ປັດຈຸບັນເວລາ 00:50 UTC ວັນທີ 23 ເມສາ 2021
ຜົນກະທົບຂອງໂຄໂຣນາໄວຣັສ (COVID-19) ມີການພັດທະນາຂຶ້ນທຸກມື້. ກະລຸນາກັບມາໃໝ່ເພື່ອກວດເບິ່ງອັບເດດເປັນປະຈຳວ່າ YouTube ມີການແກ້ໄຂສະຖານະການແນວໃດ.
ອັບເດດຫຼ້າສຸດ
- [23 ເມສາ 2021 ເວລາ 00:50 ໂມງ (UTC)] ການປົກປ້ອງແຮງງານພາຍນອກ ແລະ ຊຸມຊົນຂອງພວກເຮົາ: ເນື່ອງຈາກການຕິດເຊື້ອ COVID-19 ທີ່ເພີ່ມຂຶ້ນໃນບາງພື້ນທີ່ຂອງໂລກ, ພວກເຮົາຈະ ສືບຕໍ່ອາໄສເທັກໂນໂລຢີຫຼາຍຂຶ້ນເພື່ອລະບຸ ແລະ ລຶບເນື້ອຫາທີ່ລະເມີດຂໍ້ແນະນຳຊຸມຊົນຂອງພວກເຮົາອອກຢ່າງວ່ອງໄວ.
- [17 ພະຈິກ 2020 ເວລາ 17:30 ໂມງ (UTC)] ການອັບເດດແຜງຂໍ້ມູນ COVID-19: ພວກເຮົາກຳລັງອັບເດດແຜງຂໍ້ມູນ COVID-19 ຂອງພວກເຮົາເພື່ອໃສ່ລິ້ງໄປຫາຂໍ້ມູນວັກຊີນ COVID-19, ເຊິ່ງເປັນຄວາມພະຍາຍາມຢ່າງຕໍ່ເນື່ອງຂອງພວກເຮົາໃນການຮັບມືກັບການໃຫ້ຂໍ້ມູນບໍ່ຖືກຕ້ອງກ່ຽວກັບ COVID. ແຜງຂໍ້ມູນທີ່ອັບເດດແລ້ວອາດສະແດງໃນຜົນການຊອກຫາ ແລະ ຢູ່ໜ້າເບິ່ງທີ່ກ່ຽວຂ້ອງກັບ COVID-19 ຫຼື ຂໍ້ມູນວັກຊີນ COVID-19. ເຊິ່ງແຜງຂໍ້ມູນທີ່ອັບເດດແລ້ວມີຈຸດປະສົງເພື່ອຊ່ວຍໃຫ້ຜູ້ໃຊ້ຊອກຫາຂໍ້ມູນວັກຊີນ COVID-19 ທີ່ເຊື່ອຖືໄດ້ຂອງພາກສ່ວນທີສາມ ແລະ ບໍ່ແມ່ນການຕັດສິນກ່ຽວກັບຄວາມຖືກຕ້ອງຂອງວິດີໂອໃດກໍຕາມ.
- [20:20 UTC 11 ສິງຫາ 2020] ການສາຍຮອບປະຖົມມະທັດ: ເນື່ອງຈາກການສາຍຮອບປະຖົມມະທັດຢູ່ YouTube ມີຈຳນວນເພີ່ມຂຶ້ນຫຼາຍໃນຊ່ວງ COVID-19, ບາງຊ່ອງຈຶ່ງຖືກຈຳກັດໃຫ້ໂພສການສາຍຮອບປະຖົມມະທັດໃນຊ່ວງເວລາ 15 ນາທີເປັນການຊົ່ວຄາວ (ເຊັ່ນ: 1:15 ຫຼື 1:45 ແທນ 1:30 ຫຼື 2:00).
- [17:00 UTC 10 ສິງຫາ 2020] ແຜງຂໍ້ມູນພາວະຊຶມເສົ້າ ແລະ ຄວາມວິຕົກກັງວົນສາມາດໃຊ້ໄດ້ໃນປະເທດເພີ່ມເຕີມແລ້ວ
ພວກເຮົາໄດ້ເປີດຕົວ ແຜງຂໍ້ມູນສຸຂະພາບ ກ່ຽວກັບພາວະຊຶມເສົ້າ ແລະຄວາມວິຕົກກັງວົນໃນອີກ 27 ປະເທດແລ້ວ. ແຜງຂໍ້ມູນເຫຼົ່ານີ້ມີການເປີດຕົວເປັນເທື່ອທຳອິດໃນສະຫະລັດໃນວັນທີ 13 ກໍລະກົດ 2020 ເພື່ອໃຫ້ຜູ້ໃຊ້ເຂົ້າເຖິງຂໍ້ມູນດ້ານສຸຂະພາບຈິດທີ່ເຊື່ອຖືໄດ້ຢ່າງງ່າຍດາຍໃນລະຫວ່າງການແຜ່ລະບາດ COVID-19.
- [16:30 UTC 13 ກໍລະກົດ 2020] ແຜງຂໍ້ມູນສຸຂະພາບໃໝ່ສຳລັບພາວະຊຶມເສົ້າ ແລະ ຄວາມວິຕົກກັງວົນ: ການລະບາດທົ່ວໂລກຂອງ COVID-19 ບໍ່ພຽງແຕ່ສົ່ງຜົນກະທົບກັບສຸຂະພາບກາຍ, ມັນຍັງສົ່ງຜົນກະທົບກັບສຸຂະພາບຈິດນຳ. ເພື່ອຊ່ວຍໃຫ້ຜູ້ຄົນເຂົ້າເຖິງຂໍ້ມູນທີ່ເຊື່ອຖືໄດ້ງ່າຍຂຶ້ນ, ພວກເຮົາຈຶ່ງໄດ້ເປີດຕົວ ແຜງຂໍ້ມູນສຸຂະພາບ ສຳລັບພາວະຊຶມເສົ້າ ແລະ ຄວາມວິຕົກກັງວົນ ແລະ ການປະເມີນຕົນເອງໃນ YouTube ຊອກຫາ. ຕອນນີ້ແຜງ ແລະ ການປະເມີນຕົວເອງແມ່ນສາມາດໃຊ້ໄດ້ໃນສະຫະລັດ ແລະ ພວກເຮົາຫວັງວ່າຈະສາມາດເປີດໃຫ້ປະເທດ/ພາກພື້ນອື່ນໆໃຊ້ໄດ້ເພີ່ມເຕີມໃນໄວໆນີ້.
- [23:15 UTC 11 ມິຖຸນາ 2020] ອັບເດດການປະເມີນຕົວເອງຂອງແຜງສຸຂະພາບ COVID-19: ຕອນນີ້ການປະເມີນຕົວເອງໃນ ແຜງສຸຂະພາບ ຂອງ COVID-19 ຈະລິ້ງໄປຫາຕົວກວດສອບການປະເມີນຕົວເອງຂອງ Google, ເຊິ່ງອ້າງອີງໃສ່ຂໍ້ແນະນຳຂອງ CDC. ຕົວກວດສອບການປະເມີນຕົວເອງຈະເຮັດໃຫ້ຜູ້ໃຊ້ໄດ້ຮັບຂໍ້ມູນເພີ່ມເຕີມກ່ຽວກັບປະເພດຂອງການຊ່ວຍເຫຼືອ ຫຼື ການເບິ່ງແຍງທາງການແພດທີ່ອາດເໝາະສົມກັບເຂົາເຈົ້າ.
- [17:38 UTC 20 ພຶດສະພາ 2020] ນະໂຍບາຍກ່ຽວກັບຂໍ້ມູນບໍ່ຖືກຕ້ອງຂອງ COVID-19: YouTube ໄດ້ອັບເດດຂໍ້ແນະນຳຊຸມຊົນຂອງມັນໃຫ້ຮວມໜ້າກ່ຽວກັບຂໍ້ມູນບໍ່ຖືກຕ້ອງຂອງ COVID-19 ໄວ້ແລ້ວ, ເຊິ່ງສາມາດພົບໄດ້ຢູ່ ບ່ອນນີ້.
