Mambo ya msingi kuhusu Takwimu za YouTube

Unaweza kutumia takwimu kufahamu vyema utendaji wa video na chaneli yako kupitia vipimo na ripoti muhimu katika Studio ya YouTube.

Kumbuka: Baadhi ya data, kama vile jiografia, vyanzo vya watazamaji au jinsia inaweza kudhibitiwa. Pata maelezo zaidi kuhusu data inayodhibitiwa katika Takwimu za YouTube.

 

Takwimu katika Studio ya YouTube

Nenda kwenye Takwimu za YouTube

1. Ingia katika akaunti ya Studio ya YouTube.
2. Kwenye menyu ya kushoto, bofya Takwimu .

Unaweza pia kuangalia ripoti mbalimbali katika kiwango cha video:

1. Ingia katika akaunti ya Studio ya YouTube.
2. Kwenye menyu ya kushoto, chagua Maudhui .
3. Elekeza kiteuzi kwenye video yako kisha uchague Takwimu .

Kumbuka: Unaweza kubofya ANGALIA ZAIDI au HALI YA KINA ili uangalie ripoti pana ya takwimu, upate data mahususi, ulinganishe utendaji na uhamishe data.

Pata maelezo kuhusu vichupo kwenye Takwimu za YouTube

Kwenye Takwimu za YouTube, unaweza kupata vichupo mbalimbali vinavyokusaidia kuelewa data yako.

Kumbuka: Huenda baadhi ya ripoti zisipatikane kwenye vifaa vya mkononi.

Muhtasari

Kichupo cha Muhtasari kinakuonyesha muhtasari wa utendaji wa chaneli na video zako. Kadi ya vipimo muhimu huonyesha mara ambazo chaneli imetazamwa, muda wa kutazama, wanaofuatilia na mapato yanayokadiriwa (iwapo umejiunga katika Mpango wa Washirika wa YouTube).

Kumbuka: Huenda ukapokea ripoti za muhtasari zilizowekewa mapendeleo zinazoonyesha ulinganishaji wa utendaji wako wa kawaida. Maarifa haya yanafafanua kwa nini huenda mara ambazo chaneli yako imetazamwa zimeongezeka au kupungua kuliko kawaida. Katika kichupo hiki, utapokea pia ripoti za:

• Utendaji wa kawaida: Katika kiwango cha chaneli, ni ulinganishaji wa utendaji wa kawaida wa chaneli yako. Katika kiwango cha video, ni ulinganishaji wa utendaji wa kawaida wa video yako.
• Maudhui yako maarufu katika kipindi hiki: Maudhui yako yakiwa yamepangwa kulingana na mara za kutazamwa katika siku 28 zilizopita.
• Muda halisi: Utendaji wako katika saa 48 au dakika 60 zilizopita.

• Miseto maarufu: Maudhui yako yaliyotumika kutayarisha Video Fupi. Ripoti hii pia huonyesha idadi ya mara ambazo maudhui yako yalitumika kutengeneza miseto na idadi ya utazamaji wa miseto.

Kumbuka: Katika kiwango cha video, unaweza kupata matukio makuu kwa ajili ya muda wa kutazama na ripoti yako katika Muda Halisi.

Maudhui (kiwango cha chaneli)

Kichupo cha Maudhui kinakupatia muhtasari wa jinsi ambavyo hadhira yako inapata na kushiriki katika maudhui yako na maudhui ambayo hadhira yako inatazama. Unaweza kuona ripoti zifuatazo za ufikiaji na matumizi ndani ya vichupo vya Yote, Video, Video Fupi, Mubashara na Machapisho:

• Mara za kutazamwa: Idadi halali ya mara ambazo maudhui yako kwenye video, Video Fupi na mitiririko mubashara yametazamwa.
• Maonyesho na jinsi yalivyochangia katika muda wa kutazama:Mara ambazo kijipicha kilionyeshwa kwa watazamaji kwenye YouTube (maonyesho), mara ambazo vijipicha hivyo vilisababisha kutazamwa kwa maudhui (asilimia ya mibofyo) na jinsi utazamaji huo ulivyochangia katika muda wa kutazama.

