Þetta efni er til að hjálpa með vídeó sem hafa verið fjarlægð af YouTube. Ef þú þarft aðstoð við að fjarlægja vídeó geturðu kynnt þér hvernig þú getur eytt eigin vídeóum eða tilkynnt óviðeigandi efni.
Ef þú sérð skilaboðin „Vídeó fjarlægt“ hjá einu af vídeóunum sem þú hefur hlaðið upp þýðir það að vídeóið braut gegn reglum okkar og var fjarlægt af YouTube. Smelltu á hluta hér fyrir neðan til að fá að vita hvað þú getur gert til að leysa úr vandamálinu.
Ástæður fyrir fjarlægingu og möguleg viðbrögð þín
Ef þú sérð skilaboðin „Vídeó fjarlægt: Óviðeigandi efni“ hjá einu af vídeóunum sem þú hefur hlaðið upp þýðir það að vídeóið braut gegn reglum netsamfélagsins.
Til að leysa úr málinu
- Þú finnur meiri upplýsingar um vídeóbrotið í stjórnborði Studio eða á efnissíðunni.
- Notaðu grunnatriðin um punkta vegna brota gegn reglum netsamfélagsins til að skilja hvaða efni þú mátt hlaða upp á YouTube — og koma í veg fyrir að meira efni verði fjarlægt.
- Ef þú telur að mistök hafi verið gerð þegar vídeóið var fjarlægt geturðu áfrýjað punktinum vegna brota gegn reglum netsamfélagsins.
Ef þú sérð skilaboðin „Vídeó fjarlægt: Brot gegn notkunarskilmálum“ hjá einu af vídeóunum þínum var vídeóinu mögulega hafnað vegna brots gegn notkunarskilmálum eða höfundarrétti. Skoðaðu notkunarskilmálana og þessi grunnatriði um höfundarrétt til að fá frekari upplýsingar.
Ef þú sérð eftirtalin skilaboð hjá einu af vídeóunum þínum þýðir það að eigandi efnisins hafi gert tilkall til efnis í vídeóinu með Content ID kerfinu á YouTube.
- Inniheldur höfundarréttarvarið efni
- Slökkt á hljóði vegna höfundarréttarvarins efnis
- Á bannlista um heim allan
- Á bannlista í sumum löndum/svæðum
Veldu textann sem birtist hjá vídeóinu þínu. Þessi tengill færir þig yfir á síðu þar sem finna má nánari upplýsingar um tilkall til höfundarréttar á vídeóinu þínu. Þú getur séð upplýsingar um efnið sem var greint í vídeóinu í „Upplýsingar um höfundarrétt“.
Nánar um hvað Content ID tilköll eru og hvernig þau hafa áhrif á vídeóið þitt.
Vídeóið þitt var fjarlægt af YouTube vegna þess að eigandi höfundarréttar sendi lagalega beiðni um að láta fjarlægja það. Þú fékkst einnig punkt vegna höfundarréttarbrota. Nánar um hvernig punktar vegna höfundarréttarbrota geta haft áhrif á reikninginn þinn.
Þrjár leiðir eru færar ef þú vilt leysa úr punkti vegna höfundarréttarbrota. Það hefur engin áhrif á punktinn þótt þú eyðir vídeóinu með punktinum.
Ef þú sérð skilaboðin „Vídeó fjarlægt: vandamál með vörumerki“ hjá einu af vídeóunum þínum þýðir það að vídeóið hafi brotið gegn reglum okkar um vörumerki.
Skoðaðu reglur okkar um vörumerki til að vera viss um að þú skiljir hvaða efni má hlaða upp á YouTube.