Pangkalahatang-ideya ng program ng YouTube Shopping para sa affiliate at pagiging kwalipikado rito

Program ng YouTube Shopping para sa Affiliate 🛍️

Nagbibigay sa iyo ang program ng YouTube Shopping para sa affiliate ng paraan para kumita ng pera sa YouTube habang tinutulungan ang audience mo na maghanap ng mga produktong gusto nila. Sa pamamagitan ng program na ito, magagawa mong:

• Tulungan ang iyong mga fan na mamili: Kapag nag-tag ka ng mga produkto sa iyong content, magagawa ng mga fan na ma-scan nang mabilis ang mga kapaki-pakinabang na impormasyon tulad ng presyo at patuloy na manood ng iyong video habang nagche-check out sila sa site ng retailer.
• Sulitin pa ang iyong negosyo sa YouTube: Nakakatulong ang affiliate na program na makita ng mas maraming brand at manonood sa YouTube ang iyong pinakamagandang content sa shopping -- na magpapataas sa iyong pangkalahatang potensyal na kita sa YouTube. Kikita ka rin ng magandang komisyon kapag bumili ang mga fan.
• Maglaan ng mas maraming oras sa paggawa: Dahil magagawa mong mag-tag ng mga produkto, kumuha ng mga insight, at suriin ang kita sa YouTube Studio, makakapaglaan ka ng mas maraming oras sa paggawa ng content na gusto ng mga tao at mas kaunting oras ang kakailanganin mo sa pamamahala ng mga link.

Tandaan: Kasalukuyang available ang program na ito sa mga kwalipikadong creator sa US. Kung gusto mong magpakita ng interes sa pagsali nang maaga o magrekomenda ng mga partikular na brand, pakipunan ang form na ito. Hindi ginagarantiya ng pagsagot sa form ang imbitasyon.

Program ng YouTube Shopping para sa Affiliate

Mga requirement sa pagiging kwalipikado

Para maimbitahan sa programa, dapat mong matugunan ang mga minimum na requirement sa pagiging kwalipikado na ito:

• Nasa Partner Program ng YouTube ang iyong channel
• Dapat ay may mahigit 15,000 subscriber ang iyong channel
• Nasa United States ka
• Ang iyong channel ay hindi channel ng musika, Opisyal na Channel ng Artist, o nauugnay sa mga partner sa musika. Posibleng kabilang sa mga partner sa musika ang mga music label, distributor, publisher, o ang VEVO.
• Hindi nakatakda bilang Para sa Bata ang audience ng iyong channel, at walang malaking bilang ng mga video na nakatakda bilang para sa bata ang channel mo.
• Walang kahit anong aktibong strike sa Mga Alituntunin ng Komunidad ang iyong channel

Paano sumali

Kapag naging kwalipikado ka nang sumali sa program, makakapag-sign up ka na sa YouTube Studio.

1. Mag-sign in sa YouTube Studio.
2. Mula sa kaliwang menu, piliin ang Kumita.
3. Sa ilalim ng Mga Program, i-click ang Sumali Ngayon.
4. Suriin at tanggapin ang Mga Tuntunin ng Serbisyo ng Program ng YouTube Shopping para sa Affiliate.
5. Pasok ka na! Puwede ka nang magsimulang mag-tag ng mga produkto sa iyong content. Tiyaking susundin ang mga alituntunin sa pag-tag.

Mga affiliate na nagbebenta at alok

Kapag bahagi ka na ng program, puwede kang mag-tag mula sa humahabang listahan ng mga kalahok na nagbebenta at tingnan ang mga porsyento ng komisyon nila. Puwede kang sumabak sa aksyon sa pamamagitan ng pag-request ng mga libreng sample ng produkto, pagtingin ng mga produktong ibinebenta, at pagtanggap ng mga mas mataas na komisyon mula sa mga nagbebenta. Alamin kung paano mag-tag ng mga produkto sa iyong content.

1. Mag-sign in sa YouTube Studio.

2. Sa kaliwang menu, i-click ang Kumita Shopping I-explore ang mga alok ng affiliate.

3. Sa ilalim ng “Sumabak sa aksyon,” puwede mong i-click ang Komisyon, Mga Promosyon, o Mga Sample.

• Tandaan: I-click ang nagbebenta para sa higit pang detalye. Puwede mo ring pagbukud-bukurin ang mga nagbebenta ayon sa alpabeto o ayon sa pinakamataas na komisyon.

