ఇప్పుడు కింది దేశాలలో డిజిటల్ కంటెంట్కు, సర్వీస్లకు చేసే పేమెంట్లకు సంబంధించి, డెవలపర్లు, వారి యూజర్లకు Google Play బిల్లింగ్ సిస్టమ్ కాకుండా ఇతర ప్రత్యామ్నాయాలను అందించవచ్చు:
- ఐరోపా ఆర్థిక మండలి (EEA) దేశాలు
- ఆస్ట్రేలియా
- బ్రెజిల్
- ఇండియా
- ఇండోనేషియా
- జపాన్
- దక్షిణాఫ్రికా
- దక్షిణ కొరియా
- యునైటెడ్ స్టేట్స్
Google Play బిల్లింగ్ సిస్టమ్
Google Play బిల్లింగ్ సిస్టమ్ ద్వారా మీరు డిజిటల్ ప్రోడక్ట్లను, యాప్లోని కంటెంట్ను భద్రంగా, సురక్షితంగా కొనుగోలు చేయవచ్చు. ఈ కొనుగోళ్లలోకి సబ్స్క్రిప్షన్లు కూడా వస్తాయి. మీ పేమెంట్ సమాచారం మీ Google ఖాతాలో సురక్షితంగా స్టోర్ చేయబడుతుంది, యాప్ డెవలపర్లతో షేర్ చేయబడదు. మీరు ఎప్పుడు కొనుగోలు చేసినా సదరు కొనుగోలును ప్రామాణీకరించాల్సి ఉంటుంది. తద్వారా అనుకోకుండా పొరపాటున కొనుగోళ్లు చేసే అవకాశం ఉండదు.
మీరు Google Play బిల్లింగ్ సిస్టమ్ను ఉపయోగించినప్పుడు, మీరు నెలవారీ బడ్జెట్ను కూడా సెట్ చేయవచ్చు, మీ పేమెంట్ హిస్టరీని చెక్ చేయవచ్చు, సబ్స్క్రిప్షన్ సెంటర్ ద్వారా మీ సబ్స్క్రిప్షన్లను ఒకే చోట మేనేజ్ చేయవచ్చు, తల్లిదండ్రుల కంట్రోల్స్ను సెట్ చేయవచ్చు మేనేజ్ చేయవచ్చు. మీరు ఫ్యామిలీ గ్రూప్ను సెటప్ చేయవచ్చు, ఒకవేళ మీరు గ్రూప్లో తల్లి/తండ్రి అయితే, మీరు మెంబర్లు ఉపయోగించేందుకు ఫ్యామిలీ పేమెంట్ ఆప్షన్ను సెటప్ చేయవచ్చు, అలాగే Google Playలో కంటెంట్ను కొనుగోలు చేయడానికి లేదా డౌన్లోడ్ చేయడానికి మీ అనుమతి అవసరమయ్యే విధంగా సెటప్ చేయవచ్చు. Google Playలో చేసిన కొనుగోలుకు సంబంధించి సమస్య ఉంటే, మీరు Google Play ద్వారా కూడా రీఫండ్ను రిక్వెస్ట్ చేయవచ్చు.
Google Play బిల్లింగ్ సిస్టమ్లో ప్రపంచవ్యాప్తంగా పలు రకాల పేమెంట్ ఆప్షన్ల ద్వారా పేమెంట్ చేయడం చాలా సులభం. మీ దేశాన్ని బట్టి, పేమెంట్ ఆప్షన్లలో లోకల్ మొబైల్ ఫోన్ బిల్లింగ్, ఈ-వాలెట్లు, నగదు, Play గిఫ్ట్ కార్డ్లు ఉండవచ్చు. మీ కొనుగోళ్ల ద్వారా Play పాయింట్లను సంపాదించవచ్చు. అందుబాటులో ఉన్న పేమెంట్ ఆప్షన్ల గురించి మరింత తెలుసుకోండి.
