ເມື່ອທ່ານໃຊ້ YouTube, ທ່ານໄດ້ເຂົ້າຮ່ວມກັບຊຸມຊົນທີ່ມີຄົນທົ່ວໂລກ. ຂໍ້ແນະນຳລຸ່ມນີ້ຊ່ວຍເຮັດໃຫ້ YouTube ມີຄວາມມ່ວນຊື່ນ ແລະ ມີຄວາມສຸກສໍາລັບທຸກຄົນ.
ຫາກທ່ານເຫັນເນື້ອຫາທີ່ທ່ານຄິດວ່າລະເມີດຕໍ່ຂໍ້ແນະນຳເຫຼົ່ານີ້, ກະລຸນາ ລາຍງານມັນ.
ບາງເທື່ອ, ເນື້ອຫາທີ່ອາດລະເມີດຂໍ້ແນະນຳຊຸມຊົນຂອງພວກເຮົາອາດຍັງຢູ່ໃນ YouTube ເມື່ອມັນມີ ບໍລິບົດດ້ານການສຶກສາ, ສາລະຄະດີ, ວິທະຍາສາດ ຫຼື ສິນລະປະ (EDSA). ໃນກໍລະນີເຫຼົ່ານີ້, ເນື້ອຫາຈະໄດ້ຮັບຂໍ້ຍົກເວັ້ນ EDSA.
ນະໂຍບາຍເຫຼົ່ານີ້ນຳໃຊ້ກັບເນື້ອຫາທຸກປະເພດຢູ່ແພລດຟອມຂອງພວກເຮົາ, ຮວມທັງ, ຍົກຕົວຢ່າງ: ເນື້ອຫາທີ່ບໍ່ໄດ້ຈັດເຂົ້າໃນລາຍການ ແລະ ເນື້ອຫາທີ່ເປັນສ່ວນຕົວ, ຄຳເຫັນ, ລິ້ງ, ໂພສຊຸມຊົນ ແລະ ຮູບຕົວຢ່າງຕ່າງໆ. ແລະ ອີກຫຼາກຫຼາຍ.
ການສ້າງດ້ວຍສາມັນສຳນຶກ: ຂໍ້ແນະນຳຊຸມຊົນ YouTube
|
ສະແປມ ແລະ ພຶດຕິກຳຫຼອກລວງຊຸມຊົນ YouTube ແມ່ນສິ່ງທີ່ສ້າງຂຶ້ນມາຈາກຄວາມເຊື່ອໝັ້ນ. YouTube ບໍ່ອະນຸຍາດໃຫ້ມີເນື້ອຫາທີ່ມີເຈດຕະນາ ສະແກມ, ເຮັດໃຫ້ເຂົ້າໃຈຜິດ, ສະແປມ ຫຼື ສໍ້ໂກງ ຜູ້ໃຊ້ຄົນອື່ນ. |
|
ເນື້ອຫາທີ່ລະອຽດອ່ອນພວກເຮົາຫວັງວ່າຈະຊ່ວຍປົກປ້ອງຜູ້ຊົມ, ຜູ້ສ້າງ ແລະ ໂດຍສະເພາະແມ່ນເດັກນ້ອຍ. ນັ້ນແມ່ນສາເຫດທີ່ພວກເຮົາສ້າງກົດລະບຽບທີ່ເຮັດໃຫ້ເດັກນ້ອຍມີຄວາມປອດໄພທີ່ກ່ຽວຂ້ອງກັບເພດ ແລະ ພາບອະນາຈານ ແລະ ການທໍາຮ້າຍຕົວເອງ. ກະລຸນາສຶກສາຂໍ້ມູນຢູ່ YouTube ກ່ຽວກັບສິ່ງທີ່ອະນຸຍາດ ແລະ ສິ່ງທີ່ຄວນປະຕິບັດ ຖ້າພົບເຫັນເນື້ອຫາທີ່ບໍ່ສອດຄ່ອງກັບນະໂຍບາຍເຫຼົ່ານີ້. |
|
ເນື້ອຫາຮຸນແຮງ ຫຼື ອັນຕະລາຍYouTube ບໍ່ອະນຸຍາດໃຫ້ມີຄໍາເວົ້າທີ່ສະແດງເຖິງຄວາມກຽດຊັງ, ພຶດຕິກໍານັກລ່າ, ຮູບພາບທີ່ສະແດງເຖິງຄວາມຮຸນແຮງ, ການໂຈມຕີທີ່ປະສົງຮ້າຍ ແລະ ເນື້ອຫາທີ່ສົ່ງເສີມເຖິງການກະທໍາທີ່ເປັນໄພ ຫຼື ພຶດຕິກໍາທີ່ເປັນອັນຕະລາຍ. |
