Kwalunkwe kontenut miżjud mal-Profil tan-Negozju tagħhom irid jippreżenta b'mod preċiż il-post inkwistjoni u jsegwi l-politiki u l-linji gwida. Meta jkun hemm ksur, aħna se nieħdu l-passi meħtieġa sabiex nillimitaw milli l-kontenut jintwera jew nillimitaw l-aċċess għall-profil jew il-kont tan-negozjant.
Il-politiki u l-linji gwida kollha tal-Profil tan-Negozju ta' Google.
Dan l-artiklu jiddeskrivi l-politiki ewlenin tagħna u jispjega l-aktar problemi komuni li n-negozjanti jistgħu jesperjenzaw, iżda mhuwiex komprensiv. Ara lista kompluta tal-politiki u tal-linji gwida tal-Profil tan-Negozju ta' Google.
Kontenut ipprojbit u ristrett
Il-kontenut kollu miżjud ma' Profil tan-Negozju jrid jirrispetta l-politiki dwar il-kontenut ipprojbit u ristrett ta' Google. Dawn il-politiki japplikaw għall-formati tal-kontenut kollha, li jinkludu Reċensjonijiet, Ritratti u Vidjos. Il-profili u l-kontenut li ma jissodisfax dawn il-kriterji jistgħu ma jitħallewx jiġu ppubblikati fuq Google.
Restrizzjonijiet fil-livell tal-kont
In-negozjanti jistgħu jitilfu l-aċċess għall-Profil tan-Negozju tagħhom jew ikollhom l-aċċess ristrett minħabba r-raġunijiet li ġejjin:
Jekk negozjant juri mudell ta' ksur tal-politiki tal-Profil tan-Negozju ta' Google, jista' jkun li l-aċċess għall-Profil tan-Negozju tiegħu jiġi ristrett.
Jekk kont ta’ negozjant jiġi ristrett, il-Profili tan-Negozju kollha assoċjati ma’ dak il-kont jiġu sospiżi.
Meta kont ikun ristrett, il-kontenut miżjud mill-kont ristrett jiġi rrifjutat. Il-kont irid jiġi integrat mill-ġdid qabel ma kwalunkwe kontenut li tneħħa qabel ikun jista' jiġi integrat mill-ġdid b'suċċess jew jiżdied kontenut ġdid mal-profil.
Meta jinħoloq Profil tan-Negozju permezz ta' kont assoċjat ma' prodott ieħor ta' Google, ir-restrizzjoni tal-kont tal-prodott mhux tal-Profil tan-Negozju tista' tirriżulta f'sospensjoni tal-Profil tan-Negozju.
Meta kont tal-Profil mhux tan-Negozju jkun ristrett, il-kontenut miżjud mal-profil tan-negozju mill-kont ristrett jista' jiġi rrifjutat. Il-kont tal-Profil mhux tan-Negozju jrid jiġi integrat mill-ġdid qabel ma jsir l-istess bil-profil.
Eliġibbiltà
Google għandha r-restrizzjonijiet u l-kwalifiki li ġejjin għall-Profil tan-Negozju:
Biex jikkwalifika bħala Profil tan-Negozju fuq Google, negozju jrid jagħmel kuntatt personalment mal-klijenti matul il-ħinijiet iddikjarati tiegħu.
Pereżempju, in-negozji li ġejjin mhumiex eliġibbli għal Profil tan-Negozju:
- Servizz kontinwu, klassi, jew laqgħa f'post li m'intix il-proprjetarju tiegħu jew li ma għandekx l-awtorità li tirrappreżenta.
- Aġenti jew kumpaniji li jħajru lil dak li jkun għal negozju
- Ditti, organizzazzjonijiet, artisti, u negozji oħra online.
- Proprjetajiet għall-kiri jew għall-bejgħ bħal djar tal-vaganzi, djar mudelli, jew appartamenti vojta.
Għal aktar dettalji dwar l-eliġibbiltà, aqra Eliġibbiltà u sjieda tan-negozju.
Sabiex iżżomm id-data fuq Google preċiża kemm jista' jkun, Google tuża informazzjoni minn sorsi differenti bħal rapporti tal-utenti u kontenut liċenzjat.
Jekk niddeterminaw li n-negozju tiegħek ma jeżistix fil-post fejn int tiddeskrivi, Google tiddiżattiva l-profil tiegħek.
Sjieda
Kwistjoniet ta' sjieda ta' Profil tan-Negozju jinkudu:
Restrizzjonijiet fuq il-posting
Meta l-kontributi tal-utent għal profil ma jkunux ta' għajnuna, ikunu ta' ħsara, barra mis-suġġett jew ġeneralment jiksru l-Politiki ta' Google, nistgħu nillimitaw jew nissospendu l-kontenut iġġenerat mill-utent għal dak il-profil. Eżempju jkun sensiela ta' reċensjonijiet ħżiena għal negozju minħabba raġunijiet mhux relatati man-negozju nnifsu. Sir af aktar dwar ir-restrizzjonijiet fuq il-posting.
Raġunijiet li minħabba fihom kontenut sottomess jista' jiġi rrifjutat
Kontenut miżjud ma' Profil tan-Negozju jista' jiġi rrifjutat minħabba diversi raġunijiet.
Google tista' tirrifjuta kontenuti jew appelli meta l-profil assoċjat jiġi diżattivat qabel ma Google tanalizza jew tippubblika l-kontenut.
Il-profili diżattivati jridu l-ewwel jiġu integrati mill-ġdid qabel ma l-kontenut ikun jista' jiddaħħal b'suċċess fil-profil.
Google tista' tirrifjuta kontenut jew appelli meta l-profil assoċjat jiġi sospiż qabel ma Google tanalizza jew tippubblika l-kontenut.
Il-profili sospiżi jridu l-ewwel jiġu integrati mill-ġdid qabel ma l-kontenut ikun jista' jiddaħħal b'suċċess fil-profil.
Sabiex taġġorna l-isem tan-negozju tiegħek u informazzjoni oħra fuq Google, l-ewwel trid tivverifika n-negozju tiegħek. Google tista' tirrifjuta kontenut miżjud ma' profili li mhumiex verifikati.
Għal aktar gwida dwar kif tivverifika ruħek, segwi dawn il-passi.
Raġunijiet oħra li għalihom il-kontenut jaf ma jiġix ippubblikat jew għalfejn l-appelli jistgħu jiġu rrifjutati
Xi kultant, kontenut sottomett jista' jonqos milli jiġi ppubblikat minħabba raġuniijiet mhux ta' politika li jistgħu jinkludu: