Muhtasari wa mapato ya washirika wa YouTube

Kutokana na vita vinavyoendelea Ukraini, tutasimamisha kwa muda kuwapatia matangazo ya Google na YouTube watumiaji walio nchini Urusi. Pata maelezo zaidi.

Maelezo yaliyo kwenye ukurasa huu ni ya watayarishi wanaochuma mapato kwenye YouTube, kama vile walio katika Mpango wa Washirika wa YouTube.

Mpango wa Washirika wa YouTube huwawezesha watayarishi kuchuma mapato kutokana na maudhui yao kwenye YouTube. Watayarishi wanaweza kugawana mapato yanayotokana na matangazo yaliyo kwenye video zao au kwa kutumia vipengele vingine vya uchumaji wa mapato. Tumia ukurasa huu kuelewa jinsi unavyochuma mapato, jinsi unavyolipwa na wakati unaweza kulipwa.

Ninachumaje mapato?

Mapato ya utangazaji

Ukiwasha kipengele cha uchumaji wa mapato kwenye chaneli yako, unaweza kuwasha matangazo kutoka Google na washirika wake kwenye video zako na ugawane mapato yanayotokana na matangazo hayo.

Chini ya makubaliano ya ushirika ya YouTube, hakuna dhamana zozote kuhusu kiasi utakacholipwa au iwapo utalipwa. Mapato huzalishwa kulingana na mgawo wa mapato ya utangazaji kutoka kwa watazamaji wanaotazama video yako. Pata maelezo zaidi kuhusu jinsi matangazo yanavyoonekana kwenye video unazotumia kuchuma mapato.

Vipengele vingine vya uchumaji wa mapato

Unaweza pia kuchuma mapato kwenye vipengele vingine vya uchumaji wa mapato kama vile uanachama katika chaneli, Ununuzi, Super Chat na Super Stickers, Shukrani Moto na usajili kwenye YouTube Premium. Pata maelezo zaidi kuhusu njia zote unazoweza kutumia kuchuma mapato kwenye YouTube.

Je, ninapata ugavi wa mapato kiasi gani?

Ugavi wa mapato unarejelea asilimia yako ya mapato yote iliyobainishwa katika makubaliano ya ushirika wako mahususi na YouTube. Unaweza kuangalia makubaliano yako ili upate maelezo mahususi kuhusu kiwango chako cha ugavi wa mapato:

Ingia katika akaunti kwenye Studio ya YouTube
Kwenye menyu ya kushoto, chagua Mipangilio
Chagua Makubaliano
Bofya Angalia makubaliano karibu na kila mkataba ili upate maelezo kuhusu kiwango chako cha ugavi wa mapato

Pata maelezo zaidi kuhusu mahali pa kupata makubaliano yako.

Kumbuka: Kodi za miamala kama vile kodi ya mauzo, VAT, GST, nk. hazikusanywi na Google na hazijumuishwi katika ukokotoaji wa kiwango cha ugavi wa mapato ya washirika.

Viwango vya ugavi wa mapato

Kuna Sehemu mahususi katika Studio ya YouTube ambazo washirika wanaweza kuchagua kwa hiari. Wakati wa kukagua sheria na masharti ya kila Sehemu, washirika wanaweza kupata maelezo zaidi kuhusu viwango vya ugavi wa mapato.

Sehemu ya Bidhaa za Biashara

Mshirika akiwasha vipengele vya ufadhili kutoka kwa mashabiki kwa kukagua na kukubali masharti ya Sehemu ya Bidhaa za Biashara, YouTube itamlipa asilimia 70 ya mapato halisi yanayotokana na vipengele vya uanachama katika chaneli, Super Chat, Super Stickers na Shukrani Moto.

Sehemu ya Uchumaji wa Mapato kwenye Ukurasa wa Kutazama

Mshirika akiwasha Matangazo ya Ukurasa wa Kutazama kwa kukagua na kukubali masharti ya Sehemu ya Uchumaji wa Mapato kwenye Ukurasa wa Kutazama, YouTube itamlipa asilimia 55 ya mapato halisi yanayotokana na matangazo yaliyoonyeshwa au yaliyotiririshwa katika video zake za umma kwenye Ukurasa wake wa Kutazama maudhui. Kiwango hiki cha ugavi wa mapato hutumika pia video zake za umma zinapotiririshwa ndani ya Kicheza Video cha YouTube kwenye tovuti au programu zingine.

