ໃຊ້ບົດຄວາມນີ້ເພື່ອຕິດຕາມການປ່ຽນແປງຫຼ້າສຸດທັງໝົດຢູ່ YouTube. ຖ້າທ່ານເປັນສະມາຊິກ YouTube Premium, ກະລຸນາອ່ານກ່ຽວກັບການອັບເດດ ແລະ ການສົ່ງເສີມຢູ່ ບ່ອນນີ້. ຖ້າທ່ານເປັນຜູ້ສ້າງວິດີໂອ, ກະລຸນາອ່ານກ່ຽວກັບການປ່ຽນແປງຕ່າງໆຕໍ່ເຄື່ອງມື ແລະ ຄຸນສົມບັດຂອງຜູ້ສ້າງຢູ່ ບ່ອນນີ້.
ການອັບເດດຫຼ້າສຸດ
ອັບເດດຈາກ 2 ອາທິດກ່ອນ
- ຟັງ YouTube Music ຢູ່ສະມາດວອດ Garmin: ຫາກທ່ານເປັນສະມາຊິກ YouTube Music Premium ຫຼື YouTube Premium, ທ່ານສາມາດຟັງເພງ ແລະ ພອດແຄສທີ່ດາວໂຫຼດໄວ້ຢູ່ສະມາດວອດ Garmin ທີ່ຮອງຮັບໄດ້. ສຶກສາເພີ່ມເຕີມ.
- ການສະແດງພາບພັກໜ້າຈໍໃໝ່ຢູ່ສະມາດທີວີຂອງທ່ານ: ໃນເວລາເບິ່ງ YouTube ຢູ່ສະມາດທີວີຂອງທ່ານ ຫຼື ອຸປະກອນອື່ນ, ທ່ານຈະເຫັນການສະແດງພາບພັກໜ້າຈໍໃນເວລາທີ່ບໍ່ມີການເຄື່ອນໄຫວ. ການສະແດງພາບພັກໜ້າຈໍປະກອບດ້ວຍຮູບຄົງທີ່ຈາກວິດີໂອ YouTube ທີ່ຜ່ອນຄາຍເຊິ່ງຄັດສັນມາຢ່າງຫຼາກຫຼາຍ ແລະ ຊ່ວຍປ້ອງກັນບໍ່ໃຫ້ໜ້າຈໍເບີນອິນ. ສຶກສາເພີ່ມເຕີມ.
- ການປິດໃຊ້ Google Podcasts - RoW: ຕອນນີ້ຜູ້ໃຊ້ Google Podcasts ສາມາດໂອນຍ້າຍການຕິດຕາມຂອງເຂົາເຈົ້າໄປຫາ YouTube Music ຫຼື ສົ່ງອອກພວກມັນຫາແອັບພອດແຄສອື່ນໄດ້ຢ່າງງ່າຍດາຍ. ສຶກສາວິທີໂອນຍ້າຍພອດແຄສຂອງທ່ານ ຫຼື ອ່ານກ່ຽວກັບການປິດໃຊ້ Google Podcast ໃນບລັອກພວກເຮົາ.
- ຕອນນີ້ຣີແອັກຊັນມີໃຫ້ນຳໃຊ້ຢູ່ທຸກແພລດຟອມແລ້ວ: ຣີແອັກຊັນໄດ້ຂະຫຍາຍໄປສູ່ການສົນທະນາສົດຢູ່ຄອມພິວເຕີ ແລະ ອຸປະກອນມືຖື Android, ນອກເໜືອຈາກ iPhone ແລະ iPad. ດ້ວຍຣີແອັກຊັນ, ທ່ານສາມາດຕອບສະໜອງໃນຊ່ວງເວລານັ້ນໆໂດຍການແຕະຣີແອັກຊັນທີ່ສອດຄ່ອງກັບຄວາມຮູ້ສຶກຂອງທ່ານ. ຣີແອັກຊັນແມ່ນບໍ່ລະບຸຕົວຕົນ. ສຶກສາເພີ່ມເຕີມ.
- ຟັງ YouTube Music ຢູ່ HomePod ແລະ Fitbit: ຫາກທ່ານເປັນສະມາຊິກ YouTube Music Premium ຫຼື YouTube Premium, ທ່ານສາມາດຟັງເພງ ແລະ ພອດແຄສທີ່ດາວໂຫຼດໄວ້ໃນ Fitbit ແລະ Apple HomePod ທີ່ຮອງຮັບໄດ້. ສຶກສາເພີ່ມເຕີມ.
- ຟັງພອດແຄສໃນ YouTube Music: ຫາກທ່ານຢູ່ໃນຢູໂຣບ, ຕາເວັນອອກກາງ ຫຼື ອາຟຣິກາ, ຕອນນີ້ທ່ານຟັງພອດແຄສໃນແອັບ YouTube Music ໄດ້ແລ້ວ. ຊອກຫາພອດແຄສທີ່ທ່ານມັກ ແລະ ຟັງພວກມັນໃນພື້ນຫຼັງ, ໂດຍບໍ່ຕ້ອງຄຳນຶງເຖິງສະຖານະການເປັນສະມາຊິກຂອງທ່ານ. ສຶກສາວິທີຊອກຫາພອດແຄສໃນ YouTube Music.
