බොහෝ රටවල, යම් පුද්ගලයෙක් භෞතික මාධ්‍යයක ස්ථාවර වුණ මුල් කෘතියක් නිර්මාණය කරන විට, එම පුද්ගලයාට ස්වයංක්‍රීයව කෘතියේ ප්‍රකාශන හිමිකම හිමිවේ. ප්‍රකාශන හිමිකරු ලෙස, එම පුද්ගලයාට එම කෘතිය භාවිත කිරීමේ තනි අයිතියද ඇත. බොහෝ විට, කෘතිය භාවිත කිරීමට වෙනත් යමෙකුට අවසර ඇත්දැයි කිව හැක්කේ ප්‍රකාශන හිමිකරුට පමණි.
ප්‍රකාශන හිමිකමට යටත් වන්නේ කුමන ආකාරයේ නිර්මාණද?- ශ්‍රව්‍ය දෘශ්‍ය නිර්මාණ, TV වැඩසටහන්, චිත්‍රපට, සහ සබැඳි වීඩියෝ වැනි
- ශබ්ද පටිගත කිරීම් සහ සංගීත සංයුති
- ලිඛිත නිර්මාණ, දේශන, ලිපි, පොත්, සහ සංගීත සංයුති වැනි
- දෘශ්‍ය නිර්මාණ, සිතුවම්, පෝස්ටර, සහ දැන්වීම් වැනි
- වීඩියෝ ක්‍රීඩා සහ පරිගණක මෘදුකාංග
- නාට්‍යමය නිර්මාණ, වාදන හා සංගීත වැනි
අදහස්, කරුණු සහ ක්‍රියාවලි ප්‍රකාශන හිමිකමට යටත් නොවේ. ප්‍රකාශන හිමිකම් නීතියට අනුව, ප්‍රකාශන හිමිකම් ආරක්ෂාව සඳහා සුදුසුකම් ලැබීමට, කෘතියක් නිර්මාණාත්මක විය යුතු අතර එය ස්පර්ශනීය මාධ්‍යයක ස්ථාවරවතිබිය යුතු ය. නම් සහ මාතෘකා, ඒවා විසින්ම, ප්‍රකාශන හිමිකමට යටත් නොවේ.
සාධාරණ භාවිතය සහ සාධාරණව ගනුදෙනු කිරීම වැනි , ප්‍රකාශන හිමිකම් ව්‍යතිරේක අවස්ථාවලදී හෝ වෙනත් කෙනෙකුගේ අන්තර්ගතය භාවිත කිරීමට අවසරය ලබා ගැනීමෙන් උල්ලංඝනය කිරීමෙන් තොරව ප්‍රකාශන හිමිකම් ආරක්ෂිත අන්තර්ගතය භාවිත කිරීමට හැකියාව ඇත.
ඔබේ වීඩියෝව තුළ ඔබ වෙනයම් අයෙකුගේ සංගීතය භාවිත කිරීමට සිතන්නේ නම්, සංගීතය භාවිත කිරීම සඳහා ඔබට ඇති විකල්ප පිළිබඳව තව දැන ගන්න:
Options for using music in your videos
එලෙසම, ඇතැම් අන්තර්ගත නිර්මාණකරුවන් Creative Commons බලපත්‍රයක් නමින් හැඳින්වෙන යම් අවශ්‍යතා සමග තම කෘති නැවත භාවිත කිරීම සඳහා ලබා දීමට තෝරා ගනී.
නැත. YouTube හට හිමිකම් අයිති ආරවුල් ගැන මැදිහත් විය නොහැක. අපට සම්පූර්ණ සහ වලංගු ප්‍රකාශන හිමිකම් ඉවත් කිරීමේ ඉල්ලීමක් ලැබුණ විට, නීතියට අවශ්‍ය කරන පරිදි අපි අන්තර්ගතය ඉවත් කරමු. අප වලංගු ප්‍රති දැනුම්දීමක් ලබන විට, අපි එය ඉවත් කිරිම ඉල්ලූ පුද්ගලයා වෙත යොමු කරන්නෙමු. මෙයින් පසු, සම්බන්ධ වූ පාර්ශව අධිකරණයෙන් ගැටලුව විසඳා ගත යුතු ය.
නැත. ප්‍රකාශන හිමිකම යනු බුද්ධිමය දේපළේ එක ආකාරයක් පමණයි. එය අන් අය විසින් යම් යම් අරමුණු සඳහා භාවිත කරනු ලැබීමෙන් සන්නම් නම්, ආදර්ශ පාඨ, ලාංඡන සහ වෙනත් මූලාශ්‍ර හැඳුනුම්කාරක ආරක්ෂා කරන වෙළෙඳ සලකුණට සමාන නොවේ. ප්‍රකාශන හිමිකම නවෝත්පාදන ආරක්ෂා කරන පේටන්ට් නීතියට වඩා ද වෙනස් වේ.