Sehemu ya Uchumaji Mapato katika Video Fupi

Mshirika akiwasha Matangazo ya Mipasho ya Video Fupi kwa kukagua na kukubali masharti ya Sehemu ya Uchumaji Mapato katika Video Fupi, YouTube itamlipa asilimia 45 ya mapato aliyogawiwa kulingana na mgawo wake wa utazamaji katika Jumla ya Mapato ya Watayarishi yanayotokana na Video Fupi.

Ninaweza kuangalia mapato yangu wapi?

Takwimu za YouTube

Unaweza kuangalia makadirio ya mapato yako ya YouTube ukitumia Takwimu za YouTube.

Ingia katika akaunti ya Studio ya YouTube.
Kwenye menyu ya kushoto, chagua Takwimu.
Kwenye menyu ya sehemu ya juu, chagua Mapato.

Katika mwonekano huu, unaweza kuangalia ripoti mbalimbali za mapato zinazohusiana na mapato yako. Pata maelezo zaidi kuhusu kutumia Takwimu za YouTube kuangalia mapato yako.

Makadirio ya mapato ya kila mwezi

Kumbuka kuwa makadirio ya mapato ya kila mwezi kama yanavyoonyeshwa katika Takwimu za YouTube yanaweza kubadilika:

Makadirio ya mapato ya kila mwezi yanaweza kurekebishwa kutokana na vyanzo vya hadhira visivyo sahihi, madai ya Content ID na mizozo au baadhi ya aina za kampeni za utangazaji (kama vile kampeni za gharama kwa siku). Iwapo makadirio ya mapato yako ya kila mwezi yanaonekana kubadilikabadilika, huenda ni kwa sababu ya marekebisho hayo. Hufanyika mara mbili baada ya mapato kuzalishwa: baada ya wiki 1 (kutoa makadirio kamili zaidi) na katikati ya mwezi unaofuata kuonyesha mapato yako ya mwisho.

AdSense katika YouTube

Mapato yako ya mwisho yanaonekana tu katika akaunti yako ya AdSense katika YouTube. Mapato halisi ya mwezi uliopita huwekwa kwenye salio la akaunti ya AdSense katika YouTube kati ya tarehe 7 na 12 ya kila mwezi.

Unaweza kupata mapato yako ya mwisho ndani ya akaunti yako ya AdSense katika YouTube.

Ingia kwenye akaunti yako ya AdSense katika YouTube.
Kwenye upande wa kushoto, chagua Mipangilio Malipo. Utaona jumla ya mapato yako ya kipindi ulichochagua na miamala yako ya mwisho.

Hatua ya Kuzuia kodi inaweza kuathiri mapato yako ya mwisho (ikiwa kodi inazuiwa) na kiasi kilichozuiwa kinaonekana tu katika akaunti yako ya AdSense katika YouTube.

Je, mapato yangu yatatozwa kodi?

Kumbuka: YouTube na Google haziwezi kukupa ushauri kuhusu masuala ya kodi. Wasiliana na mtaalamu wa kodi ili uelewe vyema hali yako ya kodi.

Masharti ya kodi ya Marekani

Google huzuia kodi za Marekani kwenye mapato unayochuma kutokana na watazamaji nchini Marekani. Wasilisha taarifa zako za kodi ya Marekani katika akaunti yako ya AdSense katika YouTube ikiwa bado hujafanya hivyo ili Google iweze kubaini kiwango chako sahihi cha kodi ya zuio. Iwapo hutatoa taarifa za kodi, Google inaweza kuhitajika kuzuia kima cha juu zaidi cha kodi.

Watayarishi wote wanaochuma mapato wanatakiwa kuwasilisha taarifa za kodi ya Marekani, bila kujali mahali waliko duniani. Washirika wapya walio na akaunti mpya za AdSense katika YouTube wanatakiwa pia kuwasilisha taarifa hizo za kodi kabla hawajapata malipo yao ya kwanza. Pata maelezo zaidi kuhusu masharti ya kodi ya Marekani kwenye mapato ya YouTube na jinsi ya kuwasilisha taarifa zako za kodi ya Marekani kwa Google.

