YouTube Shopping អនុញ្ញាតឱ្យអ្នកបង្កើតដែលមានសិទ្ធិងាយស្រួលក្នុងការផ្សព្វផ្សាយផលិតផលពីហាងផ្ទាល់ខ្លួនរបស់ពួកគេ ឬម៉ាកផ្សេងទៀតនៅលើ YouTube។ តាមរយៈ YouTube Shopping អ្នកអាច៖
- ភ្ជាប់ហាងរបស់អ្នកទៅកាន់ YouTube ដើម្បីបង្ហាញផលិតផលផ្ទាល់ខ្លួនរបស់អ្នកនៅក្នុងខ្លឹមសាររបស់អ្នក។
- ដាក់ស្លាកផលិតផលពីម៉ាកផ្សេងទៀតនៅក្នុងខ្លឹមសាររបស់អ្នក។
- ពិនិត្យមើលស្ថិតិវិភាគ Shopping របស់អ្នកនៅក្នុងស្ថិតិវិភាគ YouTube ដើម្បីមើលលទ្ធផលប្រតិបត្តិការរបស់ផលិតផលដែលបានដាក់ស្លាក។
មុខងារ YouTube Shopping រួមបញ្ចូល៖
- ហាងរបស់ប៉ុស្តិ៍អ្នក
- ផលិតផលពីហាងដែលបានភ្ជាប់របស់អ្នកដែលបង្ហាញនៅក្នុងការពណ៌នា និងធ្នើរផលិតផល
- ផលិតផលដែលបានដាក់ស្លាកនៅក្នុងវីដេអូ វីដេអូខ្លី និងការផ្សាយបន្តផ្ទាល់របស់អ្នក
ផ្សព្វផ្សាយផលិតផលផ្ទាល់ខ្លួនរបស់អ្នក
ដើម្បីផ្សព្វផ្សាយផលិតផលរបស់អ្នកផ្ទាល់ ដូចជាទំនិញនៅលើ YouTube អ្នកគួរតែ៖
- បំពេញតាមលក្ខខណ្ឌចូលរួម។
- ភ្ជាប់ហាងរបស់អ្នកទៅកាន់ YouTube។
- ដាក់ស្លាកផលិតផលពីហាងរបស់អ្នក ដើម្បីបង្ហាញផលិតផលទាំងនោះនៅក្នុងខ្លឹមសាររបស់អ្នក។
YouTube Shopping៖ ដាក់ស្លាក និងលក់ផលិតផលពីហាងរបស់អ្នក
អ្នកមើលនៅក្នុងទីតាំងទាំងនេះអាចរុករក និងទិញផលិតផលរបស់អ្នកនៅផ្ទៃទាំងនេះនៅលើ YouTube៖
- នៅក្នុងហាងរបស់ប៉ុស្តិ៍អ្នក
- ជាផលិតផលនៅក្នុងការពណ៌នាវីដេអូ
- នៅក្នុងធ្នើរផលិតផលខាងក្រោមខ្លឹមសាររបស់អ្នក
- តាមរយៈប៊ូតុង Shopping នៅលើខ្លឹមសាររបស់អ្នក
- ផ្ទាំងហាងនៅលើ YouTube Music (សម្រាប់តែឧបករណ៍ចល័ត)
ចំណាំ៖ យើងបង្ហាញព័ត៌មានផលិតផលពេញលេញទៅកាន់អ្នកមើលដោយផ្អែកលើប្រទេសគោលដៅនៃការលក់ដែលហាងនោះកំណត់នៅក្នុងមជ្ឈមណ្ឌលឈ្មួញ Google។ ប្រសិនបើវីដេអូមានរួមបញ្ចូលសេចក្ដីប្រកាសមិនទទួលខុសត្រូវ "បានដាក់កំហិតលើតំបន់ដឹកជញ្ជូន" នៅក្នុងប្រទេសជាក់លាក់ នោះមានន័យថា ឈ្មួញមិនបានកំណត់គោលដៅប្រទេសនេះនៅក្នុងមជ្ឈមណ្ឌលឈ្មួញ Google ទេ។ អ្នកអាចទាក់ទងទៅអ្នកគ្រប់គ្រងរបស់អ្នកលក់រាយ ឬអ្នកគ្រប់គ្រងហាងអនឡាញរបស់អ្នក ដើម្បីទទួលបានព័ត៌មានលម្អិតបន្ថែម។ ប្រព័ន្ធ និងអ្នកលក់រាយទទួលខុសត្រូវទាំងស្រុងលើការផ្ដល់ការដឹកជញ្ជូននៅក្នុងទីផ្សារក្នុងតំបន់។ អ្នកអាចចូលទៅកាន់ប្រព័ន្ធ ឬគេហទំព័រអ្នកលក់រាយ ដើម្បីទទួលបានព័ត៌មានថ្មីៗអំពីការផ្ដល់ការដឹកជញ្ជូនក្នុងតំបន់។ អ្នកក៏អាចស្វែងយល់បន្ថែមអំពីរបៀបដែលឈ្មួញអាចកែប្រទេសគោលដៅនៃការលក់ផងដែរ។
ដើម្បីបើកផ្ទាំង "ហាង" នៅលើប៉ុស្តិ៍សិល្បករផ្លូវការ (OAC) របស់អ្នកនៅលើ YouTube Music៖
- អ្នកត្រូវតែមានប៉ុស្តិ៍សិល្បករផ្លូវការ (OAC)។
- អ្នកត្រូវតែបានរៀបចំហាង YouTube របស់អ្នកដោយជោគជ័យតាមរយៈ YouTube Studio សម្រាប់កម្មវិធី YouTube ចម្បង។
- ប្រសិនបើអាចមើលឃើញផ្ទាំងហាងនៅលើប៉ុស្តិ៍របស់អ្នកនៅក្នុងកម្មវិធី YouTube ចម្បង ផ្ទាំងនេះនឹងអាចមើលឃើញដោយស្វ័យប្រវត្តិនៅក្នុង YouTube Music។
ការជូនដំណឹងអំពីទំនិញ
ការជូនដំណឹងអំពីការដាក់ចេញទំនិញត្រូវបានកំណត់គោលដៅលើអ្នកជាវ អ្នកគាំទ្រ និងកំពូលអ្នកគាំទ្ររបស់អ្នក។ ដើម្បីបើកការជូនដំណឹងទាំងនោះ សូមកំណត់ពេលដាក់ចេញដោយមានកាលបរិច្ឆេទដាក់ចេញនាពេលអនាគតនៅលើប្រព័ន្ធក្រុមហ៊ុនផ្គត់ផ្គង់ទំនិញរបស់អ្នក។ YouTube នឹងផ្ញើការជូនដំណឹងដោយស្វ័យប្រវត្តិនៅថ្ងៃដាក់ចេញ។
លក្ខខណ្ឌចូលរួមរបស់ប៉ុស្តិ៍ដើម្បីផ្សព្វផ្សាយផលិតផលផ្ទាល់ខ្លួនរបស់អ្នក
ដើម្បីផ្សព្វផ្សាយផលិតផលផ្ទាល់ខ្លួនរបស់អ្នកនៅលើ YouTube ប៉ុស្តិ៍របស់អ្នកត្រូវតែបំពេញតាមលក្ខខណ្ឌតម្រូវអប្បបរមាទាំងនេះ៖
- អ្នកស្ថិតនៅក្នុងកម្មវិធីដៃគូ YouTube។
- ប៉ុស្ដិ៍របស់អ្នកឈានដល់កម្រិតកំណត់នៃចំនួនអ្នកជាវសម្រាប់ YPP ឬជាប៉ុស្តិ៍សិល្បករផ្លូវការ។
- ទស្សនិកជនប៉ុស្តិ៍របស់អ្នកមិនត្រូវបានកំណត់ថាបង្កើតឡើងសម្រាប់កុមារ ហើយប៉ុស្ដិ៍របស់អ្នកមិនមានចំនួនវីដេអូច្រើនដែលត្រូវបានកំណត់ថាបង្កើតឡើងសម្រាប់កុមារនោះទេ។
- ប៉ុស្តិ៍របស់អ្នកមិនបានទទួលការពិន័យតាមគោលការណ៍ណែនាំសហគមន៍ពាក់ព័ន្ធនឹងពាក្យសម្ដីស្អប់ខ្ពើមណាមួយឡើយ។
នៅពេលអ្នកបានបញ្ជាក់ថា អ្នកបំពេញតាមលក្ខខណ្ឌចូលរួម អ្នកអាចភ្ជាប់ហាងរបស់អ្នក ដើម្បីបើកមុខងារ Shopping សម្រាប់ប៉ុស្ដិ៍របស់អ្នក។ ប្រសិនបើអ្នកមិនបំពេញតាមកម្រិតកំណត់អ្នកជាវ ឬ YPP ទេ អ្នកអាចពិនិត្យមើលធនធានទាំងនេះ ដើម្បីជួយឱ្យប៉ុស្ដិ៍របស់អ្នករីកចម្រើន។