වෙළඳ සලකුණ හෝ වෙනත් නීති කඩ කරන වීඩියෝ සඳහා YouTube වෙනම ඉවත් කිරීමේ ක්‍රියාවලියක් පිරිනමයි.
ඔබ වීඩියෝවක්, රූපයක්, හෝ ශ්‍රව්‍ය පටිගත කිරීමක් තුළ දිස් වන නිසා ම ඔබට එයට ප්‍රකාශන හිමිකම අයිති වන බව අදහස් නොවෙයි. උදාහරණයක් වශයෙන්, ඔබේ මිතුරා ඔබ දෙදෙනා අතර සංවාදයක් රූගත කළේ නම්, එම පුද්ගලයාට එම වීඩියෝ පටිගත කිරීමට ප්‍රකාශන හිමිකම අයිති වනු ඇත. ඔබ දෙදෙනා කතා කරන වචන, කලින් ඒවා ස්ථිර කර ගෙන නැත්නම්, වීඩියෝවෙන් වෙනම ප්‍රකාශන හිමිකමට යටත් නොවේ.
ඔබේ මිතුරා, හෝ වෙනත් කෙනෙක් ඔබේ අවසරය නොමැතිව ඔබේ වීඩියෝවක්, රූපයක් හෝ පටිගත කිරීමක් උඩුගත කර ඔබට එය ඔබේ පෞද්ගලිකත්වය හෝ ආරක්ෂාව කඩ කරන බවට හැඟෙන්නේ නම්, ඔබ පෞද්ගලිකත්ව පැමිණිල්ලක් ගොනු කිරීමට සොයා බලනු ඇත.
පොදු ප්‍රකාශන හිමිකම් මිත්‍යාවන්
ප්‍රකාශන හිමිකම සහ එය YouTube හි ක්‍රියා කරන ආකාරය පිළිබඳව පොදු දුර්මත කිහිපයක් පහත ඇත. පහත ඒවායින් එකක් හෝ කිරීමෙන් ඔබේ අන්තර්ගතය ප්‍රකාශන හිමිකම් ඉවත් කිරීමේ ඉල්ලීම් හෝ අන්තර්ගත ID හිමිකම් පෑම් වෙතින් ආරක්ෂා නොකරනු ඇත:
ප්‍රකාශන හිමිකරුට ස්තූතිය ලබා දීම ඔවුන්ගේ ප්‍රකාශන හිමිකම් සහිත කෘති භාවිත කිරීමට ඔබට ස්වයංක්‍රියව හිමිකම් ලබා නොදේ. ඔබ ඔබේ වීඩියෝව YouTube වෙත උඩුගත කිරීමට පෙර එහි සියලු ප්‍රකාශන හිමිකම් ආරක්ෂිත මූලාංගවලට සියලු අවශ්‍ය හිමිකම් ආරක්ෂා කර ඇති බවට වග බලා ගැනීමට අවශ්‍ය වේ.
ඔබේ ප්‍රකාශන හිමිකම් ආරක්ෂිත අන්තර්ගතය සාධාරණ භාවිතය හෝ සාධාරණව ගනුදෙනු කිරීම වැනි ප්‍රකාශන හිමිකම් ව්‍යතිරේකයක් ලෙස සුදුසුකම් ලබන බව ඔබ විශ්වාස කරයි නම්, ඔබ වෙනත් කෙනෙකුගේ ප්‍රකාශන හිමිකම් සහිත කෘතියට ඔබේ මුල් ද්‍රව්‍ය එක් කළ ද, ඔබේ වීඩියෝව ප්‍රකාශන හිමිකම් ව්‍යතිරේකයක් සඳහා සුදුසුකම් නොලබනු ඇති බව මතක තබා ගන්න. ඔබ උඩුගත කිරීමට පෙර, ඔබේ අන්තර්ගතය පරික්ෂාකාරීව තක්සේරු කිරීමටත් අවශ්‍ය නම්, නෛතික උපදෙස් ලබා ගැනීමටත් සහතික වන්න.
ප්‍රකාශන හිමිකම් ආරක්ෂිත කෘතිවලින් මුදල් ඉපැයීමට උත්සාහ නොකිරීම ප්‍රකාශන හිමිකම් පෑම්වලින් වළක්වන්නේ නැත. උදාහරණයක් ලෙස, ඔබේ උඩුගත කිරීම “විනෝදාස්වාද අරමුණු සඳහා පමණයි” හෝ "ලාභ නොලබන" යනුවෙන් ප්‍රකාශ කිරීම ප්‍රමාණවත් නොවේ.