Google Play బిల్లింగ్ సిస్టమ్ ఎలా పని చేస్తుంది అనే దాని గురించి మరింత తెలుసుకోండి.
యూజర్ల కోసం ప్రత్యామ్నాయ బిల్లింగ్ సిస్టమ్లు
ప్రతి కొనుగోలుపై పలు బిల్లింగ్ సిస్టమ్ల మధ్య ఎంచుకునే వెసులుబాటును డెవలపర్లు మీకు అందించవచ్చు. ఇది, మీరు నివసించే దేశం పైన, ఇందులో పాల్గొనే డెవలపర్ నిర్ణయం పైన ఆధారపడి ఉంటుంది. మీ ఎంపిక వీటిని నిర్ణయిస్తుంది:
- మీ కొనుగోలును సురక్షితం చేయడం, మీ పేమెంట్ను ప్రాసెస్ చేయడం అలాగే ఏదైనా పేమెంట్ సమాచారాన్ని స్టోర్ చేయడం లాంటివి ఎవరు చేస్తారు
- కొనుగోలుకు సంబంధించిన కస్టమర్ సపోర్ట్ను ఎవరు అందజేస్తారు
- మీ కొనుగోలుతో ఎలాంటి ప్రయోజనాలు అందుబాటులో ఉన్నాయి
- EEA దేశాలలో వర్తించే వినియోగదారు హక్కులకు ఎవరు బాధ్యత వహిస్తారు
మీరు Play ఎకో-సిస్టమ్లో కొనుగోళ్లు చేసినప్పుడు, సమాచారాన్ని విశ్లేషించి సరైన నిర్ణయం తీసుకోవడంలో, ఈ ఎంపిక మీకు సహాయపడుతుందని మేము విశ్వసిస్తున్నాము.
చిట్కా: EEA దేశాల్లోని యూజర్ల కోసం, Google Play బిల్లింగ్ సిస్టమ్ ఎంపిక లేకుండానే మీకు ప్రత్యామ్నాయ బిల్లింగ్ సిస్టమ్ అందించబడవచ్చు.
ఆస్ట్రేలియా, బ్రెజిల్, ఇండియా, ఇండోనేషియా, జపాన్, దక్షిణాఫ్రికా, దక్షిణ కొరియా ఇంకా యునైటెడ్ స్టేట్స్లోని యూజర్లు, ప్రతి కొనుగోలుకు బిల్లింగ్ సిస్టమ్ల ఎంపికను కలిగి ఉంటారుచిట్కాలు:
- మీరు డెవలపర్తో లేదా ప్రత్యామ్నాయ బిల్లింగ్ సర్వీస్ ప్రొవైడర్తో షేర్ చేసే మీ బిల్లింగ్ అడ్రస్, పేమెంట్ ఆప్షన్ డిటైల్స్ వంటి పేమెంట్ సమాచారాన్ని సురక్షితంగా ఉంచే బాధ్యత Googleపై ఉండదు.
- మీరు చెక్అవుట్లో Google Playను ఎంచుకున్నప్పుడు, అందుబాటులో ఉండే ఫీచర్లు:
- Play గిఫ్ట్ కార్డ్లు లేదా Play పాయింట్లు
- ఈ ఫీచర్ కేవలం ఎంపిక చేసిన దేశాల్లో మాత్రమే అందుబాటులో ఉంటుంది.
- కొనుగోలు కంట్రోల్స్
- Play సబ్స్క్రిప్షన్ మేనేజ్మెంట్
- Play Pass ఆఫర్లు
- Play గిఫ్ట్ కార్డ్లు లేదా Play పాయింట్లు
- బిల్లింగ్ ఫీచర్లను, ప్రయోజనాలను ప్రత్యామ్నాయ బిల్లింగ్ సిస్టమ్లు ఏ విధంగా అందిస్తాయో తెలుసుకోవడానికి, మీ డెవలపర్ను సంప్రదించండి.