Dhima nyingine ya kulipa kodi

Kumbuka kuwa unaweza kuwajibika kulipa kodi kwa nchi au eneo unakoishi kwa mapato yoyote uliyochuma kutokana na video zako kwenye YouTube. Wasiliana na mamlaka ya kodi ya eneo husika ili upate mwongozo wa kina.

Ninawezaje kulipwa?

Ili uweze kulipwa kwenye YouTube, ni lazima uwe mwanachama wa Mpango wa Washirika wa YouTube. Utaelekezwa kufungua akaunti mpya ya AdSense katika YouTube ikiwa unajiunga kwa mara ya kwanza.

AdSense katika YouTube

Mbinu ya msingi ya kulipwa mapato yako ya YouTube hufanyika kupitia AdSense katika YouTube. AdSense katika YouTube ni mpango wa Google ambapo Watayarishi wa YouTube wanaochuma mapato waweza kupata pesa na kulipwa.

Nyenzo muhimu

Mtandao wa Chaneli Mbalimbali (MCN)

Malipo kwa chaneli za washirika zinavyoshirikiana na mitandao ya chaneli mbalimbali (MCN) hayafanywi na YouTube, ila hufanywa na Mtandao wa Chaneli Mbalimbali moja kwa moja kwa washirika wake. YouTube hutoa malipo kwa Mtandao wa Chaneli Mbalimbali (MCN) kisha mtandao huo unawajibika kuwalipa washirika wake. Ratiba ya malipo ya chaneli hizi ni sawa na ya chaneli nyingine zote zinazochuma mapato (angalia Ratiba za malipo). Wakati wa kubaini malipo ya washirika wake, kila Mtandao wa Chaneli Mbalimbali (MCN) una uwezo wa kufikia ripoti inayouwezesha kukokotoa kodi ya zuio ya washirika wake husika, ikiwa inatumika.

Malipo ya Ununuzi

Ili ulipwe kutokana na mauzo ya bidhaa katika duka la chaneli yako, utapata malipo moja kwa moja kutoka kwa mfumo au muuzaji rasmi anayeshughulikia bidhaa zako. Pata maelezo zaidi kuhusu Ununuzi kupitia YouTube. Kwa kutumia mpango wa washirika wa Ununuzi kwenye YouTube, watayarishi wanaostahiki wanaweza pia kupata asilimia ya faida watazamaji wanaponunua bidhaa za wengine zilizoangaziwa katika maudhui yao kupitia kiungo cha moja kwa moja.

Nitalipwa lini?

Ratiba za malipo

Mapato ya mwisho ya YouTube ya mwezi uliotangulia huwekwa kwenye salio la akaunti yako ya malipo ya YouTube katika AdSense katika YouTube kati ya tarehe 7 na 12 ya mwezi wa sasa. Kwa mfano, ikiwa unaishi Marekani na ukapata $100 katika mwezi Juni, utaona salio hili kati ya tarehe 7 na 12 mwezi Julai.

Utalipwa mapato hayo kufikia tarehe 21 hadi 26 ya mwezi wa sasa ilimradi jumla ya salio lako limefikia kima cha malipo na ikiwa huna malipo yoyote yaliyoahirishwa. Unaweza pia kuona makato yoyote husika ya kodi wakati huu.

Kwa kifupi, utalipwa ukitimiza vigezo vifuatavyo:

Mapato yako yakifikisha kima cha juu cha malipo cha eneo lako.
Hakuna malipo yaliyosubirishwa kwenye akaunti yako.
Umewasilisha taarifa zako za kodi ya Marekani.
Uchumaji wa mapato haujasimamishwa au kusitishwa kwenye chaneli yako.
Unatii sera za uchumaji wa mapato kwenye YouTube.

Pata maelezo zaidi kuhusu ratiba za malipo ya AdSense katika YouTube.

Je, maelezo haya yamekufaa?

Tunawezaje kuboresha?