සාධාරණ භාවිතය හෝ සාධාරණව ගනුදෙනු කිරීම වැනි ප්‍රකාශන හිමිකම් ව්‍යතිරේක ගත් කළ, අධිකරණ එය ප්‍රකාශන හිමිකම් ව්‍යතිරේකයක් ලෙස සුදුසුකම් ලබන්නේ දැයි අගයමින් ඔබේ භාවිතයේ අරමුණ දෙස සැලකිල්ලෙන් බලනු ඇත. උදාහරණයක් ලෙස, සාධාරණ භාවිත විශ්ලේෂණය තුළ “ලාභ නොසොයන” භාවිත ප්‍රිය කෙරෙන නමුත් එයම ස්වයංක්‍රීය රැකවරණයක් නොවේ.
ඔබ උඩුගත කර ඇති දේට සමානව දිස් වන වීඩියෝ වෙබ් අඩවිය මත පැවතුනද, ඔබටද අන්තර්ගතය පළ කිරීමට හිමිකම් ඇති බව අදහස් නොකෙරේ.
ඇතැම් විට, ප්‍රකාශන හිමිකරු අපගේ වෙබ් අඩවිය මත දිස් වීමට කෘති සියල්ලටම නොව, කිහිපයකට අනුමැතිය දෙයි. අනෙක් අවස්ථාවල දී, විවිධ ප්‍රකාශන හිමිකරුවන් විසින් ඉතා සමාන වීඩියෝවල හිමිකම් දරන අතර කෙනෙක් අවසරය දෙන අතර අනෙකා නොදිය හැකි ය.
ඔබ අන්තර්ගතය මිලදී ගත් පමණින් ඔබට එය YouTube වෙත උඩුගත කිරීමට ඔබට හිමිකම් ඇති බව අදහස් නොවේ. ඔබ ප්‍රකාශන හිමිකරුට ස්තූතිය ලබා දුන්නද, ඔබ මිලදී ගත් අන්තර්ගතය ඇතුළත් වීඩියෝ පළ කිරීම තවමත් ප්‍රකාශන හිමිකම් නීතිය උල්ලංඝනය කරනු ඇත.
ඔබ විසින්ම යමක් ඔබ පටිගත කළ පමණින් ඔබට එය YouTube වෙත උඩුගත කිරීමට සියලු හිමිකම් දරන බව සැමවිටම අදහස් නොවේ. ඔබ පටිගත කළ ඒවායෙහි ප්‍රකාශන හිමිකම් සහිත සංගීතය පසුබිමින් වාදනය වීම වැනි වෙනත් කෙනෙකුගේ ප්‍රකාශන හිමිකම් ආරක්ෂිත අන්තර්ගතය ඇතුළත් වේ නම්, එවිට ඔබට තවමත් ප්‍රකාශන හිමිකරුවන්ගෙන් අවසරය ලබා ගැනීමට අවශ්‍ය වේ.
“සියලුම හිමිකම් කර්තෘට හිමි වේ,” “ප්‍රකාශන හිමිකම් උල්ලංඝනය කිරීමට අදහස් නොකෙරේ” හෝ “මට හිමි නැත” වැනි වාක්‍ය ඛණ්ඩ සහ වියාචනවලින් ඔබට අන්තර්ගතය පළ කිරීමට ප්‍රකාශන හිමිකරුගේ අවසරය ඇති බව අදහස් නොකරන අතර අන්තර්ගතයේ භාවිතය සාධාරණ භාවිතය හෝ සාධාරණව ගනුදෙනු කිරීම වැනි ප්‍රකාශන හිමිකම් ව්‍යතිරේකයකට සුදුසුකම් ලබන බව ස්වයංක්‍රියව අදහස් නොකරයි.
ප්‍රකාශන හිමිකරු(වන්) වෙතින් අවසරයෙන් තොරව භාවිත කළ ප්‍රකාශන හිමිකම් ආරක්ෂිත අන්තර්ගතයේ ඕනෑම ප්‍රමාණයක්, එය තත්පර කිහිපයක් පමණක් වුවද, ඔබේ වීඩියෝවට ප්‍රකාශන හිමිකම් පෑමක් ලැබීමට හේතු විය හැකි ය. ඔබ ඔබේ අන්තර්ගතයේ භාවිතය සාධාරණ භාවිතය හෝ සාධාරණව ගනුදෙනු කිරීම වැනි ප්‍රකාශන හිමිකම් ව්‍යතිරේකයක් ලෙස සුදුසුකම් ලබන බව විශ්වාස කරන්නේ නම්, අධිකරණවලට පමණක් එම තීරණය කිරීම සිදු කළ හැකි බව මතක තබා ගන්න.