ຕັ້ງຄ່າບັນຊີ AdSense ສຳລັບ YouTube ເພື່ອຮັບເງິນຈາກ YouTube

ເນື່ອງຈາກສົງຄາມທີ່ກໍາລັງດໍາເນີນຢູ່ໃນຢູເຄຣນ, ພວກເຮົາຈະໄດ້ຢຸດໂຄສະນາຢູ່ Google ແລະ YouTube ຊົ່ວຄາວສຳລັບຜູ້ໃຊ້ທີ່ອາໄສຢູ່ຣັດເຊຍ. ສຶກສາເພີ່ມເຕີມ.

ຫາກທ່ານ ສ້າງລາຍໄດ້ຢູ່ YouTube, ທ່ານຕ້ອງເຊື່ອມໂຍງບັນຊີ AdSense ສຳລັບ YouTube ທີ່ໄດ້ຮັບອະນຸມັດແລ້ວເພື່ອສ້າງລາຍໄດ້ ແລະ ຮັບເງິນ.

ຂໍ້ສຳຄັນ: ຂໍ້ກຳນົດ ແລະ ເງື່ອນໄຂຂອງ AdSense ສຳລັບ YouTube ໃຫ້ທ່ານມີບັນຊີ AdSense ສຳລັບ YouTube ພາຍໃຕ້ຊື່ຜູ້ຮັບເງິນຄົນດຽວກັນໄດ້ພຽງບັນຊີດຽວເທົ່ານັ້ນ. ລະບົບຈະບໍ່ອະນຸມັດບັນຊີ AdSense ສຳລັບ YouTube ຊ້ຳກັນທີ່ສ້າງຂຶ້ນຜ່ານ YouTube ແລະ ການສ້າງລາຍໄດ້ຈະຖືກປິດໄວ້ສຳລັບຊ່ອງ YouTube ທີ່ເຊື່ອມໂຍງ. ເມື່ອເລີ່ມສ້າງບັນຊີ AdSense ສຳລັບ YouTube ໃໝ່, ໃຫ້ສ້າງບັນຊີຜ່ານ YouTube Studio ເທົ່ານັ້ນ. ໂດຍຈະສ້າງຜ່ານເວັບໄຊອື່ນ (ເຊັ່ນ: ໜ້າຫຼັກຂອງ AdSense ສຳລັບ YouTube) ບໍ່ໄດ້.

ສ້າງ ຫຼື ລິ້ງບັນຊີ AdSense ສຳລັບ YouTube

ການສ້າງບັນຊີ AdSense ສຳລັບ YouTube ແລ້ວລິ້ງມັນກັບຊ່ອງຂອງທ່ານເປັນຂັ້ນຕອນສຳຄັນເພື່ອທີ່ຈະໄດ້ຮັບເງິນຈາກ YouTube. ກະລຸນາຮັບຊາບວ່າຫາກທ່ານຢູ່ໃນໂຄງການຮຸ້ນສ່ວນ YouTube ແລ້ວ, ທ່ານກໍສາມາດ ປ່ຽນບັນຊີ AdSense ສຳລັບ YouTube ທີ່ລິ້ງໄວ້ຂອງທ່ານ ໄດ້ຕາມຕ້ອງການ. ນອກຈາກນັ້ນ, ທ່ານຍັງສາມາດສ້າງລາຍໄດ້ຈາກຊ່ອງ YouTube ໄດ້ຫຼາຍກວ່າ 1 ຊ່ອງ ໂດຍໃຊ້ບັນຊີ AdSense ສຳລັບ YouTube ດຽວກັນ.

ກະລຸນາຮັບຊາບວ່າທ່ານສາມາດປ່ຽນບັນຊີ AdSense ສຳລັບ YouTube ທີ່ລິ້ງໄວ້ຂອງທ່ານໄດ້ພຽງ 1 ເທື່ອໃນທຸກໆ 32 ມື້.

