Украинада жүріп жатқан соғысқа байланысты Ресейдегі пайдаланушыларға Google және YouTube жарнамаларын ұсынуды уақытша тоқтатамыз. Толық ақпарат алыңыз.
- келесі төлемге қатысты ақпарат;
- соңғы 12 айдағы төлем тарихы (соның ішінде төленген күні, төленген сома және төлем санаттары).
YouTube Partner Program мүшесі болсаңыз, YouTube Analytics-тегі "Табыс" қойындысында қандай контенттен ең көп ақша түсетіні және қандай табыс көздерінен көп пайда келгені көрсетіледі. Негізгі көрсеткіштер картасында болжалды табысыңыз (кірісіңіз) көрсетіледі. YouTube-те ақша табу әдістерін үйреніңіз.
Ескертпе: табыс YouTube Analytics-те 2 күннен кейін көрсетіледі.
Табыс туралы есептерді көру
- YouTube Studio аккаунтына кіріңіз.
- Сол жақ мәзірден Analytics
опциясын таңдаңыз.
- Жоғарғы мәзірден Табыс опциясын таңдаңыз.
опциясын таңдаңыз.Табысыңыздың көлемі
Бұл есепте арнаңызға соңғы 6 айда қанша табыс түскені әр айға бөлініп көрсетіледі.
Тапқан табысыңыздың көлемі келесі себептерге байланысты түзетілуі мүмкін:
- жарамсыз трафик;
- Content ID мәлімдемелері мен даулары;
- жарнама науқанының нақты түрлері (мысалы, бір күндік құн науқандары).
Болжалды кірісіңіздің өзгеріп отыруы осы түзетулерге байланысты болуы мүмкін. Бұл түзетулер түскен табыс YouTube Analytics-те көрсетілгеннен кейін екі рет енгізіледі:
- Бірінші түзету 1 аптадан кейін енгізіліп, дәлірек кіріс болжамын береді.
- Екінші түзету келесі айдың ортасында енгізіліп, жалпы пайданы көрсетеді.
Табыс көздері
Бұл есепте әр табыс көзінен түскен болжалды табыс бөлініп көрсетіледі. Табыс көздерінің мысалдары: көру бетіндегі жарнама, Shorts фидіндегі жарнама, мүшеліктер, Supers, байланыстырылған дүкендер, Shopping серіктестік бағдарламасы. Табыс көзін толықтай көру үшін оны таңдауға болады.
Контент көрсеткіші
Бұл есепте бейнелеріңізден, Shorts бейнелерінен, тікелей трансляциядан қанша табыс түскені беріледі. Мың көру санына шаққандағы табыс (RPM) та қамтылады.
Ең табысты контент
Бұл есепте ең жоғары табыс түскен контент беріледі.
Қорытынды пайданы көру
Қорытынды пайда туралы ақпарат
- Қорытынды пайда тек AdSense for YouTube аккаунтында көрсетіледі.
- AdSense for YouTube-тегі қорытынды табыс YouTube Analytics-тегі болжалды табыстан өзгеше болуы мүмкін. Мысалы, қорытынды табысқа ұсталатын салық әсер етуі мүмкін. Ұсталған салықтар AdSense for YouTube аккаунтында көрсетіледі.
- Алдыңғы айдың қорытынды табысы аккаунт балансыңызға әр айдың 7-сі мен 12-сі аралығында қосылады.
AdSense for YouTube-те қорытынды пайданы көру үшін:
- AdSense for YouTube аккаунтыңызға кіріңіз.
- Сол жақтағы AdSense for YouTube опциясын таңдаңыз.
- YouTube табыстарыңыздағы қазіргі баланс пен соңғы төленген сома көрсетіледі. YouTube-тегі ресурстарға да кіре аласыз.
