Gamitin ang Live View sa Google Maps

Tumuklas at mag-navigate sa mga lugar sa tunay na buhay sa tulong ng Live View. 

Availability ng Live View

• Available lang ang feature na ito sa mga piling bansa.
• Dapat tugma sa ARKit/ARCore ang iyong device.
• Dapat may mahusay na sakop ng Street View ang nilalakaran.

Makikita mo ang Live View  sa mga lugar na saklaw na ng Street View.

Tip: Kapag sinubukan mo ang Live View sa unang pagkakataon, may magpa-pop up na mensahe sa iyong telepono na humihingi ng access sa camera mo.

Mag-navigate gamit ang Live View

Nag-aalok ang Google Maps ng dalawang view para sa direksyon sa paglalakad: ang 2D na mapa at Live View. Sa Live View, makikita mo ang mga direksyon sa tunay na buhay at sa mini map sa ibaba ng iyong screen. Magagamit mo ang navigation sa Live View sa bahagi ng anumang uri ng biyahe kung saan kailangang maglakad.

1. Sa iyong Android phone o tablet, buksan ang Google Maps app .
2. Sa search bar, maglagay ng patutunguhan o i-tap ito sa mapa.
3. I-tap ang Mga Direksyon .
4. Sa itaas ng mapa sa toolbar ng travel mode, i-tap ang Paglalakad .
5. Sa gitnang bahagi sa ibaba, i-tap ang Live View .
6. Sundin ang mga tagubilin sa screen para tulungan ang Maps na mahanap ang iyong lokasyon.
   Tip: Itutok ang camera ng iyong telepono sa mga gusali at karatula sa kalye sa halip na sa mga puno at tao.
7. Kapag alam na ng Maps kung nasaan ka, makakatanggap ka ng mga direksyon sa pamamagitan ng camera view sa iyong screen.
   Tip: Para sa kaligtasan at para mapatagal ang iyong baterya, iminumungkahi naming itabi mo ang iyong telepono kapag alam mo na kung saan pupunta.
8. Magva-vibrate ang iyong telepono kapag nakarating ka na sa susunod na hakbang sa navigation o destinasyon.
9. Kapag gusto mong bumalik sa Live View, i-tilt lang ang iyong telepono sa patayong posisyon o pindutin ang button na Live View.

Mahalaga: Hindi nilalayong gamitin ang Live View sa umaandar na sasakyan. 

Lumipat sa 2D map view

Puwede kang magpalipat-lipat sa Live View at sa 2D na map view kapag inilipat mo ang iyong telepono sa pahalang na posisyon mula sa patayong posisyon. Mag-o-on bilang default ang feature na pag-tilt, pero puwede mong sundin ang mga hakbang na ito para baguhin ang setting:

1. Sa kanang bahagi sa itaas, i-tap ang iyong larawan sa profile o inisyal   Mga Setting  Mga setting ng navigation.
2. Sa ilalim ng "Mga opsyon sa paglalakad," i-off ang Live view .
3. I-off ang opsyon sa pag-tilt. 

I-orient ang iyong sarili sa Live View

Mabilis na i-orient ang iyong sarili sa paligid mo at sa malalapit na palatandaan sa Live View. Puwede mo ring malaman kung gaano kalayo ang ilang partikular na palatandaan sa iyo at kung paano pumunta roon. Puwedeng kasama sa mga palatandaang ito ang mga iconic na lugar, tulad ng Empire State Building sa New York City, o mga madaling makilalang lugar, tulald ng mga lokal na parke at atraksyong panturista.

Mayroong 2 paraan para i-orient ang iyong sarili sa Live View gamit ang mga palatandaan: 

• Maghanap ng lugar o i-tap ito sa mapa. Pagkatapos, sa kanang bahagi sa ibaba, i-tap ang Live .
• Maghanap ng kategorya, tulad ng “mga restaurant” o “mga shopping mall,” pagkatapos ay i-tap ang Tingnan ang mapa.
  • Mag-scroll sa mga mapagpipiliang lugar, pagkatapos ay pumili ng isa.
  • I-tap ang Live .

Kapag nasa Live View ka na:

1. Sundin ang mga tagubilin sa screen para tulungan ang Maps na mahanap ang iyong lokasyon.
   Tip: Itutok ang camera ng iyong telepono sa mga gusali at karatula sa kalye sa halip na sa mga puno at tao.
2. Kapag alam na ng Maps kung nasaan ka, matatanggap mo ang distansya papunta sa iyong destinasyon. Puwede ka ring pumasok sa direksyon sa paglalakad ng Live View.