Kumbuka: Maonyesho ya Chaneli yanagawanywa kwa watumiaji Wapya na Wanaorejea kwa mara nyingine.

• Maudhui yaliyochapishwa: Idadi ya video, Video Fupi, mitiririko mubashara na machapisho uliyochapisha kwenye YouTube.
• Watazamaji kwenye miundo mbalimbali: Mchanganuo na mwingiliano wa watazamaji wa maudhui yako kulingana na muundo (video, Video Fupi na mtiririko mubashara).
• Jinsi watazamaji walivyopata maudhui/video/Video Fupi/mitiririko yako mubashara:Jinsi watazamaji wako walivyopata maudhui yako.
• Wanaofuatilia: Idadi ya wanaofuatilia ambao umewapata kupitia kila aina ya maudhui: video, Video Fupi, mitiririko mubashara, machapisho na mengineyo. "Mengineyo" yanajumuisha usajili kutoka utafutaji kwenye YouTube na ukurasa wa chaneli yako.
• Kadi ya vipimo muhimu: wa onyesho la mara za kutazamwa, wastani wa kipindi cha kutazama, maonyesho, asilimia ya mibofyo ya maonyesho, wanaofuatilia, mara za kupendwa na mara za kushirikiwa.
• Matukio makuu ya muda wa kutazama: Jinsi matukio mbalimbali ya video zako yalivyowavutia watazamaji. Unaweza pia kutumia muda wa kawaida wa kutazama ili kulinganisha video zako 10 za hivi majuzi zenye urefu sawa.
• Video/Video Fupi/machapisho maarufu: Video, Video Fupi na machapisho yako maarufu.
• Yanayoonyeshwa kwenye mipasho: Idadi ya mara ambazo Video yako fupi inaonyeshwa kwenye mipasho ya Video Fupi.
• Waliotazama (ikilinganishwa na ambao hawakutazama):Asilimia ya mara ambazo watazamaji wametazama Video zako Fupi ikilinganishwa na mara ambazo hawakutazama.
• Miseto maarufu:: Muhtasari wa mara ambazo miseto yako imetazamwa, jumla ya miseto na maudhui maarufu ya mseto.
• Maonyesho ya chapisho: Mara ambazo chapisho lako lilionyeshwa kwa watazamaji.
• Maoni: Idadi na aina ya maoni yaliyotokea wakati wa mtiririko.

Ufikiaji (kiwango cha video)

Kichupo cha Ufikiaji kinakupa muhtasari wa jinsi hadhira yako inavyogundua chaneli yako. Kadi ya vipimo muhimu huonyesha maonyesho yako, asilimia ya mibofyo kwenye maonyesho, mara za kutazamwa na watazamaji wa kipekee.

Katika kichupo hiki, utapokea pia ripoti za:

• Aina za vyanzo vya watazamaji: Jinsi watazamaji walivyopata maudhui yako.
• Nje: Wanaotazama kupitia tovuti na programu zinazopachika au kuunganisha katika video kutoka kwenye chaneli yako.
• Video zinazopendekezwa: Wanaotazama kupitia mapendekezo yanayoonekana karibu na au baada ya video nyingine na kupitia viungo katika maelezo ya video. Video hizi zinaweza kuwa video zako mwenyewe au za mtu mwingine.
• Orodha za video: Wanaotazama kupitia orodha za video zilizotazamwa zaidi zinazojumuisha video zako.
• Maonyesho na jinsi yalivyochangia katika muda wa kutazama: Mara ambazo vijipicha vya video yako vilionyeshwa kwa watazamaji kwenye YouTube (Maonyesho), mara ambazo vijipicha hivyo vilisababisha kutazamwa kwa maudhui (Asilimia ya mibofyo) na jinsi utazamaji huo ulivyochangia katika muda wa kutazama.
• Arifa za kengele zilizotumwa: Idadi ya arifa za kengele zilizotumwa kwa wanaofuatilia chaneli ambao hupokea arifa kutoka kwenye chaneli yako.
• Utafutaji kwenye YouTube: Wanaotazama kupitia hoja za utafutaji zilizowaelekeza watazamaji kwenye maudhui yako.

