Gamitin ang Audience builder para abutin ang tamang audience para sa bawat campaign at ad group

Tandaan: Kapag gumawa ka ng bagong Discovery o Performance Max campaign, o nag-update ka ng kasalukuyang Performance Max campaign, magkakaroon ka ng pagkakataong gamitin ang bagong nagagamit ulit na Audience builder sa Google Ads.

Nagbibigay-daan sa iyo ang Audience builder na gumawa ng mga nagagamit ulit na audience sa madali at epektibong paraan nang may nakatuong mga segment, pag-target ayon sa demograpiko, at mga pagbubukod.

Mga Benepisyo

Madaling gumawa at gumamit ulit ng mga audience sa iba't ibang campaign: Gamit ang Audience builder, kapag gumawa ka ng audience na binubuo ng iba't ibang segment ng audience, puwede mong gamitin ang audience na iyon sa gaano man karaming campaign sa kasalukuyan o sa hinaharap. Puwede mo ring makita ang iyong mga audience sa Manager ng audience. Matuto pa Tungkol sa pag-target ng audience.
Matugunan ang iyong layunin sa pag-advertise: Magkakaroon ng malaking epekto sa performance ng iyong campaign kung sino ang inaabot mo para sa bawat campaign. Kapag gumawa ka ng bagong campaign, makakakuha ka ng mga mungkahi para sa mga audience na baka gusto mong piliin batay sa iyong mga layunin sa pag-advertise.
Flexibility at madaling pamamahala: Puwede kang pumili ng iminumungkahing audience, gumawa ng bagong audience, o pumili ng isa pang kasalukuyang audience na hindi iminungkahi, puwede mo ring i-edit ang audience na iyon, habang binubuo o pinapamahalaan ang iyong campaign. Bukod pa rito, hindi mo kailangang pamahalaan ang iyong mga segment ayon sa channel, awtomatikong malalapat ang mga segment mo sa mga channel kung saan nauugnay ang mga ito batay sa mga layuning itinakda mo. Halimbawa, hindi ita-target ang isang segment na hindi angkop sa Search kapag nagpagana ka ng mga Search ad. Puwede ka ring sumangguni sa status ng iyong audience para malaman kung aling mga segment ang hindi kwalipikadong gumana sa campaign mo.
Makakuha ng custom na gabay habang binubuo mo ang iyong audience: Kung paano ka nakakuha ng pangkalahatang gabay habang gumagawa ka ng bagong campaign, makakakuha ka rin ng gabay habang bumubuo ng audience. Kasama rito ang pinakamahuhusay na kagawian para sa pag-target ng audience para sa uri ng iyong campaign at mga indikasyon sa kung sinusunod mo ba o hindi ang pinakamahuhusay na kagawiang iyon batay sa mga pagpili mo. Makakakuha ka rin ng pangkalahatang-ideya ng iyong audience ayon sa edad, kasarian, at lokasyon, at posible kang makakuha ng pagtatantya para sa lingguhang impression.

Paggamit sa Audience builder kapag gumagawa ng campaign

Sundin ang mga hakbang sa paggawa ng Discovery campaign o paggawa ng Performance Max campaign.

Para idagdag ang iyong audience, sa module ng “Audience,” i-click ang Pumili o Gumawa ng Audience. (Kung hindi ka pa gumawa ng anumang audience para sa iba pang ad group o campaign, mababasa sa button na "Gumawa ng Audience"). Nasa ibaba ang mga hakbang na gagawin mo para gumawa o pumili ng audience habang bumubuo ng bagong campaign.

Mga hakbang sa paggawa ng bagong audience

Sa Audience builder, makakahanap ka, makaka-browse, at makakapili ng mga grupo, segment, at pagbubukod ng demograpiko. Sundin ang mga hakbang sa ibaba para kumpletuhin ang paggawa ng audience.