- [23:34 UTC 30 ເມສາ 2020] ການປະເມີນຕົວເອງສຳລັບແຜງສຸຂະພາບ COVID-19: ເພື່ອຊ່ວຍຜູ້ຄົນຕັດສິນໃຈໃນການເຂົ້າຮັບການປິ່ນປົວທາງການແພດທີ່ເໝາະສົມ, ພວກເຮົາຈຶ່ງໄດ້ເປີດຕົວລິ້ງຫາການປະເມີນຕົວເອງສຳລັບ COVID-19 ໃນ ແຜງສຸຂະພາບ COVID-19 ຂອງພວກເຮົາໃນການຊອກຫາ. ພວກເຮົາເລີ່ມໂດຍການເປີດຕົວຄຸນສົມບັດນີ້ໃນສະຫະລັດໂດຍຮ່ວມມືກັບສູນຄວບຄຸມພະຍາດ ແລະ ຈະເປີດຕົວໄປຫາປະເທດເພີ່ມເຕີມໃນອີກໄວໆນີ້.
- [18:00 UTC 13 ເມສາ 2020] ພວກເຮົາກຳລັງເປີດຕົວປຸ່ມປາຍທາງຢູ່ແຖບສຳຫຼວດສຳລັບຜູ້ສ້າງໃນການມີສ່ວນຮ່ວມໃນແຄມເປນ #StayHome #WithMe. ໜ້ານີ້ຈະໄຮໄລ້ຜູ້ສ້າງບາງຄົນຂອງພວກເຮົາທີ່ໃຊ້ວິດີໂອເພື່ອຊ່ວຍໃຫ້ຜູ້ຄົນໄດ້ຮຽນຮູ້, ເຊື່ອມຕໍ່ ແລະ ໃຫ້ຄວາມບັນເທີງໃນຊ່ວງເວລານີ້.
- [16:00 UTC 1 ເມສາ 2020] ແຜງສຸຂະພາບ COVID-19: ເລີ່ມຕົ້ນມື້ນີ້, ພວກເຮົາກຳລັງເປີດຕົວແຜງສຸຂະພາບເພີ່ມເຕີມສຳລັບ COVID-19 ທີ່ສະແດງໃນຜົນການຊອກຫາສຳລັບການຊອກຫາທີ່ກ່ຽວຂ້ອງກັບ COVID-19. ແຜງເຫຼົ່ານີ້ຮວມມີຂໍ້ມູນສຸຂະພາບທີ່ເປັນຂໍ້ຄວາມຈາກ WHO ແລະ NHS ແລະ ເນື້ອຫາ ເຊັ່ນ: ອາການ, ການປ້ອງກັນ ແລະ ການປິ່ນປົວ. ໃນລະຫວ່າງນີ້, ພວກເຮົາຕ້ອງການສືບຕໍ່ໃຫ້ຄວາມສຳຄັນກັບແຫຼ່ງຂໍ້ມູນດ້ານສຸຂະພາບທ້ອງຖິ່ນ, ດັ່ງນັ້ນທ່ານອາດເຫັນທັງແຜງຂໍ້ມູນພ້ອມກັບລິ້ງໄປຫາໜ່ວຍງານສາທາລະນະສຸກທ້ອງຖິ່ນ ແລະ ແຜງສຸຂະພາບ COVID-19.
- [18:14 UTC 2 ເມສາ 2020] ການສ້າງລາຍໄດ້ຢູ່ເນື້ອຫາທີ່ກ່ຽວຂ້ອງກັບ COVID-19: ພວກເຮົາກຳລັງຂະຫຍາຍການສ້າງລາຍໄດ້ຈາກເນື້ອຫາທີ່ກ່າວເຖິງ ຫຼື ເວົ້າຮອດ COVID-19 ໄປໃຫ້ຜູ້ສ້າງ ແລະ ອົງການຂ່າວທັງໝົດ. ແລະ ເຊັ່ນເຄີຍ, ເນື້ອຫາຈະຕ້ອງປະຕິບັດຕາມທັງ ຂໍ້ແນະນຳທີ່ເປັນມິດກັບຜູ້ລົງໂຄສະນາ ແລະ ຂໍ້ແນະນຳຊຸມຊົນ.
- [17:00 UTC 16 ມີນາ 2020] ການປົກປ້ອງແຮງງານທີ່ຂະຫຍາຍອອກ ແລະ ຊຸມຊົນຂອງພວກເຮົາ: ພວກເຮົາ ກຳລັງດຳເນີນຂັ້ນຕອນຕາມຄວາມຈຳເປັນ ເພື່ອໃຫ້ຄວາມສຳຄັນກັບຄວາມເປັນຢູ່ທີ່ດີຂອງພະນັກງານຂອງພວກເຮົາ, ແຮງງານທີ່ຂະຫຍາຍອອກໄປ ແລະ ຊຸມຊົນທີ່ເຂົາເຈົ້າອາໄສ, ຮວມທັງການຫຼຸດພະນັກງານຫ້ອງການໃນບາງບ່ອນ. ພວກເຮົາຈະເລີ່ມຕົ້ນອີງອາໄສໃສ່ເທັກໂນໂລຢີຫຼາຍຂຶ້ນເພື່ອຊ່ວຍເຮັດວຽກບາງຢ່າງທີ່ປົກກະຕິແມ່ນຜູ້ກວດສອບເປັນຜູ້ເຮັດ, ເຊິ່ງອາດສົ່ງຜົນໃຫ້ມີການລຶບເນື້ອຫາທີ່ບໍ່ໄດ້ລະເມີດນະໂຍບາຍຂອງພວກເຮົາອອກໂດຍບໍ່ໄດ້ຕັ້ງໃຈ. ນີ້ອາດກະທົບກັບການກວດສອບ ແລະ ການຊ່ວຍເຫຼືອຜູ້ໃຊ້ ແລະ ຜູ້ສ້າງ YouTube ປະເພດຕ່າງໆເພີ່ມເຕີມ, ເຊັ່ນ: ໃບສະໝັກສຳລັບໂຄງການຮຸ້ນສ່ວນ YouTube ຫຼື ການຕອບກັບຢູ່ໂຊຊຽວມີເດຍ.
Coronavirus and YouTube: Answering Creator Questions
ຂໍ້ມູນເພີ່ມເຕີມກ່ຽວກັບອັບເດດ:
[18:14 2 ເມສາ 2020] ການສ້າງລາຍໄດ້ຢູ່ເນື້ອຫາທີ່ກ່ຽວຂ້ອງກັບ COVID-19: ພວກເຮົາກຳລັງຂະຫຍາຍການສ້າງລາຍໄດ້ຈາກເນື້ອຫາທີ່ກ່າວເຖິງ ຫຼື ເວົ້າຮອດ COVID-19 ໄປໃຫ້ຜູ້ສ້າງ ແລະ ອົງການຂ່າວທັງໝົດ. ແລະ ເຊັ່ນເຄີຍ, ເນື້ອຫາຈະຕ້ອງປະຕິບັດຕາມທັງ ຂໍ້ແນະນຳທີ່ເປັນມິດກັບຜູ້ລົງໂຄສະນາ ແລະ ຂໍ້ແນະນຳຊຸມຊົນ.
ນີ້ແມ່ນຂໍ້ແນະນຳບາງຢ່າງສຳລັບການອັບໂຫຼດເນື້ອຫາທີ່ກ່ຽວຂ້ອງກັບ COVID-19:
- ກວດສອບຂໍ້ເທັດຈິງຢູ່ຜົນງານຂອງທ່ານ. ໃຊ້ແຫຼ່ງຂໍ້ມູນທີ່ເຊື່ອຖືໄດ້ຈາກອົງກອນຕ່າງໆ ເຊັ່ນ: ອົງການອະນາໄມໂລກ (WHO), ສູນຄວບຄຸມພະຍາດ (CDC) ແລະ ບໍລິການສຸຂະພາບແຫ່ງຊາດ ເພື່ອແຈ້ງຂໍ້ມູນໃນເນື້ອຫາຂອງທ່ານ.
- ໃຫ້ໃຊ້ຄວາມລະອຽດອ່ອນຕໍ່ຂໍ້ເທັດຈິງວ່ານີ້ຄືວິກິດລະດັບໂລກທີ່ກຳລັງດຳເນີນຢູ່. ພວກເຮົາຂໍໃຫ້ທ່ານເລືອກແບ່ງປັນເນື້ອຫາທີ່ກ່ຽວຂ້ອງກັບ COVID-19 ໂດຍມີຄວາມຕັ້ງໃຈທີ່ດີ. ກະລຸນາຢ່າໃຊ້ເຫດການນີ້ເພື່ອຂາຍ ຫຼື ສົ່ງເສີມສິນຄ້າ ຫຼື ບໍລິການຕ່າງໆ.