ផ្សព្វផ្សាយផលិតផលពីម៉ាកផ្សេង
កម្មវិធីដៃគូផ្សព្វផ្សាយ YouTube Shopping 🛍️
អ្នកអាចដាក់ស្លាក និងផ្សព្វផ្សាយផលិតផលពីម៉ាកផ្សេងទៀតនៅក្នុងខ្លឹមសាររបស់អ្នក។ ដើម្បីដាក់ស្លាកផលិតផលពីម៉ាកផ្សេងទៀតនៅក្នុងខ្លឹមសាររបស់អ្នក អ្នកត្រូវតែ៖
- បំពេញតាមលក្ខខណ្ឌចូលរួម។
- អនុវត្តតាមការណែនាំអំពីការដាក់ស្លាករបស់យើង។
- ដាក់ស្លាកផលិតផលនៅក្នុងខ្លឹមសាររបស់អ្នក។
ស្វែងយល់បន្ថែមអំពីកម្មវិធីដៃគូផ្សព្វផ្សាយនៅលើ YouTube។
លក្ខខណ្ឌចូលរួមរបស់ប៉ុស្តិ៍ដើម្បីផ្សព្វផ្សាយផលិតផលពីម៉ាកផ្សេង
ដើម្បីផ្សព្វផ្សាយផលិតផលពីម៉ាកផ្សេងទៀតនៅក្នុងខ្លឹមសាររបស់អ្នក ប៉ុស្តិ៍របស់អ្នកត្រូវតែបំពេញតាមលក្ខខណ្ឌតម្រូវអប្បបរមាទាំងនេះ៖
- អ្នកស្ថិតនៅក្នុងកម្មវិធីដៃគូ YouTube។
- ប៉ុស្តិ៍របស់អ្នកបំពេញតាមកម្រិតកំណត់ចំនួនអ្នកជាវសម្រាប់ YPP។
- អ្នកស្ថិតនៅសហរដ្ឋអាមេរិក កូរ៉េខាងត្បូង ឥណ្ឌូណេស៊ី ឥណ្ឌា ថៃ វៀតណាម ម៉ាឡេស៊ី ហ្វ៊ីលីពីន សិង្ហបុរី ប្រេស៊ីល តៃវ៉ាន់ ឬជប៉ុន។
- ប៉ុស្តិ៍របស់អ្នកមិនមែនជាប៉ុស្តិ៍តន្ត្រី ប៉ុស្តិ៍សិល្បករផ្លូវការ ឬជាប់ពាក់ព័ន្ធនឹងដៃគូតន្ត្រីទេ។ ដៃគូតន្ត្រីអាចរួមមានក្រុមហ៊ុនថតតន្ត្រី អ្នកចែកចាយ អ្នកបោះពុម្ពផ្សាយ ឬ VEVO។ ទស្សនិកជនប៉ុស្តិ៍របស់អ្នកមិនត្រូវបានកំណត់ថាបង្កើតឡើងសម្រាប់កុមារ ហើយប៉ុស្ដិ៍របស់អ្នកមិនមានចំនួនវីដេអូច្រើនដែលត្រូវបានកំណត់ថាបង្កើតឡើងសម្រាប់កុមារនោះទេ។
- ប៉ុស្តិ៍របស់អ្នកមិនមានការពិន័យតាមគោលការណ៍ណែនាំសហគមន៍សកម្មណាមួយទេ។
ចំណូល និងប្រតិបត្តិការរបស់ Shopping
ផលិតផលពីហាងដែលបានភ្ជាប់របស់អ្នក
អ្នកអាចមើលលទ្ធផលប្រតិបត្តិការកម្រិតខ្ពស់នៃផលិតផលដាក់ស្លាករបស់អ្នកនៅក្នុងផ្នែក Shopping របស់ YouTube Studio ឬតាមរយៈរបាយកាណ៍ដែលបានពង្រីកនៅក្នុងស្ថិតិវិភាគ YouTube។ សម្រាប់ព័ត៌មានអំពីចំណូលលម្អិត និងដែលបានធ្វើបច្ចុប្បន្នភាព សូមចូលទៅកាន់គេហទំព័រអ្នកលក់រាយ ឬប្រព័ន្ធទំនិញរបស់អ្នក។ សូមរំលឹកថា ការទូទាត់ប្រាក់ទាំងអស់សម្រាប់ការលក់ទំនិញ និងផលិតផលត្រូវបានធ្វើឡើងតាមរយៈអ្នកលក់ទំនិញរាយ ឬប្រព័ន្ធរបស់អ្នក។ YouTube និង AdSense មិនពាក់ព័ន្ធទេ។