- ຟັງພອດແຄສໃນ YouTube Music: ຫາກທ່ານຢູ່ໃນຄານາດາ, ອາເມລິກາລາຕິນ, ເອເຊຍ ຫຼື ໝູ່ເກາະປາຊີຟິກ, ຕອນນີ້ພອດແຄສແມ່ນມີໃຫ້ແລ້ວຢູ່ໃນແອັບ YouTube Music. ຊອກຫາພອດແຄສທີ່ທ່ານມັກ ແລະ ຟັງພວກມັນໃນພື້ນຫຼັງ, ໂດຍບໍ່ຕ້ອງຄໍານຶງເຖິງສະຖານະການເປັນສະມາຊິກຂອງທ່ານ. ສຶກສາວິທີຊອກຫາພອດແຄສໃນ YouTube Music.
- ຄຳເຫັນໃນ YouTube Music: ຕອນນີ້ທ່ານສາມາດສະແດງຄຳເຫັນໃນເພງ, ວິດີໂອ ແລະ ພອດແຄສເອັບພິໂສດໃນແອັບ YouTube Music ຢູ່ iOS ແລະ Android ໄດ້ແລ້ວ. ຄຳເຫັນເປັນວິທີທີ່ດີທີ່ຈະສະແດງຕົວທ່ານເອງ ແລະ ເຊື່ອມຕໍ່ກັບຜູ້ໃຊ້ YouTube ຄົນອື່ນໆ. ສຶກສາເພີ່ມເຕີມ.
- ຊື້ແພັກເກດປີ້ NFL Sunday ສຳລັບນັກສຶກສາ: ພວກເຮົາຈະເປີດຕົວແພັກເກດປີ້ NFL Sunday ສຳລັບນັກສຶກສາໂດຍຈະເລີ່ມຕັ້ງແຕ່ວັນທີ 23 ສິງຫາ 2023. ນັກສຶກສາທີ່ມີສິດສາມາດຊື້ປີ້ NFL Sunday ຢູ່ YouTube ໄດ້ໃນລາຄາ $109 ຫຼື ຈະຮວມແພັກເກດກັບ NFL RedZone ໂດຍເພີ່ມເງິນອີກ $10 ກໍໄດ້. ແພັກເກດນັກສຶກສາຈະພ້ອມໃຫ້ບໍລິການທົ່ວປະເທດກ່ອນເລີ່ມລະດູການປົກກະຕິໃນເດືອນກັນຍາ. ສຶກສາເພີ່ມເຕີມກ່ຽວກັບແພັກເກດນັກສຶກສາ.
Welcome to the YouTube Viewers Channel!
ຕິດຕາມ ຊ່ອງຜູ້ຊົມ YouTube ສຳລັບຂ່າວຫຼ້າສຸດ, ຂໍ້ມູນອັບເດດ ແລະ ເຄັດລັບຕ່າງໆ.
ການອັບເດດກ່ອນໜ້າ
ອັບເດດຈາກໄລຍະ 6 ເດືອນທີ່ຜ່ານມາ
ສິງຫາ 2023
- ເບິ່ງ Samples ໃນແອັບ YouTube Music: Samples ແມ່ນປະສົບການໃໝ່ໃນແອັບ YouTube Music ທີ່ນຳສະເໜີສະຕຣີມຂອງພາກສ່ວນວິດີໂອເພງແບບປັບແຕ່ງສ່ວນຕົວ. ສຶກສາວິທີໃຊ້ Samples ຫຼື ແຕະ Samples ໃນເມນູລຸ່ມສຸດເພື່ອເລີ່ມເບິ່ງ.
- ຊື້ປີ້ NFL Sunday ແບບຈ່າຍເງິນລາຍເດືອນ: ພວກເຮົາຈະເປີດຕົວແພັກເກດການຈ່າຍເງິນລາຍເດືອນສຳລັບການຊື້ປີ້ NFL Sunday ຢູ່ YouTube ແລະ YouTube TV. ຜູ້ຊົມໃນສະຖານທີ່ສ່ວນໃຫຍ່ຈະເລີ່ມເຫັນຕົວເລືອກໃນການຊື້ປີ້ NFL Sunday ຜ່ານແພັກເກດການຈ່າຍເງິນ 4 ເດືອນ, ເຊິ່ງມີລາຄາເທົ່າກັບການຊື້ແບບຈ່າຍເງິນເທື່ອດຽວ. ສຶກສາເພີ່ມເຕີມກ່ຽວກັບແພັກເກດການຈ່າຍເງິນລາຍເດືອນ.