- ປະຕິບັດຕາມທັງຂໍ້ແນະນຳ ທີ່ເປັນມິດກັບໂຄສະນາ ແລະ ຂໍ້ແນະນຳຊຸມຊົນ. ເນື້ອຫາການສ້າງລາຍໄດ້ທັງໝົດແມ່ນຢູ່ພາຍໃຕ້ຂໍ້ແນະນຳທີ່ເປັນມິດກັບໂຄສະນາ ແລະ ຂໍ້ແນະນຳຊຸມຊົນຂອງພວກເຮົາ. ຫາກເນື້ອຫາຂອງທ່ານລະເມີດນະໂຍບາຍເຫຼົ່ານີ້, ມັນຈະຖືກລຶບອອກ ຫຼື ມີໂຄສະນາທີ່ຈຳກັດ ຫຼື ບໍ່ມີເລີຍ. ສຳລັບຕົວຢ່າງສະເພາະຂອງເນື້ອຫາທີ່ກ່ຽວຂ້ອງກັບ COVID-19 ທີ່ບໍ່ມີສິດສຳລັບການສ້າງລາຍໄດ້, ກະລຸນາກວດເບິ່ງ ບົດຄວາມສູນຊ່ວຍເຫຼືອ ນີ້.
[16:27 UTC 25 ມີນາ 2020] ຄາດວ່າຈະມີຄວາມຫຼ້າຊ້າ - ກວດສອບລາຍການຊັ້ນວາງສິນຄ້າ:
-
ຫາກທ່ານຫາກໍເຄີຍຂາຍສິນຄ້າຢູ່ YouTube, ກະລຸນາຮັບຊາບວ່າທ່ານອາດຈະບໍ່ສາມາດເປີດການນຳໃຊ້ຊັ້ນວາງສິນຄ້າ ແລະ ຄຸນສົມບັດທີ່ກ່ຽວຂ້ອງໄດ້ຈົນກວ່າຄວາມສາມາດໃນການກວດສອບຂອງພວກເຮົາຈະກັບຄືນມາເປັນປົກກະຕິ.
-
ຫາກທ່ານໃຊ້ຊັ້ນວາງສິນຄ້າຢູ່ກ່ອນແລ້ວ ແລະ ຕ້ອງການເພີ່ມລາຍການສິນຄ້າໃໝ່ ຫຼື ແກ້ໄຂຊື່ ຫຼື ຄຳອະທິບາຍຂອງລາຍການສິນຄ້າເກົ່າ, ທ່ານອາດຕ້ອງລໍຖ້າດົນຂຶ້ນກວ່າປົກກະຕິເພື່ອໃຫ້ກວດສອບ ແລະ ອະນຸມັດລາຍການກ່ອນທີ່ຈະສະແດງຢູ່ຊ່ອງຂອງທ່ານ.
[16:53 UTC 20 ມີນາ 2020] ຄາດວ່າຈະມີຄວາມຫຼ້າຊ້າ - ການກວດສອບໃບສະໝັກ YPP: ຕາມທີ່ພວກເຮົາໄດ້ມີການແຈ້ງໄປກ່ອນແລ້ວ, ພວກເຮົາກຳລັງດຳເນີນຂັ້ນຕອນທີ່ຈຳເປັນເພື່ອໃຫ້ຄວາມສຳຄັນກັບສຸຂະພາບຂອງແຮງງານທີ່ຂະຫຍາຍອອກຂອງພວກເຮົາ, ຮວມທັງພະນັກງານຫ້ອງການໃນບາງບ່ອນ, ເພື່ອຫຼຸດການແຜ່ກະຈາຍຂອງ COVID-19. ຜົນກໍຄື, ມັນເປັນໄປໄດ້ທີ່ຈະໃຊ້ເວລາດົນກວ່າໜຶ່ງເດືອນໃນການຕອບກັບກ່ຽວກັບໃບສະໝັກ YPP ຂອງທ່ານ. ທ່ານສາມາດສືບຕໍ່ກວດສອບສະຖານະໃບສະໝັກຂອງທ່ານໄດ້ຢູ່ ບ່ອນນີ້.
ພວກເຮົາກຳລັງເຮັດວຽກກັບບໍລິສັດຮຸ້ນສ່ວນຂອງພວກເຮົາເພື່ອເຮັດໃຫ້ແຮງງານທີ່ຂະຫຍາຍອອກຂອງພວກເຮົາສາມາດອອນລາຍຢູ່ເຮືອນໄດ້ຕາມຄວາມເປັນໄປໄດ້, ຮວມທັງການຈັດສົ່ງແລັບທັອບໄປທົ່ວໂລກ ແລະ ຮັບປະກັນວ່າເຂົາເຈົ້າຈະເຊື່ອມຕໍ່ຫາອິນເຕີເນັດ. ພວກເຮົາຈະດຳເນີນຂັ້ນຕອນຕ່າງໆຕາມຄວາມຈຳເປັນເພື່ອສະໜັບສະໜຸນສຸຂະພາບຂອງແຮງງານທີ່ຂະຫຍາຍອອກຂອງພວກເຮົາ, ພວກເຮົາຈະພະຍາຍາມກວດສອບວິດີໂອຫຼາຍເທົ່າທີ່ຈະຫຼາຍໄດ້ ແລະ ກວດສອບໃບສະໝັກຫຼາຍເທົ່າທີ່ຈະເປັນໄປໄດ້. ພວກເຮົາຂໍຂອບໃຈທີ່ທຸກຄົນອົດທົນລໍຖ້າໃນລະຫວ່າງຊ່ວງເວລາທີ່ທ້າທາຍນີ້ ແລະ ຈະສືບຕໍ່ອັບເດດເມື່ອມີຄວາມຄືບໜ້າ.
- ທ່ານອາດບໍ່ສາມາດເປີດໃຊ້ການເປັນສະມາຊິກໄດ້ຈົນກວ່າຄວາມສາມາດໃນການກວດສອບຂອງພວກເຮົາຈະກັບຄືນມາເປັນປົກກະຕິ.
- ຫາກທ່ານມີການເປີດຕົວໄປກ່ອນແລ້ວ ແລະ ຕ້ອງການປ່ຽນສິດທິປະໂຫຍດຂອງທ່ານ, ທ່ານອາດຕ້ອງຖ້າດົນກວ່າປົກກະຕິເພື່ອໃຫ້ການປ່ຽນແປງເຫຼົ່ານີ້ໄດ້ຮັບອະນຸມັດ.
ນີ້ແມ່ນຂໍ້ແນະນຳບາງຢ່າງສຳລັບການອັບໂຫຼດເນື້ອຫາທີ່ກ່ຽວຂ້ອງກັບ COVID-19:
- ກວດສອບຂໍ້ເທັດຈິງຢູ່ຜົນງານຂອງທ່ານ. ໃຊ້ແຫຼ່ງຂໍ້ມູນທີ່ເຊື່ອຖືໄດ້ຈາກອົງກອນຕ່າງໆ ເຊັ່ນ: ອົງການອະນາໄມໂລກ (WHO), ສູນຄວບຄຸມພະຍາດ (CDC) ແລະ ບໍລິການສຸຂະພາບແຫ່ງຊາດ ເພື່ອແຈ້ງຂໍ້ມູນໃນເນື້ອຫາຂອງທ່ານ.
- ໃຫ້ໃຊ້ຄວາມລະອຽດອ່ອນຕໍ່ຂໍ້ເທັດຈິງວ່ານີ້ຄືວິກິດລະດັບໂລກທີ່ກຳລັງດຳເນີນຢູ່. ພວກເຮົາຂໍໃຫ້ທ່ານເລືອກແບ່ງປັນເນື້ອຫາທີ່ກ່ຽວຂ້ອງກັບ COVID-19 ໂດຍມີຄວາມຕັ້ງໃຈທີ່ດີ. ກະລຸນາຢ່າໃຊ້ເຫດການນີ້ເພື່ອຂາຍ ຫຼື ສົ່ງເສີມສິນຄ້າ ຫຼື ບໍລິການຕ່າງໆ.
