I-set up ang iyong Content Manager

Available lang ang mga feature na ito sa mga partner na gumagamit ng Content Manager ng YouTube Studio. Makipag-ugnayan sa iyong Partner Manager sa YouTube para makakuha ng access.

Kapag naaprubahan ka bilang partner ng YouTube, gagawin ng YouTube ang iyong Content Manager account. Puwedeng gamitin ng mga administrator ng account ang impormasyon sa ibaba para i-set up ang Content Manager at simulang magdagdag ng mga user dito.

• Content Manager: Isang web-based na tool para sa mga partner na namamahala ng content at mga karapatan sa YouTube. Nagmamay-ari ang Content Manager account ng isa o higit pang channel sa YouTube at ang mga asset na nauunay sa mga ito. Kilala rin bilang Content Manager ng Studio.
• Administrator: Taong nangangasiwa ng Content Manager at nag-iimbita sa ibang tao na i-access ito.
• User: Sinumang gumagamit ng Content Manager.

Naiiba ang Content Manager account sa iyong YouTube account. Para ma-access ang iyong Content Manager, kailangan mong mag-sign in sa isang Content Manager account, hindi sa iyong indibidwal na YouTube user account.

Paano i-set up ang iyong Content Manager

1. I-link ang iyong mga channel

Puwedeng i-link ang Content Manager sa ilang channel sa pamamagitan ng paggawa ng mga channel o pag-imbita sa ibang channel na sumali sa isang Content Manager account.

Kapag nakapag-link ka na ng channel, magagawa mong mag-upload ng content sa channel na iyon, kontrolin ang pag-monetize ng mga video nito, at itakda ang pag-brand.

2. Mag-ugnay ng AdSense for YouTube account

Para kumita mula sa iyong mga video at mabayaran, mag-ugnay ka ng AdSense for YouTube account sa iyong Content Manager account. Puwede kang gumawa ng AdSense for YouTube account o mag-ugnay ng dati nang account.

3. Mag-set up ng mga notification

Para tukuyin kung sino ang maa-update kapag nagkaroon ng mga aktibidad sa account, dapat kang mag-set up ng mga notification sa email.

4. Baguhin ang mga default na setting (opsyonal)

Mula sa page na Mga Setting , puwede mong piliin ang mga opsyon sa pag-embed at mga panuntunan sa attribution ng iyong Content Manager.

Para mabago ang default na currency, pumunta sa Mga Setting Mga Kagustuhan ng User at piliin ang unit ng currency na gusto mong gamitin. Hindi naaapektuhan ng pagbabagong ito ang currency ng payout na nakatakda sa iyong AdSense for YouTube account. Kung babayaran ka sa parehong currency, ang halagang ipinapakita rito ay puwedeng iba pa rin sa huling pagbabayad dahil sa iba't-ibang exchange rate.

Puwede ka ring pumili ng default na pagkilos sa campaign sa Mga Setting Mga Campaign. Para sa mga claim sa Content ID, puwede mong piliing itampok ang iyong mga opisyal na video sa mga pag-upload ng fan o huwag gumawa ng kahit ano. Puwedeng i-override ng mga custom na campaign ang setting na ito.

5. Mag-imbita ng mga user (opsyonal)

Puwede mong simulang mag-imbita ng ibang user sa Content Manager account para masimulan nilang pamahalaan ang content nito.

Noong ginawa ng YouTube ang Content Manager, isa o higit pang user ang magsisilbing administrator para sa account. Bilang karagdagan sa pag-imbita ng mga user, puwede ring gumawa ang mga administrator ng mga tungkulin ng user na tutukoy kung aling mga feature at paghihigpit ang angkop sa iba't ibang uri ng user.

 

Tip: Kapag naka-set up na ang iyong Content Manager, matuto pa tungkol sa mga feature at tool nito: Alamin ang pasikot-sikot sa Content Manager ng Studio.