Mga FAQ sa patakaran ng AdSense

Ang layunin ng patakaran ng AdSense ay ang mapanatiling ligtas at malinis ang Display network at Search network ng Google para sa aming mga advertiser, user, at publisher. Para maunawaan kung bakit kailangan namin ang mga patakaran at ang papel na ginagampanan ng mga ito sa eco-system ng mga ad, puwede mong panoorin ang video na ito. Umaasa kaming ang lahat ng publisher na lumalahok sa AdSense ay magkakaroon ng matagal at matagumpay na ugnayan sa Google. Para mangyari iyon, mahalagang malaman mo ang tungkol sa Mga patakaran ng Programa ng AdSense. Mahalaga ring tiyaking hindi nalinlang ang mga bisita sa iyong mga page at iniiwasan mo ang anumang mapanlinlang na pagpapatupad na puwedeng magdulot ng mga hindi sinasadyang pag-click. Para sa higit pang detalye, tingnan ang mga patakaran sa pagpapatupad ng ad.

Pumunta sa:

• Bahagi 1: Pagpapatupad ng ad
• Bahagi 2: Nauugnay sa mobile
• Bahagi 3: Mga FAQ sa mga bawas sa mga kita
• Bahagi 4: Mga kahilingan para sa mga pagsusuri at pag-uulat ng paglabag
• Bahagi 5: Higit pang resource

i-expand lahat | i-collapse lahat

Bahagi 1: Pagpapatupad ng ad

Paglabag bang maituturing kung lalabas ang aking mga ad sa itaas ng fold?

Hindi paglabag ang pagpapakita ng mga ad sa itaas ng fold hangga't may sapat na content sa itaas ng fold na mababasa ng mga user. Hindi namin pinapayagan ang mga layout ng page na nagtutulak sa lahat ng content sa ibaba ng fold para ang mga ad na lang ang makita. Ginagawang mahirap ng mga ganitong pagpapatupad na malaman ng user ang kaibahan sa pagitan ng content at mga Google ad.

Kapag iniaakma ang mga ad para tumugma sa aking site, paano ko matitiyak na hindi kinokopya ng mga ad ang format ng content nang hindi naman nagmumukhang alanganin ang mga ad?

Kapag nagpapatupad ka ng mga ad, palaging isaalang-alang ang iyong mga user at isipin na kung isa kang user na unang beses pupunta sa page, magagawa mo bang matukoy ang mga ad mula sa content? Puwede mong piliin ang naaangkop na laki, kulay, at background ng ad para tumugma sa disenyo ng iyong page, pero huwag mong subukang i-format ang mga ad para maging katulad na katulad ng iba pang content sa page kung saan lumalabas ang mga iyon. Isa pa, palaging maglagay ng wastong distansya sa pagitan ng mga ad at content para maiwasan ang pagkakaroon ng mga hindi sinasadyang pag-click.

Anong mga label ang pinapayagan sa itaas ng mga ad?

Hindi namin pinapayagan ang mga publisher na manlinlang ng mga user sa anumang paraan. Ang tanging mga label na pinapayagan naming mailagay sa itaas ng mga ad ay "naka-sponsor na mga link" o "mga advertisement."

Puwede ba akong maglagay ng mga ad sa ilalim ng link o button na "i-download?"

Ang paglalagay ng mga ad malapit sa button na "i-download" ay posibleng makapanlinlang sa mga user sa pag-aakalang ang mga ad ang mga link sa pag-download. Kaya naman pakilayo palagi ang iyong mga ad sa mga link na "i-download" at gawing kapansin-pansin ang mga button na “i-download.”

Paglabag ba sa patakaran ng programa kung maglalagay ako ng mga ad sa mga iframe na page sa aking site o app?

Oo, labag ito sa aming mga patakaran. Una, hindi ka pinapayagang maglagay ng mga ad sa isang frame sa loob ng isa pang page. Pangalawa, hindi ka pinapayagang maglagay ng mga ad sa iyong software, hal., kung kinokontrol mo pareho ang isang page na may mga ad at isang app na naglo-load sa page na iyon, gagawa kami ng pagkilos laban dito

Bahagi 2: Nauugnay sa mobile

Aling ad code ang dapat kong ilagay sa mga web app (web na nag-e-embed ng app): AdMob o AdSense?

Huwag gamitin ang AdSense sa mga app dahil isa itong malinaw na paglabag. Pakitiyak din na hindi ka lalabag sa mga sumusunod na patakaran kapag gumagamit ng AdMob. Dapat isaalang-alang ang mga sumusunod na patakaran para sa mga app na gumagana bilang mga browser, o para sa mga app na sumusubok mag-frame ng mga external na page: hindi puwedeng ipakita sa parehong screen ang mga AdMob at AdSense ad. Hindi pinapayagan ang mga publisher na maglagay ng mga Google ad sa mga page na nagfe-frame ng content mula sa iba pang mga site nang walang pahintulot mula sa mga may-ari ng mga page na iyon. Para sa higit pang detalye tungkol sa patakaran ng AdMob, sumangguni sa Help Center ng AdMob.