- ປະຕິບັດຕາມທັງຂໍ້ແນະນຳ ທີ່ເປັນມິດກັບໂຄສະນາ ແລະ ຂໍ້ແນະນຳຊຸມຊົນ. ເນື້ອຫາການສ້າງລາຍໄດ້ທັງໝົດແມ່ນຢູ່ພາຍໃຕ້ຂໍ້ແນະນຳທີ່ເປັນມິດກັບໂຄສະນາ ແລະ ຂໍ້ແນະນຳຊຸມຊົນຂອງພວກເຮົາ. ຫາກເນື້ອຫາຂອງທ່ານລະເມີດນະໂຍບາຍເຫຼົ່ານີ້, ມັນຈະຖືກລຶບອອກ ຫຼື ມີໂຄສະນາທີ່ຈຳກັດ ຫຼື ບໍ່ມີເລີຍ. ຕົວຢ່າງ: ເນື້ອຫາທີ່ອ້າງວ່າ, ສານ ຫຼື ການປິ່ນປົວທີ່ເປັນອັນຕະລາຍສາມາດມີປະໂຫຍດຕໍ່ສຸຂະພາບ ຫຼື ເນື້ອຫາທີ່ ລະເມີດນະໂຍບາຍເນື້ອຫາທີ່ມີຄວາມຮຸນແຮງ ຫຼື ຈະແຈ້ງຂອງພວກເຮົາ ແມ່ນຖືວ່າເປັນການລະເມີດ ແລະ ຈະຖືກລຶບອອກ.
ພວກເຮົາຕ້ອງການຊ່ວຍທ່ານສະໜອງເນື້ອຫາຄຸນນະພາບສູງໃຫ້ຜູ້ຊົມຂອງທ່ານກ່ຽວກັບຫົວຂໍ້ນີ້ ແລະ ການປະຕິບັດຕາມຂໍ້ແນະນຳທາງເທິງຈະຊ່ວຍຮັບປະກັນວ່າທ່ານຈະເຮັດໄດ້.
ຫາກເນື້ອຫາຂອງທ່ານບໍ່ປະຕິບັດຕາມຂໍ້ແນະນຳເຫຼົ່ານີ້, ພວກເຮົາອາດຈຳກັດການສ້າງລາຍໄດ້ຢູ່ເນື້ອຫາທີ່ກ່ຽວຂ້ອງກັບ COVID-19 ຂອງທ່ານ ຫຼື ໃນກໍລະນີທີ່ຫາໄດ້ຍາກ, ພວກເຮົາກໍອາດປິດການນຳໃຊ້ການສ້າງລາຍໄດ້ຢູ່ຊ່ອງຂອງທ່ານ.[16:00 UTC ວັນທີ 11 ມີນາ 2020] ອັບເດດການສ້າງລາຍໄດ້ສຳລັບເນື້ອຫາທີ່ກ່ຽວຂ້ອງກັບໂຄໂຣນາໄວຣັສ: ຕອນນີ້ສະຖານະການໂຄໂຣນາໄວຣັສແມ່ນຖືວ່າເປັນ “ເຫດການທີ່ລະອຽດອ່ອນ”. ນະໂຍບາຍເຫດການທີ່ລະອຽດອ່ອນຂອງພວກເຮົາຖືກອອກແບບມາເພື່ອໃຊ້ກັບເຫດການໄລຍະສັ້ນທີ່ມີຄວາມຮຸນແຮງສູງ, ເຊັ່ນ: ໄພພິບັດທາງທຳມະຊາດ. ເນື່ອງຈາກສະຖານະການນີ້ດຳເນີນໄປຢ່າງຕໍ່ເນື່ອງ, ພວກເຮົາຈະເລີ່ມເປີດໃຊ້ໂຄສະນາສຳລັບເນື້ອຫາທີ່ເວົ້າຮອດໂຄໂຣນາໄວຣັສໃນຊ່ອງຈຳນວນຈຳກັດ. ນີ້ຈະຮວມຜູ້ສ້າງທີ່ ຮັບຮອງຕົວເອງຢ່າງຖືກຕ້ອງແລ້ວ ແລະ ຮຸ້ນສ່ວນທີ່ກ່ຽວກັບຂ່າວຈຳນວນໜຶ່ງ, ພ້ອມກັບຊ່ອງເພີ່ມເຕີມຕາມມາອີກ. ພວກເຮົາກຳລັງກະກຽມນະໂຍບາຍຂອງພວກເຮົາ ແລະ ຂັ້ນຕອນການບັງຄັບໃຊ້ເພື່ອຂະຫຍາຍການສ້າງລາຍໄດ້ໄປໃຫ້ຜູ້ສ້າງ ແລະ ອົງການຂ່າວເພີ່ມເຕີມໃນອາທິດຕໍ່ໄປ.
[17:00 UTC 16 ມີນາ 2020] ການປົກປ້ອງຮຸ້ນສ່ວນ ແລະ ແຮງງານທີ່ຂະຫຍາຍອອກໄປຂອງພວກເຮົາ: ພວກເຮົາມີທີມງານຢູ່ YouTube ຮວມທັງບໍລິສັດຮຸ້ນສ່ວນຕ່າງໆທີ່ຊ່ວຍພວກເຮົາສະໜັບສະໜຸນ ແລະ ປົກປ້ອງຊຸມຊົນ YouTube, ຕັ້ງແຕ່ຄົນທີ່ຕອບຄຳຖາມຂອງຜູ້ໃຊ້ ແລະ ຜູ້ສ້າງ, ໄປຈົນຮອດຜູ້ກວດສອບທີ່ປະເມີນວິດີໂອວ່າມີການລະເມິດນະໂນບາຍທີ່ເປັນໄປໄດ້. ພວກເຮົາ ມີການດຳເນີນຂັ້ນຕອນ ທີ່ຈຳເປັນເພື່ອໃຫ້ຄວາມສຳຄັນກັບຄວາມເປັນຢູ່ທີ່ດີຂອງພະນັກງານຂອງພວກເຮົາ, ແຮງງານທີ່ຂະຫຍາຍອອກໄປ ແລະ ຊຸມຊົນທີ່ເຂົາເຈົ້າອາໄສ, ຮວມທັງການຫຼຸດພະນັກງານໃນບາງບ່ອນ.
ດ້ວຍການປ່ຽນແປງນີ້, ພວກເຮົາຈະເລີ່ມຕົ້ນອີງອາໄສໃສ່ເທັກໂນໂລຢີຫຼາຍຂຶ້ນເພື່ອຊ່ວຍເຮັດວຽກບາງຢ່າງທີ່ປົກກະຕິແມ່ນຜູ້ກວດສອບເປັນຜູ້ເຮັດ. ເຊິ່ງໝາຍຄວາມວ່າລະບົບອັດຕະໂນມັດຈະເລີ່ມການລຶບເນື້ອຫາບາງສ່ວນອອກໂດຍບໍ່ມີການກວດສອບຈາກທີມງານກວດສອບ. ໃນຂະນະທີ່ພວກເຮົາເຮັດແບບນີ້ນັ້ນ, ຜູ້ໃຊ້ ແລະ ຜູ້ສ້າງອາດເຫັນການລຶບວິດີໂອທີ່ເພີ່ມຂຶ້ນ, ຮວມທັງວິດີໂອທີ່ອາດບໍ່ໄດ້ລະເມີດນະໂຍບາຍ. ພວກເຮົາຈະບໍ່ໃຊ້ການປະທ້ວງຢູ່ເນື້ອຫານີ້ຍົກເວັ້ນໃນກໍລະນີທີ່ພວກເຮົາມີຄວາມໝັ້ນໃຈສູງວ່າມັນລະເມີດແທ້.
ແລະ ເຊັ່ນເຄີຍ, ຫາກທ່ານເຊື່ອວ່າເນື້ອຫາຂອງທ່ານຖືກລຶບອອກດ້ວຍຄວາມຜິດພາດ, ທ່ານສາມາດອຸທອນໄດ້, ແຕ່ກະລຸນາຮັບຊາບວ່າມາດຕະການປົກປ້ອງແຮງງານຂອງພວກເຮົາອາດສົ່ງຜົນໃຫ້ມີການກວດສອບການອຸທອນຫຼ້າຊ້າໄດ້.
