Google Ads Tutorials: How Google Ads Budget Pacing Works
Para sa mga subtitle sa iyong wika, i-on ang mga caption sa YouTube. Piliin ang icon ng mga setting sa ibaba ng video player, pagkatapos ay piliin ang "Mga Subtitle/CC" at piliin ang iyong wika.
Ang iyong average na pang-araw-araw na badyet ay ang average na halagang itatakda mo para sa bawat campaign ng ad bawat araw. Tinutukoy nito kung magkano ang tinantyang halagang kumportable mong gastusin bawat araw sa buong buwan.
Puwede mong itakda at i-edit ang iyong average na pang-araw-araw na badyet anumang oras. Matuto pa tungkol sa kung paano mag-set up ng average na pang-araw-araw na badyet para sa iyong campaign
Io-optimize ng Google ang iyong gastos sa campaign para sa mga araw ng buwan kung saan mas malamang na makakuha ka ng mga pag-click at conversion, tulad ng kapag mas mataas ang trapiko ng paghahanap o kapag mas mataas ang ROI na inihula namin para sa iyong mga ad. Ibig sabihin, baka hindi mo maabot ang iyong average na pang-araw-araw na badyet sa ilang araw, at posibleng lumampas ka naman sa ibang araw.
Diagram legend:= $
Bagama't puwedeng mag-iba-iba ang gastos ng iyong campaign, hindi ka magbabayad nang higit kaysa sa:
- Iyong limitasyon sa pang-araw-araw na paggastos (dalawang beses ng iyong average na pang-araw-araw na badyet para sa karamihan ng mga campaign) sa anumang partikular na araw.
- Iyong limitasyon sa buwanang paggastos (30.4 na beses ng average na pang-araw-araw mong badyet para sa karamihan ng mga campaign) sa anumang partikular na buwan.
Matuto pa tungkol sa mga limitasyon sa paggastos
Paano pumili ng average na pang-araw-araw na badyet
Sa Google Ads, makakapili ka ng average na pang-araw-araw na badyet para sa bawat campaign batay sa iyong mga layunin sa pag-advertise at sa average na halagang kumportable kang gastusin bawat araw.
May ilang tool ang Google Ads para tulungan ka rito:
- Makakatulong sa iyo ang Performance Planner na i-optimize ang mga badyet sa mga kasalukuyang campaign.
- Makakatulong sa iyo ang Cost-per-click (CPC) na itakda ang pinakamalaking halagang handa mong bayaran para sa isang pag-click sa iyong ad (max. CPC).
Paano kalkulahin ang average na pang-araw-araw na badyet mula sa isang buwanang halaga
Sabihin nating Php15,200 ang karaniwan mong ginagastos sa pag-advertise bawat buwan. Para alamin ang iyong average na pang-araw-araw na badyet, hahatiin mo ang Php15,200 sa 30.4 (ang average na bilang ng mga araw sa isang buwan - 365/12) para makakuha ng average na pang-araw-araw na badyet na Php500.
Gamit ang halimbawang ito, ganito mo malalaman ang iyong average na pang-araw-araw na badyet:
15,200/30.4 = Php500 bawat araw (Buwanang badyet / Average na bilang ng mga araw bawat buwan = average na pang-araw-araw na badyet)
Puwede ka ring gumawa ng mga nakabahaging badyet, na magbibigay-daan sa iyong magtakda ng badyet sa maraming campaign.
Mga kaugnay na link
- Pangkalahatang-ideya ng mga badyet
- Tungkol sa iyong ulat sa badyet
- Paano nagkakabisa ang mga pagbabago sa badyet
- Mag-set up ng average na pang-araw-araw na badyet para sa iyong campaign
- Tungkol sa mga limitasyon sa paggastos
- Bakit posibleng lumampas ang mga pang-araw-araw na gastusin sa iyong average na pang-araw-araw na badyet
- Mga tip para sa pag-optimize ng iyong average na pang-araw-araw na badyet