Bahagi 3: Mga FAQ sa mga bawas sa mga kita

Puwedeng magkaroon ng mga bawas ang iyong mga kita sa iba't ibang dahilan. Puwedeng isaayos ng Google ang iyong mga kita kung may matukoy itong aktibidad ng invalid na pag-click sa account mo o mga pagpapatupad ng ad na hindi sumusunod sa patakaran ng AdSense. Hinihikayat ka naming suriin ang mga alituntunin sa patakaran at kalidad ng trapiko para matuto pa.

Bakit nabawasan ang aking mga kita?

Nabawasan ang iyong mga kita dahil sa aktibidad ng invalid na pag-click o dahil sa aktibidad na hindi sumusunod sa mga patakaran ng Google. Pana-panahong sinusuri ng Google ang mga account ng publisher para sa ganoong aktibidad. Kapag nakakita kami ng ganoong aktibidad sa iyong account, isinasaayos namin ang mga kita mo at nagre-reimburse kami sa mga advertiser na nagbayad para sa mga pag-click na ito.

Gusto kong iapela ang bawas. Puwede ko bang gawin iyon?

Sa kasamaang palad, hindi mo maiaapela ang bawas. Makakatiyak kang nasuri namin ang trapiko sa iyong account nang may mga makatuwirang hakbang. Tulad ng nabanggit, nagkakaroon lang ng bawas kapag nakakita kami ng mga invalid na pag-click sa iyong account o kung nakakita kami ng aktibidad na hindi sumusunod sa patakaran ng Google.

Napansin kong magkaiba ang aking kabuuang mga kita sa aking tinantyang mga kita. Bakit kailangan pa akong bawasan?

Ang tinantyang mga kita na nasa account mo ay nagbibigay sa iyo ng halos tumpak na pagtatantya ng kamakailang aktibidad ng account kapag nagkakaroon ng trapiko ang account mo. Sa kabilang banda, kasama sa kabuuang mga kita ang lahat ng kitang ibabayad sa iyo para sa mga na-validate na pag-click at impression. Sa ilang pagkakataon, posibleng mapansin ng Google na invalid o hindi sumusunod sa patakaran ng Google ang aktibidad na nabayaran na sa iyo. Sa mga ganoong sitwasyon, magsasagawa ang Google ng pagsasaayos sa iyong account sa pamamagitan ng isang bawas. Matuto pa tungkol sa mas malalim na pag-unawa sa iyong mga kita sa AdSense o sa pagkakaiba ng tinantya at kabuuang mga kita.

Anong hanay ng petsa pumatak ang bawas na ito?

Hindi namin maibibigay ang hanay ng petsa kung kailan isinagawa ang iyong pagsasaayos. Tandaan na alinsunod sa aming Mga Tuntunin at Kundisyon, kine-credit namin sa mga advertiser ang mga invalid na trapiko na nakuha 60 araw bago ang petsa ng invoice. Kapag nakumpleto na namin ang aming pagsisiyasat at sinimulan na namin ang pagpoproseso sa mga credit, puwedeng tumagal nang hanggang 30 araw bago lumabas ang mga credit sa iyong account.

Puwede ba akong makakuha ng higit pang impormasyon tungkol sa bawas?

Para mapanatili ang integridad ng aming system sa pagtukoy ng invalid na aktibidad at para pigilan ang mga user sa pag-iwas sa system, hindi kami makakapagbigay ng mga detalye sa kung anong aktibidad ang napansin namin sa iyong account.

Paano ko maiiwasang mangyari ulit ito?

Hinihikayat namin ang mga publisher na tuluy-tuloy na subaybayan ang kanilang mga AdSense account para sa mga posibleng senyales ng aktibidad ng invalid na pag-click. Mahalagang malaman mo kung saan nanggagaling ang iyong trapiko. Nauunawaan namin ang pangangailangang magkaroon ng mga ad campaign para i-promote ang iyong page, pero mahalaga ring subaybayan kung anong klase ng trapiko ang binubuo ng mga pag-promote na ito. Para matagumpay itong magawa, inirerekomenda namin ang pagsubaybay sa trapikong nahimok sa iyong page gamit ang isang web analytics tool tulad ng Google Analytics. Puwede mo ring subukang i-segment ang iyong trapiko ayon sa mga channel at subaybayan ang trapiko mula sa mga channel na ito.

Ano'ng dapat kong gawin kung may pinaghihinalaan akong invalid na aktibidad?

Kung may mapansin kang anumang kahina-hinalang aktibidad sa iyong account, puwede mo kaming abisuhan sa pamamagitan ng paggamit sa aming form ng mga invalid na pag-click. Magbahagi ng detalyadong impormasyon hangga't puwede sa pamamagitan ng form. Tandaang itatago namin ang impormasyong ito sa aming mga tala, pero posibleng hindi kami sumagot maliban na lang kung makakahanap kami ng mahalagang isyu sa iyong account.

Bahagi 4: Mga kahilingan para sa mga pagsusuri at pag-uulat ng paglabag

Inalis ko na ang paglabag sa halimbawang page na ipinadala ninyo sa akin sa email ng notification na nagdi-disable ng site. Bakit naka-disable pa rin ang paghahatid ng ad sa aking site?