ສະຖານະການໂຄໂຣນາໄວຣັສຍັງຄົງສືບຕໍ່ປ່ຽນແປງທຸກມື້ ແລະ ພວກເຮົາຈະດຳເນີນການຕາມຂັ້ນຕອນທີ່ຈຳເປັນຕໍ່ໄປເພື່ອປົກປ້ອງທີມງານຂອງພວກເຮົາ ແລະ ຊຸມຊົນທີ່ເຂົາເຈົ້າອາໄສຢູ່. ນີ້ອາດກະທົບກັບການກວດສອບ ແລະ ການຊ່ວຍເຫຼືອຜູ້ໃຊ້ ແລະ ຜູ້ສ້າງ YouTube ປະເພດຕ່າງໆເພີ່ມເຕີມ, ເຊັ່ນ: ໃບສະໝັກສຳລັບໂຄງການຮຸ້ນສ່ວນ YouTube ຫຼື ການຕອບກັບຢູ່ໂຊຊຽວມີເດຍ. ຂໍຂອບໃຈສຳລັບຄວາມອົດທົນຂອງທ່ານໃນຂະນະທີ່ພວກເຮົາກຳລັງເຮັດຂັ້ນຕອນທີ່ຈຳເປັນໃນການປົກປ້ອງແຮງງານຂອງພວກເຮົາ.
[18:00 UTC 19 ມີນາ 2020] ຂ້ອຍເປັນຜູ້ສ້າງ YouTube, ຂ້ອຍສາມາດຊ່ວຍໄດ້ແນວໃດ? ຜູ້ສ້າງຫຼາຍຄົນຖາມພວກເຮົາວ່າຈະຊ່ວຍໄດ້ແນວໃດກັບສະຖານະການ COVID-19 ທີ່ກຳລັງມີການປັບປ່ຽນ ແລະ ຕອນນີ້ສິ່ງໜຶ່ງທີ່ດີທີ່ສຸດເພື່ອຊ່ວຍຕົວທ່ານ, ຄອບຄົວ ແລະ ໝູ່ຂອງທ່ານ ແລະ ຊຸມຊົນຂອງທ່ານໃນວັນຂ້າງໜ້າແມ່ນການຫຼຸດອັດຕາການຕິດເຊື້ອໂດຍຢູ່ໃນເຮືອນໃຫ້ຫຼາຍທີ່ສຸດ.
ໃນຖານະຜູ້ສ້າງ YouTube, ນີ້ແມ່ນບາງຢ່າງທີ່ທ່ານສາມາດເຮັດໄດ້ໃນຕອນນີ້ → ບອກຕໍ່ໃຫ້ຢຸດການແຜ່ກະຈາຍ - #StayHome.
ຫາກທ່ານເລືອກໃຊ້ YouTube ເພື່ອແບ່ງປັນເນື້ອຫາໃນການຂໍໃຫ້ຄົນ #StayHome, ໃຫ້ພິຈາລະນາວິດີໂອທີ່ມີປະໂຫຍດ, ມ່ວນ ແລະ ໃຫ້ຄວາມຮູ້ພ້ອມກັບແທັກ #StayHome ແລະ ___ #WithMe (ຕ.ຢ. #StayHome ແລະ ຄົວກິນ #WithMe ຫຼື #StayHome ແລະ ຮຽນ #WithMe). ສຳລັບແຮງບັນດານໃຈ, ໃຫ້ກວດເບິ່ງຊ່ອງຂອງພວກເຮົາ.
ນອກຈາກນັ້ນ, ພວກເຮົາຍັງມີການເພີ່ມໜ້າປາຍທາງຢູ່ແຖບສຳຫຼວດສຳລັບເນື້ອຫາຈາກຜູ້ສ້າງທີ່ມີສ່ວນຮ່ວມໃນແຄມເປນ #StayHome ແລະ ___ #WithMe ນຳ. ໜ້ານີ້ຈະໄຮໄລ້ຜູ້ສ້າງບາງຄົນຂອງພວກເຮົາທີ່ໃຊ້ວິດີໂອເພື່ອຊ່ວຍໃຫ້ຜູ້ຄົນໄດ້ຮຽນຮູ້, ເຊື່ອມຕໍ່ ແລະ ໃຫ້ຄວາມບັນເທີງໃນຊ່ວງເວລານີ້.
[23:48 UTC ວັນທີ 17 ມີນາ 2020] ເວລາຕອບສະໜອງໃນການຊ່ວຍເຫຼືອດົນກວ່າປົກກະຕິ: ເນື່ອງຈາກວິກິດດ້ານສຸຂະພາບໃນທົ່ວໂລກກ່ຽວກັບ COVID-19 ເມື່ອບໍ່ດົນມານີ້, ພວກເຮົາຈຶ່ງເຮັດວຽກໂດຍມີທີມງານທີ່ຈຳກັດ. ເບິ່ງ ຕົວເລືອກຂອງທ່ານໃນການຕິດຕໍ່ຫາຜູ້ຊ່ຽວຊານໃນການຊ່ວຍເຫຼືອ ຫຼື ປຶກສາໃນສູນຊ່ວຍເຫຼືອ.
[17:00 UTC 10 ສິງຫາ 2020] ແຜງຂໍ້ມູນພາວະຊຶມເສົ້າ ແລະ ຄວາມວິຕົກກັງວົນສາມາດໃຊ້ໄດ້ໃນປະເທດເພີ່ມເຕີມແລ້ວ: ພວກເຮົາໄດ້ຮ່ວມມືກັບແຫຼ່ງຂໍ້ມູນທີ່ເຊື່ອຖືໄດ້ ເຊັ່ນ: ອົງການອະນາໄມໂລກ (WHO) ເພື່ອເປີດຕົວແຜງຂໍ້ມູນສຸຂະພາບພາວະຊຶມເສົ້າ ແລະ ຄວາມວິຕົກກັງວົນໃນອີກ 27 ປະເທດແລ້ວ. ສຳລັບລາຍຊື່ຂອງປະເທດເຫຼົ່ານີ້ ແລະ ແຫຼ່ງຂໍ້ມູນທີ່ເຊື່ອຖືໄດ້ທີ່ພວກເຮົາຮ່ວມມືນຳ, ກະລຸນາອ່ານບົດຄວາມ ແຜງຂໍ້ມູນສຸຂະພາບ ຂອງພວກເຮົາ. ແຜງຂໍ້ມູນເຫຼົ່ານີ້ຖືກເປີດຕົວເປັນເທື່ອທຳອິດໃນສະຫະລັດໃນວັນທີ 13 ກໍລະກົດ 2022 ເພື່ອມອບການເຂົ້າເຖິງທີ່ງ່າຍດາຍຕໍ່ຂໍ້ມູນສຸຂະພາບຈິດທີ່ເຊື່ອຖືໄດ້ໃນລະຫວ່າງການແຜ່ລະບາດ COVID-19 ໃນທົ່ວໂລກ. ຂໍ້ມູນ ເຊັ່ນ: ອາການ ແລະ ຕົວເລືອກການປິ່ນປົວສຳລັບພາວະຊຶມເສົ້າ ແລະ ຄວາມວິຕົກກັງວົນຈະປາກົດໃນແຜງດັ່ງກ່າວ. ຂໍ້ມູນນີ້ສາມາດຊ່ວຍປະກອບການຕັດສິນໃຈໃຫ້ຜູ້ໃຊ້ໄດ້ວ່າຈະເຂົ້າຮັບການຊ່ວຍເຫຼືອ ຫຼື ການເບິ່ງແຍງທາງການແພດຫຼືບໍ່. ພວກເຮົາຫວັງວ່າຈະສືບຕໍ່ເຮັດໃຫ້ເປີດໃຫ້ປະເທດ/ພາກພື້ນອື່ນໆໃຊ້ໄດ້ເພີ່ມເຕີມໃນໄວໆນີ້.
[23:15 UTC 11 ມິຖຸນາ 2020] ອັບເດດການປະເມີນຕົວເອງຂອງແຜງສຸຂະພາບ COVID-19: ໃນເດືອນເມສາ, ພວກເຮົາໄດ້ເປີດຕົວການປະເມີນຕົວເອງສຳລັບ COVID-19 ໃນ ແຜງສຸຂະພາບ COVID-19 ຂອງພວກເຮົາໃນ YouTube ຊອກຫາແລ້ວ. ຕອນນີ້ການປະເມີນຕົວເອງຂອງ COVID-19 ຈະລິ້ງໄປຫາຕົວກວດສອບການປະເມີນຕົວເອງຂອງ Google, ເຊິ່ງອ້າງອີງໃສ່ຂໍ້ແນະນຳຂອງ CDC. ຕົວກວດສອບການປະເມີນຕົວເອງຈະເຮັດໃຫ້ຜູ້ໃຊ້ໄດ້ຮັບຂໍ້ມູນເພີ່ມເຕີມກ່ຽວກັບປະເພດຂອງການຊ່ວຍເຫຼືອ ຫຼື ການເບິ່ງແຍງທາງການແພດທີ່ອາດເໝາະສົມກັບເຂົາເຈົ້າ. ມັນສາມາດໃຊ້ໄດ້ໃນສະຫະລັດ ແລະ ຈະເປີດຕົວໄປຫາປະເທດເພີ່ມເຕີມໃນໄວໆນີ້.
