Yfirlit yfir hagnað YouTube-samstarfsaðila

Í ljósi yfirstandandi stríðsástands í Úkraínu höfum við tímabundið lokað á birtingu Google- og YouTube-auglýsinga fyrir notendur sem staðsettir eru í Rússlandi. Nánar.

Upplýsingarnar á þessari síðu eru ætlaðar höfundum sem afla tekna með YouTube, til dæmis höfundum sem eru í þjónustu YouTube fyrir samstarfsaðila.

Þjónusta YouTube fyrir samstarfsaðila leyfir höfundum að afla tekna af efninu sínu á YouTube. Höfundar geta deilt hagnaði af auglýsingum sem birtast í vídeóum eða með því að nota úrval annarra tekjuöflunareiginleika. Notaðu þessa síðu til að skilja hvernig hagnaður þinn verður að tekjum, hvernig þú getur fengið greitt og hvenær þú getur fengið greitt.

Hvernig get ég aflað tekna?

Auglýsingatekjur

Þegar þú opnar fyrir tekjuöflun á rásinni þinni geturðu kveikt á auglýsingum frá Google og samstarfsaðilum þess í vídeóum og deilt tekjum af þeim.
 
YouTube-samstarfssamningurinn veitir engar tryggingar fyrir því hversu mikið eða hvort þú færð greitt. Hagnaðurinn fer eftir hlutdeild í auglýsingatekjum sem myndast þegar áhorfendur horfa á vídeóið þitt. Nánar um hvernig auglýsingar birtast í vídeóum með tekjuöflun.

Aðrir tekjuöflunareiginleikar

Þú getur líka aflað tekna af öðrum tekjuöflunareiginleikum, til dæmis rásaraðildum, Shopping, Súperspjalli og Super Stickers, SúperTakk og áskriftum að YouTube Premium. Nánar um mögulegar leiðir til að afla tekna á YouTube.

Hver er tekjuhlutur minn?

Tekjuhlutur þýðir hlutfallið sem þú færð af brúttótekjum og er tilgreint í samstarfssamningum þínum við YouTube. Þú getur lesið samningana þína til að fá frekari upplýsingar um tekjuhlut þinn:

1. Skráðu þig inn í YouTube Studio
2. Í vinstri valmyndinni skaltu velja Stillingar
3. Veldu Samningar
4. Smelltu á Skoða samning við hliðina á hverjum samningi til að sjá frekari upplýsingar um tekjuhlut þinn

Nánar um hvar þú finnur samningana þína.

Tilkynning: Viðskiptatengdir skattar svo sem söluskattar, VSK, o.s.frv. eru ekki tekjur Google og eru ekki innifaldir í útreikningum sem snúa að skiptingu tekna milli samstarfsaðila.

Hlutfall tekjudeilingar

Samstarfsaðilar geta valið tilteknar einingar í YouTube Studio. Þegar samstarfsaðilar skoða skilmála hverrar einingar geta þeir kynnt sér nánar hlutfall tekjudeilingar.

Viðskiptavörueining

Ef samstarfsaðili kveikir á eiginleikum til fjármögnunar frá aðdáendum með því að lesa og samþykkja viðskiptavörueininguna mun YouTube greiða honum 70% af nettótekjum af rásaraðildum, Súperspjalli, Super Stickers og SúperTakk.

Tekjuöflunareining áhorfssíðu

Ef samstarfsaðili kveikir á auglýsingum á áhorfssíðu með því að lesa og samþykkja Tekjuöflunareiningu áhorfssíðu mun YouTube greiða honum 55% af nettótekjum af auglýsingum sem birtar eru eða streymt í opinberum vídeóum hans á áhorfssíðu efnisins. Þessi tekjuhlutur gildir einnig þegar opinberum vídeóum hans er streymt innan YouTube-vídeóspilarans á öðrum vefsvæðum eða forritum. 

Tekjuöflunareining Shorts

Ef samstarfsaðili kveikir á auglýsingum í Shorts-straumi með því að lesa og samþykkja Tekjuöflunareiningu Shorts mun YouTube greiða honum 45% af þeim tekjum sem honum er úthlutað úr höfundapottinum byggt á hlut hans af áhorfunum. 

Hvar get ég séð hagnaðinn minn?

YouTube-greining

Þú getur skoðað áætlaðar tekjur þínar frá YouTube með því að nota YouTube-greiningu.

1. Skráðu þig inn í YouTube Studio.
2. Veldu Greining úr vinstri valmyndinni.
3. Veldu Tekjur í efstu valmyndinni.

Hér geturðu séð tekjuskýrslur eftir tekjuuppsprettu. Nánar um notkun á YouTube-greiningu til að skoða hagnað.

Áætlaðar mánaðartekjur

Hafðu í huga að áætlaðar mánaðartekjur eins og þær birtast í YouTube-greiningu gætu sveiflast:

Áætlaðar mánaðartekjur eru háðar leiðréttingum vegna ógildrar umferðar, Content ID-tilkalla og ágreiningsmála eða tiltekinna tegunda auglýsingaherferða (eins og herferða með kostnað á dag). Ef áætlaðar mánaðartekjur þínar virðast sveiflast getur það verið vegna þessara leiðréttinga. Leiðréttingarnar eru gerðar tvisvar eftir tekjumyndun: eftir eina viku (sem gefur nákvæmari áætlun) og í miðjum næsta mánuði til að sýna endanlegan hagnað.

AdSense fyrir YouTube

Endanlegur hagnaður er eingöngu sýnilegur í AdSense fyrir YouTube-reikningnum þínum. Endanlegum hagnaði fyrir undanfarinn mánuð er bætt við reikningsstöðuna í AdSense fyrir YouTube á milli 7. og 12. dags hvers mánaðar.