 AdSense ສຳລັບຜູ້ສ້າງ YouTube

ຕິດຕາມ ຊ່ອງຜູ້ສ້າງ YouTube ເພື່ອຮັບຂ່າວຫຼ້າສຸດ, ຂໍ້ມູນອັບເດດ ແລະ ເຄັດລັບຕ່າງໆ.

 

ທ່ານສາມາດສ້າງບັນຊີ AdSense ສຳລັບ YouTube ໃໝ່ ແລະ ລິ້ງມັນກັບຊ່ອງຂອງທ່ານໄດ້ດັ່ງນີ້:

1. ເຂົ້າສູ່ລະບົບ YouTube Studio.
2. ໃນເມນູຊ້າຍ, ໃຫ້ເລືອກແຖບ ສ້າງລາຍໄດ້.
3. ຄລິກ ເລີ່ມຕົ້ນ ຢູ່ບັດ ລົງທະບຽນ AdSense ສຳລັບ YouTube.
4. ເມື່ອລະບົບຂໍໃຫ້ທ່ານດຳເນີນການ, ໃຫ້ໃສ່ລະຫັດຜ່ານບັນຊີ YouTube ຂອງທ່ານ ແລະ ພິສູດຢືນຢັນຄືນໃໝ່ ຫາກຈຳເປັນ.
5. ເລືອກບັນຊີ Google ທີ່ທ່ານຕ້ອງການໃຊ້ສຳລັບ AdSense ສຳລັບ YouTube.
   1. ໝາຍເຫດ: ຫາກທ່ານໃຊ້ AdSense ຢູ່ກ່ອນແລ້ວດ້ວຍເຫດຜົນອື່ນໆທີ່ນອກເໜືອຈາກ YouTube, ໃຫ້ເຂົ້າສູ່ລະບົບດ້ວຍບັນຊີ Google ທີ່ໃຊ້ກັບບັນຊີ AdSense ທີ່ມີຢູ່ຂອງທ່ານ.
6. ຕອນນີ້ທ່ານຢູ່ໃນ AdSense ສຳລັບ YouTube ແລ້ວ. ເມື່ອຢູ່ບ່ອນນີ້, ໃຫ້ຢັ້ງຢືນຄວາມຖືກຕ້ອງຂອງທີ່ຢູ່ອີເມວຢູ່ເທິງສຸດຂອງໜ້າ. ຖ້າມັນຜິດ, ໃຫ້ຄລິກ ໃຊ້ບັນຊີອື່ນ ເພື່ອສະຫຼັບບັນຊີ.
7. ສືບຕໍ່ການຕັ້ງຄ່າບັນຊີຂອງທ່ານ. ໂດຍລະບຸຂໍ້ມູນຜູ້ຕິດຕໍ່ຂອງທ່ານ ແລະ ສົ່ງໃບສະໝັກບັນຊີ AdSense ສຳລັບ YouTube ຂອງທ່ານ.

ຫຼັງຈາກປະຕິບັດຕາມຂັ້ນຕອນຂ້າງເທິງແລ້ວ, ລະບົບຈະພາທ່ານກັບໄປຫາ YouTube Studio, ເຊິ່ງທ່ານຈະເຫັນຂໍ້ຄວາມທີ່ຢັ້ງຢືນວ່າໄດ້ຮັບໃບສະໝັກບັນຊີ AdSense ສຳລັບ YouT u be ແລ້ວ. ກະລຸນາຮັບຊາບວ່າຫາກລະບົບບໍ່ປ່ຽນເສັ້ນທາງທ່ານກັບໄປຫາ Studio, ສະແດງວ່າໃບສະໝັກຂອງທ່ານບໍ່ສຳເລັດສົມບູນ. ກະລຸນາກວດສອບບັນຊີ AdSense ສຳລັບ YouTube ຂອງທ່ານເພື່ອເບິ່ງຂັ້ນຕອນທີ່ຍັງບໍ່ສົມບູນ. AdSense ສຳລັບ YouTube ຈະ ແຈ້ງໃຫ້ທ່ານຮັບຊາບຜ່ານອີເມວ ເມື່ອບັນຊີຂອງທ່ານໄດ້ຮັບອະນຸມັດແລ້ວ, ເຊິ່ງໂດຍປົກກະຕິຈະໃຊ້ເວລາຫຼາຍມື້ ແຕ່ໃນບາງກໍລະນີອາດໃຊ້ເວລາ 2-3 ອາທິດ. ເມື່ອໄດ້ຮັບອະນຸມັດແລ້ວ, ທ່ານຈະເຫັນການຢືນຢັນພາຍໃນ YouTube Studio ໃນບັດ ລົງທະບຽນ AdSense ສຳລັບ YouTube  ທີ່ລະບຸວ່າບັນຊີ AdSense ສຳລັບ YouTube ຂອງທ່ານໄດ້ຮັບອະນຸມັດ ແລະ ນຳໃຊ້ໄດ້ແລ້ວ.

