შესაბამის შემქმნელებს YouTube Shopping-ით შეუძლიათ თავისი პროდუქტების მაღაზიებისა თუ სხვა ბრენდების YouTube-ზე პოპულარიზაცია. YouTube Shopping-ით თქვენ შეგიძლიათ:
- მაღაზიის YouTube-თან დაკავშირება, თქვენს კონტენტში თქვენი პროდუქტების წარმოჩენის მიზნით.
- თქვენს კონტენტში სხვა ბრენდის პროდუქციის თეგით მონიშვნა.
- თქვენი Shopping ანალიტიკის შემოწმება YouTube ანალიტიკაში, თეგით მონიშნული პროდუქტების ეფექტურობის ნახვის მიზნით.
YouTube Shopping-ის ფუნქციები მოიცავს:
- თქვენი არხის მაღაზიას
- აღწერილობასა და პროდუქტების თაროზე ნაჩვენები თქვენი დაკავშირებული მაღაზიების პროდუქტებს
- თქვენს ვიდეოებში, მოკლე ვიდეოებსა თუ პირდაპირ სტრიმინგებში თეგით მონიშნულ პროდუქტებს
თქვენი პროდუქტების პოპულარიზაცია
თქვენი პროდუქტების YouTube-ზე პოპულარიზაციისთვის უნდა:
- დააკმაყოფილოთ საკვალიფიკაციო კრიტერიუმები
- დააკავშიროთ თქვენი მაღაზია YouTube-თან
- თეგით მონიშნოთ პროდუქტები თქვენი მაღაზიიდან, რათა ისინი თქვენს კონტენტში გამოჩნდეს
YouTube Shopping: პროდუქტების დათეგვა და გაყიდვა თქვენი მაღაზიიდან
მნახველები ამ ადგილებიდან შეძლებენ თქვენი პროდუქტების დათვალიერებასა და ყიდვას YouTube-ის შემდეგ ზედაპირებზე:
- თქვენი არხის მაღაზიაში
- პროდუქტებად ვიდეოს აღწერილობაში
- პროდუქტების თაროზე თქვენი კონტენტის ქვეშ
- Shopping-ის ღილაკით თქვენს კონტენტში
შენიშვნა: მაღაზიის მიერ Google Merchant Center-ში მითითებული გაყიდვის ქვეყნიდან გამომდინარე, მნახველებს ვაჩვენებთ პროდუქტთან დაკავშირებულ სრულ ინფორმაციას. იმ შემთხვევაში, თუ ვიდეოს თან ახლავს გაფრთხილება რომელიმე კონკრეტულ ქვეყანაში „მიწოდების შეზღუდული ზონების“ შესახებ ეს ნიშნავს იმას, რომ მოვაჭრეს ეს ქვეყანა არ აურჩევია თავის სამიზნედ Google Merchant Center-ში. დამატებითი ინფორმაციისთვის მიმართეთ თქვენს საცალო მოვაჭრეს ან ონლაინ მაღაზიის ადმინისტრატორს. პლატფორმები და საცალო მოვაჭრეები პასუხს აგებს ადგილობრივ ბაზრებზე მიწოდების სერვისის უზრუნველყოფაზე. ადგილობრივ ბაზრებზე მიწოდების სერვისის შესახებ განახლებული ინფორმაცია შეამოწმეთ პლატფორმის ან საცალო მოვაჭრის ვებსაიტზე. შეიტყვეთ მეტი მოვაჭრეების მიერ გაყიდვის ქვეყნების რედაქტირების შესახებ.
თქვენი პროდუქტების YouTube-ზე პოპულარიზაციისთვის თქვენი არხი უნდა აკმაყოფილებდეს მინიმალურ მოთხოვნებს:
- თქვენ უნდა იყოთ YouTube პარტნიორთა პროგრამის მონაწილე.
- თქვენი არხი უნდა აკმაყოფილებდეს YPP-სთვის გამომწერების ზღურბლს ან უნდა იყოს მუსიკოსის ოფიციალური არხი.
- თქვენი არხი არ უნდა იყოს დაყენებული, როგორც ბავშვებისთვის შექმნილი, მას არ უნდა ჰქონდეს ვიდეოების მნიშვნელოვანი რაოდენობა დაყენებული, როგორც ბავშვებისთვის შექმნილი.