Þú getur séð endanlegan hagnað þinn á AdSense fyrir YouTube-reikningnum.

1. Skráðu þig inn á AdSense fyrir YouTube-reikninginn þinn.
2. Í vinstri valmyndinni skaltu velja Stillingar  Greiðslur. Þú munt sjá heildarhagnað fyrir tímabilið sem var valið og síðustu færslurnar þínar.

Staðgreiðsluskattur gæti breytt endanlegum hagnaði (ef við á) og upphæðin sem er haldið eftir er eingöngu sýnileg í AdSense fyrir YouTube-reikningnum.

Er hagnaðurinn minn skattskyldur?

Athugaðu: YouTube og Google geta ekki ráðlagt um skattamál. Ráðfærðu þig við skattasérfræðing til að skilja skattastöðu þína betur.

Skattakröfur í Bandaríkjunum 

Google dregur frá bandaríska skatta af hagnaði sem þú færð frá áhorfendum í Bandaríkjunum. Sendu skattaupplýsingar þínar fyrir Bandaríkin í AdSense fyrir YouTube-reikningnum þínum, ef þú hefur ekki þegar gert það, til að Google geti ákvarðað rétt frádráttarhlutfall. Ef þú sendir ekki skattaupplýsingarnar gæti Google þurft að draga frá hámarkshlutfallið.
 
Öllum tekjuöflunarhöfundum er skylt að senda inn bandarískar skattaupplýsingar, óháð búsetu þeirra. Það er líka skylda fyrir nýja samstarfsaðila með nýja AdSense fyrir YouTube-reikninga áður en þeir geta fengið greitt í fyrsta skipti. Nánar um skattakröfur í Bandaríkjunum vegna hagnaðar á YouTube og hvernig á að senda bandarískar skattaupplýsingar til Google.

Aðrar skattalegar skyldur

Hafðu í huga að þér gæti verið skylt að greiða skatta í búsetulandi þínu eða svæði af öllum tekjum sem þú færð af vídeóunum þínum með tekjuöflun á YouTube. Hafðu samband við skattayfirvöld á staðnum til að fá frekari upplýsingar.

Hvernig get ég fengið greitt?

Til að fá greitt á YouTube þarft þú að gerast meðlimur í þjónustu YouTube fyrir samstarfsaðila. Þú færð leiðbeiningar um að búa til nýjan AdSense fyrir YouTube-reikning ef þú ert að gera það í fyrsta skipti.

AdSense fyrir YouTube

Aðalgreiðslumátinn fyrir tekjur af YouTube er í gegnum AdSense fyrir YouTube. AdSense fyrir YouTube er þjónusta Google þar sem YouTube-höfundar með tekjuöflun geta aflað tekna og fengið greitt. 

Nytsamleg gögn

• AdSense fyrir YouTube
• Stofnaðu AdSense fyrir YouTube-reikning til að fá greitt á YouTube
• Settu upp greiðslumáta í AdSense fyrir YouTube
• Skref til að fá greitt
• Algengar spurningar um greiðslur

Rásanet

YouTube sér ekki um að greiða hlutdeildarrásum í samstarfi við rásanet, heldur greiðir rásanetið beint til hlutdeildarfélaga sinna. YouTube sendir greiðslu til rásanetsins og það ber ábyrgð á að greiða hlutdeildarfélögum sínum. Greiðslutímalínan fyrir þetta er sú sama og fyrir allar aðrar rásir með tekjuöflun (sjá Greiðslutímalínur). Þegar rásanet reiknar út greiðslur til hlutdeildarfélaga sinna hefur það aðgang að skýrslu sem leyfir því að reikna út staðgreiðsluskatt fyrir hvert hlutdeildarfélag, ef við á.

Shopping-greiðslur

Þú færð greiðslur beint frá opinbera smásalanum þínum eða verkvangi fyrir sölu í verslun rásarinnar þinnar. Nánar um verslun á YouTube. Með hlutdeildarþjónustu YouTube Shopping geta gjaldgengir höfundar einnig fengið söluþóknun þegar áhorfendur kaupa vörur frá þriðja aðila sem birtast í efni þeirra í gegnum beinan tengil. 

Hvenær get ég fengið greitt?

Greiðslutímalínur

Endanlegum YouTube-hagnaði fyrir undanfarinn mánuð er bætt við YouTube-greiðslureikninginn í AdSense fyrir YouTube á milli 7. og 12. dags yfirstandandi mánaðar. Til dæmis, ef þú ert í Bandaríkjunum og hagnaður þinn er 100 USD í júní geturðu séð þessa innistæðu á tímabilinu 7.-12. júlí.

Hagnaðurinn er greiddur út á milli 21. og 26. dags yfirstandandi mánaðar svo lengi sem heildarinnistæða þín hefur náð greiðsluþröskuldinum og þú ert ekki með neitt í greiðslubið. Einnig gæti gildandi skattur verið dreginn frá á þessum tíma. 

Í stuttu máli færðu greitt þegar eftirfarandi skilyrði eru uppfyllt:

• Hagnaður þinn nær staðbundnum greiðslumörkum.
• Það er engin greiðslubið á reikningnum.
• Þú hefur sent inn bandarískar skattaupplýsingar.
• Ekki er lokað eða hlé á tekjuöflun á rásinni þinni.
• Þú ferð eftir tekjuöflunarreglum YouTube.

Nánar um greiðslutímalínur AdSense fyrir YouTube.