ເຄືອຂ່າຍແບບຫຼາຍຊ່ອງ (MCN): ຫາກທ່ານເປັນຊ່ອງສະມາຊິກເຄືອຂ່າຍທີ່ເປັນຮຸ້ນສ່ວນກັບເຄືອຂ່າຍຫຼາຍຊ່ອງ, ທ່ານຕ້ອງລິ້ງບັນຊີ AdSense ສຳລັບ YouTube ຂອງທ່ານເອງກັບຊ່ອງຂອງທ່ານ. ການເຂົ້າເຖິງບັນຊີ AdSense ສຳລັບ YouTube ຂອງພາກສ່ວນທີສາມແມ່ນຖືເປັນການລະເມີດ ຂໍ້ກຳນົດບໍລິການຂອງ AdSense ສຳລັບ YouTube, ເຖິງແມ່ນວ່າຈະໄດ້ຮັບການອະນຸມັດຈາກເຂົາເຈົ້າແລ້ວກໍຕາມ.

ຂ້ອຍບໍ່ຮູ້ວ່າຂ້ອຍມີບັນຊີ AdSense ຫຼື AdSense ສຳລັບ YouTube ຢູ່ກ່ອນແລ້ວຫຼືບໍ່

ຊອກຫາອີເມວຈາກ "[e-mail]" ໃນກ່ອງອີເມວຂອງທ່ານ.

ຂໍ້ກຳນົດ ແລະ ເງື່ອນໄຂຂອງ AdSense ໃຫ້ທ່ານມີບັນຊີ AdSense ຫຼື AdSense ສຳລັບ YouTube ພາຍໃຕ້ຊື່ຜູ້ຮັບເງິນຄົນດຽວກັນໄດ້ພຽງບັນຊີດຽວເທົ່ານັ້ນ. ຫາກພົບວ່າທ່ານມີບັນຊີຊໍ້າກັນ, ບັນຊີ AdSense ສຳລັບ YouTube ຂອງທ່ານຈະບໍ່ຜ່ານການອະນຸມັດ ແລະ ລະບົບຈະຂໍໃຫ້ທ່ານປິດບັນຊີອື່ນໆທີ່ກ່ຽວຂ້ອງ.

