ஒரு புதிய வீடியோவை நீங்களும் உங்கள் பார்வையாளர்களும் நிகழ்நேரத்தில் பார்க்கும் அனுபவத்தை YouTube பிரீமியர்கள் அம்சம் வழங்குகிறது. வீடியோ முகப்புப் பக்கத்தைப் பகிர்வதன் மூலம் பார்வையாளர்களிடத்தில் உங்கள் பிரீமியர் மீதான ஆர்வத்தைத் தூண்டுங்கள். இதன் மூலம் அவர்கள் நினைவூட்டல்களை அமைக்கலாம், அரட்டையில் ஈடுபடலாம், கருத்து தெரிவிக்கலாம்.
பிரீமியரை உருவாக்குதல்
கம்ப்யூட்டர், iPhone, iPad, Android, மொபைல் வலை போன்ற எந்தப் பிளாட்ஃபார்மிலும் பிரீமியர் வீடியோக்களைப் பார்வையாளர்கள் பார்க்கலாம்.
- YouTube Studioவில் உள்நுழையவும்.
- மேற்புறத்திலுள்ள, உருவாக்கு
வீடியோக்களைப் பதிவேற்று என்பதைக் கிளிக் செய்யவும்.
கவனத்திற்கு: Shorts வீடியோக்களைப் பிரீமியர்களாக வெளியிட முடியாது. - பதிவேற்ற விரும்பும் வீடியோவைத் தேர்ந்தெடுத்துவிட்டு அதன் விவரங்களை டைப் செய்யவும்.
கவனத்திற்கு: 360/vr180 வடிவத்திலோ 1080பி. விடச் சிறந்த தரத்திலோ உள்ள வீடியோக்களைப் பிரீமியர்களாக வெளியிட முடியாது. - வீடியோவை அப்போதே பிரீமியராக வெளியிட, சேமி அல்லது வெளியிடு
பிறகு வெளியாகுமாறு பிரீமியரைத் திட்டமிட, திட்டமிடுக என்பதைக் கிளிக் செய்யவும் - கவுண்ட்டவுன் தீமையும் கவுண்ட்டவுன் கால அளவையும் தேர்வுசெய்ய, பிரீமியரை அமை என்பதைக் கிளிக் செய்யவும்.
- முடிந்தது அல்லது திட்டமிடு என்பதைக் கிளிக் செய்யவும்.
வீடியோக்களைப் பதிவேற்று என்பதைக் கிளிக் செய்யவும்.குறிப்பு: YouTube ஆப்ஸிலிருந்து வீடியோவைப் பதிவேற்றும்போதும் பிரீமியரை உருவாக்கலாம். “தெரிவுநிலையை அமை” பக்கத்தில், பிரீமியராக அமை என்பதைத் தேர்ந்தெடுக்கவும்.
பிரிமீயரை உருவாக்கினால் என்ன நிகழும்?
உங்கள் பிரிமீயர் தொடங்குவதற்கு முன்,
உங்கள் வீடியோவைப் பிரீமியராக வெளியிடுவதற்காகப் பொதுவில் காட்டப்படும் ஒரு வீடியோ முகப்புப் பக்கம் உருவாக்கப்படும். பிரீமியர் தொடங்குவதற்கு முன்பு, வீடியோ முகப்புப் பக்கம் பொதுவில் தெரியும்படி அமைக்கப்பட்டிருப்பதால் நீங்கள் அந்தப் பக்கத்தின் URLலைப் பகிரலாம். YouTubeல் வழக்கமாகப் பதிவேற்றப்படும் வீடியோக்களைப் போலவே பிரீமியர்களும் காட்டப்படும். தேடல், முகப்புப்பக்கம், வீடியோ பரிந்துரைகள் ஆகியவற்றில் இவற்றை நீங்கள் கண்டறியலாம்.
யார் வேண்டுமானாலும் பிரீமியர் முகப்புப் பக்கத்திற்குச் சென்று நினைவூட்டலை அமைக்கலாம், கருத்து தெரிவிக்கலாம், அரட்டையில் பங்கேற்கலாம் (அத்துடன் Super Chats இயக்கப்பட்டிருந்தால் அவற்றை வழங்கலாம்). நீங்கள் டிரெய்லரைப் பதிவேற்றியிருந்தால் அது இயங்கும்.
கவனத்திற்கு: உங்கள் கணக்கில் சமூக வழிகாட்டுதல்களை மீறியதற்கான எதிர்ப்பு இருந்தால், எதிர்ப்புக்கான எச்சரிக்கைக் காலத்தில் பிரீமியர் வெளியிடப்படாது. எதிர்ப்புக்கான எச்சரிக்கைக் காலத்தில் உங்கள் பிரீமியர் “தனிப்பட்டது” என அமைக்கப்பட்டிருக்கும். இதனால், எச்சரிக்கைக் காலம் முடியும்போது அதை வெளியிடுவதற்கான நேரத்தை நீங்கள் மீண்டும் திட்டமிட வேண்டும். சமூக வழிகாட்டுதல்களை மீறியதற்கான எதிர்ப்பு பற்றிய அடிப்படைகள் குறித்து மேலும் அறிக.
