YouTube Studiyada podkast yaradın

YouTube Studiyadan istifadə edərək podkast yaratmağı öyrənin və podkastınızı YouTube Music-ə əlavə edin.

YouTube Studiyada Podkast yaradın

YouTube-da podkast şousu pleylist, podkast epizodları isə həmin pleylistdə videolardır. Podkastınızda tammetrajlı epizodlar olmalı və dinləniləcək sıraya uyğun şəkildə qruplaşdırılmalıdır. Podkastlarınızda bir çox sezonlar varsa, onları eyni bir podkasta daxil edin.

Podkast yaradıcılarına uyğun üstünlüklər aşağıdakılardır:

• YouTube Music-ə daxil edilmə
• Baxış və Pleylist səhifələrində podkast nişanları
• Yeni dinləyicilər cəlb etmək üçün youtube.com/podcasts saytında bölmə
• Rəsmi Axtarış Kartları
• Dinləyicilərə epizodlarınızı tapmaqda kömək etmək üçün Baxış səhifəsindən asan kəşf edilmə
• Oxşar maraqlara sahib yeni dinləyicilərə tövsiyələr
• Auditoriyanıza podkastınızı tapmaqda kömək etmək üçün təkmilləşdirilmiş axtarış funksiyaları

Qeyd:

• Podkast kimi təyin etsəniz belə, bəzi pleylistlər podkast funksiyaları üçün uyğun deyil. Uyğun olmayan kontentlərə yaradıcıya məxsus olmayan kontentlər daxildir, lakin bunlarla məhdudlaşmır.
• Podkastınızı dəstəkləmək üçün yaradılmış Shorts videoları YouTube Music-də görünməyəcək.

• Yaradıcı podkastları podkastların əlçatan olduğu ölkə/bölgələrdə YouTube Music tətbiqinə daxil edilir. 

YouTube-da podkast yaratmaq qaydasını öyrənin

Kanalınızı optimallaşdırmaq məqsədilə daha çox ipucular və ya aşağıdakı məlumatlardan istifadə edərək YouTube Studiyada podkast yaratmaq qaydasını öyrənmək üçün podkast yaradıcıları üçün ən yaxşı təcrübələrə baxın. YouTube-dan yenicə istifadə edirsinizsə, videoları podkast epizodları kimi yükləmək qaydasını öyrənin.

YouTube Studiyada yeni podkast yaradın

Yeni podkast yaratmaq üçün:

1. YouTube Studiyada Yaradın  Yeni podkast düyməsinə klikləyin.
   • Yeni podkast yaratmazdan öncə hesabınızı doğrulamağınız tələb oluna bilər.
2. Açılan pəncərədə Yeni podkast yaradın seçimini edin.
   • Mövcud pleylisti podkasta çevirmək istəsəniz, Mövcud pleylisti podkast kimi ayarlayın seçimini edin. Növbəti bölmədə mövcud pleylistləri optimallaşdırmaq qaydasını öyrənin.
3. Aşağıdakılar da daxil olmaqla, podkast məlumatlarını daxil edin:
   • Podkast başlığı
   • Təsvir
   • Görünmə dərəcəsi (Şəxsi və ya İctimai)
   • Kvadrat podkast miniatürü
4. Yadda saxlamaq üçün Yaradın düyməsinə klikləyin.

Podkastı yaratdıqda yeni və ya mövcud videoları podkasta yükləməklə epizodlar əlavə edin. Növbəti bölmədə videoları podkasta əlavə etmək qaydasını öyrənin.

Nəzərə alın:

• YouTube-da hər bir podkast epizodu bir video kimi təqdim edilir. YouTube-da MP3 podkasta çevrilə bilməz. Podkast yaratmaq üçün videoları podkast pleylistinizə yükləyin və ya əlavə edin.
• Podkastınızın epizodu müəllif hüquqları siyasətimizi pozarsa, kontentiniz podkast funksiyaları üçün uyğun olmaya bilər. YouTube-da düzgün istifadə və müəllif hüquqları ilə qorunan kontent haqqında ətraflı məlumat əldə edin.
• Podkast videoları yalnız audio oxutma üçün əlçatandır. Video üçün yalnız audio oxutmanı deaktiv etmək məqsədilə onu video ayarlarında bütün podkastlardan silməlisiniz.

YouTube şounuzu optimallaşdırmaq barədə ətraflı məlumat üçün Yaradıcılar üçün Tövsiyələr bölməsində ən yaxşı təcrübələrə baxın.

Podkasta videolar əlavə edin

Podkasta yeni videolar yükləmək üçün:

1. YouTube Studiyada Kontent  Podkastlar bölməsinə daxil olun.
2. Podkastınızı seçin.
3. Videolar əlavə edin  Videolar yükləyin düyməsinə klikləyin.
4. Podkastınıza əlavə etmək istədiyiniz videoları yükləyib video məlumatlarını daxil edin.
5. Dəyişiklikləri yadda saxlamaq üçün Yaradın düyməsinə klikləyin.

Podkasta mövcud videoları əlavə etmək üçün:

1. YouTube Studiyada Kontent  Podkastlar bölməsinə daxil olun.
2. Podkastınızı seçin.
3. Videolar əlavə edin  Mövcud videoları əlavə edin düyməsinə klikləyin.
4. Podkastınıza əlavə etmək istədiyiniz videoları seçin.
5. Pleylistə əlavə edin düyməsinə klikləyib podkastınızı siyahıdan seçin.
6. Videoları podkastınıza əlavə etmək üçün Yadda saxlayın düyməsinə klikləyin.