ຂ້ອຍມີບັນຊີ AdSense ຫຼື AdSense ສຳລັບ YouTube ທີ່ໄດ້ຮັບອະນຸມັດຢູ່ກ່ອນແລ້ວ

1. ເຂົ້າສູ່ລະບົບບັນຊີ YouTube ຂອງທ່ານ ແລ້ວເຂົ້າໄປ https://studio.youtube.com/channel/UC/monetization
2. ຄລິກເລີ່ມຕົ້ນຢູ່ບັດ “ລົງທະບຽນ AdSense ສຳລັບ YouTube”.
3. ທ່ານຈະຕ້ອງໄດ້ໃສ່ລະຫັດຜ່ານບັນຊີ YouTube ຂອງທ່ານ ແລະ ພິສູດຢືນຢັນຄືນໃໝ່. ສຶກສາວິທີພິສູດຢືນຢັນບັນຊີ YouTube ຂອງທ່ານຄືນໃໝ່.
4. ເລືອກບັນຊີ Google ທີ່ທ່ານຕ້ອງການໃຊ້ເຂົ້າສູ່ລະບົບ AdSense ສຳລັບ YouTube. ຫາກທ່ານມີບັນຊີ AdSense ຫຼື AdSense ສຳລັບ YouTube ຢູ່ກ່ອນແລ້ວ, ທ່ານຈະຕ້ອງເຂົ້າສູ່ລະບົບດ້ວຍບັນຊີ Google ທີ່ໃຊ້ເຂົ້າເຖິງບັນຊີທີ່ມີຢູ່ຂອງທ່ານ. ບັນຊີນີ້ອາດຈະແຕກຕ່າງຈາກຂໍ້ມູນການເຂົ້າສູ່ລະບົບທີ່ທ່ານໃຊ້ເພື່ອເຂົ້າສູ່ລະບົບ YouTube.
5. ລະບົບຈະນຳທາງທ່ານໄປຫາໜ້າລົງທະບຽນ AdSense ສຳລັບ YouTube. ກະລຸນາຢັ້ງຢືນວ່າອີເມວຢູ່ເທິງສຸດຂອງໜ້ານັ້ນຖືກຕ້ອງ. ຖ້າບັນຊີທີ່ກຳລັງສະແດງເປັນບັນຊີທີ່ບໍ່ຖືກຕ້ອງ, ໃຫ້ຄລິກ "ນໍາໃຊ້ບັນຊີອື່ນ" ເພື່ອປ່ຽນບັນຊີ.
6. ຄລິກຍອມຮັບການເຊື່ອມໂຍງ.
7. ລະບົບຈະປ່ຽນເສັ້ນທາງທ່ານກັບຄືນໄປຫາໜ້າສ້າງລາຍໄດ້ໃນ YouTube Studio.
8. ເມື່ອທ່ານເຊື່ອມຕໍ່ບັນຊີ AdSense ສຳລັບ YouTube ຂອງທ່ານແລ້ວ, ພວກເຮົາຈະໝາຍຂັ້ນຕອນນີ້ດ້ວຍປ້າຍສີຂຽວ “ສຳເລັດ” ໃນບັດ “ລົງທະບຽນບັນຊີ AdSense ສຳລັບ YouTube”.

ຕັ້ງຄ່າ AdSense ສຳລັບ YouTube ໂດຍໃຊ້ບັນຊີຕົວຈັດການເນື້ອຫາ

ຫາກທ່ານໄດ້ຮັບສິດໃນການເບິ່ງແຍງລະບົບ ບັນຊີຕົວຈັດການເນື້ອຫາ, ທ່ານກໍສາມາດເຊື່ອມໂຍງບັນຊີ AdSense ສຳລັບ YouTube ກັບບັນຊີດັ່ງກ່າວໄດ້.