[16:00 UTC 1 ເມສາ 2020] ແຜງສຸຂະພາບ COVID-19: ເລີ່ມຕົ້ນມື້ນີ້, ພວກເຮົາກຳລັງເປີດຕົວແຜງສຸຂະພາບເພີ່ມເຕີມສຳລັບ COVID-19 ທີ່ສະແດງໃນຜົນການຊອກຫາສຳລັບການຊອກຫາທີ່ກ່ຽວຂ້ອງກັບ COVID-19. ແຜງເຫຼົ່ານີ້ຮວມມີຂໍ້ມູນສຸຂະພາບທີ່ເປັນຂໍ້ຄວາມຈາກ WHO ແລະ NHS ແລະ ເນື້ອຫາ ເຊັ່ນ: ອາການ, ການປ້ອງກັນ ແລະ ການປິ່ນປົວ. ໃນລະຫວ່າງນີ້, ພວກເຮົາຕ້ອງການສືບຕໍ່ໃຫ້ຄວາມສຳຄັນກັບແຫຼ່ງຂໍ້ມູນດ້ານສຸຂະພາບທ້ອງຖິ່ນ, ດັ່ງນັ້ນທ່ານອາດເຫັນທັງແຜງຂໍ້ມູນພ້ອມກັບລິ້ງໄປຫາໜ່ວຍງານສາທາລະນະສຸກທ້ອງຖິ່ນ ແລະ ແຜງສຸຂະພາບ COVID-19.
[13:30 UTC 24 ມີນາ 2020] ອັບເດດຢູ່ການນຳໃຊ້ແບນວິດທີ່ປັບແກ້ແລ້ວ: ອາທິດແລ້ວ, ພວກເຮົາໄດ້ຕັ້ງຄ່າເລີ່ມຕົ້ນວິດີໂອທັງໝົດຢູ່ YouTube ໃຫ້ເປັນແບບຄວາມລະອຽດມາດຕະຖານໃນສະຫະພາບຢູໂຣບ (EU), ສະຫະລາຊະອານາຈັກ (UK) ແລະ ສະວິດເຊີແລນ (CH) ເປັນການຊົ່ວຄາວແລ້ວ. ດ້ວຍທຳມະຊາດທົ່ວໂລກຂອງວິກິດນີ້, ພວກເຮົາກຳລັງຂະຫຍາຍການປ່ຽນແປງນັ້ນໄປທົ່ວໂລກເລີ່ມຕົ້ນມື້ນີ້. ອັບເດດນີ້ກຳລັງເປີດຕົວຢ່າງຊ້າໆ. ທ່ານສາມາດປັບແກ້ຄຸນນະພາບວິດີໂອຂອງວິດີໂອທີ່ກໍາລັງເບິ່ງຢູ່ຄອມພິວເຕີ, ໂທລະທັດ ຫຼື ອຸປະກອນມືຖືໄດ້ດ້ວຍຕົນເອງ. ພວກເຮົາຈະສືບຕໍ່ເຮັດວຽກກັບລັດຖະບານຂອງປະເທດສະມາຊິກ ແລະ ຜູ້ໃຫ້ບໍລິການເຄືອຂ່າຍຕໍ່ໄປເພື່ອຫຼຸດຄວາມເຄັ່ງຕຶງໃນລະບົບ, ໃນຂະນະດຽວກັນກໍມອບປະສົບການທີ່ດີໃຫ້ກັບຜູ້ໃຊ້.
[21:16 UTC 20 ມີນາ 2020] ການນຳໃຊ້ແບນວິດທີ່ປັບແກ້ແລ້ວ: ໃນຂະນະທີ່ສະຖານະການ COVID-19 ຍັງຄົງສືບຕໍ່ພັດທະນາຕໍ່ໄປ, ກໍມີຜູ້ຄົນຫຼາຍຂຶ້ນທີ່ເຂົ້າມາ YouTube ເພື່ອຊອກຫາຂ່າວທີ່ເຊື່ອຖືໄດ້, ເນື້ອຫາການຮຽນຮູ້ ແລະ ສ້າງຄວາມສຳພັນ. ພວກເຮົາມີມາດຕະການໃນການປັບລະບົບຂອງພວກເຮົາອັດຕະໂນມັດເພື່ອໃຊ້ຄວາມຈຸເຄືອຂ່າຍໃຫ້ໜ້ອຍລົງ. ພວກເຮົາກຳລັງຕັ້ງຄ່າເລີ່ມຕົ້ນໃນການຮັບສົ່ງຂໍ້ມູນທັງໝົດໃນສະຫະພາບຢູໂຣບ (EU), ສະຫະລາຊະອານາຈັກ (UK) ແລະ ສະວິດເຊີແລນ (CH) ໃຫ້ເປັນແບບຄວາມລະອຽດມາດຕະຖານເປັນການຊົ່ວຄາວ. ທ່ານສາມາດປັບແກ້ຄຸນນະພາບວິດີໂອຂອງວິດີໂອທີ່ກໍາລັງເບິ່ງຢູ່ຄອມພິວເຕີ, ໂທລະທັດ ຫຼື ອຸປະກອນມືຖືໄດ້ດ້ວຍຕົນເອງ. ພວກເຮົາຈະສືບຕໍ່ເຮັດວຽກກັບລັດຖະບານຂອງປະເທດສະມາຊິກ ແລະ ຜູ້ໃຫ້ບໍລິການເຄືອຂ່າຍຕໍ່ໄປເພື່ອຫຼຸດຄວາມເຄັ່ງຕຶງໃນລະບົບ, ໃນຂະນະດຽວກັນກໍມອບປະສົບການທີ່ດີໃຫ້ກັບຜູ້ໃຊ້.
[21:35 UTC 19 ມີນາ 2020] ຖ້ານຂ່າວ COVID-19: ຕອນນີ້ຖ້ານຂ່າວ COVID-19 ອາດສະແດງຢູ່ໜ້າຫຼັກ YouTube. ຖ້ານຮວມມີວິດີໂອຂ່າວກ່ຽວກັບ COVID-19 ຜູ້ເຜີຍແຜ່ຂ່າວທີ່ເຊື່ອຖືໄດ້ ແລະ ໜ່ວຍງານສາທາລະນະສຸກທ້ອງຖິ່ນຢູ່ແພລດຟອມຂອງພວກເຮົາ. ເນື້ອຫາໃນຖ້ານນີ້ແມ່ນສ້າງຂຶ້ນດ້ວຍອະກໍຣິທຶມ, ໂດຍໃຊ້ສັນຍານຕ່າງໆນັບຮ້ອຍ, ຮວມທັງຄວາມກ່ຽວຂ້ອງກັບ COVID-19, ຄວາມສົດໃໝ່ຂອງມັນ ແລະ ພາກພື້ນ. ທ່ານອາດບໍ່ເຫັນຖ້ານຂ່າວ COVID-19 ຫາກມີການສະແດງຂ່າວດ່ວນ ຫຼື ຖ້ານຂ່າວຍອດນິຍົມຢູ່ກ່ອນແລ້ວ. ທ່ານສາມາດ ປິດຖ້ານຂ່າວ COVID-19 ຢູ່ໜ້າຫຼັກໄດ້ຕະຫຼອດເວລາ.
