Kuweka mipangilio ya Kidhibiti chako cha Maudhui

Vipengele hivi vinapatikana tu kwa washirika ambao hutumia Kidhibiti Maudhui cha Studio ya YouTube. Wasiliana na Msimamizi wako wa Washirika wa YouTube ili uweze kuvitumia.

Unapoidhinishwa kuwa mshirika wa YouTube, YouTube hukufungulia akaunti ya Kidhibiti Maudhui. Msimamizi wa akaunti anaweza kutumia maelezo yaliyo hapa chini kuweka mipangilio ya Kidhibiti Maudhui na kuanza kuongeza watumiaji.

• Kidhibiti Maudhui: Zana ya wavuti kwa washirika wanaodhibiti maudhui na haki kwenye YouTube. Akaunti ya Kidhibiti Maudhui inamiliki kituo kimoja au zaidi cha YouTube na vipengee vinavyohusishwa nazo. Inajulikana pia kama Kidhibiti Maudhui cha Studio.
• Msimamizi: Mtu anayesimamia Kidhibiti Maudhui na kualika wengine kukifikia.
• Mtumiaji: Yeyote anayetumia Kidhibiti Maudhui.

Akaunti ya Kidhibiti Maudhui ni tofauti na akaunti yako ya YouTube. Ili ufikie Kidhibiti chako cha Maudhui, unahitaji kuingia katika akaunti ya Kidhibiti Maudhui, si akaunti yako binafsi ya mtumiaji wa YouTube.

Kuweka mipangilio ya Kidhibiti chako cha Maudhui

1. Unganisha chaneli zako

Kidhibiti Maudhui kinaweza kuunganisha chaneli nyingi kwa kuanzisha chaneli au kualika chaneli nyingine zijiunge na akaunti ya Kidhibiti Maudhui.

Baada ya kuunganisha chaneli, unaweza kupakia maudhui kwenye chaneli hiyo, ili kudhibiti uchumaji wa mapato ya video zake na kuweka chapa kwenye chaneli hiyo.

2. Kuhusisha akaunti ya AdSense katika YouTube

Ili uchume mapato na kupokea malipo kutokana na video zako, unahitaji kuhusisha akaunti ya AdSense katika YouTube na akaunti yako ya Kidhibiti Maudhui. Unaweza kufungua akaunti ya AdSense katika YouTube au uhusishe akaunti iliyopo.

3. Kuweka mipangilio ya arifa

Ili ubainishe atakayepokea taarifa shughuli inapotekelezwa kwenye akaunti, ni lazima uweke mipangilio ya arifa za barua pepe.

4. Badilisha mipangilio chaguomsingi (si lazima)

Kwenye ukurasa wa Mipangilio , unaweza kuteua machaguo ya upachikaji na kanuni za kubainisha ya Kidhibiti chako cha Maudhui.

Ili ubadilishe sarafu chaguomsingi, nenda kwenye Mipangilio Mapendeleo ya Mtumiaji kisha uchague sarafu ambayo ungependa kutumia. Mabadiliko haya hayaathiri sarafu ya malipo iliyobainishwa katika akaunti ya AdSense katika YouTube. Ukilipwa kwa sarafu hiyo, kiasi kinachoonyeshwa hapa bado huenda kikawa tofauti na pesa utakazopokea kutokana na viwango tofauti vya ubadilishaji sarafu.

Unaweza pia kuchagua hatua chaguomsingi kwa kampeni katika Mipangilio Kampeni. Kwa madai ya Content ID, unaweza kuchagua kuangazia video zako rasmi zinazopakiwa na mashabiki au kutofanya lolote. Kampeni maalum zinaweza kubatilisha mipangilio hii.

5. Alika watumiaji (si lazima)

Unaweza kuwaalika watumiaji wengine wajiunge kwenye akaunti ya Kidhibiti Maudhui ili wadhibiti maudhui yake.

YouTube inapofungua akaunti ya Kidhibiti Maudhui, mtumiaji mmoja au zaidi huwa wasimamizi wa akaunti hiyo. Pamoja na kualika watumiaji, wasimamizi pia wanaweza kuanzisha majukumu ya mtumiaji ambayo hubainisha vipengele na vikwazo vinavyotumika kwa watumiaji tofauti.

 

Kidokezo: Baada ya kuweka mipangilio ya Kidhibiti chako cha Maudhui, pata maelezo zaidi kuhusu vipengele na zana zake: Fahamu jinsi ya kutumia Kidhibiti Maudhui cha Studio.