Mövcud pleylisti podkast kimi ayarlayın

1. YouTube Studiyada Kontent Pleylistlər bölməsinə daxil olun.
2. Podkast kimi təyin etmək istədiyiniz pleylistin üzərinə sürüşdürün.
3. Menyu Podkast kimi ayarlayın düyməsinə klikləyin.
4. Podkast məlumatlarını nəzərdən keçirib kvadrat podkast miniatürünü əlavə edin. Podkast məlumatlarına başlıq, təsvir və podkastınızın YouTube-da görünmə dərəcəsi daxildir.
5. Dəyişiklikləri təsdiqləmək üçün Hazırdır düyməsinə klikləyin.

Nəzərə alın:

• Podkastınızın epizodu müəllif hüquqları siyasətimizi pozarsa, kontentiniz podkast funksiyaları üçün uyğun olmaya bilər. YouTube-da düzgün istifadə və müəllif hüquqları ilə qorunan kontent haqqında ətraflı məlumat əldə edin.
• Yalnız pleylist tam podkast epizodlarını əhatə etdiyi halda onu podkast kimi ayarlayın. Sezon və ya fraqmentlər üçün əlavə pleylist dəstiniz varsa, bu pleylistləri podkast kimi ayarlamayın.

Mövcud pleylistlərinizin YouTube-da podkast kimi paylaşılması üçün optimallaşdırıldığına əmin olun. Ətraflı məlumat üçün Yaradıcılar üçün Tövsiyələr bölməsində ən yaxşı təcrübələrə baxın.

Podkastınızı adlandırın

Quraşdırma zamanı podkastınıza izahedici başlıq təyin edin. "Podkast" ifadəsi kimi əlavə sözlər şou adının bir hissəsi deyilsə, onları podkast başlığına əlavə etməyin.

"Tam Epizodlar", "Yeni Yükləmələr", "Podkast" kimi ümumi başlıqları əlavə etməyin. Pleylistinizin adı anlaşıqlı olmasa, YouTube podkastınızın başlığını YouTube Music tətbiqindəki kanal adınızla əvaz edəcək.

Qeyd:

• Podkast kimi təyin etsəniz belə, bəzi pleylistlər podkast funksiyaları üçün uyğun deyil. Uyğun olmayan kontentlərə yaradıcıya məxsus olmayan kontentlər daxildir, lakin bunlarla məhdudlaşmır.
• Podkastınızı dəstəkləmək üçün yaradılmış Shorts videoları YouTube Music-də görünməyəcək.

• Yaradıcı podkastları podkastların əlçatan olduğu ölkə/bölgələrdə YouTube Music tətbiqinə daxil edilir. 

Podkast təfərrüatlarınızı redaktə edin

Podkast təfərrüatlarınızı redaktə etmək üçün:

1. YouTube Studiyaya daxil olun.
2. Kontent  Podkastlar bölməsinə keçin.
3. Mausla redaktə etmək istədiyiniz podkastı tuşlayın və düyməsinə klikləyin.
4. Təfərrüatlar səhifəsindən podkastınızın başlığını, təsvirini, kvadrat podkast miniatürünü, görünmə dərəcəsini və ya video sırasını redaktə edin.
5. Yadda saxlayın düyməsinə klikləyin.

Podkast kimi paylaşmaq funksiyalarını pleylistdən silin

1. YouTube Studiyada kontent Podkastlar bölməsinə daxil olun.
2. Podkast kimi paylaşmaq funksiyasını silmək istədiyiniz pleylistin üzərinə sürüşdürün.
3. Funksiyalarını silmək istədiyiniz podkastın yanındakı Menu düyməsinə klikləyin.
4. Pleylist kimi ayarlayın seçimini edin.
5. Təsdiqləmək üçün Bəli üzərinə klikləyin.

Podkastınızdakı epizodları yenidən sıralayın

Epizodlarınızın dinlənilmə sırasını redaktə etmək üçün onları podkast pleylistinizdə yenidən sıralamalısınız.

1. YouTube Studiyada Kontent Podkastlar bölməsinə daxil olun.
2. Yeniləmək istədiyiniz podkastda Redaktə edin düyməsinə klikləyin.
3. Podkast məlumatları səhifəsindən Defolt Video Sırası menyusuna klikləyib videolarınızın sıralanmasını istədiyiniz kimi seçin.
4. Dəyişiklikləri təsdiq etmək üçün sağda ən üst küncdə Yadda saxlayın düyməsinə klikləyin.

• Şounuz epizodlardan ibarətdirsə, videolarınızı ən yenidən ən köhnəyə doğrü sıralayın.
• Şounuz seriyalardan ibarətdirsə, pleylistinizi ən köhnədən ən yeniyə doğru sıralayın.

Podkastınızın YouTube-da performansını ölçün

Podkastınızın ümumi performansını anlamaq üçün:

1. YouTube Studiyanıaçın.
2. Analitika tabından İcmala klikləyin.
3. Səhifənin ən aşağı sağ hissəsində Podkastlarınız kartından uyğun podkastı seçin.

Qeyd: YouTube-da bir podkastınız varsa, bu yeganə seçim olacaq.

Snepşotda podkastınız üçün baxış sayı, baxış vaxtı və datanı tapa bilərsiniz. Bir çox podkast şoularınız varsa, pleylistləriniz karuseldə görünəcək.

Podkast performansına daha yaxından nəzər salmaq üçün:

1. YouTube Studiyanıaçın.
2. Analitika tabından İcmala klikləyin.
3. Podkast Analitikasına baxın seçimini edin.

Burada aşağıdakıları tapacaqsınız:

• Podkast performansının icmalı
• Trafik mənbələri
• Auditoriya demoqrafiyası
• Auditoriyanı əldə tutma göstəriciləri
• Gəlir datası
• Və daha çoxu

Bir çox podkast şoularınız varsa, analiz etmək istədiyiniz podkastın başlığına klikləyin.