1. ເຂົ້າສູ່ລະບົບ ບັນຊີຕົວຈັດການເນື້ອຫາ ຂອງທ່ານ.
2. ເຂົ້າໄປການຕັ້ງຄ່າ.
3. ພາຍໃຕ້ພາກສ່ວນພາບຮວມ, ທ່ານຈະເຫັນ AdSense ສຳລັບ YouTube (ທ່ານອາດຕ້ອງເລື່ອນຫາພາກສ່ວນດັ່ງກ່າວ).
4. ຄລິກແກ້ໄຂ.
5. ຄລິກສືບຕໍ່ທີ່ AdSense.
6. ທ່ານຈະຕ້ອງໄດ້ໃສ່ລະຫັດຜ່ານບັນຊີ YouTube ຂອງທ່ານ ແລະ ພິສູດຢືນຢັນຄືນໃໝ່. ສຶກສາວິທີພິສູດຢືນຢັນບັນຊີ YouTube ຂອງທ່ານຄືນໃໝ່.
7. ເລືອກບັນຊີ Google ທີ່ທ່ານຕ້ອງການໃຊ້ເຂົ້າສູ່ລະບົບ AdSense ສຳລັບ YouTube. ຫາກທ່ານມີບັນຊີ AdSense ຫຼື AdSense ສຳລັບ YouTube ຢູ່ກ່ອນແລ້ວ, ທ່ານຈະຕ້ອງເຂົ້າສູ່ລະບົບດ້ວຍບັນຊີ Google ທີ່ໃຊ້ເຂົ້າເຖິງບັນຊີທີ່ມີຢູ່ຂອງທ່ານ.
8. ໃສ່ລະຫັດຜ່ານສຳລັບບັນຊີ AdSense ສຳລັບ YouTube ຂອງທ່ານເມື່ອລະບົບຂໍ. ໂດຍຂໍ້ມູນນີ້ອາດແຕກຕ່າງຈາກຂໍ້ມູນການເຂົ້າສູ່ລະບົບທີ່ທ່ານໃຊ້ເພື່ອເຂົ້າສູ່ລະບົບ YouTube.
9. ຢືນຢັນຊ່ອງ YouTube ທີ່ທ່ານຈະເຊື່ອມໂຍງກັບບັນຊີ AdSense ສຳລັບ YouTube ແລະ ເລືອກພາສາຫຼັກສຳລັບຊ່ອງດັ່ງກ່າວ. ເຖິງແມ່ນວ່າທ່ານຈະເລືອກຊ່ອງ YouTube ພຽງ 1 ຊ່ອງ ເພື່ອດຳເນີນການເຊື່ອມໂຍງ AdSense ສຳລັບ YouTube, ແຕ່ YouTube ຈະສະແດງໂຄສະນາໃນທຸກຊ່ອງທີ່ ລິ້ງກັບຕົວຈັດການເນື້ອຫາຂອງທ່ານ.
10. ຄລິກຍອມຮັບການເຊື່ອມໂຍງ ແລະ ເພີ່ມຂໍ້ມູນໃບບິນຂອງທ່ານ, ຫາກລະບົບຂໍ.

ເມື່ອທ່ານສໍາເລັດການປະມວນຜົນນີ້, ທ່ານຈະຖືກປ່ຽນເສັ້ນທາງກັບຄືນໄປທີ່ YouTube. ສຶກສາເພີ່ມເຕີມ ເວລາລໍຖ້າການກວດສອບແອັບພລິເຄຊັນຂອງ AdSense.

ບັນຫາທົ່ວໄປ

ໃຊ້ຂໍ້ມູນທາງລຸ່ມນີ້ເພື່ອແກ້ໄຂບັນຫາທົ່ວໄປໃນເວລາທີ່ພະຍາຍາມລິ້ງບັນຊີ AdSense ສຳລັບ YouTube ກັບຊ່ອງຂອງທ່ານ.

ຂ້ອຍໄດ້ສ້າງບັນຊີ AdSense ສຳລັບ YouTube ໃໝ່, ແຕ່ບໍ່ຜ່ານການອະນຸມັດເນື່ອງຈາກຂ້ອຍມີບັນຊີ AdSense ຫຼື AdSense ສຳລັບ YouTube ຢູ່ກ່ອນແລ້ວ

ຂໍ້ກຳນົດ ແລະ ເງື່ອນໄຂຂອງ AdSense ຫຼື ຂໍ້ກຳນົດບໍລິການຂອງ AdSense ສຳລັບ YouTube (ຕາມທີ່ກ່ຽວຂ້ອງ) ໃຫ້ທ່ານມີບັນຊີ AdSense ຫຼື AdSense ສຳລັບ YouTube ພາຍໃຕ້ຊື່ຜູ້ຮັບເງິນຄົນດຽວກັນໄດ້ພຽງບັນຊີດຽວເທົ່ານັ້ນ. ຫາກທ່ານພົບວ່າທ່ານມີບັນຊີຊ້ຳກັນ, ບັນຊີ AdSense ສຳລັບ YouTube ທີ່ທ່ານສ້າງຂຶ້ນໃໝ່ຈະບໍ່ຜ່ານການອະນຸມັດ.