Kushirikishwa (kiwango cha video)

Kichupo cha Kushirikishwa kinakupa muhtasari wa muda ambao hadhira inatazama video zako. Kadi ya vipimo muhimu huonyesha muda wa kutazama na wastani wa kipindi cha kutazama maudhui yako.

Katika kichupo hiki, utapokea pia ripoti za:

• Muda wa kutazama: Jinsi matukio tofauti ya video yako yalivyowavutia watazamaji. Unaweza pia kutumia muda wa kawaida wa kutazama ili kulinganisha video zako 10 za hivi majuzi zenye urefu sawa.
• Alama za imenipendeza (zikilinganishwa na alama za haijanipendeza): Maoni ya watazamaji kuhusu video yako.
• Kiwango cha kubofya kipengele cha skrini ya mwisho: Mara ambazo watazamaji wako walibofya kipengele cha skrini ya mwisho.
• Bidhaa maarufu zenye lebo: Bidhaa ulizowekea lebo katika video yako ambazo zilichangamkiwa zaidi.

Hadhira

Kichupo cha Hadhira kinakupa muhtasari wa aina ya watazamaji wa video zako. Kadi ya vipimo muhimu inaonyesha watazamaji wanaorudia kutazama, watazamaji wapya, watazamaji wa kipekee na wanaofuatilia.

Katika kichupo hiki, utapokea pia ripoti za:

• Video zinazokuza hadhira yako: Shughuli za mtandaoni za hadhira yako kwenye chaneli yako. Data inalingana na watazamaji wako wapya kwenye vifaa vyote katika siku 90 zilizopita.
• Wakati watazamaji wako wamefungua YouTube: Shughuli za mtandaoni za hadhira kwenye chaneli yako na YouTube. Data inatokana na watazamaji kwenye vifaa vyote katika siku 28 zilizopita.
• Arifa za kengele kwa wanaofuatilia: Idadi ya wanaofuatilia chaneli yako ambao hupokea arifa zote kutoka kwenye chaneli yako. Kichupo hiki pia huonyesha idadi ya wanaoweza kupata arifa hizo kulingana na mipangilio yao ya YouTube na kifaa husika.
• Muda wa kutazama kwa wanaofuatilia chaneli: Muda wa kutazama wa hadhira yako unagawanywa kati ya wasiofuatilia na wanaofuatilia chaneli.
• Umri na jinsia: Hadhira yako kulingana na umri na jinsia. Data inatokana na watazamaji ambao wameingia katika akaunti kwenye vifaa vyote.
• Chaneli maarufu: Shughuli za utazamaji za hadhira yako kwenye chaneli zingine katika YouTube. Data inatokana na watazamaji kwenye vifaa vyote katika siku 28 zilizopita.
• Maudhui yanayotazamwa na hadhira yako: Shughuli za utazamaji za hadhira yako nje ya chaneli yako. Ikiwa kuna data ya kutosha, unaweza kuchuja kulingana na Video, Video Fupi na Matukio ya moja kwa moja. Data inatokana na watazamaji kwenye vifaa vyote katika siku 7 zilizopita.
• Watumiaji wapya na wanaorejea kwa mara nyingine kwenye miundo mbalimbali: Unaweza kuitumia kuelewa ni muundo upi unaowavutiwa watazamaji wengi wapya. Pia, unaweza kuitumia kuangalia muundo upi unawafanya watazamaji wako warudi zaidi kwenye chaneli yako. 
• Miundo ya jinsi watazamaji wako wanavyotazama maudhui kwenye YouTube: Shughuli za utazamaji za hadhira yako kwenye miundo ya video, Video fupi na mitiririko mubashara. Data inatokana na maudhui ambayo watazamaji waliotazama chaneli yako mara nyingi katika kipindi cha siku 28 zilizopita, hutazama kwenye chaneli zingine.
• Umaarufu katika jiografia: Hadhira yako kulingana na jiografia. Data inatokana na anwani ya IP.
• Lugha za manukuu maarufu: Hadhira yako kulingana na lugha yenye manukuu. Data hulingana na matumizi ya manukuu.

