Kung isa kang Partner sa YouTube, at mayroon kang AdSense for YouTube account na naka-link sa iyong channel sa YouTube, kailangan mong mag-apply para sa AdSense account kung gusto mo ring i-monetize ang iyong sariling site. Gayunpaman, hindi mo kailangang gumawa ng bagong account number, puwede kang mag-apply na lang para i-expand ang iyong AdSense for YouTube account sa isang AdSense account na nasa ilalim ng parehong pangalan ng payee, kung ipagpapalagay na natutugunan mo ang mga pamantayan para makapagpakita ng mga ad sa sarili mong mga site. Tandaan na isang AdSense account lang ang pinapayagan ng mga patakaran ng AdSense para sa bawat publisher.
I-upgrade ang iyong AdSense for YouTube account
- Pumunta sa https://adsense.google.com/start/.
- I-click ang Magsimula.
- Mag-sign in gamit ang Google Account na nauugnay sa iyong AdSense for YouTube account.
- I-click ang Magpatuloy.
- Ilagay ang URL ng site kung saan mo gustong magpakita ng mga ad. Matuto pa tungkol sa kung paano ilagay ang iyong URL.
Kung gusto mong idagdag ang iyong site sa ibang pagkakataon, iwanang walang laman ang field na ito at piliin ang Wala pa akong site.
- Piliin kung gusto mong padalhan ka ng AdSense ng naka-customize na tulong at mga suhestyon sa performance.
Inirerekomenda naming piliin mo ang Oo para matulungan ka naming masulit ang AdSense. Puwede mong baguhin ang iyong mga setting ng contact sa ibang pagkakataon. - I-click ang Simulang gamitin ang AdSense.
- Kumpletuhin ang mga sumusunod na gawain para i-upgrade ang iyong account. Puwede mong kumpletuhin ang mga gawaing ito sa anumang pagkakasunod-sunod.
- Ilagay ang iyong impormasyon sa mga pagbabayad. (Tandan: Kung naibigay mo na ang iyong impormasyon sa mga pagbabayad, hindi mo na kailangang ilagay ulit ang iyong mga detalye.)
- (Opsyonal) Tingnan kung ano ang hitsura ng mga ad sa iyong site
- Ikonekta ang iyong site sa AdSense
Kapag nakumpleto na, susuriin namin ang iyong impormasyon sa mga pagbabayad para matiyak na tama ito at sumusunod ang buong site mo sa Mga patakaran ng programa ng AdSense. Papadalhan ka namin ng email kapag ganap nang na-set up ang iyong account. Karaniwang tumatagal ito nang ilang araw, pero sa ilang sitwasyon, puwede itong umabot nang 2-4 na linggo. Pagkatapos, puwede ka nang mag-set up ng mga ad sa iyong site at magsimulang kumita ng pera. Kung na-on mo na ang mga Auto ad, magsisimula nang lumabas ang mga ad sa iyong site.