Begin met Inkopies op YouTube

Met YouTube Inkopies kan skeppers maklik produkte van hul eie winkels of ander handelsmerke af oral in YouTube bemark. Deur YouTube Inkopies kan jy:

• Jou winkel aan YouTube koppel om jou eie produkte in jou inhoud uit te stal.
• Ander handelsmerke se produkte in jou inhoud merk.
• Jou Inkopies-ontledings in YouTube Analytics kontroleer om te sien hoe gemerkte produkte vaar.

YouTube Inkopies-kenmerke sluit in:

• Jou kanaal se winkel
• Produkte van jou gekoppelde winkel wat gewys word in die beskrywing en produkrak 
• Gemerkte produkte in jou video’s, Kortvideo’s en regstreekse strome

Bemark jou eie produkte

Om jou eie produkte, soos handelsware, in YouTube te bemark, kan jy:

1. Aan die geskiktheidskriteria voldoen
2. Jou winkel aan YouTube koppel
3. Produkte merk in jou winkel om dit in jou inhoud uit te stal

YouTube Inkopies: Merk en verkoop produkte vanaf jou winkel

Kykers in hierdie liggings kan jou produkte op al hierdie oppervlakke op YouTube deurblaai en koop:

• In jou kanaal se winkel
• As produkte in ’n videobeskrywing
• In ’n produkrak onder jou inhoud
• Met die Inkopies-knoppie op jou inhoud 

Let wel: Ons wys volledige produkinligting aan kykers op grond van die verkoopslande wat die winkel in Google Merchant Center stel. As hierdie video in ’n spesifieke land deur ’n “Versendinggebiede beperk”-vrywaring vergesel word, beteken dit dat die handelaar nie hierdie land in Google Merchant Center geteiken het nie. Jy kan jou kleinhandelaar of aanlyn winkeladmin kontak vir meer besonderhede. Platforms en kleinhandelaars is alleenlik verantwoordelik om versending in plaaslike markte te ondersteun. Jy kan na die platform of kleinhandelaar se webwerf gaan vir bygewerkte inligting oor hoe hulle plaaslike versending gebruik. Jy kan ook meer te wete kom oor hoe kleinhandelaars lande waar hulle verkoop, kan wysig.

Kanaalgeskiktheid om jou eie produkte te bemark

Om jou eie produkte oral op YouTube te bemark, moet jou kanaal aan hierdie minimum vereistes voldoen:

• Jy is in die YouTube Vennootprogram.
• Jou kanaal voldoen aan die intekenaardrempel vir YVP of is ’n Amptelike Kunstenaarkanaal.
• Jou kanaalgehoor moenie as Vir kinders gemaak gestel wees nie, en moenie ’n beduidende aantal video’s hê wat as vir kinders gemaak gestel is nie.
• Jou kanaal moenie enige gemeenskapsriglyne-waarskuwings ontvang het vir haatspraak, kinderveiligheid, geweld, gevaarlik of selfdood en selfleed nie.

Jy kan jou winkel koppel om Inkopies-kenmerke vir jou kanaal aan te skakel, sodra jy bevestig het dat jy aan die geskiktheidskriteria voldoen. As jy nie aan die YVP- of intekenaardrempel voldoen nie, kan jy hierdie hulpbronne raadpleeg om jou te help om jou kanaal te groei.

Kry wenke oor basiese inkopies.

Bemark produkte van ander handelsmerke af

Merk en verkoop jou produkte met YouTube Inkopies! 🛍️

Jy kan ander handelsmerke se produkte in jou inhoud merk en bemark. Om ander handelsmerke se produkte in jou inhoud te merk, moet jy:

1. Aan die geskiktheidskriteria voldoen.
2. Ons merkingriglyne volg.
3. Merk produkte in jou inhoud.

Kanaalgeskiktheid om ander handelsmerke se produkte te bemark

Om ander handelsmerke se produkte in jou inhoud te bemark, moet jou kanaal aan hierdie minimum vereistes voldoen:

• Jy is in die YouTube Venootprogram
• Jy is in Suid-Korea of die Verenigde State geleë.
• Jou kanaal het meer as 10 000 intekenare.
• Jou kanaal is nie ’n musiekkanaal of Amptelike Kunstenaarkanaal nie, en word nie met musiekvennote geassosieer nie. Musiekvennote kan musiekmaatskappye, -verspreiders, -uitgewers, of VEVO insluit.