Kumbuka: Katika kiwango cha video, unaweza kupata ripoti za muda wa kutazama kutoka kwa wafuatiliaji, maeneo maarufu, lugha maarufu za manukuu, na umri na jinsia.

Mapato

Iwapo umejiunga kwenye Mpango wa Washirika wa YouTube, kichupo cha Mapato kinakusaidia kufuatilia mapato yako kwenye YouTube. Kadi ya vipimo muhimu huonyesha mapato yako yaliyokadiriwa. Mapato ya mwisho huonekana kwenye Takwimu za YouTube baada ya malipo yako kuwekwa kwenye AdSense katika YouTube, kwa kawaida kati ya siku ya 7 na siku ya 12 ya mwezi unaofuata. Pata maelezo zaidi kuhusu Ratiba za Malipo ya AdSense kwenye YouTube.

Katika kichupo hiki, utapokea pia ripoti za:

• Kiwango chako cha mapato: Kiwango cha mapato ambacho chaneli yako kimechuma katika miezi 6 iliyopita, kimechanganuliwa kulingana na mwezi.
• Jinsi unavyochuma mapato: Jinsi unavyochuma mapato kupitia YouTube. Mifano ya vyanzo vya mapato ni pamoja na Matangazo kwenye Ukurasa wa Kutazama, Matangazo katika Mipasho ya Video Fupi, Uanachama, Supers, Maduka Yaliyounganishwa na Washirika wa Ununuzi. Mapato ya YouTube Premium yataonyeshwa chini ya Matangazo ya Ukurasa wa Kutazama au kurasa za Matangazo ya Mipasho ya Video Fupi.
• Utendaji wa video: Jumla ya mapato yaliyochumwa na video, Video Fupi na mitiririko mubashara yako katika kipindi husika. Ripoti hii inajumuisha Mapato kwa Kila Mara Elfu Moja za Kutazamwa (RPM).
• Maudhui yanayochuma mapato zaidi: Maudhui yaliyo na makadirio ya juu zaidi ya mapato katika kipindi husika.

Kumbuka:

• Kuzuia kodi kunaweza kuathiri mapato yako ya mwisho, iwapo kuna uzuiaji wa kodi. Kiasi kilichozuiwa kinaonekana tu kwenye akaunti yako ya AdSense katika YouTube.
• Unaweza pia kupata utendaji wa mapato yako katika kiwango cha video.
• Kwenye kadi ya RPM katika kiwango cha video, mapato yako huenda yasilingane na jumla ya mapato yaliyokadiriwa. Hii ni kwa sababu baadhi ya vyanzo vya mapato havihusishwi na video mahususi. Kwa mfano, uanachama katika chaneli hauhusishwi na video mahususi.

Utafiti (kiwango cha chaneli)

Kichupo cha Utafiti kinakupa muhtasari wa maudhui ambayo hadhira na watazamaji wako wanatafuta. Maarifa kutoka katika kichupo cha Utafiti yanaweza kukusaidia kugundua kuhusu upungufu wa maudhui wa video na Video Fupi na aina za video ambazo huenda watazamaji wakataka kutazama.

Katika kichupo hiki, utapokea pia ripoti za:

• Utafutaji kwenye YouTube: Mada zilizotafutwa zaidi ambazo uligundua na idadi iliyotafutwa na hadhira na watazamaji wako kwenye YouTube katika siku 28 zilizopita.
• Utafutaji wa watazamaji wako: Hoja za utafutaji na idadi ambayo hadhira yako na watazamaji wa chaneli zinazofanana wametafuta kwenye YouTube katika siku 28 zilizopita.

Pata vidokezo vya Takwimu za YouTube kwa Watayarishi.