[16:00 UTC 11 ມີນາ 2020] ແຜງຂໍ້ມູນ: ເລີ່ມຕົ້ນໃນເດືອນກຸມພາ, ພວກເຮົາໄດ້ເປີດຕົວ ແຜງຂໍ້ມູນ ທີ່ຈະພາຜູ້ໃຊ້ໄປຫາອົງການອະນາໄມໂລກ ຫຼື ແຫຼ່ງຂໍ້ມູນທ້ອງຖິ່ນທີ່ສະທ້ອນຂໍ້ແນະນຳລັດຖະບານທ້ອງຖິ່ນ. ແຜງດັ່ງກ່າວຈະສະແດງຢູ່ໜ້າຫຼັກ YouTube, ໃນການຊອກຫາສຳລັບຄຳຊອກຫາທີ່ກ່ຽວຂ້ອງກັບໂຄໂຣນາໄວຣັສ, ຮວມທັງໜ້າເບິ່ງສຳລັບວິດີໂອທີ່ກ່ຽວຂ້ອງກັບໂຄໂຣນາໄວຣັສນຳ. ພວກເຮົາຈະບໍລິຈາກບັນຊີລາຍການໂຄສະນາໄປໃຫ້ລັດຖະບານ ແລະ NGO ໃນພາກພື້ນທີ່ໄດ້ຮັບຜົນກະທົບເພື່ອໃຊ້ສຳລັບການສຶກສາ ແລະ ຂໍ້ມູນ.
[20:20 UTC 20 ມີນາ 2020] ໂພສຊຸມຊົນ: ເນື່ອງຈາກຜົນກະທົບຂອງໂຄໂຣນາໄວຣັສ (COVID-19) ຢູ່ແຮງງານຂອງພວກເຮົາ, ໂພສຊຸມຊົນຈຶ່ງບໍ່ສາມາດໃຊ້ໄດ້ຊົ່ວຄາວຢູ່ບາງຊ່ອງ. ນີ້ຈະບໍ່ມີຜົນໃຫ້ເກີດປະທ້ວງຂໍ້ແນະນຳຊຸມຊົນ ຫຼື ການລົງໂທດໃໝ່ໃດໆຢູ່ບັນຊີຂອງທ່ານ.
ໂພສຊຸມຊົນບາງຢ່າງທີ່ຖືກໝາຍທຸງໄວ້ໂດຍຜູ້ໃຊ້ ຫຼື ລະບົບອັດຕະໂນມັດຂອງພວກເຮົາອາດບໍ່ສະແດງຢູ່ໜ້າຫຼັກ ຫຼື ໃນການແນະນຳໃນຂະນະທີ່ກຳລັງລໍຖ້າໃຫ້ຜູ້ກວດສອບຂອງພວກເຮົາກວດເບິ່ງແບບລະອຽດຢູ່. ຜົນກໍຄື, ໂພສເຫຼົ່ານີ້ອາດມີການມີສ່ວນຮ່ວມໜ້ອຍກວ່າປົກກະຕິ.
ຄຳຖາມທີ່ຖືກຖາມເລື້ອຍໆ
ຂ້ອຍຄວນຈະໄປບ່ອນໃດຖ້າຂ້ອຍຕ້ອງການຂໍ້ມູນເພີ່ມເຕີມກ່ຽວກັບໂຄໂຣນາໄວຣັສ (COVID-19)?ເວັບໄຊ ອົງການອະນາໄມໂລກ ມີຂໍ້ມູນ ແລະ ຂໍ້ແນະນຳກ່ຽວກັບການລະບາດຂອງໂຄໂຣນາໄວຣັສ. ນອກຈາກນັ້ນ, ພວກເຮົາຍັງມີການສະໜອງແຫຼ່ງຂໍ້ມູນທີ່ກ່ຽວຂ້ອງໃນທ້ອງຖິ່ນເພີ່ມເຕີມທາງລຸ່ມນີ້ນຳ:
ປະເທດ / ພາກພື້ນ | ແຫຼ່ງຂ່າວ |
---|---|
ອອສເຕຣເລຍ | ກົມອະນາໄມລັດຖະບານອອສເຕຣເລຍ |
ເບວຢຽມ | Federal Public Service (FPS) Health, Food Chain Safety and Environment |
ບຣາຊິລ | Ministério da Saúde |
ຄານາດາ | ສຳນັກງານສາທາລະນະສຸກຂອງຄານາດາ |
ຝຣັ່ງ | Gouvernement.fr |
ເຢຍລະມັນ | ສູນສຸຂະສຶກສາແຫ່ງຊາດ |
ຮອງກົງ | ສູນການປົກປ້ອງສຸຂະພາບ |
ອິສຣາເອວ | ກະຊວງສາທາລະນະສຸກ |
ອິນເດຍ | ກະຊວງສາທາລະນະສຸກ ແລະ ສະຫວັດດິການຄອບຄົວ, ລັດຖະບານອິນເດຍ |
ອິນໂດເນເຊຍ | ກະຊວງສາທາລະນະສຸກອິນເດຍ |
ອິຕາລີ | ກະຊວງສາທາລະນະສຸກ |
ໄອຣ໌ແລນ | ກົມອະນາໄມ |
ຍີ່ປຸ່ນ | ສຳນັກເລຂາທິການຄະນະລັດຖະມົນຕີຍີ່ປຸ່ນ |
ມາເລເຊຍ | ກະຊວງສາທາລະນະສຸກມາເລເຊຍ |
ເນເທີແລນ | ກະຊວງສາທາລະນະສຸກ, ສະຫວັດດິການ ແລະ ກິລາ |
ນໍເວ | Health Norway |
ສິງກະໂປ | ກະຊວງສາທາລະນະສຸກ |
ເກົາຫຼີໃຕ້ | ກະຊວງສາທາລະນະສຸກ ແລະ ສະຫວັດດິການຂອງເກົາຫລີ |
ສະເປນ | ກະຊວງສາທາລະນະສຸກ |
ສະວີເດັນ | ສຳນັກງານສາທາລະນະສຸກຂອງສະວີເດັນ |
ສະວິດເຊີແລນ | Federal Office of Public Health FOPH |
ໄຕ້ຫວັນ | CDC ໄຕ້ຫວັນ |
ໄທ | ກະຊວງສາທາລະນະສຸກປະເທດໄທ |
ຫວຽດນາມ | ກະຊວງສາທາລະນະສຸກຫວຽດນາມ |
ສະຫະລາຊະອານາຈັກ | ບໍລິການສາທາລະນສຸກແຫ່ງຊາດ |
ສະຫະລັດ | ສູນຄວບຄຸມພະຍາດ |
ຫາກທ່ານຕ້ອງການຮັບຮູ້ຂໍ້ມູນວ່າທ່ານອາດໄດ້ຮັບຜົນກະທົບຈາກການປ່ຽນແປງເຫຼົ່ານີ້ແນວໃດ, ກະລຸນາສືບຕໍ່ກວດສອບບົດຄວາມນີ້. ພວກເຮົາຈະອັບເດດມັນເປັນປະຈຳ.
ຜູ້ສ້າງຫຼາຍຄົນຖາມພວກເຮົາວ່າຈະຊ່ວຍໄດ້ແນວໃດກັບສະຖານະການ COVID-19 ທີ່ກຳລັງມີການປັບປ່ຽນ ແລະ ຕອນນີ້ສິ່ງໜຶ່ງທີ່ດີທີ່ສຸດເພື່ອຊ່ວຍຕົວທ່ານ, ຄອບຄົວ ແລະ ໝູ່ຂອງທ່ານ ແລະ ຊຸມຊົນຂອງທ່ານໃນວັນຂ້າງໜ້າແມ່ນການຫຼຸດອັດຕາການຕິດເຊື້ອໂດຍຢູ່ໃນເຮືອນໃຫ້ຫຼາຍທີ່ສຸດ. ນີ້ແມ່ນ "ການເວັ້ນໄລຍະຫ່າງທາງສັງຄົມ" ແລະ “ການເຮັດໃຫ້ເສັ້ນໂຄງຮຽບລົງ” ທີ່ທ່ານມັກໄດ້ຍິນຢູ່ເລື້ອຍໆ (ອ່ານເພີ່ມເຕີມບ່ອນນີ້).
ແນ່ນອນວ່າມີຫຼາຍຄົນ, ຮວມທັງເຈົ້າໜ້າທີ່ສາທາລະນະສຸກ ແລະ ເຈົ້າໜ້າທີ່ຂອງລັດ (ບາງຄົນກໍເປັນຜູ້ສ້າງ), ທີ່ມີຄວາມສຳຄັນຕໍ່ການຮັກສາລະບົບຊ່ວຍເຫຼືອໃນຊຸມຊົນຂອງພວກເຮົາທີ່ຍັງຄົງຕ້ອງອອກຈາກເຮືອນເພື່ອເດີນທາງໄປເຮັດວຽກ ແລະ ພວກເຮົາຂໍຂອບໃຈຜູ້ຄົນເຫຼົ່ານັ້ນສຳລັບສິ່ງທີ່ເຂົາເຈົ້າເຮັດໃນຊ່ວງເວລານີ້.