Jou kanaalgehoor is nie as Vir Kinders Gemaak gestel nie, en jou kanaal het nie ’n beduidende aantal video’s wat as Vir Kinders Gemaak gestel is nie.

Inkopies-prestasie en -inkomste

Produkte van jou gekoppelde winkels af

Jy kan die hoëvlakprestasie van jou gemerkte produkte in die Inkopies-afdeling van YouTube Studio bekyk, of met uitgebreide verslae in YouTube Analytics. Gaan na jou handelswareplatform of kleinhandelaar se webwerf vir gedetailleerde en bygewerkte inligting. Hou in gedagte dat alle betalings vir die verkoop van handelsware en produkte deur jou handelswarekleinhandelaar of -platform betaal word. YouTube en AdSense is nie betrokke nie.

Ander handelsmerke se produkte

Jy kan uitgebreide verslae in YouTube Analytics gebruik om betrokkenheid met jou gemerkte produkte te meet en om uit te vind hoeveel van jou verkeer van produkbladsye af kom.

Beleide

Produkte van jou gekoppelde winkels af

Jou amptelike handelswarekleinhandelaar of -platform (nie Google nie) is vir alle aspekte van handelsware verantwoordelik, insluitend, maar nie beperk nie tot:

• Handelswareaanbieding
• Pakhuise
• Uitvoer van bestelling
• Terugbetalings
• Kliëntediens
• Inventarisbestuur
• Skepper- of kunstenaarbetaling

Datadeling tussen kleinhandelaars of platforms en Google

Data wat verband hou met verkoop van goedere en besoeke sal tussen kleinhandelaars en Google gedeel word vir produkverbeterings en om vir jou relevante ontledings te verskaf. Ons kan byvoorbeeld data wat ons van jou kleinhandelaar af oor totale maandelikse verkope ontvang in jou YouTube Studio deel. Ons kan ook hierdie data gebruik om te bepaal of nuwe kenmerke sal help om meer verkope vir jou kanaal aan te dryf. Kleinhandelaars ontvang data wat verband hou met verkeer wat van YouTube Inkopies-kenmerke af kom vir hul ontledings.

Jou kleinhandelaar se hantering en gebruik van Inkopies-data sal beheer word deur hul eie bepalings en voorwaardes, insluitend hul privaatheidsbeleid. Google se hantering en gebruik van Inkopies-data sal deur ons privaatheidsbeleid beheer word. Maak seker jy lees en verstaan hierdie beleide.

Ander handelsmerke se produkte

Wanneer jy ander handelsmerke se produkte vertoon, word enige transaksies en aktiwiteite op die kleinhandelaar se webwerf deur die kleinhandelaar se bepalings en voorwaardes, insluitend hul privaatheidsbeleide, beheer. Die kleinhandelaar sal die finale prys en toepaslike fooie en belastings bereken. Die kleinhandelaar sal die hele bestelling hanteer, insluitend:

• Uitvoering van die bestelling
• Versending
• Betaling
• Ondersteuning (insluitend terugsendings en terugbetalings)

Kykers kan die kleinhandelaar kontak oor enige kwessies of vrae wat met die bestelling verband hou, insluitend terugsendings en terugbetalings.

Kanaaleksklusiewe produklysinskrywings

Handelaars wat kwalifiseer kan produklysinskrywings eksklusief met spesifieke YouTube-kanale deel van binne hul Google Merchant Center-rekeninge af of in die toegewyde vloei binne die Cafe24-platform. Handelaars kan dit doen deur as deel van hul lysinskrywingstrome aan te dui tot watter kanale se skermnaam ’n spesifieke produklysinskrywing eksklusief moet wees. Deur hierdie kenmerk te gebruik, bevestig handelaars dat daardie produkte of produkpromosies eksklusief tot ’n spesifieke YouTube-kanaal is en nie op ander verkoopskanale of vir ander YouTube-skeppers beskikbaar is nie. Hierdie lysinskrywings word vir die duur daarvan as eksklusief tot daardie kanaal gemerk en word vir kykers uitgelig as daar ’n afslag vir hulle beskikbaar is en/of hulle net vir ’n beperkte tyd beskikbaar is. Eksklusiewe lysinskrywings is onderworpe aan die handelaar se bepalings en voorwaardes, insluitend hul privaatheidsbeleide. Die handelaar bepaal en is verantwoordelik vir die finale prys en aankoopvoorwaardes.