Nagbibigay ang Google ng mga translated na bersyon ng aming Help Center, gayunpaman, hindi ginawa ang mga ito para baguhin ang content ng aming mga patakaran. Ang English na bersyon ang opisyal na wikang ginagamit namin para ipatupad ang aming mga patakaran. Para tingnan ang artikulong ito sa ibang wika, gamitin ang dropdown ng wika sa ibaba ng page.
Para matiyak ang isang ligtas at positibong karanasan para sa mga user, hinihiling ng Google sa mga advertiser na sumunod sa lahat ng naaangkop na batas at regulasyon bukod pa sa mga patakaran ng Google Ads. Puwedeng ma-block sa platform ng Google Ads at sa mga nauugnay na network ang mga ad, asset, destinasyon, at iba pang content na lumalabag sa mga patakarang ito.
Paano nade-detect ng Google Ads ang mga paglabag sa patakaran?
Gumagamit kami ng kumbinasyon ng Google AI at pagsusuri ng tao para mag-detect at mag-alis ng mga ad at account na lumalabag sa aming mga patakaran at nakakapinsala sa mga user at sa pangkalahatang ecosystem ng Google Ads. Ginagamit ng aming mga teknolohiya sa pagpapatupad ang Google AI, na nakamodelo sa mga pasya ng mga taong tagasuri, para makatulong na protektahan ang aming mga user at panatilihing ligtas ang aming mga platform ng ad. Ang content na lumalabag sa patakaran ay bina-block ng aming mga naka-automate na modelo para hindi maihatid o kaya, kapag kailangan ng mas detalyadong pagpapasya, fina-flag para sa higit pang pagsusuri ng mga sinanay na operator at analyst na nagsasagawa ng mga pagsusuri ng content na posibleng mahirap kung mga algorithm lang ang gagawa, halimbawa, dahil kailangang maunawaan ang konteksto ng ad at account. Pagkatapos ay ginagamit ang mga resulta ng mga manual na pagsusuring ito para tumulong sa pagbuo ng data ng pagsasanay para mapahusay pa ang aming mga modelo ng machine learning.
Sa pagtukoy kung lumalabag ba sa aming mga patakaran ang isang advertiser o destinasyon, nagsusuri kami ng impormasyon mula sa iba't ibang source, kasama ang mga ad, account, website, content, reklamo ng user, review ng consumer, babala at desisyon ng awtoridad sa pagkontrol, at iba pang third-party na source.
Nasa ibaba ang isang listahan ng iba't ibang paraan kung paano namin ipinapatupad ang mga patakaran at batas.
Hindi pag-apruba sa ad o asset
Hindi maaaprubahan ang mga ad at asset na hindi sumusunod sa mga patakaran ng Google Ads. Hindi gagana ang isang hindi naaprubahang ad hanggang sa maayos ang paglabag sa patakaran at masuri ang ad. Sa Google Ads, isasaad ito sa column na "Status." Alamin kung paano mag-ayos ng hindi naaprubahang ad
Pagiging kwalipikado sa paghahatid ng ad
Mamarkahang "Kwalipikado (limitado sa lahat ng lokasyon)" ang isang ad kapag pinipigilan ng mga patakaran ng Google Ads (kasama sa mga karaniwang halimbawa ang Alak, Mga Copyright, Pagsusugal, Pangangalaga sa Kalusugan, at Mga Trademark) na lumabas ang ilang partikular na uri ng mga ad sa iyong mga target na lokasyon. Depende sa paksa ng patakaran, mga available na programa para sa certification at pag-verify, at target na bansa, puwedeng maging limitado ang paghahatid ng mga ad. Matuto pa tungkol sa pagiging kwalipikado sa paghahatid ng ad.
Pagsususpinde ng account
Puwedeng masuspinde ang mga account kung makakakita kami ng mga paglabag sa aming mga patakaran o sa Mga Tuntunin at Kundisyon.
Kung may matukoy kaming matinding paglabag, sususpindihin ang iyong account agad-agad nang walang paunang babala. Ang matinding paglabag sa mga patakaran ng Google Ads ay isang paglabag na napakalubha kaya naging ilegal ito o nagdudulot ito ng malaking pinsala sa aming mga user o sa aming ecosystem ng digital na pag-advertise. Madalas na ipinapakita ng matitinding paglabag na hindi sumusunod sa mga patakaran ng Google Ads ang pangkalahatang negosyo ng advertiser o napakalubha ng isang paglabag kaya ayaw na naming ilantad pa sa panganib ang aming mga user. Dahil ang matitinding paglabag ay humahantong sa agarang pagsususpinde ng account, pagkatapos na pagkatapos matukoy at nang walang paunang babala, nililimitahan namin ang mga ito sa mga kaso kung saan ganitong pagkilos lang ang mabisang paraan para sapat na mapigilan ang ilegal na aktibidad at/o matinding pinsala sa user.
Para sa iba pang paglabag na humahantong sa pagkakasuspinde ng account, magpapadala kami sa iyo ng babala para ibalangkas ang uri ng paglabag sa patakaran at anumang remedyong puwedeng isagawa para makasunod. Ipapadala ang notification na ito sa loob ng hindi bababa sa 7 araw bago ang pagsususpinde.
Para sa mga paulit-ulit na paglabag sa patakaran, nagbibigay kami ng mga strike sa iyong Google Ads account at unti-unting tumitindi ang mga parusa sa bawat kasunod na strike na hahantong sa pagkakasuspinde ng account. Makakatanggap ka ng maximum na tatlong strike bawat patakaran sa iyong Google Ads account. Matuto pa tungkol sa mga pamamaraan ng pagpapatupad para sa mga paulit-ulit na paglabag.
Kung sususpindihin namin ang iyong account, hindi na gagana ang lahat ng ad sa nasuspindeng account, at hindi na kami tatanggap ng pag-advertise mula sa iyo, maliban kung matagumpay kang makakapag-apela. Masususpinde rin ang anumang nauugnay na account (halimbawa, mga account na gumagamit ng parehong paraan ng pagbabayad), at awtomatikong sususpindihin ang anumang bagong account na gagawin mo. Matuto pa tungkol sa mga nasuspindeng account.