పిల్లల కోసం ప్రత్యామ్నాయ బిల్లింగ్
యాప్లలో డిజిటల్ కంటెంట్ను చిన్నారి కొనుగోలు చేయవచ్చు. అలాగే వారు Google Play అందించే లేదా డెవలపర్ అందించే మరొక పేమెంట్ ఆప్షన్ను ఉపయోగించవచ్చు. ఒకవేళ డెవలపర్ అందించిన బిల్లింగ్ సిస్టమ్ను చిన్నారి ఉపయోగిస్తే, Playలో కొనుగోలు ఆమోదాలు వర్తించవు.
వేరే విధమైన పేమెంట్ ఆప్షన్ను అందించే యాప్లలో, ఏదైనా యాప్లో కొనుగోలును చేయడానికి మొదటిసారిగా చిన్నారి ట్రై చేస్తున్నప్పుడు, కొనుగోలు చేసే లోపు వారి తల్లి/తండ్రి లేదా గార్డియన్ తప్పనిసరిగా సైన్ ఇన్ చేసి మెసేజ్ను రివ్యూ చేయాలి. యాప్లో డిజిటల్ కంటెంట్ను కొనుగోలు చేసేటప్పుడు, చిన్నారి ఉపయోగించగల ఇతర పేమెంట్ ఆప్షన్ల గురించిన సమాచారాన్ని ఈ మెసేజ్ తెలియజేస్తుంది. తర్వాతి సారి, ఇదే యాప్లో కొనుగోలు చేయడానికి చిన్నారి ట్రై చేసినప్పుడు, ఆ చిన్నారి తల్లి/తండ్రి లేదా గార్డియన్ ఈ మెసేజ్ను చూడటానికి సైన్ ఇన్ చేయమని ప్రాంప్ట్ చేయబడరు, కనుక చిన్నారి తల్లి/తండ్రి అనుమతి లేకుండా కొనసాగించవచ్చు.
ఒకవేళ చిన్నారి ఇతర యాప్లోని కంటెంట్ను కొనుగోలు చేయడానికి Google Play కాకుండా, వేరే పేమెంట్ ఆప్షన్ను ఉపయోగిస్తే, కింద పేర్కొన్న వాటిని డెవలపర్ చేస్తారు:
- కొనుగోలును సురక్షితం చేస్తారు, పేమెంట్ను ప్రాసెస్ చేస్తారు, అలాగే పేమెంట్ సమాచారాన్ని స్టోర్ చేస్తారు.
- ఏవైనా సందేహాలు లేదా సమస్యలు ఉంటే, వాటిని పరిష్కరించడానికి సహాయం చేస్తారు.
- కొనుగోలు సంబంధించి ఏదైనా సహాయం కావాలంటే అందజేస్తారు.
Google Play ద్వారా చేసిన కొనుగోళ్లను Google సురక్షితం చేస్తుంది. మీ చిన్నారి, Play గిఫ్ట్ కార్డ్లు, Play పాయింట్లు, Play Pass ఆఫర్లు, ఇంకా సబ్స్క్రిప్షన్ మేనేజ్మెంట్ వంటి Play ఫీచర్లకు అర్హత కలిగి ఉంటే, అవి Google Play ద్వారా కొనుగోలు చేయబడితే మాత్రమే అందుబాటులో ఉంటాయి.
తరచుగా అడిగే ప్రశ్నలు (FAQలు)
ఐరోపా ఆర్థిక మండలి (EEA)లో ఏ దేశాలు ఉన్నాయి?ఒక అప్లికేషన్, ఇతర బిల్లింగ్ సిస్టమ్లను అందించినప్పుడు, మీరు Google Play బిల్లింగ్ సిస్టమ్ లేదా ప్రత్యామ్నాయ బిల్లింగ్ సిస్టమ్ మధ్య ఎంచుకోవచ్చు.