Mga listahan ng mga affiliate na nagbebenta

Kapag bahagi ka na ng program, puwede ka nang magsimulang mag-tag ng mga produkto mula sa aming humahabang listahan ng mga nagbebenta kasama ang:

Listahan ng mga affiliate na nagbebenta

Abercrombie & Fitch adidas Adorama Alice + Olivia AndaSeat Anine Bing Anthropologie Ariat Atoms Benefit Cosmetics LLC Bergdorf Goodman (Neiman Marcus) BK Beauty Blogilates (POPFLEX) Bloomingdale's Bluemercury, Inc. Champs Sports ColourPop Credo Beauty Crocs US DreamCloud e.l.f. cosmetics Fanatics (Global) Fenty Beauty

Foot Locker Foreo FragranceNet.com Free People GameStop GNC Google Store NA Guitar Center HexClad Hollister Home Depot HSN iHerb Jomashop Kids Foot Locker KVD Vegan Beauty L.L. Bean Laura Geller LEGO Lenovo LG Electronics LOFT Logitech

Logitech G Logitech G - US & Canada Lowe's Macy's Made In Cookware Manny Mua (Lunar Beauty) MCM Products USA, Inc. Necessaire Neiman Marcus Newegg Marketplace Nordstrom Nordstrom Rack NuFace Ole Henriksen Pottery Barn Pottery Barn Kids QVC Rare Beauty REVOLVE Rhode Skin Saks Fifth Avenue Saks OFF 5TH Samsonite

Samsung Sennheiser Sephora Sigma Beauty Spanx Stanley StockX T3 Micro Tackle Direct Target The Container Store UGG Ulta Urban Outfitters Verishop Versed Skin Walmart Wayfair West Elm Williams-Sonoma WWE Shop yoox.com & Other Stories

Tandaan:

• Hindi ito ang kumpletong listahan ng mga nagbebenta. Mahahanap mo ang kumpletong listahan ng mga affiliate na nagbebenta sa YouTube Studio.
• Kung isa kang brand o retailer na interesadong sumali sa program na ito, pakipunan ang form ng interes na ito ng brand/retailer. Hindi ginagarantiya ng pagpunan sa form ang imbitasyon.

Maunawaan ang iyong kita

Itatakda ng bawat kalahok na brand at retailer ang mga rate ng komisyon nila at palugit ng attribution para sa bawat produkto. Ang mga porsyento ng komisyon ay ipapakita ayon sa bawat alok na produkto. Ang ipinapakitang porsyento ang ibabayad. Kapag nag-click ang manonood sa iyong naka-tag na produkto at bumili siya, makakakuha ka ng mga komisyon. Puwede mong gamitin ang YouTube Analytics para tingnan ang iyong kita sa YouTube.

Tandaan: Babayaran ang mga nakuhang komisyon sa pamamagitan ng AdSense for YouTube sa loob ng 60 hanggang 120 araw pagkatapos ng pagbili para maisama sa pagkalkula ang mga pagsasauli ng customer. Kung isasauli ng customer ang produkto, mare-reverse ang mga komisyon.

Mga binabayarang placement ng produkto, sponsorship, at pag-endorso

Kung magsasama ka ng mga binabayarang placement ng produkto, pag-endorso, sponsorship, o iba pang content na nagre-require ng paghahayag sa mga manonood sa iyong mga video, kailangan mong sundin ang mga patakaran ng YouTube sa binabayarang placement ng produkto. Sumangguni sa artikulong ito para sa higit pang impormasyon.

Pag-troubleshoot ng mga isyu sa pag-sign up

Narito ang mga karaniwang paraan para lutasin ang mga error na posible mong ma-experience kapag nag-sign up ka:

• Posibleng hindi kwalipikado ang iyong channel. Suriin ang mga pamantayan sa pagiging kwalipikado sa itaas para makumpirma kung natutugunan ng iyong channel ang mga requirement.
• Kung pinapamahalaan ng may-ari ng content ang iyong channel, dapat mong hilingin sa may-ari ng content na tanggapin ang kasunduan sa ngalan mo.
• Posibleng naka-sign in ka sa maling Channel sa YouTube. Lumipat sa channel na sa tingin mo ay kwalipikado at subukan ulit.

Tandaan: Pagkatapos makumpirmang hindi kabilang ang iyong isyu sa isa sa mga sitwasyon sa itaas, makipag-ugnayan sa Creator Support para sa higit pang tulong.