Tip: Posibleng ipaalam sa iyo ng card ng impormasyon ng lugar mo kung nasa itaas na palapag ng gusali ang iyong destinasyon.

Gawing mas tumpak ang iyong lokasyon gamit ang Live View

1. Sa iyong Android phone o tablet, habang nasa labas ka, buksan ang Google Maps app .
2. I-tap ang asul na tuldok   I-calibrate .
3. Sundin ang mga tagubilin sa screen.

Mga Tip:

• Itutok ang camera ng iyong telepono sa mga gusali at karatula sa paligid mo, sa halip na sa mga puno at tao.
• Depende sa availability ng Street View, posible o hindi posibleng buksan ng Maps ang Calibrator ng Live View.
• Nagiging mas tumpak ang iyong posisyon sa Maps kapag nakakuha na ng mas maraming data sa lokasyon mo.

Maghanap ng mga tao gamit ang Live View

Mahalaga: Nasa beta ang feature na ito at available lang para sa mga Pixel phone.

Kapag ibinahagi sa iyo ng isang tao ang kanyang lokasyon, magagamit mo ang Live View para ma-visualize ang lokasyon niya sa tunay na buhay. 

1. Sa iyong telepono, buksan ang Google Maps app .
2. I-tap ang iyong larawan sa profile o initial   Pagbabahagi ng lokasyon.
3. Sa listahan ng mga taong nagbahagi sa iyo ng kanilang lokasyon, i-tap ang taong gusto mong hanapin ang lokasyon.
4. I-tap ang Live View .
5. Sundin ang mga tagubilin sa screen para tulungan ang Maps na mahanap ang iyong lokasyon.
6. Itutok ang camera ng iyong telepono sa mga gusali at karatula sa kalye sa halip na sa mga puno at tao.
7. Kapag alam na ng Maps kung nasaan ka, puwede mo nang i-orient ang sarili mo sa direksyon ng taong nagbahagi ng kanyang lokasyon sa iyo. Makakakita ka ng pin na kumakatawan sa lokasyon niya pati na ng ilang karagdagang impormasyon tungkol sa layo at direksyon. 
   • Puwede ka ring pumasok sa direksyon sa paglalakad ng Live View.

Maghanap ng mga lugar sa Live View ayon sa kategorya

Available lang ang feature na ito sa London, Los Angeles, New York City, Paris, San Francisco, at Tokyo.

1. Sa iyong Android phone o tablet, buksan ang Google Maps app .
2. Sa search bar, i-tap ang Camera .
3. I-pan at itapat ang iyong telepono sa mga gusali o karatula hanggang sa makita mo ang text na “Handa na!”.
   • Lalabas ang mga anotasyon ng mga kalapit na lugar.
4. Mag-hover o mag-tap sa isang anotasyon para makakita ng higit pang impormasyon tungkol sa lugar.
   
   Tip: Puwede mo ring gamitin ang mga opsyon sa paghahanap sa ibaba ng screen. Mag-tap para makakuha ng partikular na kategorya.

Paano malalaman kung gumagana ang Live View

Kapag nag-tap ka sa Live View , may magpa-pop up na mensahe sa iyong screen. Sasabihin sa iyo ng mensahe na itutok ang camera ng telepono mo sa mga gusali, karatula sa kalye, o anumang elemento ng tanawin na matutukoy ng Google Maps batay sa data ng Street View sa lugar. Kapag natukoy na ng Google Maps kung nasaan ka, magpapakita ito ng mga tagubilin sa pag-navigate sa iyong telepono.

Kung hindi pa rin gumagana ang Live View

Tiyaking ginagamit mo ang Live View:

• Sa maliliwanag na lugar
• Sa labas
• Sa mga lugar kung saan puwede mong itutok ang camera ng iyong telepono sa mga gusali at karatula sa kabilang bahagi ng kalye
• Sa mga lugar kung saan available ang Street View

Para sa iyong kaligtasan habang ginagamit mo ang Live View

Inirerekomenda naming gamitin mo lang ang Live View kung kailan ito pinakakinakailangan, tulad ng sa pagsisimula ng iyong biyahe, kapag mayroon kang puwedeng likuan, o kapag malapit ka na sa destinasyon mo.

Mahalaga: Iminumungkahi naming itabi mo ang iyong telepono kapag hindi mo na kailangan ng mga direksyon.

Magbigay ng feedback para sa Live View

Sabihin sa amin ang tungkol sa iyong karanasan sa paggamit ng Live View para sa direksyon sa paglalakad.

1. I-tap ang Feedback .
2. Sagutin ang tanong tungkol sa uri ng isyu na naranasan mo.
3. Ilagay ang iyong feedback.