Bigyan ng pangalan ang iyong audience, na magiging pangalan nito sa Library ng audience mo para sa lahat ng paggamit sa hinaharap.
Piliin ang mga grupo ng demograpiko na gusto mong i-target sa pamamagitan ng pag-click sa mga checkbox para sa bawat grupo. Ipinapakita bilang default ang edad at kasarian, pero puwede kang pumili ng mga grupo batay sa kita ng sambahayan o parental status sa pamamagitan ng pag-click sa Mga karagdagang demograpiko.
- Para sa edad, pumili ng isang sakop na edad na gaano man kalawak ang gusto mo, pero hindi ka puwedeng pumili ng mahigit sa isang sakop na edad para sa bawat Audience.
Pumili ng mga naaangkop na segment ng audience sa mga module na “Iyong data” at “Mga custom na segment.”
I-click ang Maghanap o Mag-browse para magdagdag ng mga segment. Lalabas ang mga iminumungkahing segment sa itaas ng listahan.
I-click ang I-save ang segment kapag pinili mo ang mga segment na gagamitin mo.
- Kung gusto mong gumawa ng bagong custom na segment, sundin ang mga hakbang sa ibaba:
  1. I-click ang + Custom na Segment
  2. Magdagdag ng pangalan para sa iyong custom na segment.
  3. Pumili:
    - Mga taong mayroon ng alinman sa ganitong mga interes o layuning bumili. Maglagay ng mga keyword na naglalarawan sa mga interes ng gusto mong customer o mga produkto at serbisyong aktibo nilang sinasaliksik para bilhin. Kung gumagamit ka ng audience sa iyong pagpipilian ng manual na pag-target (puwedeng gumamit ng manual na pag-target ang lahat ng campaign maliban sa Performance Max), maaabot ng campaign mo ang mga taong may ganoong mga interes o layuning bumili batay sa mga setting ng iyong campaign, tulad ng layunin sa pag-advertise o strategy sa pag-bid. Kung ginagamit mo ang iyong audience bilang signal bilang bahagi ng naka-optimize na pag-target (gumagamit lang ng naka-optimize na pag-target ang mga Performance Max campaign), ipapaalam ng mga pinili mong audience kung sino ang makakakita sa iyong mga ad, pero sa huli, magtutuon ang campaign mo sa pag-optimize para sa iyong mga layunin at puwede itong magpakita ng mga ad sa mga taong wala sa mga pinili mong audience.
    - Mga taong naghanap ng alinman sa mga terminong ito sa Google. Maglagay ng mga termino para sa paghahanap na ginagamit ng gusto mong customer sa mga pag-aari ng Google (gaya ng Google.com at YouTube). Kung gumagamit ka ng audience sa iyong pagpipilian ng manual na pag-target (puwedeng gumamit ng manual na pag-target ang lahat ng campaign maliban sa Performance Max), maaabot ng campaign mo ang mga taong may ganoong mga interes o layuning bumili batay sa mga setting ng iyong campaign, tulad ng layunin sa pag-advertise o strategy sa pag-bid. Kung ginagamit mo ang iyong audience bilang signal bilang bahagi ng naka-optimize na pag-target (gumagamit lang ng naka-optimize na pag-target ang mga Performance Max campaign), ipapaalam ng mga pinili mong audience kung sino ang makakakita sa iyong mga ad, pero sa huli, magtutuon ang campaign mo sa pag-optimize para sa iyong mga layunin at puwede itong magpakita ng mga ad sa mga taong wala sa mga pinili mong audience. Sa iba pang campaign, gagamitin ang mga termino bilang interes o mga layuning bumili.
I-click ang I-save ang audience.
Para mag-target ng mga segment ng audience na hindi kasama sa iyong data at mga custom na segment, tulad ng mga affinity at in-market na segment, i-click ang Mga interest at detalyadong segment ng demograpiko. Lalabas ang module na “Mga segment ng Google.” Makakapagdagdag ka roon ng “mga interes,” “detalyadong demograpiko,” at “mga pangyayari sa buhay” para makakuha ng listahan ng mga segment na puwede mong piliin.
Para alisin ang anumang segment sa alinman sa mga module, mag-hover sa segment at i-click ang icon na X .

Mga hakbang sa pagpili ng kasalukuyang Audience

Kapag gumagawa ng campaign, kakailanganin mong pumili ng audience. Kung na-click mo ang “Pumili ng audience,” lalabas ang selector ng Mga Audience na may mga mungkahi para sa mga audience na maitutugma mo sa layunin sa pag-advertise na itinakda mo para sa bagong campaign. Suriin ang mga card ng buod ng audience kung saan kasama ang mga partikular na segment at pagbubukod ng audience na iyon. Puwede mo ring tingnan ang iba mo pang kasalukuyang audience na hindi inirerekomenda batay sa iyong layunin sa pag-advertise sa pamamagitan ng pag-click sa link na “hindi inirerekomenda ang audience.”
Kung tama para sa iyong campaign ang isang kasalukuyang audience sa talahanayan, piliin ito sa pamamagitan ng pag-click rito. Kung mas gusto mong gumawa ng bagong audience para sa campaign, i-click ang + Bagong Audience sa kanang bahagi sa itaas. Sundin ang “Mga hakbang sa paggawa ng bagong audience” sa seksyon sa itaas.
Lalabas ang napili mong audience sa ilalim ng “Gumawa ng ad group.” Mula roon, puwede mong iwanan ang audience nang walang pagbabago, i-edit ito sa pamamagitan ng pag-click sa icon na lapis , alisin ito sa pamamagitan ng pag-click sa icon na X sa kanang bahagi sa itaas, o baguhin ito sa pamamagitan ng pag-click sa Baguhin ang audience, na magbabalik sa iyo sa selector ng Audience.
- Kung ie-edit mo ang iyong audience, gagawin mo iyon sa Audience builder. Gamitin ang Audience builder para i-update ang pag-target ayon sa demograpiko, mga segment, at mga pagbubukod sa pamamagitan ng pag-click sa opsyong Magdagdag o gumawa sa alinman sa mga naaangkop na module. Matuto pa tungkol sa Audience builder sa “Mga hakbang sa paggawa ng bagong audience” sa itaas.