ກໍລະກົດ 2023
- ຄຸນສົມບັດຫຼາຍມຸມມອງພ້ອມໃຫ້ໃຊ້ໃນແອັບ YouTube: ຄຸນສົມບັດຫຼາຍມຸມມອງຊ່ວຍໃຫ້ທ່ານເບິ່ງສະຕຣີມໄດ້ພ້ອມກັນສູງສຸດ 4 ລາຍການຢູ່ອຸປະກອນການສະຕຣີມ ຫຼື ສະມາດທີວີ. ດ້ວຍຄຸນສົມບັດຫຼາຍມຸມມອງໃນແອັບ YouTube, ທ່ານສາມາດເບິ່ງເກມການແຂ່ງຂັນຕ່າງໆຮ່ວມກັນ, ປ່ຽນສຽງເພື່ອຟັງຄຳບັນຍາຍລາຍລະອຽດແບບນາທີຕໍ່ນາທີເມື່ອເກມເຂັ້ມຂຸ້ນຂຶ້ນ, ຈາກນັ້ນຫຼິ້ນແບບເຕັມຈໍເພື່ອເບິ່ງລາຍລະອຽດທັງໝົດ. ສຶກສາວິທີເບິ່ງສະຕຣີມຫຼາຍລາຍການພ້ອມກັນດ້ວຍຄຸນສົມບັດຫຼາຍມຸມມອງ.
ມິຖຸນາ 2023
- ຮູບອີໂມຈິດ້ວຍຄວາມພາບພູມໃຈ
: ຂໍແນະນຳວິທີໃໝ່ໆເພື່ອສະແດງ ແລະ ແບ່ງປັນໃນຄຳເຫັນການສົນທະນາສົດ ໃນຂະນະທີ່ສະໜັບສະໜູນຊຸມຊົນ LGBTQ+. ໃນລະຫວ່າງເດືອນມິຖຸນາ, ຜູ້ຊົມຈາກຕະຫຼາດທີ່ເລືອກຈະເຫັນການອອກແບບໃໝ່ເຫຼົ່ານີ້ຢູ່ໃນຕົວເລືອກຮູບອີໂມຈິ. ສຶກສາເພີ່ມເຕີມກ່ຽວກັບຮູບອີໂມຈິສົດໄດ້ທີ່ນີ້. ພວກເຮົາຕື່ນເຕັ້ນທີ່ຈະໄດ້ເຫັນທຸກຄົນໃຊ້ຮູບອີໂມຈິເພື່ອເຊື່ອມຕໍ່ຫາກັນແລະກັນໃນທົ່ວ YouTube!
ພຶດສະພາ 2023
- ຣີແອັກຊັນພ້ອມໃຫ້ນຳໃຊ້ໃນການສົນທະນາສົດຢູ່ iPhone ແລະ iPad ແລ້ວ: ໃນຂະນະທີ່ເບິ່ງການຖ່າຍທອດສົດທີ່ມີການເປີດໃຊ້ການສົນທະນາຢູ່ iPhone ຫຼື iPad, ທ່ານສາມາດຕອບສະໜອງຕໍ່ສິ່ງທີ່ເກີດຂຶ້ນໃນຕອນນັ້ນໄດ້ໂດຍແຕະຣີແອັກຊັນທີ່ກົງກັບຄວາມຮູ້ສຶກຂອງທ່ານ. ສຶກສາເພີ່ມເຕີມ.
- ສະຕໍຣີບໍ່ສາມາດໃຊ້ໄດ້ອີກຕໍ່ໄປຕັ້ງແຕ່ວັນທີ 26 ມິຖຸນາ: ຕັ້ງແຕ່ວັນທີ 26 ມິຖຸນາເປັນຕົ້ນໄປ, ສະຕໍຣີ ຈະບໍ່ມີໃຫ້ບໍລິການຢູ່ YouTube ອີກຕໍ່ໄປ. ແນວໃດກໍຕາມ, ທ່ານຍັງຄົງສາມາດເບິ່ງສະຕໍຣີທີ່ໂພສໄປແລ້ວໃນໄລຍະກ່ອນວັນທີ 26 ມິຖຸນາ ໄດ້ເປັນເວລາ 7 ມື້ຫຼັງຈາກທີ່ພວກມັນຖືກແບ່ງປັນເປັນເທື່ອທຳອິດ. ສຶກສາເພີ່ມເຕີມ.
ເມສາ 2023
- ຟັງພອດແຄສໃນ YouTube Music: ຫາກທ່ານຢູ່ໃນສະຫະລັດ, ຕອນນີ້ພອດແຄສແມ່ນພ້ອມໃຫ້ນຳໃຊ້ໃນແອັບ YouTube Music ແລ້ວ. ຊອກຫາ ແລະ ຟັງພອດແຄສທີ່ທ່ານມັກໄດ້ໃນພື້ນຫຼັງ, ໂດຍບໍ່ກ່ຽວກັບສະຖານະສະມາຊິກຂອງທ່ານ. ສຶກສາວິທີຊອກຫາພອດແຄສໃນ YouTube Music.