Malamang na bagama't naalis mo na ang paglabag sa halimbawang page na aming ibinigay, may mga ganoong klase pa ring paglabag sa iyong buong site. Tandaan na isa lang halimbawa ang URL na ibinigay namin sa notification na email at puwedeng may mga ganoong paglabag din ang iba pang page ng site na ito. Inirerekomenda naming maglaan ka ng oras para suriin ang natitirang bahagi ng iyong site para matiyak na sumusunod ito sa aming mga patakaran. Pagkatapos mong ayusin ang lahat ng paglabag ng iyong site, puwede kang humiling ng pagsusuri sa pamamagitan ng Policy center sa AdSense account mo o sa Help Center.

Hindi nagpapakita ang aking mga ad sa aking page o site. Paano ko maaayos ang problema?

Puwede mong gamitin ang Troubleshooter ng paghahatid ng ad para tulungan kang i-troubleshoot ang mga karaniwang isyu sa iyong page o site.

Paano ako makikipag-ugnayan sa team ng AdSense kung makatanggap ako ng notification sa patakaran?

Hindi mo kailangang makipag-ugnayan sa amin kapag nakatanggap ka ng babala. Kailangan mong gumawa ng pagkilos para lutasin ang babala at tiyaking naalis mo ang lahat ng paglabag sa kabuuan ng iyong site. Kung na-disable ang mga ad sa iyong page o site puwede kang makipag-ugnayan sa amin sa pamamagitan ng form sa paghiling ng pagsusuri. Bago ka makipag-ugnayan sa amin, pakiayos muna ang problema. Lubos naming inirerekomenda na basahin mo ang mga nauugnay na patakaran sa aming Help Center para matulungan kang maunawaan ang kasalukuyang paglabag. Para humiling ng pagsusuri, pakigamit ang Troubleshooter sa paghiling ng pagsusuri para sa isang paglabag, at pagkatapos ay isa-isahin ang mga hakbang para mahanap ang tamang form sa paghiling ng pagsusuri.

Na-disable ang aking account at tinanggihan ang aking apela. May iba pa bang paraan para makapagsimula ako ulit?

Tulad ng posibleng alam mo na, lubos na sineseryoso ng Google ang mga isyu tungkol sa pagsunod sa patakaran ng programa. Nakalatag ang aming mga patakaran ng programa para matiyak ang isang positibong karanasan para sa aming mga publisher, sa kanilang mga bisita sa page, at sa aming mga advertiser. Dahil dito, kadalasang hindi na mababago ang aming mga desisyon.

Kung sa tingin mo ay mali ang desisyong ito, at kung mapapatunayan mo nang may magandang loob na ang mga ipinataw na paglabag sa patakaran ay hindi kagagawan ng mga pagkilos o kapabayaan mo o ng mga taong iyong pinananagutan, puwede mong iapela ang pagkaka-disable ng iyong account. Para gawin ito, makipag-ugnayan sa amin sa pamamagitan lang ng aming form na Apela sa paglabag sa patakaran - na-disable ang account.

Susuriin namin ang iyong kahilingan sa sandaling maging available ang isa sa aming mga espesyalista. Gayunpaman, pakitandaan na nasa amin ang karapatang mag-disable ng account para sa mga paglabag sa mga patakaran ng programa, at walang garantiya na maibabalik ang iyong account.

Pakitandaang isang apela lang ang puwede mong isumite para sa iyong account. Hindi susuriin ang anumang karagdagang pagsusumite.

Napag-alamang hindi sumusunod sa patakaran ang aking page o site, pero marami akong nakikitang ibang site na ganoon din ang ginagawa, bakit hindi inaaksyunan ang mga ito?

Nagsusumikap kaming panatilihin ang kalidad at reputasyon ng AdSense sa pamamagitan ng pagpapasailalim ng lahat ng aming publisher sa aming mga patakaran ng programa. Pinapahalagahan namin ang iyong pagtulong para mapanatili ang mga pamantayang ito. Kung makakakita ka ng anumang page o site na may mga paglabag sa patakaran, pakiulat ito sa amin sa pamamagitan ng pag-click sa label na "Mga Ad ng Google" o "Pagpipilian sa ad" sa mga ad. Susuriin ito ng aming mga espesyalista at gagawa sila ng pagkilos ayon sa nararapat.

Na-hack ang aking site at inilagay ng mga hacker ang sarili nilang ad code sa aking site. Ano ang dapat kong gawin?

Kung hindi mo pa nagagawa, puwede mong alisin ang mga ad sa iyong site sa pamamagitan ng pag-delete sa ad code mula sa source code ng site mo. Bukod pa rito, iminumungkahi naming suriin mo ang seguridad ng iyong site para matiyak na hindi maa-access ng mga hindi pinapahintulutang indibidwal ang source code ng site mo. Para sa higit pang impormasyon, tingnan ang: Ano ang pag-hack o na-hack na content?

Bahagi 5: Higit pang resource

Para matuto pa tungkol sa mga patakaran ng AdSense at pinakamahuhusay na kagawian, bisitahin ang blog ng AdSense at channel sa YouTube ng AdSense.