మీరు ఐరోపా ఆర్థిక మండలి (EEA) దేశాలలో ఒక దానిలో నివసిస్తుంటే:
- ఒక అప్లికేషన్, ఒక ప్రత్యామ్నాయ బిల్లింగ్ ఆప్షన్ను మాత్రమే అందించగలదు.
- ప్రత్యామ్నాయ బిల్లింగ్ సిస్టమ్లతో పేమెంట్ చేయడానికి, మీరు మీ Play బ్యాలెన్స్ను లేదా Play గిఫ్ట్ కార్డ్లను ఉపయోగించలేరు.
- ప్రత్యామ్నాయ బిల్లింగ్ సిస్టమ్లకు ఈ Play ఫీచర్లు వర్తించవు:
- కొనుగోలు కంట్రోల్స్
- Play ఆఫర్లు
- Play సబ్స్క్రిప్షన్ మేనేజ్మెంట్
- Play Pass ఆఫర్లు
మీరు మీ Google Play ఆర్డర్ హిస్టరీ లేదా మీ బిల్లింగ్ స్టేట్మెంట్ ద్వారా లావాదేవీని ఎలా జరిగిందో నిర్ధారించుకోవచ్చు. ఒకవేళ మీ కొనుగోలు, మీ Google Play ఆర్డర్ హిస్టరీ కింద కనిపించకుంటే, బహుశా మరొక బిల్లింగ్ సిస్టమ్ను ఉపయోగించి కొనుగోలు చేసి ఉండవచ్చు. Google Playలో మీ ఆర్డర్ హిస్టరీని రివ్యూ చేయడం ఎలాగో చూడండి లేదా, ఛార్జీలు Google Play నుండి చేయబడ్డాయో లేదా మరొక ప్రొవైడర్ ద్వారా చేయబడ్డాయో, మీ బిల్లింగ్ స్టేట్మెంట్లో చెక్ చేయండి.
చిట్కా: కొనుగోలు చేయడానికి ఉపయోగించిన మీ Google ఖాతాకు సైన్ ఇన్ చేయాలని గుర్తుంచుకోండి. ఖాతాను జోడించడం లేదా ఖాతాలను మార్చడం ఎలాగో తెలుసుకోండి.
ప్రత్యామ్నాయ బిల్లింగ్ సిస్టమ్ల ద్వారా చేసిన యాప్ సబ్స్క్రిప్షన్లు, మీ Play సబ్స్క్రిప్షన్ల సెంటర్లో లేదా play.google.com సైట్లో చూపబడవు. మీరు ప్రత్యామ్నాయ బిల్లింగ్ సిస్టమ్ల ద్వారా చేసిన సబ్స్క్రిప్షన్లను మేనేజ్ చేయడానికి, ఇంకా రద్దు చేయడానికి, మీ డెవలపర్ను సంప్రదించండి.
చిట్కా: మీరు Google Play బిల్లింగ్ సిస్టమ్ లేదా ప్రత్యామ్నాయ బిల్లింగ్ సిస్టమ్ ద్వారా సబ్స్క్రయిబ్ చేసినట్లయితే, యాప్ను అన్ఇన్స్టాల్ చేయడం వలన మీ సబ్స్క్రిప్షన్ రద్దు చేయబడదు.
లేదు, Google ద్వారా ఆఫర్ చేసే ప్రామాణీకరణ, కొనుగోలు కంట్రోల్ సెట్టింగ్లు, కేవలం Google Play బిల్లింగ్ సిస్టమ్ ద్వారా చేసే కొనుగోళ్లకు మాత్రమే వర్తిస్తాయి. Google Playలో తల్లిదండ్రుల కంట్రోల్స్ను సెటప్ చేయడం, మేనేజ్ చేయడం లేదా Google Play బిల్లింగ్ సిస్టమ్ ద్వారా కొనుగోళ్ల కోసం, మీ ప్రామాణీకరణ సెట్టింగ్లను మేనేజ్ చేయడం ఎలా అనేదాని గురించి రివ్యూ చేయండి.