ຊອກຫາອີເມວທີ່ມີຫົວຂໍ້ “ທ່ານມີບັນຊີ AdSense ຫຼື AdSense ສຳລັບ YouTube ຢູ່ກ່ອນແລ້ວ” ໃນກ່ອງອີເມວຂອງທ່ານ. ອີເມວສະບັບນີ້ຈະມີຂໍ້ມູນກ່ຽວກັບບັນຊີ AdSense ຫຼື AdSense ສຳລັບ YouTube ທີ່ມີຢູ່ຂອງທ່ານ. ດ້ວຍຂໍ້ມູນນີ້, ທ່ານມີ 2 ຕົວເລືອກໃນການແກ້ໄຂບັນຫາດັ່ງນີ້:

ໃຊ້ບັນຊີ (ເກົ່າ) ທີ່ມີຢູ່ແລ້ວ

1. ເຂົ້າສູ່ລະບົບ YouTube Studio ແລ້ວຄລິກ ປ່ຽນການເຊື່ອມໂຍງ.
2. ໃນເມນູການເລືອກບັນຊີ, ໃຫ້ເລືອກບັນຊີ Google ທີ່ໃຊ້ບັນຊີ AdSense ຫຼື AdSense ສຳລັບ YouTube (ເກົ່າ) ທີ່ມີຢູ່ຂອງທ່ານ.
3. ຄລິກ ຍອມຮັບການເຊື່ອມໂຍງ.

ລະບົບຈະປ່ຽນເສັ້ນທາງທ່ານກັບຄືນໄປຫາ YouTube Studio, ເຊິ່ງທ່ານຈະເຫັນບັນຊີທີ່ລິ້ງໄວ້ກັບຊ່ອງຂອງທ່ານ.

ໃຊ້ບັນຊີໃໝ່ທີ່ທ່ານຫາກໍສ້າງ

ກ່ອນອື່ນໝົດ, ທ່ານຈະຕ້ອງປິດບັນຊີ (ເກົ່າ) ທີ່ມີຢູ່ແລ້ວ

1. ເຂົ້າສູ່ລະບົບ ບັນຊີ AdSense ຫຼື AdSense ສຳລັບ YouTube ທີ່ມີຢູ່ຂອງທ່ານ (ຕາມທີ່ກ່ຽວຂ້ອງ).
2. ປະຕິບັດຕາມຂັ້ນຕອນຢູ່ບ່ອນນີ້ ເພື່ອປິດບັນຊີຂອງທ່ານ.

ເມື່ອປິດບັນຊີແລ້ວ, ໃຫ້ ເຂົ້າສູ່ລະບົບ ບັນຊີ AdSense ສຳລັບ YouTube ໃໝ່ຂອງທ່ານເພື່ອຢືນຢັນວ່າທ່ານປິດບັນຊີເກົ່າແລ້ວ.

ໝາຍເຫດ: ການອະນຸມັດບັນຊີ AdSense ສຳລັບ YouTube ໃໝ່ຂອງທ່ານ ແລະ ການລິ້ງກັບຊ່ອງ YouTube ຂອງທ່ານອາດໃຊ້ເວລາສອງສາມມື້.

ບັນຫາກ່ຽວກັບການຢັ້ງຢືນທີ່ຢູ່ (PIN)

ທ່ານຕ້ອງຢັ້ງຢືນທີ່ຢູ່ (PIN) ໃນບັນຊີ AdSense ສຳລັບ YouTube ຂອງທ່ານໃຫ້ສຳເລັດເພື່ອຮັກສາສິດການສ້າງລາຍໄດ້ຂອງຊ່ອງ ແລະ ຮັບການຈ່າຍເງິນ.

ຫາກທ່ານລິ້ງບັນຊີ AdSense ສຳລັບ YouTube ໃໝ່ກັບຊ່ອງຂອງທ່ານແລ້ວ, ບັດການຢັ້ງຢືນ PIN ຈະຖືກສົ່ງໄປຫາທີ່ຢູ່ປັດຈຸບັນຂອງທ່ານທາງໄປສະນີເມື່ອທ່ານມີຍອດຄົງເຫຼືອຮອດ $10. ບັດຢັ້ງຢືນ PIN ນີ້ຈະມີລະຫັດ PIN ໃຫ້ທ່ານ ລະບຸໃສ່ໃນບັນຊີຂອງທ່ານເພື່ອຢັ້ງຢືນທີ່ຢູ່ຂອງທ່ານ.