ສຳລັບພວກເຮົາທີ່ເຫຼືອ, ການກະທຳຂອງແຕ່ລະຄົນສາມາດຊ່ວຍປົກປ້ອງຜູ້ທີ່ອ່ອນແອທີ່ສຸດໃນໝູ່ຂອງພວກເຮົາໄດ້. ອົງການດ້ານສຸຂະພາບ ແລະ ຄວາມປອດໄພທີ່ມີອຳນາດມີການຮຽກຮ້ອງໃຫ້ຜູ້ຄົນຢູ່ເຮືອນເມື່ອເປັນໄປໄດ້, ເພື່ອໃຫ້ພວກເຮົາສາມາດສ້າງສະພາບແວດລ້ອມທີ່ປອດໄພຍິ່ງຂຶ້ນສຳລັບຄົນທີ່ມີຄວາມສ່ຽງສູງສຸດຈາກໄວຣັສ.
ດັ່ງນັ້ນແລ້ວ, ກະລຸນາຢູ່ເຮືອນຂອງທ່ານ.
ນີ້ແມ່ນສິ່ງທີ່ທ່ານສາມາດຊ່ວຍໄດ້ → ບອກຕໍ່ໆກັນໄປເພື່ອຢຸດການແຜ່ກະຈາຍ - #StayHome
ຫາກທ່ານເລືອກທີ່ຈະໃຊ້ YouTube ເພື່ອກະຈາຍຂ່າວກ່ຽວກັບການຢູ່ເຮືອນ, ຕໍ່ໄປນີ້ແມ່ນເຄັດລັບສັ້ນໆຈຳນວນໜຶ່ງກ່ຽວກັບການໂພສເນື້ອຫາຂອງທ່ານ:
- ໄອເດຍ #StayHome and ___ #WithMe. ພິຈາລະນາເນື້ອຫາທີ່ມີປະໂຫຍດ, ມ່ວນ, ໃຫ້ຂໍ້ມູນ ແລະ ແທັກ #StayHome ແລະ ____ #WithMe ເພື່ອເຂົ້າຮ່ວມກັບຄົນອື່ນໆເພື່ອເຮັດສິ່ງດຽວກັນ ຕ.ຢ. #StayHome ແລ້ວຄົວກິນ #WithMe ຫຼື #StayHome ແລ້ວຮຽນ #WithMe. ສຳລັບແຮງບັນດານໃຈຈາກຜູ້ສ້າງເຊັ່ນທ່ານ, ກວດເບິ່ງຊ່ອງຂອງພວກເຮົາ.
- ກວດສອບຂໍ້ເທັດຈິງຢູ່ຜົນງານຂອງທ່ານ. ໃຊ້ແຫຼ່ງຂໍ້ມູນທີ່ເຊື່ອຖືໄດ້ຈາກອົງກອນຕ່າງໆ ເຊັ່ນ: ອົງການອະນາໄມໂລກ (WHO), ສູນຄວບຄຸມພະຍາດ (CDC) ແລະ ບໍລິການສຸຂະພາບແຫ່ງຊາດ ເພື່ອແຈ້ງຂໍ້ມູນໃນເນື້ອຫາຂອງທ່ານ.
- ໃຫ້ໃຊ້ຄວາມລະອຽດອ່ອນຕໍ່ຂໍ້ເທັດຈິງວ່ານີ້ຄືວິກິດລະດັບໂລກທີ່ກຳລັງດຳເນີນຢູ່. ພວກເຮົາຂໍໃຫ້ທ່ານເລືອກແບ່ງປັນເນື້ອຫາທີ່ກ່ຽວຂ້ອງກັບ COVID-19 ໂດຍມີຄວາມຕັ້ງໃຈທີ່ດີ. ກະລຸນາຢ່າໃຊ້ເຫດການນີ້ເພື່ອຂາຍ ຫຼື ສົ່ງເສີມສິນຄ້າ ຫຼື ບໍລິການຕ່າງໆ.
- ສຳລັບການສ້າງລາຍໄດ້, ພວກເຮົາຍັງຄົງ ກຳລັງເປີດຕົວນະໂຍບາຍທີ່ອັບເດດໃໝ່ຂອງພວກເຮົາເທື່ອລະໜ້ອຍ ເພື່ອສ້າງລາຍໄດ້ຈາກເນື້ອຫານີ້, ດັ່ງນັ້ນເພື່ອຫຼີກເວັ້ນການລະບຸ “COVID-19” ຫຼື “ໂຄໂຣນາໄວຣັສ” ຢ່າງຈະແຈ້ງໃນຊື່ ຫຼື ຄຳອະທິບາຍຂອງທ່ານ; ໃຫ້ພິຈາລະນາຊື່ ເຊັ່ນ: "ເບິ່ງແຍງແມ່ຕູ້ຂອງທ່ານໃຫ້ປອດໄພໂດຍການໃຫ້ຢູ່ເຮືອນ!" ຫຼື "ຢູ່ເຮືອນແນວໃດໃຫ້ບໍ່ໜ້າເບື່ອ"
- ປະຕິບັດຕາມທັງຂໍ້ແນະນຳ ທີ່ເປັນມິດກັບໂຄສະນາ ແລະ ຂໍ້ແນະນຳຊຸມຊົນ. ເນື້ອຫາການສ້າງລາຍໄດ້ທັງໝົດແມ່ນຢູ່ພາຍໃຕ້ຂໍ້ແນະນຳທີ່ເປັນມິດກັບໂຄສະນາ ແລະ ຂໍ້ແນະນຳຊຸມຊົນຂອງພວກເຮົາ. ຫາກເນື້ອຫາຂອງທ່ານລະເມີດນະໂຍບາຍເຫຼົ່ານີ້, ມັນຈະຖືກລຶບອອກ ຫຼື ມີໂຄສະນາທີ່ຈຳກັດ ຫຼື ບໍ່ມີເລີຍ. ຕົວຢ່າງ: ເນື້ອຫາທີ່ອ້າງວ່າ, ສານ ຫຼື ການປິ່ນປົວທີ່ເປັນອັນຕະລາຍສາມາດມີປະໂຫຍດຕໍ່ສຸຂະພາບ ຫຼື ເນື້ອຫາທີ່ ລະເມີດນະໂຍບາຍເນື້ອຫາທີ່ມີຄວາມຮຸນແຮງ ຫຼື ຈະແຈ້ງຂອງພວກເຮົາ ແມ່ນຖືວ່າເປັນການລະເມີດ ແລະ ຈະຖືກລຶບອອກ.
ຫາກທ່ານພົບເຫັນເນື້ອຫາທີ່ລະເມີດຕໍ່ນະໂຍບາຍນີ້, ກະລຸນາລາຍງານມັນ. ກະລຸນາອ່ານຄໍາແນະນໍາສໍາລັບການລາຍງານການລະເມີດຂໍ້ແນະນໍາຊຸມຊົນຂອງພວກເຮົາ ບ່ອນນີ້. ຫາກທ່ານພົບເຫັນວິດີໂອ, ຄໍາເຫັນຫຼາຍລາຍການ ຫຼື ຊ່ອງທັງໝົດຂອງຜູ້ສ້າງທີ່ທ່ານຕ້ອງການລາຍງານ, ໃຫ້ເຂົ້າເບິ່ງ ເຄື່ອງມືການລາຍງານ ຂອງພວກເຮົາ.
ນະໂຍບາຍຂອງພວກເຮົາແມ່ນນຳໃຊ້ກັບທຸກໆສ່ວນຂອງເນື້ອຫາຂອງທ່ານ (ວິດີໂອ ຫຼື ການຖ່າຍທອດສົດ, ຮູບຕົວຢ່າງ, ຫົວຂໍ້, ຄຳອະທິບາຍ ແລະ ແທັກ).
ລະບົບຂອງພວກເຮົາອາດຈະບໍ່ຖືກຕ້ອງສະເໝີໄປ, ແຕ່ທ່ານສາມາດ ຮ້ອງຂໍການກວດສອບດ້ວຍຄົນ ໃນການຕັດສິນໃຈທີ່ເຮັດໂດຍລະບົບອັດຕະໂນມັດຂອງພວກເຮົາ.