Маңызды көрсеткіштер
| Көру бетіндегі жарнамадан түскен табыс | Таңдалған күндер аралығы мен аймақ бойынша AdSense for YouTube-тен, DoubleClick жарнамалары мен YouTube Premium-нен түскен болжалды табыс. Бұл сомаға серіктес сатқан жарнамалардан түскен табыс кірмейді. |
| Shorts фидіндегі жарнамадан түскен табыс | Таңдалған күндер аралығында Shorts фиді жарнамалары мен YouTube Premium-нен түскен болжалды табыс. |
| Мүшеліктен түсетін табыс | Таңдалған күндер аралығында мүшеліктер мен сыйлық мүшеліктерден түскен болжалды табыс. |
| Supers-ден түскен табыс | Super Chat, Super Stickers және Super Thanks сияқты Supers қызметтерінен түскен болжалды табыс. |
| Shopping серіктестік бағдарламасынан түскен табыс | Контентіңізде көрсетілген басқа бренд өнімдерінен түскен болжалды табыс. |
| Жалпы сатылым | Серіктес сатушылар саудасынан түскен болжалды сатылым. |
| Тапсырыстар | Серіктес сатушыларға берілген тапсырыстардың болжалды саны. |
| Тауарды басу саны | Тэг енгізілген тауарларды көрермендердің жалпы басу саны. |
| Үздік тауарлар | Басу саны бойынша жіктелген тауарларыңыз. |
| Ең көп табыс әкелген контент | Түскен болжалды табыс бойынша жіктелген тауарларыңыз. |
| Тауарға тэг енгізуден түсетін табыс | Таңдалған күндер аралығында YouTube Shopping қорынан түскен болжалды табыс. |
| YouTube Player for Education қызметі | Оқу-танымдық технология платформаларында көретін контенттен түскен болжалды табыс. |
| Болжалды табыс (кіріс) | Таңдалған күндер аралығы мен аймақ бойынша YouTube табыс көздерінен түскен жалпы болжалды табысыңыз (таза кіріс). |
| Болжалды табыс (серіктес) | Бұрынғы сатылымдардан түсіп, төлеуге әлі мақұлданбаған комиссиялар. Бұл сома әлі төленбеген комиссиядан қайтарылатын соманы шегеру арқылы есептеледі. Қайтару мерзімі әдетте 30 күннен 90 күнге дейін созылады. |
| Мақұлданған комиссиялар | Бұрынғы сатылымдардан түсіп, төлеуге мақұлданған комиссиялар. |
|
Транзакциялар |
Таңдалған күндер аралығы мен аймақ бойынша Supers-ден келген транзакциялар саны. |
|
Пайда түсіретін ойнатудың болжалды саны |
Пайда түсіретін ойнату көрерменге бейнеңіз ойнатылған кезде кемінде бір жарнама көрсетілгенде орын алады. Сонымен қатар ол көрермен бейнеңізге жетпей, бейнеге дейінгі жарнаманы көруді тоқтатқан кезін көрсете алады. |
| Көру саны |
Арналарыңыздың немесе бейнелеріңіздің расталған көру саны. |
|
Орташа көру ұзақтығы |
Таңдалған күндер аралығында бейнені әр көру кезінде қаралған орташа минут саны. |
|
Көру уақыты (сағат) |
Көрермендердің бейнеңізді көруге жұмсаған уақыты. |
| Жарнама берушілер төлейтін сома | Бір немесе бірнеше жарнама көрсетілетін, пайда түсіретін 1000 ойнату санына шаққандағы табысыңыз. |
| Жарнама түріне сәйкес табыс үлесі | Өткізіп жіберілетін бейнежарнама, көрнекі, қысқа және өткізіп жіберілмейтін жарнама сияқты жарнама түрлері бойынша бөлінген табыс. |
| Мүшелік деңгейлері | Жоғары деңгей, адал жанкүйер және VIP сияқты мүшелік деңгейі бойынша бөлінген табыс. |
| Жалпы мүше саны | Жалпы мүшелер мен белсенді мүшелер бойынша табыс. Белсенді мүшелер жалпы мүшелер санынан жазылымды тоқтатқан мүшелер санын азайту арқылы есептеледі. Жалпы мүшелер келесідей бөлінеді:
|
| Мүшелердің қосылу жолы | Мүшеліктер саны қандай контенттен көбірек артқанын тексеріп, арна мүшелеріне "тек мүшелерге арналған" танымбелгілерін беріңіз. |
| Мүшелікті тоқтату себебі | Мүшеліктерін тоқтатқан кезде сауалнамаға жауап берген көрермен саны жеткілікті болса, осы статистиканы көруіңізге болады. |
| Supers-дің табыстары | Super Chat, Super Stickers және Super Thanks бойынша бөлінген табыс. |
| Үздік тауарлар | Ең көп басу санын жинаған жарнамаланған тауарларыңыз. |
| Байланыстырылған дүкеннің көрсетілу саны | Байланыстырылған дүкеніңізде тіркелген көру саны. |