ຫາກທ່ານໄດ້ລິ້ງກັບບັນຊີ AdSense ຫຼື AdSense ສຳລັບ YouTube ທີ່ມີຢູ່, ທ່ານອາດຕ້ອງລໍຖ້າຢ່າງໜ້ອຍ 3 ອາທິດ ຈຶ່ງຈະໄດ້ຮັບບັດການຢັ້ງຢືນ PIN ທາງໄປສະນີ. ຫາກຜ່ານໄປ 3 ອາທິດແລ້ວທ່ານຍັງບໍ່ໄດ້ຮັບບັດ, ທ່ານກໍສາມາດ ຮ້ອງຂໍບັດການຢັ້ງຢືນ PIN ທົດແທນ ໄດ້.

ກວດສອບວ່າທີ່ຢູ່ໃນລະບົບບັນຊີ AdSense ສຳລັບ YouTube ຂອງທ່ານກົງກັບທີ່ຢູ່ເຊິ່ງຫ້ອງການໄປສະນີທ້ອງຖິ່ນຂອງທ່ານຮູ້ຈັກ. ການມີທີ່ຢູ່ທີ່ຖືກຕ້ອງຈະຊ່ວຍໃຫ້ຫ້ອງການໄປສະນີທ້ອງຖິ່ນຈັດສົ່ງຈົດໝາຍເຖິງທ່ານໄດ້. ຫາກທີ່ຢູ່ບໍ່ກົງກັນ, ທ່ານຈະຕ້ອງ ປ່ຽນທີ່ຢູ່ການຈ່າຍເງິນໃນບັນຊີ AdSense ຂອງທ່ານ ໃຫ້ຄືກັນ.

ຫາກທ່ານຕ້ອງການຄວາມຊ່ວຍເຫຼືອໃນການຢັ້ງຢືນທີ່ຢູ່ (PIN), ໃຫ້ເບິ່ງແຫຼ່ງຂໍ້ມູນຄວາມຊ່ວຍເຫຼືອເຫຼົ່ານີ້:

• ມີບັນຫາກັບ PIN
• ຕົວແກ້ບັນຫາ PIN

ຈະເກີດຫຍັງຂຶ້ນຖ້າຂ້ອຍບໍ່ຢັ້ງຢືນທີ່ຢູ່ຂອງຂ້ອຍ?

ຖ້າທ່ານບໍ່ຢັ້ງຢືນທີ່ຢູ່ຂອງທ່ານພາຍໃນ 4 ເດືອນ, ການສ້າງລາຍໄດ້ຈະຖືກຢຸດຊົ່ວຄາວສຳລັບຊ່ອງຂອງທ່ານ. ນີ້ຮວມເຖິງການຢຸດຊົ່ວຄາວໃນການເຂົ້າເຖິງຄຸນສົມບັດຕ່າງໆ, ເຊັ່ນ:

• ການເປັນສະມາຊິກຊ່ອງ
• Super Chat ແລະ ອື່ນໆ

ການສ້າງລາຍໄດ້ຈະສືບຕໍ່ຢູ່ໃນຊ່ອງຂອງທ່ານເມື່ອທ່ານຢັ້ງຢືນທີ່ຢູ່ຂອງທ່ານ.

ບັນຫາອື່ນໆ

“ຂໍອະໄພ, ມີບາງຢ່າງຜິດພາດ” ສະແດງໃຫ້ຂ້ອຍເຫັນໃນ YouTube Studio

ຂໍ້ຄວາມສະແດງຂໍ້ຜິດພາດນີ້ອາດຈະປາກົດຂຶ້ນເມື່ອພະຍາຍາມປ່ຽນແປງອີເມວທີ່ບໍ່ໄດ້ຮັບຮູ້ໂດຍ YouTube Studio. ເພື່ອແກ້ໄຂບັນຫາເຫຼົ່ານີ້, ໃຫ້ລອງເຮັດດັ່ງຕໍ່ໄປນີ້:

• ເມື່ອລິ້ງບັນຊີ AdSense ສຳລັບ YouTube ແລ້ວ, YouTube Studio ຈະຂໍໃຫ້ທ່ານ ຢັ້ງຢືນວ່າແມ່ນທ່ານ. ກະລຸນາຢັ້ງຢືນຕົວຕົນດ້ວຍທີ່ຢູ່ອີເມວທີ່ທ່ານໃຊ້ເຂົ້າສູ່ລະບົບ YouTube.
  