- თქვენს არხს არ უნდა ჰქონდეს სიძულვილის დამთესავი განცხადების შესახებ საზოგადოების წესდების დარღვევის გაფრთხილება.
დააკავშირეთ თქვენი არხი მას შემდეგ, რაც საკვალიფიკაციო კრიტერიუმებთან შესაბამისობას დაადასტურებთ, რომ თქვენს არხს Shopping ფუნქციები ჩაურთოთ. თუ YPP-ის ან გამომწერების რაოდენობის ზღურბლს ვერ აკმაყოფილებთ, გაეცანით ამ რესურსებს, რომლებიც დაგეხმარებათ არხის განვითარებაში.
სხვა ბრენდის პროდუქტების დაწინაურება
მონიშნეთ თქვენი პროდუქტი თეგით და გაყიდეთ YouTube Shopping-ის გამოყენებით 🛍️
თქვენს კონტენტში შეგიძლიათ სხვა ბრენდის პროდუქციის თეგით მონიშვნა და დაწინაურება. თქვენს კონტენტში სხვა ბრენდის პროდუქტების თეგით მოსანიშნად:
- უნდა აკმაყოფილებდეთ საკვალიფიკაციო კრიტერიუმებს.
- უნდა დაიცვათ თეგით მონიშვნის წესებს.
- პროდუქტები თეგით უნდა მონიშნოთ თქვენს კონტენტში.
არხის შესაბამისობის კრიტერიუმები სხვა ბრენდის პროდუქტების პოპულარიზაციისთვის
სხვა ბრენდის პროდუქტების თქვენს კონტენტში პოპულარიზაციისთვის თქვენი არხი უნდა აკმაყოფილებდეს შემდეგ მინიმალურ მოთხოვნებს:
- თქვენ უნდა იყოთ YouTube პარტნიორთა პროგრამის მონაწილე
- უნდა მდებარეობდეთ სამხრეთ კორეაში ან აშშ-ში.
- თქვენს არხს უნდა ჰყავდეს 10 000 გამომწერზე მეტი.
- თქვენი არხი არ უნდა იყოს მუსიკალური, მუსიკოსის ოფიციალური არხი ან არ უნდა უკავშირდებოდეს პარტნიორებს მუსიკის მიმართულებით. მუსიკის მიმართულებით პარტნიორები, შესაძლოა, მოიცავდეს მუსიკალურ ლეიბლებს, დისტრიბუტორებს, გამომცემლებს ან VEVO-ს.
Shopping-ის ეფექტურობა და შემოსავალი
პროდუქტები თქვენი დაკავშირებული მაღაზიებიდან
თქვენი თეგით მონიშნული პროდუქტების მაღალი ეფექტურობა შეგიძლიათ ნახოთ YouTube Studio-ს Shopping-ის ჩანართში ან YouTube ანალიტიკის გაფართოებულ ანგარიშებში. შემოსვლის დეტალური და განახლებული ინფორმაციის სანახავად გადადით თქვენი პლატფორმის ან საცალო მოვაჭრის ვებსაიტზე. შეგახსენებთ, რომ საქონლისა და პროდუქტების გაყიდვის ყველა გადახდა შესრულდება თქვენი საქონლით საცალო მოვაჭრის ან პლატფორმის მეშვეობით. YouTube და AdSense ამაში არ მონაწილეობს.
სხვა ბრენდების პროდუქტები
შეგიძლიათ, გამოიყენოთ YouTube ანალიტიკის გაფართოებული ანგარიშები თქვენს თეგით მონიშნულ პროდუქტებთან დაკავშირებით ჩართულობის შესაფასებლად და იმის დასადგენად, თუ რა მოცულობის ტრაფიკი მოემართება პროდუქტის გვერდებიდან.