ផលិតផលពីម៉ាកផ្សេងទៀត
អ្នកអាចប្រើរបាយការណ៍ពង្រីកនៅក្នុងស្ថិតិវិភាគ YouTube ដើម្បីវាស់ស្ទង់ការធ្វើអន្តរកម្មជាមួយផលិតផលដែលបានដាក់ស្លាករបស់អ្នក និងដឹងថាតើចរាចរណ៍របស់អ្នកចំនួនប៉ុន្មានបានមកពីទំព័រផលិតផល។
គោលការណ៍
ផលិតផលពីហាងដែលបានភ្ជាប់របស់អ្នក
ប្រព័ន្ធ ឬអ្នកលក់ទំនិញរាយផ្លូវការរបស់អ្នក (មិនមែន Google) ទទួលខុសត្រូវលើគ្រប់ផ្នែកនៃការលក់ទំនិញ រួមមានជាអាទិ៍៖
- ការផ្សព្វផ្សាយលក់ទំនិញ/សេវាកម្ម
- ការផ្ទុកក្នុងឃ្លាំង
- ការរៀបចំដឹកជញ្ជូនទំនិញ
- ការបង្វិលសង
- សេវាអតិថិជន
- ការគ្រប់គ្រងបញ្ជីសារពើភ័ណ្ឌ
- ការទូទាត់ប្រាក់សម្រាប់អ្នកបង្កើត ឬសិល្បករ
ផលិតផលពីម៉ាកផ្សេងទៀត
នៅពេលអ្នកបង្ហាញផលិតផលពីម៉ាកផ្សេង រាល់ប្រតិបត្តិការ និងសកម្មភាពនៅលើគេហទំព័រអ្នកលក់រាយត្រូវបានគ្រប់គ្រងដោយលក្ខខណ្ឌរបស់អ្នកលក់រាយ រួមទាំងគោលការណ៍ឯកជនភាពរបស់អ្នកលក់រាយទាំងនោះ។ អ្នកលក់រាយនឹងកំណត់តម្លៃចុងក្រោយ និងថ្លៃសេវា និងពន្ធដែលពាក់ព័ន្ធ។ អ្នកលក់រាយនឹងចាត់ចែងការបញ្ជាទិញទាំងមូល រួមមាន៖
- ការរៀបចំដឹកជញ្ជូនការបញ្ជាទិញ
- ការដឹកជញ្ជូន
- ការបង់ប្រាក់
- ជំនួយ (រួមមានការបញ្ជូនទំនិញមកវិញ និងការបង្វិលសង)
សម្រាប់រាល់បញ្ហា និងសំណួរពាក់ព័ន្ធនឹងការបញ្ជាទិញ រួមទាំងការបញ្ជូនទំនិញមកវិញ និងការបង្វិលសង អ្នកមើលអាចទាក់ទងអ្នកលក់រាយបាន។
បញ្ជីផលិតផលដែលមានតែនៅលើប៉ុស្តិ៍នេះ
ឈ្មួញដែលមានសិទ្ធិអាចចែករំលែកបញ្ជីផលិតផលផ្ដាច់មុខជាមួយប៉ុស្តិ៍ YouTube ជាក់លាក់ពីខាងក្នុងគណនីមជ្ឈមណ្ឌលឈ្មួញ Google របស់ពួកគេ ឬនៅក្នុងលំហូរដាច់ដោយឡែកក្នុងប្រព័ន្ធ Cafe24។ ឈ្មួញអាចធ្វើបែបនេះបានតាមរយៈការបង្ហាញថាជាផ្នែកនៃបណ្ដុំបញ្ជីរបស់ពួកគេ ដែលបញ្ជីផលិតផលជាក់លាក់គួរតែមានលក្ខណៈផ្ដាច់មុខចំពោះឈ្មោះអ្នកប្រើប្រាស់របស់ប៉ុស្តិ៍។ តាមរយៈការប្រើមុខងារនេះ ឈ្មួញបញ្ជាក់ថាផលិតផល