"Қауымдастық" қойындысындағы посттарға рұқсаты бар авторлар мультимедианы пайдалана отырып, көрермендермен өзара әрекеттесе алады. Посттарда сауалнамалар, тестілер, GIF файлдары, мәтін, суреттер және бейне болуы мүмкін. "Қауымдастық" қойындысындағы посттар аудиторияңызбен байланысудың бейне жүктеп салудан басқа әдісін ұсынады. Олар "Қауымдастық" қойындысында көрсетіледі және "Негізгі бет" немесе "Жазылымдар" фидінде көрсетілуі мүмкін.
"Қауымдастық" қойындысы маған қолжетімді ме?
"Қауымдастық" қойындысы қолжетімді болуы үшін, арнаңыздағы озық функцияларға кіру мүмкіндігін қосуыңыз керек. Кіру рұқсатын алу үшін мына үш опцияның бірін таңдауға болады: арна тарихы, бейне арқылы растау немесе жарамды идентификатор. Осы жерден толық ақпарат алыңыз. Озық функцияларға кіру рұқсатын қосқаннан кейін, "Қауымдастық" қойындысы қолжетімді болуы үшін, 48 сағатқа дейін уақыт кетуі мүмкін.
"Қауымдастық" қойындысындағы посттарға кіру рұқсаты арнадағы рөліңізге байланысты өзгеруі мүмкін. Арна рұқсаттары туралы қосымша ақпарат алыңыз.
Арнаңыздың аудиториясы "Балаларға арналған" деп белгіленсе, "Қауымдастық" қойындысы көрермендерге емес, сізге ғана көрінеді. Сондай-ақ жаңа посттар жасай алмайсыз, бірақ бұрынғы посттарды көре аласыз. Аудитория параметрлерін реттеу туралы ақпарат.
Ескертпе: бұл функция YouTube-тегі қадағаланатын режимдерде істемеуі мүмкін. Осы жерден толық ақпарат алыңыз.
"Қауымдастық" қойындысындағы посттарымды қайдан таба аламын?
"Қауымдастық" қойындысындағы посттарыңызды арнаңыздың "Қауымдастық" қойындысынан және YouTube Studio қолданбасының Контент бөлімінен таба аласыз. YouTube Studio қолданбасындағы посттарға өту үшін:
- YouTube Studio аккаунтына кіріңіз.
- Сол жақ мәзірден Контент опциясын таңдаңыз.
- Посттар қойындысын басыңыз.
"Қауымдастық" қойындысында болашақ жарияланым күніне жоспарланған посттар бар болса, олар YouTube Studio қолданбасында және "Қауымдастық" қойындысының "Жоспарланған" бөлімінде орналасады. Сондай-ақ "Қауымдастық" қойындысының "Мұрағатталғандар" бөліміне өту арқылы мерзімі өткен посттарды таба аласыз. Бұл бөлім тек сізге көрінеді.
Мен пост жариялаған кезде, менің көрермендерім хабарландыру ала ма?
Егер көрермендер өздері жазылған арналар туралы хабарландырулар алуды таңдаса, олар "Қауымдастық" қойындысындағы посттар туралы хабарландыруларды анда-санда алып тұрады.
Көрермендер қоңырау параметрлерінде "Ешқандай" опциясын таңдау арқылы пост хабарландыруларынан бас тарта алады.
Жазылмаған, бірақ арнаңыздағы бейнелерді жиі көретін көрермендерге кейде хабарландырулар жіберуіміз мүмкін. Көрермен хабарландыруы параметрлері туралы толық ақпарат алыңыз.
"Қауымдастық" қойындысындағы постыма қатысты пікірлер неліктен өшірілуі мүмкін?
Осы нұсқауларды орындау арқылы арнаңыздың әдепкі пікір параметрлері "Пікірлерді өшіру" күйіне орнатылмағанына көз жеткізіңіз. Компьютерден YouTube Studio-дағы жекеленген постқа арналған пікірлерді қосуға да болады.
Бейнелерді бөлісетін "Қауымдастық" қойындысындағы посттар сол бейнелер үшін пікір параметрлерін көрсетеді. Пост ішінде бейнені бөліскен кезде және бейне үшін пікірлер өшірілген болса, постыңыз үшін де пікірлер өшіріледі. Бейне үшін пікірлер өшірілуі мүмкін, себебі:
- Бейне иесі "Пікірлерді өшіру" параметрін таңдады.
- YouTube кәмелетке толмағандарды қорғау сияқты қауіпсіздік мақсатында кейбір бейнелердегі пікірлерді өшіруі мүмкін. Контенттің осы түрі туралы толық ақпарат алыңыз.
- Арнаның немесе бейненің аудиториясы "балаларға арналған" деп белгіленген. Контенттің осы түрі туралы толық ақпарат алыңыз.
- Сіз немесе жүйе әкімшісі шектеулі режимді қосты. Осы параметр туралы толық ақпарат алыңыз.
- Автоматты түрде жасалған арт тректердегі пікірлер өшіріледі. Арт тректер туралы толық ақпарат алыңыз.
Бөлісетін бейнеңіз сізге тиесілі болса, YouTube Studio қолданбасында белгілі бір бейне үшін пікірлерді қосу немесе өшіру опциясын таңдауға болады. Пікір параметрлерін таңдау туралы толық ақпарат алыңыз.