Hvað er handvirkt tilkall?

Við erum að innleiða 2 breytingar á upplýsingasíðunni um höfundarrétt vídeóa:

1. Síðuhönnun: Við breyttum uppsetningu síðunnar. Ef þú leitar að nafni kröfuhafans og upplýsingum um tilkallsreglur skaltu halda yfir röðinni „Áhrif á vídeóið“.
2. Höfundarréttarflipi: Við bættum við nýjum höfundarréttarflipa á upplýsingasíðu vídeóa svo þú getur auðveldlega nálgast höfundarréttarupplýsingar á hvaða vídeói sem er.

Hafðu í huga að upplýsingar og valmöguleikar um að svara tilköllum hafa ekki breyst.

Vídeó getur fengið handvirkt tilkall þegar eigandi höfundarréttar notar verkfæri fyrir handvirkt tilkall til að greina efni sitt á YouTube sem hefur verið notað í leyfisleysi.

Það sem þarf að vita um handvirk tilköll

• Handvirk tilköll eru frábrugðin sjálfvirkum Content ID-tilköllum. Content ID-tilköll eru sjálfkrafa búin til þegar vídeó sem hlaðið er upp samsvarar öðru vídeói (eða hluta í öðru vídeói) í Content ID-kerfinu á YouTube.
• Verkfæri fyrir handvirkt tilkall er notað af eigendum höfundarréttar sem sýna fram á þörf fyrir verkfærið og hafa staðgóða þekkingu á Content ID . Verkfærið veitir eigendum höfundarréttar leið til að gera handvirkt tilkall til vídeóa þar sem samsvörun í Content ID er ekki fyrir hendi.
• Handvirk tilköll verða að hafa nákvæma tímastimpla til að höfundar viti nákvæmlega hvaða efni tilkallið nær yfir. Eigendur höfundarréttar geta ekki notað verkfæri fyrir handvirkt tilkall í neinum öðrum tilgangi.

Eigendur höfundarréttar sem velja endurtekið ranga tímastimpla geta misst aðgang sinn að verkfærinu fyrir handvirkt tilkall eða fengið uppsögn á samstarfi þeirra við YouTube, ef við á. Ef þú telur að tímastimplarnir sem gert er tilkall til í vídeóinu séu rangir geturðu haft samband við starfsfólk höfundaþjónustu.

Hvað get ég gert ef vídeóið mitt er með handvirkt tilkall?

Tools to Resolve Manual Content ID Claims - Copyright on YouTube

Háð kringumstæðunum hefurðu nokkra valkosti ef vídeóið þitt er með handvirkt tilkall:

Láta tilkallið vera

Ef þú telur að tilkall sé réttmætt geturðu valið að gera ekki neitt og látið tilkallið vera áfram á vídeóinu. Þú getur skipt um skoðun seinna.

Fjarlægja efni sem gert hefur verið tilkall til

Ef þú telur að tilkall sé réttmætt geturðu fjarlægt efnið sem tilkall var gert til án þess að hlaða upp nýju vídeói. Ef einhverjir af þessum valkostum heppnast er fallið sjálfkrafa frá tilkallinu:

• Klippa burt kafla: Þú getur klippt burt kaflann sem tilkall var gert til í vídeóinu
• Skipta um lag: Ef tilkall er gert til hljóðsins í vídeóinu geturðu mögulega skipt hljóðrásinni út fyrir annað hljóð frá hljóðsafni YouTube.
• Slökkva á hljóði í lagi: Ef tilkall er gert til hljóðsins í vídeóinu þínu geturðu mögulega slökkt á hljóðinu sem tilkall var gert til. Þú getur valið um að slökkva eingöngu á hljóðinu í laginu eða á öllu hljóði í vídeóinu.

Tekjudeiling

Ef þú ert í þjónustu YouTube fyrir samstarfsaðila og tilkall er gert til tónlistarinnar í vídeóinu þínu, geturðu hugsanlega deilt tekjum með tónlistarútgefandanum.

Andmæla tilkallinu

Ef þú telur að tilkall sé óréttmætt geturðu andmælt tilkallinu ef þú ert viss um að þú sért með öll nauðsynleg réttindi til að nota efnið sem tilkall var gert til.

Ef þú ætlar að andmæla tilkalli og ert að afla tekna af vídeóinu skaltu ganga úr skugga um að þú vitir hvernig tekjuöflun virkar meðan á ágreiningi stendur. Hafðu í huga að YouTube miðlar ekki málum í ágreiningi um höfundarrétt.

Ef þú andmælir tilkalli án réttmætrar ástæðu getur höfundarréttareigandinn beðið um fjarlægingu á vídeóinu þínu. Ef við fáum réttmæta beiðni um fjarlægingu á vídeóinu þínu á grundvelli höfundarréttar mun reikningurinn þinn fá á sig punkt vegna höfundarréttarbrota.