წესები
პროდუქტები თქვენი დაკავშირებული მაღაზიებიდან
თქვენი ოფიციალური საქონლით საცალო მოვაჭრე ან პლატფორმა (Google-ისგან განსხვავებული) პასუხისმგებელია საქონლის გაყიდვის ყველა ასპექტზე; მათ შორისაა:
- მერჩენდაიზინგი
- დასაწყობება
- შეკვეთების შესრულება
- თანხის დაბრუნება
- კლიენტთა მომსახურება
- ინვენტარის მართვა
- შემქმნელთან ან მუსიკოსთან ანგარიშსწორება
მონაცემთა გაზიარება საცალო მოვაჭრეებს/პლატფორმებს და Google-ს შორის
საქონლის გაყიდვასთან და ვიზიტებთან დაკავშირებული მონაცემები გაზიარდება საცალო მოვაჭრეებსა და Google-ს შორის პროდუქტის გაუმჯობესებისა და რელევანტური ანალიტიკის უზრუნველყოფის მიზნით. მაგალითად, შეიძლება გავაზიაროთ თქვენი საცალო მოვაჭრისგან YouTube Studio-ში მიღებული ინფორმაცია საქონლის თვის ჯამური გაყიდვების შესახებ. ჩვენ შეიძლება გამოვიყენოთ აღნიშნული მონაცემები იმის შესაფასებლად, შეძლებს თუ არა ახალი ფუნქციები გაყიდვების გაზრდას თქვენი არხისთვის. საცალო მოვაჭრეები მიიღებენ YouTube Shopping-იდან მომავალ ტრაფიკთან დაკავშირებულ მონაცემებს ანალიზის მიზნით.
თქვენი საცალო მოვაჭრის მიერ Shopping-ის მონაცემების დამუშავება და გამოყენება რეგულირდება საკუთრივ საცალო მოვაჭრის მომსახურების პირობებით, მათ შორის, კონფიდენციალურობის დებულებით. Google-ის მიერ Shopping-ის აღნიშნული მონაცემების დამუშავება და გამოყენება რეგულირდება ჩვენი კონფიდენციალურობის დებულებით. აუცილებელია, რომ გაეცნოთ ამ წესებს და კარგად გაიაზროთ ისინი.სხვა ბრენდების პროდუქტები
სხვა ბრენდების პროდუქტების წარმოჩენის შემთხვევაში, ნებისმიერ ტრანზაქცია და აქტივობა საცალო მოვაჭრის ვებსაიტზე რეგულირდება საცალო მოვაჭრის მომსახურების პირობებით, მათ შორის, კონფიდენციალურობის დებულებით. საცალო მოვაჭრე დაადგენს საბოლოო ფასსა და მოქმედ საკომისიოებსა თუ გადასახადებს. საცალო მოვაჭრე დაამუშავებს მთელ შეკვეთას, რაშიც შედის:
- შეკვეთის შესრულება
- მიწოდება
- გადახდა
- მხარდაჭერა (პროდუქტებისა და თანხის დაბრუნების ჩათვლით)
შეკვეთასთან დაკავშირებული ნებისმიერ პრობლემის ან შეკითხვის (მათ შორის, პროდუქტისა და თანხის დაბრუნების) შესახებ მნახველებმა უნდა მიმართონ საცალო მოვაჭრეს.
არხზე პროდუქტების ექსკლუზიური განცხადებები
შესაბამის მოვაჭრეებს შეუძლიათ პროდუქტის განცხადებების YouTube არხებთან ექსკლუზიურად გაზიარება თავისი Google Merchant Center-ის ანგარიშებიდან ან Cafe24-ის პლატფორმის შესაბამისი პროცედურით. ამისათვის მოვაჭრეებმა განცხადებების არხში უნდა მიუთითონ იმ არხების იდენტიფიკატორები, რომლებისთვისაც ექსკლუზიურად ხელმისაწვდომი იქნება პროდუქტის განცხადებები. ამ ფუნქციის გამოყენებით, მოვაჭრეები ადასტურებენ, რომ აღნიშნული პროდუქტები ან პროდუქტების სარეკლამო აქციები ექსკლუზიურად განთავსდება კონკრეტულ YouTube არხზე და არ იქნება ხელმისაწვდომი სხვა არხებისა თუ YouTube შემქმნელებისთვის. აღნიშნული განცხადებები მონიშნულია, როგორც ექსკლუზიური იმ არხისთვის, კონკრეტული ხანგრძლივობით და გამოყოფილია მნახველებისთვის, თუ ისინი ფასდაკლებული და/ან დროში შეზღუდულია. ექსკლუზიურ განცხადებებზე ვრცელდება მოვაჭრის მომსახურების პირობები, კონფიდენციალურობის დებულების ჩათვლით. მოვაჭრე გადაწყვეტს და პასუხისმგებელია შესყიდვის საბოლოო ფასსა და პირობებზე.