வீடியோ முகப்புப் பக்கத்தின் மேலோட்டக் காட்சி
பிரிமீயரின் போது
திட்டமிடப்பட்ட நேரம் வந்ததும் கவுண்ட்டவுன் தீம் தொடங்கும். மதியம் 12 மணிக்குப் பிரீமியர் தொடங்குமாறு அமைத்திருந்தால் கவுண்ட்டவுனும் மதியம் 12 மணிக்குத் தொடங்கும். கவுண்ட்டவுன் முடிந்ததும் பார்வையாளர்கள் அனைவரும் நிகழ்நேரத்தில் வீடியோவைப் பார்க்கலாம். பார்வையாளர்கள் வீடியோவில் பின்செல்ல முடியும். ஆனால் நேரலையில் காட்டப்படுவதிலிருந்து முன்செல்ல முடியாது.
கருத்துகளைத் தெரிவிக்கும் பக்கத்திலும் நேரலை அரட்டையிலும் நீங்களும் உங்கள் பார்வையாளர்களும் தொடர்ந்து பங்கேற்கலாம்.
பிரீமியர் முடிந்த பிறகு
பிரீமியர் முடிந்ததும் அந்த வீடியோ வழக்கமான பதிவேற்றத்தைப்போல உங்கள் சேனலிலேயே இருக்கும். இந்த வீடியோவில் கவுண்ட்டவுன் தீம் இடம்பெற்றிருக்காது. பிரீமியர் முடிந்த பிறகும் அதில் நிகழ்ந்த அரட்டையைப் பார்க்க விரும்பும் பார்வையாளர்கள் அரட்டையை மீண்டும் காண்பித்தல் அம்சம் மூலம் பார்க்கலாம்.
YouTube Studioவில் உள்ள YouTube பகுப்பாய்வுகள் மூலமும் உங்கள் பிரீமியர் எவ்வாறு செயல்பட்டது என்பதைத் தெரிந்துகொள்ளலாம். பிரீமியர் மூலம் கிடைக்கும் பார்வைகள் அது முடிந்ததும் வீடியோவின் பார்வைகளாக மாறிவிடும்.
உதவிக்குறிப்புகள்
 |
வெவ்வேறு கவுண்ட்டவுன் தீமைத் தேர்ந்தெடுத்தல், பிரீமியர் மூலம் வருமானம் ஈட்டுதல், பிரீமியர் தொடங்குவதற்கு முன்பு வீடியோ முகப்புப் பக்கத்தில் டிரெய்லரைக் காட்டுதல் போன்றவற்றின் மூலம் உங்கள் பிரீமியரைப் பிரத்தியேகமாக்கலாம். |
 |
லைவ் ரீடைரெக்ட் பயன்படுத்தி பார்வையாளர்களை உங்கள் லைவ் ஸ்ட்ரீமிற்கு அழைத்துச் செல்லலாம். |
 |
உங்கள் பார்வையாளர்களை லைவ் ஸ்ட்ரீமிலிருந்து பிரீமியர் வீடியோவிற்கு அனுப்புவதன் மூலம் அவர்களிடம் ஆர்வத்தை ஏற்படுத்தலாம். |
 |
சமூக வலைதளங்களில் உங்கள் பிரீமியர் முகப்புப் பக்க URLலைப் பகிரலாம். |
 |
உங்கள் பிரீமியரைச் சேனல் டிரெய்லராக அமையுங்கள். உங்கள் சேனலின் தளவமைப்பை மாற்றுவதன் மூலம் அதை எப்படிச் செய்வது என்பது குறித்து அறிந்துகொள்ளுங்கள். |
 |
உங்கள் வீடியோ முகப்புப் பக்கத்தில் கருத்து தெரிவிப்பதன் மூலமோ அரட்டை மெசேஜ் அனுப்புவதன் மூலமோ, நினைவூட்டலை அமைக்குமாறு உங்கள் பார்வையாளர்களை ஊக்குவியுங்கள். பார்வையாளர் யாரேனும் நினைவூட்டலை அமைத்திருந்தால், பிரீமியர் தொடங்குவதற்குக் கிட்டத்தட்ட 30 நிமிடங்களுக்கு முன்பு ஓர் அறிவிப்பும் பிரீமியர் தொடங்கும்போது ஓர் அறிவிப்பும் அவருக்கு அனுப்பப்படும். |
 |
அடுத்த பிரீமியரை உருவாக்குவதற்குக் கூடுதல் உதவிக்குறிப்புகளைத் தேடுகிறீர்களா? பிரீமியர்களுக்கான எங்களின் வழிகாட்டியைப் பதிவிறக்குங்கள். |