Tip

Kapag nag-edit ka ng audience habang ginagawa ang iyong ad group at campaign, mae-edit ang audience na iyon para sa lahat ng ad group at campaign kung saan ito naka-attach. Kung gusto mong mailapat lang sa isang campaign o ad group ang mga ie-edit mo sa iyong Audience, i-save ang mga pag-edit na may bagong pangalan para sa Audience na iyon.

Mga audience na “Ginawa para sa iyo”

Tandaan: Ang mga audience na "Ginawa para sa iyo" ay isang bagong feature at ilulunsad ito sa mga user sa buong Q1 2024.

Ang mga audience na “Ginawa para sa iyo” ay isang bagong feature na nagrerekomenda ng mga audience batay sa mga layunin mo sa pag-advertise. Nagsasama ang mga ito ng mga interes, kagawian, at dating pakikipag-ugnayan ng mga customer sa iyong negosyo at makakatulong ang mga ito na maabot mo ang tamang audience gamit ang iyong mga Performance Max at Discovery campaign.

Posible makatulong ang mga audience na “Ginawa para sa iyo” na mapahusay ang performance ng iyong campaign. Kasama sa mga audience na ito ang mga dating ginamit na segment ng audience na pinili batay sa iba't ibang salik, kabilang ang history ng conversion ng mga user, data ng performance, at landing page, na may bahagi sa mga suhestyon sa audience. Puwedeng i-save, i-edit, at gamitin ulit nang maraming beses sa iba pang campaign at grupo ng ad o asset ang mga audience na “Ginawa para sa iyo.”

Mga Tagubilin

Awtomatikong lalabas ang mga audience na “Ginawa para sa iyo” sa iyong Library ng audience kapag pinili mong magdagdag ng audience o signal ng audience tulad ng sumusunod:

Sa iyong Google Ads account, i-click ang Mga Campaign sa menu ng page sa kaliwa.
I-click ang button na plus , at pagkatapos ay piliin ang Bagong Campaign.
Pumili ng layunin sa marketing na Benta, Mga Lead, Trapiko sa website, o Walang layunin.
Piliin ang mga Performance Max campaign o Discovery campaign.
Sa page na “Audience [Signal],” i-click ang Magdagdag ng audience [signal].
Sa pop-up window, magkakaroon ang mga audience na “Ginawa para sa iyo” ng pamagat kapag nag-hover na nagsisimula sa Ginawa para sa iyong [layunin sa pag-advertise].
- I-click ang icon na lapis kung gusto mong i-edit ang iminumungkahing audience ayon sa mga pangangailangan mo o piliin ang audience nang walang binabago.
Awtomatikong sine-save ang audience na “Ginawa para sa iyo” sa iyong Library ng audience kapag pinili o na-edit at na-save, at puwedeng ilapat ang mga ito sa iba pang grupo ng ad o asset at campaign.
- Tandaan: Kung mag-e-edit at magse-save ka ng mga pagbabago sa iyong audience na “Ginawa para sa iyo,” mawawala ang text na “Ginawa para sa iyo.”

Mga FAQ

Puwede ba akong magdagdag ng mga pagbubukod para sa lahat ng segment ng audience?

Hindi, puwede ka lang ngayong magdagdag ng mga pagbubukod para sa iyong mga segment ng data.

Paano naiiba ang manual na pag-target ng audience sa naka-optimize na pag-target?

Tandaan: Puwedeng gumamit ng manual na pag-target ang lahat ng campaign maliban sa Performance Max. Gumagamit lang ng naka-optimize na pag-target ang mga Performance Max campaign.

Kapag binuo mo ang iyong mga audience at itinakda ang campaign mo para sa manual na pag-target, magpapakita ang iyong campaign ng mga ad na aabot sa mga taong tinukoy mo. Kung gumagamit ka ng naka-optimize na pag-target para sa iyong campaign, puwede mo pa ring buuin ang iyong mga audience ayon sa mga detalye mo, pero puwedeng abutin ng iyong mga ad ang mga taong hindi kasama sa mga napili mong audience dahil nag-o-optimize ang iyong campaign para sa mga layunin ng conversion.

Sa anumang campaign na naka-optimize ang pag-target, ang mga napili mong audience ay magiging mga signal na tutulong sa Google AI na mag-optimize kaagad para sa performance ng campaign. Kung may mga taong malamang na mag-convert batay sa iyong mga layunin ng conversion, puwedeng maihatid sa kanila ang mga ad mo, kahit na hindi sila tinukoy sa mga napili mong audience.

Gaano karaming audience ang mata-target ko sa isang ad group (Discovery) o grupo ng asset (Performance Max)?

Para tulungan kang i-optimize ang performance ng campaign gamit ang pinakatina-target na diskarte sa paghahatid ng mga ad, puwede lang magsama ang bawat campaign at ad group (Discovery) o grupo ng asset (Performance Max) ng isang audience sa bawat pagkakataon. Puwedeng magsama ang isang napiling audience ng ilang segment ng audience). Puwede mong baguhin o i-edit ang audience anumang oras. Tingnan ang mga hakbang sa itaas para i-edit ang iyong audience.

Mga kaugnay na link

Nakatulong ba ito?

Paano namin mapapaganda ito?