ឬការផ្សព្វផ្សាយអំពីផលិតផលទាំងនោះមានលក្ខណៈផ្ដាច់មុខចំពោះប៉ុស្តិ៍ YouTube ជាក់លាក់ និងមិនអាចប្រើនៅលើប៉ុស្តិ៍ការលក់ផ្សេងទៀត ឬចំពោះអ្នកបង្កើតផ្សេងទៀតនៅលើ YouTube។ បញ្ជីទាំងនេះត្រូវបានសម្គាល់ថាផ្ដាច់មុខចំពោះប៉ុស្តិ៍នោះសម្រាប់រយៈពេលនៃការចុះបញ្ជី និងត្រូវបានរំលេចសម្រាប់អ្នកមើល ប្រសិនបើបញ្ជីទាំងនោះមានការបញ្ចុះតម្លៃ និង/ឬមានរយៈពេលកំណត់។ បញ្ជីផ្ដាច់មុខអនុលោមតាមលក្ខខណ្ឌ និងគោលការណ៍ឯកជនភាពរបស់ឈ្មួញ។ ឈ្មួញកំណត់ និងទទួលខុសត្រូវចំពោះតម្លៃចុងក្រោយ និងលក្ខខណ្ឌក្នុងការទិញ។
ការចែករំលែកទិន្នន័យរវាងអ្នកលក់រាយឬប្រព័ន្ធ និង Google
ទិន្នន័យដែលពាក់ព័ន្ធនឹងការលក់ និងការចូលមើលទំនិញអាចត្រូវបានចែករំលែករវាងអ្នកលក់រាយ និង Google ដើម្បីធ្វើការកែលម្អផលិតផល និងដើម្បីផ្ដល់ស្ថិតិវិភាគដែលពាក់ព័ន្ធដល់អ្នក។ ឧទាហរណ៍ Google អាចចែករំលែកទិន្នន័យដែលយើងទទួលបានពីអ្នកលក់រាយរបស់អ្នកអំពីការលក់ទំនិញប្រចាំខែសរុបនៅក្នុង YouTube Studio របស់អ្នក។ យើងក៏អាចនឹងប្រើប្រាស់ទិន្នន័យនេះ ដើម្បីវាយតម្លៃថាតើមុខងារថ្មីៗជួយបង្កើនការលក់ឱ្យកាន់តែច្រើនសម្រាប់ប៉ុស្តិ៍របស់អ្នកឬទេ។ អ្នកលក់រាយទទួលបានទិន្នន័យដែលពាក់ព័ន្ធនឹងចរាចរណ៍ដែលបានមកពីមុខងារ YouTube Shopping ដើម្បីទុកជាស្ថិតិវិភាគរបស់ពួកគេ។
ការចាត់ចែង និងការប្រើប្រាស់ទិន្នន័យ Shopping ដោយអ្នកលក់រាយរបស់អ្នកនឹងត្រូវបានគ្រប់គ្រងដោយលក្ខខណ្ឌផ្ទាល់ខ្លួនរបស់ពួកគេ រួមទាំងគោលការណ៍ឯកជនភាពរបស់ពួកគេ។ ការចាត់ចែង និងការប្រើប្រាស់ទិន្នន័យ Shopping នេះដោយ Google នឹងត្រូវបានគ្រប់គ្រងដោយគោលការណ៍ឯកជនភាពរបស់យើង។ ត្រូវប្រាកដថាអ្នកអាន និងយល់អំពីគោលការណ៍ទាំងនេះ។
ការអនុលោមតាមច្បាប់ជាធរមាន
ឈ្មួញទទួលខុសត្រូវក្នុងការបញ្ចេញព័ត៌មានដែលតម្រូវដោយច្បាប់ទាំងអស់ដល់អ្នកប្រើប្រាស់ (ដូចជាព័ត៌មានទំនាក់ទំនង សេចក្ដីប្រកាសមិនទទួលខុសត្រូវ និងការព្រមានអំពីផលិតផល គោលការណ៍បង្វិលសងជាដើម) និងអនុលោមតាមច្បាប់ទាំងអស់ដែលពាក់ព័ន្ធ ដែលរួមមានជាអាទិ៍ ច្បាប់ និងបទប្បញ្ញត្តិស្ដីពីការដាក់ទណ្ឌកម្ម និងការគ្រប់គ្រងការនាំចេញ។