli ya YouTube unayounganisha na akaunti ya AdSense katika YouTube na uchague lugha ya msingi ya chaneli hiyo. Ingawa unachagua chaneli moja ya YouTube ili kukamilisha uunganishaji wa AdSense katika YouTube, YouTube itaonyesha matangazo kwenye chaneli zote zilizounganishwa kwenye Kidhibiti chako cha Maudhui.
- Bofya Kubali Uunganishaji na uweke maelezo yako ya malipo, ukiombwa.
Matatizo ya kawaida
Tumia maelezo yaliyo hapa chini ili utatue matatizo ya kawaida unapojaribu kuunganisha akaunti ya AdSense katika YouTube kwenye chaneli yako.
Nimefungua akaunti mpya ya AdSense katika YouTube, lakini haijaidhinishwa kwa sababu tayari nina akaunti iliyopo ya AdSense au AdSense katika YouTube
Unapaswa kuwa na akaunti moja tu ya AdSense au AdSense katika YouTube yenye jina sawa la anayelipwa kwa mujibu wa Sheria na Masharti ya AdSenseau Sheria na Masharti ya AdSense katika YouTube, kama yanavyotumika. Iwapo tutagundua kuwa una akaunti nyingine, hatutaidhinisha akaunti yako mpya uliyofungua ya AdSense katika YouTube.
Tafuta kwenye vikasha vya barua pepe yako iwapo kuna barua pepe yenye mada “Tayari una akaunti ya AdSense au AdSense katika YouTube”. Ujumbe huu utakuwa na maelezo kuhusu akaunti yako iliyopo ya AdSense au AdSense katika YouTube. Ukiwa na maelezo haya, una chaguo mbili za kurekebisha tatizo hili:
Tumia akaunti (ya zamani) iliyopo
- Ingia katika akaunti ya Studio ya YouTube kisha ubofye Badilisha Uunganishaji.
- Katika menyu ya kuchagua akaunti, teua Akaunti ya Google inayotumia akaunti yako iliyopo (ya zamani) ya AdSense au AdSense katika YouTube.
- Bofya Kubali Uunganishaji.
Utaelekezwa kwenye Studio ya YouTube, ambako utaweza kuona akaunti iliyounganishwa kwenye chaneli yako.
Kutumia akaunti mpya ambayo umefungua sasa hivi
Kwanza, utahitaji kufunga akaunti (ya zamani) iliyopo
- Ingia katika akaunti yako iliyopo ya AdSense au AdSense katika YouTube, kama inavyotumika.
- Fuata hatua hapa ili ufunge akaunti yako.
Ukishafunga, ingia katika akaunti yako mpya ya AdSense katika YouTube ili uthibitishe kuwa umefunga ile ya zamani.
Matatizo ya Kuthibitisha Anwani (PIN)
Hatua ya kukamilisha uthibitishaji wa anwani (PIN) kwenye AdSense katika YouTube inahitajika ili udumishe mchakato wa uchumaji mapato kwenye chaneli na upokee malipo.
Iwapo umeunganisha akaunti mpya ya AdSense katika YouTube kwenye chaneli yako, utatumiwa kadi ya kuthibitisha PIN kwenye anwani ya mahali halisi ulipo utakapofikisha salio la $10. Kadi hii ya uthibitishaji wa PIN itajumuisha namba ya PIN unayopaswa kuweka katika akaunti yako ili uthibitishe anwani yako.
Iwapo umeunganisha na akaunti iliyopo ya AdSense au AdSense katika YouTube, huenda ukahitaji kusubiri angalau wiki 3 kabla ya kadi ya kuthibitisha PIN kuwasili kupitia barua. Iwapo hujaipokea kadi hiyo baada ya wiki 3, unaweza kuomba kupokea kadi mpya ya kuthibitisha PIN.
Hakikisha kuwa anwani iliyo kwenye akaunti ya AdSense katika YouTube inalingana na anwani inayotambuliwa na ofisi ya posta iliyo karibu nawe. Kuwa na anwani sahihi husaidia ofisi ya posta ya karibu kufikisha barua yako. Iwapo hazifanani, unahitaji kubadilisha anwani ya malipo katika akaunti yako ili zifanane.
Iwapo unahitaji usaidizi wa uthibitishaji wa anwani (PIN), rejelea nyenzo hizi za Usaidizi:
Nini kitafanyika iwapo sitathibitisha anwani yangu?
Iwapo hutathibitisha anwani yako ndani ya miezi 4, uchumaji wa mapato utasitishwa kwenye chaneli yako. Hii inajumuisha kusitisha uwezo wa kufikia vipengele kama vile:
- Uanachama katika chaneli
- Super Chat na zaidi
Uchumaji wa mapato utaendelea kwenye chaneli yako baada ya kuthibitisha anwani yako.
Matatizo mengine
Nimeonyeshwa arifa ya “Sahamani, hitilafu fulani imetokea” katika Studio ya YouTube
Ujumbe huu kuhusu hitilafu unaweza kuonekana wakati unajaribu kufanya mabadiliko kupitia barua pepe ambazo hazitambuliwi na Studio ya YouTube. Ili utatue matatizo haya, jaribu yafuatayo:
- Wakati unaunganisha akaunti ya AdSense katika YouTube, Studio ya YouTube itakuomba Uthibitishe Kuwa ni Wewe. Hakikisha kuwa unafanya hivyo ukitumia anwani ya barua pepe unayotumia kuingia katika akaunti ya YouTube.
Kisha utaombwa uchague Akaunti ya Google ambayo ungependa kutumia kuendelea kwenye AdSense katika YouTube. Katika hali hii, unaweza kuchagua anwani ya barua pepe iliyo tofauti na unayotumia kuingia katika akaunti ya Studio ya YouTube. - Iwapo chaneli yako imeunganishwa kwenye Akaunti ya Biashara, unapaswa kuingia katika akaunti kwa kutumia anwani ya barua pepe uliyotumia kufungua chaneli. Iwapo huwezi kuingia katika akaunti kwa kutumia anwani hiyo ya barua pepe, rejesha akaunti yako kwa kufuata vidokezo vyetu vya kukamilisha hatua za kurejesha uwezo wa kufikia akaunti.
AdSense katika YouTube inaniomba URL ya tovuti ili nijisajili
Wakati unaunganisha akaunti yako mpya ya AdSense katika YouTube kwenye chaneli yako ya YouTube, usiende kufungua kwenye google.com/adsense au adsense.com kwa madhumuni haya. Ukifanya hivyo, akaunti yako haitaidhinishwa na uchumaji wa mapato utazimwa kwenye chaneli yako. Badala yake, fungua akaunti ya AdSense katika YouTube kwenye Studio ya YouTube moja kwa moja.
Hitilafu nyingine
Iwapo unakumbwa na matatizo mengine ya kiufundi ambayo hayajabainishwa kwenye ukurasa huu, jaribu yafuatayo:
- Funga vichupo vyote vya kivinjari.
- Futa vidakuzi na akiba ya kivinjari chako.
- Tumia dirisha la faragha au dirisha fiche (ili kuhakikisha kuwa hujaingia katika akaunti nyingine za Google).