Pinakamahuhusay na kagawian at resource

Para masulit mula sa umpisa ang affiliate na program, inirerekomenda naming:

• Magtampok ng mga sale at promo mula sa mga sikat na brand: Tingnan kung available para sa komisyon ang produktong gusto mong itampok at planuhin ang iyong content sa mga sale at promo na pinakanauugnay sa iyo. 
• Mag-tag ng mga nauugnay na produkto at gumamit ng CTA para humikayat ng benta: I-tag sa iyong content ang mga produktong itinatampok sa video o Short mo at gumamit ng call-to-action para ipaalam sa iyong audience na puwede silang mamili.
  • Gamitin ang feature na Maramihang Pag-tag para mag-tag ng mga produkto sa mga video: Sa seksyong Kumita ng YouTube Studio, pumunta sa tab na Shopping Mag-tag ng Mga Produkto Suriin ang mga video na may mga iminumungkahing produktong ita-tag na nakita sa paglalarawan ng video.
    • Para mag-tag ng ilang partikular na produkto, i-click ang larawan ng produkto i-click ang I-TAG sa tabi ng mga nauugnay na produkto o I-TAG LAHAT para sa lahat ng produkto.
    • Para mag-tag ng mga produkto para sa isa o higit pang video, piliin ang mga nauugnay na video o piliin ang lahat ng video I-TAG.
• Makakuha ng inspirasyon mula sa mga brand at creator: Tingnan ang content ng affiliate mula sa mga creator sa YouTube para sa inspirasyon sa content.

Starter Pack ng Creator

Isang starter pack na puno ng mga resource tulad ng mga tip sa pag-set up, pinakamahuhusay na kagawian, at mga nakakatuwang sticker na mailalagay sa iyong content.

Playlist ng affiliate na creator

Makakuha ng inspirasyon dito mula sa iba pang creator sa pamamagitan ng pagtingin sa kanilang content ng affiliate sa YouTube!

Performance bonus para sa affiliate ng YouTube Shopping

Tandaan: Natapos noong 2023 ang performance bonus para sa affiliate ng YouTube Shopping.

Nagbibigay ang performance bonus para sa affiliate ng YouTube Shopping ng eksklusibong oportunidad sa mga kwalipikadong creator para mapataas ang kita sa pamamagitan ng pag-tag ng mga produkto sa iyong content. Puwede kang magkaroon ng bonus batay sa kabuuang benta ng iyong mga naka-tag na produkto sa pagitan ng mga petsang Oktubre 27–Nobyembre 30 at Disyembre 1–Disyembre 31, 2023. Hindi pinapalitan ng bonus na ito ang iba pang kasalukuyang insentibo ng brand at retailer at karagdagan ang bonus na ito sa mga komisyong nakuha sa mga nabenta.

Dapat matugunan ng mga kwalipikadong creator ang mga sumusunod na tier ng benta para makakuha ng isang bonus kada buwan (nasa USD ang mga halaga):

• $30 na bonus para sa paghimok ng $300 na kabuuang benta ng produkto
• $120 na bonus para sa paghimok ng $1,000 na kabuuang benta ng produkto
• $750 na bonus para sa paghimok ng $5,000 na kabuuang benta ng produkto
• $3,000 na bonus para sa paghimok ng $15,000+ na kabuuang benta ng produkto

Kakalkulahin ang bayad sa kinitang bonus batay sa iyong kabuuang benta, na ibinawas ang halaga ng anumang pagsasauling isinagawa sa loob ng 45 araw pagkatapos ng bonus period. Lalabas sa account sa AdSense for YouTube mo ang iyong bayad sa kinitang bonus sa loob ng 120 araw pagkatapos ng programa bawat buwan.

Tandaan: Nasasaklawan ng Mga Tuntunin ng Serbisyo ng Affiliate na Program ng YouTube ang performance bonus para sa affiliate ng YouTube Shopping. Puwedeng wakasan ng Google ang performance bonus para sa affiliate ng YouTube Shopping sa anumang oras nang may abiso. Nakalaan sa Google ang karapatang tanggihan ang pagbabayad para sa mga dahilang kinabibilangan ng mga transaksyong isinagawa sa pamamagitan ng mga mapanlinlang, mapang-abuso, mapanloko, o iba pang invalid na paraan ayon sa natukoy ng Google.