Puwedeng makipag-interact sa mga manonood ang mga creator na may access sa mga post sa Komunidad gamit ang rich media. Puwedeng may mga poll, mga quiz, mga GIF, text, mga larawan, at video ang mga post sa Komunidad. Mabibigyang-daan ka ng mga post sa Komunidad na kumonekta sa iyong audience sa labas ng mga in-upload na video. Lumalabas ang mga ito sa Tab na komunidad, at puwedeng lumabas sa Home o sa Subscriptions feed.
Kwalipikado ba ako para sa tab na Komunidad?
Para maging available ang tab na Komunidad, kailangan mong i-enable ang access sa mga advanced na feature sa iyong channel. Puwede kang pumili sa tatlong opsyon para makakuha ng access: history ng channel, pag-verify sa pamamagitan ng video, o valid na ID. Matuto pa rito. Posibleng abutin nang hanggang 48 oras bago maging available ang tab na Komunidad pagkatapos i-on ang access sa Mga advanced na feature.
Puwedeng magbago ang access sa post sa Komunidad batay sa iyong tungkulin sa channel. Matuto pa tungkol sa mga pahintulot ng channel.
Kung nakatakda ang audience ng channel mo bilang "Para sa Bata," ikaw lang ang makakakita ng iyong tab na Komunidad at hindi ito makikita ng mga manonood mo. Hindi ka rin makakagawa ng mga bagong post, pero matitingnan mo ang mga dating post. Matuto pa tungkol sa pagtatakda ng iyong audience.
Tandaan: Posibleng hindi available ang feature na ito nang may pinapatnubayang experience sa YouTube. Matuto pa rito.
Saan ko makikita ang aking mga post sa Komunidad?
Makikita mo ang iyong mga post sa Komunidad sa tab na Komunidad ng channel mo at sa ilalim ng seksyong Content ng YouTube Studio. Para makapunta sa iyong mga post sa YouTube Studio:
- Mag-sign in sa YouTube Studio.
- Mula sa kaliwang menu, piliin ang Content.
- I-click ang tab na Mga Post.
Kung nag-iskedyul ka ng mga post sa Komunidad para sa petsa ng pag-publish sa hinaharap, mapupunta ang mga ito sa YouTube Studio at sa seksyong “Nakaiskedyul” ng tab na Komunidad. Mahahanap mo rin ang iyong mga nag-expire nang post sa pamamagitan ng pagpunta sa seksyong “Naka-archive” ng tab na Komunidad. Ikaw lang ang nakakakita ng seksyong ito.
Aabisuhan ba ang mga manonood ko kapag nag-post ako?
Kung pinili ng mga manonood na makatanggap ng mga notification para sa mga channel kung saan sila naka-subscribe, pana-panahon silang makakatanggap ng mga notification ng post sa Komunidad.
Puwedeng mag-opt out ang mga manonood sa mga notification ng post sa pamamagitan ng pagpili sa "Wala" sa mga setting ng bell.
Puwede kaming paminsan-minsang magpadala ng mga notification ng post sa mga manonood na hindi naka-subscribe pero madalas manood ng mga video sa iyong channel. Matuto pa tungkol sa mga setting ng notification ng manonood.
Bakit naka-off ang mga komento sa aking post sa Komunidad?
Tiyaking hindi nakatakda sa “I-disable ang mga komento” ang mga default na setting ng komento ng iyong channel sa pamamagitan ng pagsunod sa mga tagubiling ito. Puwede mo ring i-on ang mga komento para sa indibidwal na post sa YouTube Studio sa iyong computer.
Ipinapakita ng mga post sa Komunidad na nagshe-share ng mga video ang mga setting ng komento ng mga video na iyon. Kapag nagbabahagi ka ng video sa isang post at naka-off ang mga komento ng video, mao-off din ang mga komento para sa iyong post. Posibleng ma-off ang mga komento para sa isang video dahil:
- Pinili ng may-ari ng video ang setting para "I-disable ang mga komento.”
- Posibleng na-off ng YouTube ang mga komento sa ilang video para sa kaligtasan, halimbawa, para protektahan ang mga menor de edad. Matuto pa tungkol sa ganitong uri ng content.
- Itinakda ang audience ng channel o video bilang "para sa bata." Matuto pa tungkol sa ganitong uri ng content.
- Na-on mo o ng iyong system administrator ang Restricted Mode. Matuto pa tungkol sa setting na ito.
- Naka-off ang mga komento sa mga awtomatikong binuong Art Track. Matuto pa tungkol sa mga Art Track.
Kung ikaw ang may-ari ng video na shine-share mo, puwede mong piliing i-on o i-off ang mga komento sa isang partikular na video sa YouTube Studio. Alamin kung paano pipiliin ang iyong mga setting ng komento.