Uwezo wa kufikia zana na vipengele vya YouTube

Studio ya YouTube inakupatia zana na vipengele vingi vya kukusaidia kunufaika zaidi kutokana na maudhui yako. Ili upate idhini ya kufikia zana na vipengele hivi, unaweza kuchagua jinsi ya kuthibitisha utambulisho wako. Kuthibitisha utambulisho wako hutusaidia kupunguza matumizi mabaya na taka kwenye YouTube.

Una chaguo chache za kufikia vipengele:

• Vipengele vya kawaida: Kufungua chaneli kunakupa vipengele hivi mara moja mradi huna maonyo yanayoendelea kwa kukiuka Mwongozo wa Jumuiya. Tumia vipengele hivi kuanza kukuza hadhira yako na kuendeleza chaneli yako.
• Vipengele vya wastani: Unaweza kuchagua kufikia vipengele vya wastani, iwapo ungependa kuwa na seti kubwa ya zana ili uendelee kukuza hadhira yako. Ili ufanye hivyo, ni lazima uthibitishe namba yako ya simu.
• Vipengele vya kina: Watayarishi wengi wanaochapisha maudhui ambao wanataka kutumia vipengele vya kina kwa mara ya kwanza watatimiza masharti kiotomatiki, kwa kuwa tayari wamejenga historia ya kutosha ya chaneli.
  • Baadhi ya watayarishi wapya au wale ambao wangependa kufikia vipengele vya kina moja kwa moja wanaweza kuchagua kuthibitisha utambulisho wao kwa kutumia kitambulisho halali au kupitia uthibitishaji kwa video. Soma zaidi hapa kuhusu jinsi maelezo kutoka kwenye kitambulisho chako au uthibitishaji kwa video unavyotumika.

	Vipengele	Hamna uthibitishaji	Uthibitishaji kupitia nambari ya simu	Uthibitishaji kupitia historia ya chaneli AU utambulisho
Kawaida	Kupakia video	Kikomo kidogo cha kila siku		Kikomo cha juu cha kila siku
	Kubuni orodha ya kucheza
Wastani	Video ndefu (zaidi ya dakika 15)
	Kutiririsha mubashara kwenye kompyuta		Kikomo kidogo cha kila siku	Kikomo cha juu cha kila siku
	Vijipicha maalum		Kikomo kidogo cha kila siku	Kikomo cha juu cha kila siku
	Tayarisha podikasti
Kina	Kukata rufaa dhidi ya Content ID
	Kupachika mitiririko mubashara
	Kutuma ombi la uchumaji wa mapato			+ Masharti ya kujiunga
	Weka viungo vinavyobofyeka kwenye maelezo yako ya video ndefu na Machapisho ya jumuiya
	Weka Video Inayohusiana kwenye Video yako Fupi ya YouTube
	Machapisho ya jumuiya	Kikomo kidogo cha kila siku		Kikomo cha juu cha kila siku
	Bandika maoni kwenye video na Machapisho ya jumuiya
	Kupakia RSS
	Weka viungo vinavyobofyeka katika maelezo ya chaneli yako kwenye ukurasa wa kutazama

Kumbuka: Mbali na maelezo yaliyo hapa juu, hakikisha kuwa unafuata Mwongozo wa Jumuiya ya YouTube. Ukiukaji wa sera zetu unaweza kusababisha onyo au kuzuia uwezo wako wa kufikia vipengele.

Kuona vipengele unavyoweza kufikia

Unaweza kuona vipengele unavyoweza kufikia sasa kwa kufuata maagizo yaliyo hapa chini.

1. Kwenye kompyuta, ingia katika Studio ya YouTube.
2. Bofya Mipangilio.
3. Bofya Chaneli.
4. Bofya ustahiki wa Kipengele.

Utaona “Kimewashwa” karibu na vipengele unavyoweza kufikia. Kumbuka kuwa si vipengele vyote vya YouTube hudhibitiwa ndani ya kichupo cha Ustahiki wa kipengele na baadhi ya vipengele vinaweza kuwa na masharti tofauti ya kujiunga. Ili upate maelezo zaidi kuhusu vipengele vingine, tembelea Ukurasa wa hali na vipengele.

Kuthibitisha utambulisho wako ili utumie vipengele

Kwa maagizo kuhusu jinsi ya kufikia vipengele vya wastani na vipengele vya kina, angalia makala haya ya Kituo cha Usaidizi. Kumbuka kuwa uthibitishaji kwa kitambulisho na video haupatikani kwa watayarishi wote.