|
ສິນຄ້າຄວບຄຸມສິນຄ້າບາງຢ່າງບໍ່ສາມາດຂາຍໄດ້ໃນ YouTube. ຈົ່ງຄົ້ນຫາສິ່ງທີ່ອະນຸຍາດ—ແລະ ສິ່ງທີ່ບໍ່ໄດ້ຮັບອະນຸຍາດ. |
|
ຂໍ້ມູນບໍ່ຖືກຕ້ອງYouTube ບໍ່ອະນຸຍາດໃຫ້ໂພສເນື້ອຫາບາງປະເພດທີ່ເຮັດໃຫ້ເຂົ້າໃຈຜິດ ຫຼື ຫຼອກລວງທີ່ມີຄວາມສ່ຽງໃນການສ້າງຄວາມເສຍຫາຍຂັ້ນຮ້າຍແຮງ. ນີ້ຮວມເຖິງຂໍ້ມູນບາງປະເພດທີ່ບໍ່ຖືກຕ້ອງທີ່ອາດພາໃຫ້ເກີດອັນຕະລາຍໃນໂລກແຫ່ງຄວາມເປັນຈິງໄດ້ ເຊັ່ນ: ການສົ່ງເສີມການຮັກສາພະຍາດ ຫຼື ການປິ່ນປົວທີ່ເປັນອັນຕະລາຍ, ເນື້ອຫາບາງປະເພດທີ່ມີການຈັດການທາງດ້ານເທັກນິກ ແລະ ເນື້ອຫາທີ່ແຊກແຊງຂະບວນການດ້ານປະຊາທິປະໄຕ. |
|
ເນື້ອຫາດ້ານການສຶກສາ, ສາລະຄະດີ, ວິທະຍາສາດ ແລະ ສິນລະປະ (EDSA)ຂໍ້ແນະນຳຊຸມຊົນຂອງພວກເຮົາມີຈຸດປະສົງເພື່ອເຮັດໃຫ້ YouTube ເປັນຊຸມຊົນທີ່ປອດໄພຍິ່ງຂຶ້ນ. ບາງເທື່ອ, ເນື້ອຫາທີ່ອາດລະເມີດຂໍ້ແນະນຳຊຸມຊົນຂອງພວກເຮົາອາດຍັງຢູ່ YouTube ເມື່ອມັນມີບໍລິບົດດ້ານການສຶກສາ, ສາລະຄະດີ, ວິທະຍາສາດ ຫຼື ສິນລະປະ (EDSA). ໃນກໍລະນີເຫຼົ່ານີ້, ເນື້ອຫາຈະໄດ້ຮັບຂໍ້ຍົກເວັ້ນ EDSA. |
ກະລຸນາປະຕິບັດຕາມຂັ້ນຕອນເຫຼົ່ານີ້ຢ່າງເອົາຈິງເອົາຈັງ. ຖ້າຜູ້ສ້າງ YouTube ມີພຶດຕິກໍາຢູ່ໃນ ແລະ/ຫຼື ນອກແພລດຟອມທີ່ເປັນອັນຕະລາຍຕໍ່ຜູ້ໃຊ້, ຊຸມຊົນ, ພະນັກງານ ຫຼື ລະບົບນິເວດຂອງພວກເຮົາ, ພວກເຮົາອາດຈະຕອບໂຕ້ໂດຍພິຈາລະນາຈາກປັດໄຈຫຼາຍປະການຮວມເຖິງແຕ່ບໍ່ຈໍາກັດຕໍ່ກັບຄວາມຮ້າຍແຮງຂອງການກະທໍາຂອງເຂົາເຈົ້າ ແລະ ບໍ່ວ່າຈະເປັນຮູບແບບພຶດຕິກໍາທີ່ເປັນອັນຕະລາຍທີ່ມີຢູ່ກໍ່ຕາມ. ການໂຕ້ຕອບຂອງພວກເຮົາຈະມີນັບແຕ່ການລະງັບສິດຂອງຜູ້ສ້າງໄປຈົນເຖິງການຍົກເລີກບັນຊີ.