  ຈາກນັ້ນ, ລະບົບຈະຂໍໃຫ້ທ່ານເລືອກບັນຊີ Google ທີ່ຕ້ອງການໃຊ້ເຂົ້າສູ່ລະບົບ AdSense ສຳລັບ YouTube. ເຊິ່ງທ່ານອາດເລືອກທີ່ຢູ່ອີເມວຕ່າງຈາກທີ່ທ່ານໃຊ້ເຂົ້າສູ່ລະບົບ YouTube Studio ໄດ້ໃນຂັ້ນຕອນນີ້.
• ຖ້າຊ່ອງຂອງທ່ານເຊື່ອມໂຍງກັບ ບັນຊີແບຣນ, ທ່ານຄວນເຂົ້າສູ່ລະບົບໂດຍໃຊ້ທີ່ຢູ່ອີເມວທີ່ສ້າງຊ່ອງຕົ້ນສະບັບຂອງທ່ານ. ຫາກທ່ານບໍ່ສາມາດເຂົ້າສູ່ລະບົບດ້ວຍທີ່ຢູ່ອີເມວນັ້ນໄດ້, ໃຫ້ກູ້ຄືນບັນຊີຂອງທ່ານໂດຍປະຕິບັດຕາມ ເຄັດລັບໃນການດຳເນີນຂັ້ນຕອນການກູ້ບັນຊີຄືນໃຫ້ສຳເລັດ ຂອງພວກເຮົາ.

AdSense ສຳລັບ YouTube ກຳລັງຂໍໃຫ້ຂ້ອຍລະບຸ URL ເວັບໄຊເພື່ອລົງທະບຽນ

ເມື່ອລິ້ງບັນຊີ AdSense ສຳລັບ YouTube ໃໝ່ກັບຊ່ອງ YouTube ຂອງທ່ານ, ຢ່າ ສ້າງບັນຊີໃໝ່ຜ່ານ google.com/adsense ຫຼື adsense.com ເພື່ອຈຸດປະສົງນີ້. ຫາກທ່ານເຮັດແນວນັ້ນ, ບັນຊີຂອງທ່ານຈະບໍ່ໄດ້ຮັບການອະນຸມັດ ແລະ ການສ້າງລາຍໄດ້ຈະຖືກປິດການນຳໃຊ້ສຳລັບຊ່ອງຂອງທ່ານ. ໃຫ້ສ້າງບັນຊີ AdSense ສຳລັບ YouTube ຈາກພາຍໃນ YouTube Studio ໂດຍກົງແທນ.

ຂໍ້ຜິດພາດອື່ນໆ

ຖ້າທ່ານກໍາລັງປະສົບກັບຂໍ້ຜິດພາດທາງດ້ານວິຊາການອື່ນໆທີ່ບໍ່ໄດ້ລະບຸໄວ້ໃນໜ້ານີ້, ໃຫ້ລອງດັ່ງຕໍ່ໄປນີ້:

• ປິດແຖບໂປຣແກຣມທ່ອງເວັບທັງໝົດ.
• ລຶບລ້າງແຄສ ແລະ ຄຸກກີ້ຂອງໂປຣແກຣມທ່ອງເວັບຂອງທ່ານ.
• ໃຊ້ໜ້າຈໍສ່ວນຕົວ ຫຼື ບໍ່ເປີດເຜີຍຕົວຕົນ (ເພື່ອໃຫ້ແນ່ໃຈວ່າບໍ່ມີບັນຊີ Google ອື່ນເຂົ້າສູ່ລະບົບ).