I-edit ang mga setting ng video

Pagkatapos mong mag-upload ng video, puwede mong baguhin ang mga detalye ng iyong video sa YouTube Studio. Baguhin ang lahat mula sa pamagat ng iyong video hanggang sa mga setting ng caption at komento.Alamin kung paano gumawa ng maramihang pagbabago sa mga video.

I-edit ang mga detalye ng video

1. Mag-sign in sa YouTube Studio.
2. Mula sa kaliwang menu, piliin ang Content.
3. Mag-click ng pamagat o thumbnail ng video.
4. Itakda ang mga setting ng video at piliin ang I-save.

Makakuha ng mga tip sa pag-edit ng video para sa mga creator.

Mga available na setting ng video

Pamagat	Ang pamagat ng iyong video. Tandaan: May limitasyon sa bilang ng character na 100 character ang mga pamagat ng video at hindi puwedeng naglalaman ang mga ito ng mga invalid na character.
Paglalarawan	Impormasyong ipinapakita sa ilalim ng iyong video. Para sa mga attribution ng video, gamitin ang sumusunod na format: [Pangalan ng Channel] [Pamagat ng Video] [Video ID] Para sa mga pagwawasto sa iyong video, idagdag ang “Pagwawasto:” o “Mga Pagwawasto:”. Puwede mong idagdag sa hiwalay na linya ang timestamp at paliwanag tungkol sa iyong pagwawasto. Halimbawa: Pagwawasto: 0:35 Dahilan ng pagwawasto Lalabas dapat ang seksyong ito pagkatapos ng anumang kabanata ng video. Kapag pinapanood ng audience ang iyong video, may lalabas na card ng impormasyon na Tingnan ang Mga Pagwawasto. Para sa naka-format na text sa iyong mga paglalarawan, piliin ang i-bold, i-italicize, o i-strikethrough mula sa mga opsyon sa ibaba ng box ng paglalarawan. May limitasyon sa bilang ng character na 5,000 character ang mga paglalarawan ng video at hindi puwedeng naglalaman ang mga ito ng mga invalid na character. Tandaan: Kung may anumang aktibong strike ang channel, o kung posibleng hindi naaangkop sa ilang manonood ang content, hindi magiging available ang feature na mga pagwawasto.
Thumbnail	Ang larawang makikita ng mga manonood bago i-click ang iyong video.
Playlist	Idagdag ang iyong video sa isa sa mga kasalukuyang playlist mo, o gumawa ng playlist.
Audience	Para sumunod sa Children’s Online Privacy Protection Act (COPPA), kailangan mong sabihin sa amin kung para sa bata ang iyong mga video o hindi.
Paghihigpit sa edad	Paghigpitan ayon sa edad ang mga video na posibleng hindi naaangkop para sa ilang partikular na audience.
Kaugnay na Video	Isang video mula sa iyong channel na naki-click na link sa player ng Shorts para makatulong na idirekta ang mga manonood mula sa iyong Shorts papunta sa iba mo pang content sa YouTube.  Gamit ang access sa advanced na feature, puwede kang mag-edit ng Shorts para magsama ng link sa isang video mula sa iyong channel. Puwedeng i-link ang Mga Video, Short at Live na content. Tandaan: Ang video na pipiliin mo ay dapat pampubliko o hindi nakalista at sumusunod dapat ito sa aming Mga Alituntunin ng Komunidad.

Sa ibaba ng page ng Mga Detalye, piliin ang MAGPAKITA PA para piliin ang iyong mga advanced na setting.

May bayad na promosyon	Ipaalam sa mga manonood at YouTube na may bayad na promosyon ang iyong video.
Mga awtomatikong kabanata	Puwede kang magdagdag ng mga pamagat at timestamp ng kabanata ng video sa iyong mga video para mas mapadali ang panonood sa mga ito. Puwede kang gumawa ng iyong sariling mga kabanata ng video o gamitin ang mga awtomatikong nabuong kabanata sa pamamagitan ng paglalagay ng check sa checkbox na 'Payagan ang mga awtomatikong kabanata (kapag available at kwalipikado).' Io-override ng anumang ilalagay na kabanata ng video ang mga awtomatikong binuong kabanata ng video.
Mga Tampok na Lugar	Ang Mga Tampok na Lugar (kapag available at kwalipikado) ay gumagamit ng mga destinasyon na malinaw mong na-highlight sa iyong paglalarawan, transcript ng video, at mga frame ng video para ma-highlight ang mahahalagang lugar sa isang carousel sa paglalarawan ng video mo. Para mag-opt out sa mga awtomatikong Tampok na Lugar, i-unselect ang checkbox na 'Payagan ang mga awtomatikong Tampok na Lugar.' Tandaan: Hindi ginagamit ng Mga Tampok na Lugar ang data ng lokasyon ng iyong device o hindi nito naaapektuhan ang mga ad na ipinapakita sa video mo (kung nagmo-monetize ka).
Mga Tag	Magdagdag ng mga naglalarawang keyword para makatulong na magwasto ng mga kamalian sa paghahanap. Puwedeng maging kapaki-pakinabang ang mga tag kung karaniwang namamali ang pagbabaybay sa content ng iyong video. Kung hindi naman, maliit lang ang papel na ginagampanan ng mga tag para matuklasan ang iyong video.
Wika at caption certification	Piliin ang orihinal na wika ng video at caption certification.
Petsa at lokasyon ng recording	Ilagay ang petsa kung kailan na-record ang video at ang lokasyon kung saan kinunan ang iyong video.
Lisensya at pamamahagi	Piliin kung puwedeng i-embed ang iyong video sa ibang website. Tukuyin kung gusto mong magpadala ng mga notification sa iyong mga subscriber para sa bago mong video.
Sampling ng Shorts	Payagan ang iba na gumawa ng Shorts gamit ang audio ng iyong video.
Kategorya	Pumili ng kategorya para mas madaling makita ng mga manonood ang iyong video. Para sa Education, puwede mong piliin ang mga sumusunod na opsyon: Uri: Pumili ng aktibidad, pangkalahatang-ideya ng konsepto, paano gawin, lecture, walkthrough ng problema, pag-aangkop sa tunay na buhay, mga tip, o iba pa bilang iyong uri ng edukasyon.  Mga problema: Idagdag ang timestamp at ang tanong na sinasagot sa iyong video. Tandaan: available lang ang opsyong ito para sa uri ng edukasyon na walkthrough sa problema. Akademikong system:  Piliin ang bansa/rehiyon kung saan nakahanay ang iyong video. Magbibigay-daan ito sa iyo na tukuyin pa ang level at exam, kurso, o akademikong pamantayan. Tandaan: Puwede itong awtomatikong mapili batay sa default na bansa/rehiyon ng iyong channel. Level: Piliin ang level para sa iyong video, gaya ng Grade 9 o advanced. Exam, kurso, o pamantayan: Maghanap sa aming database para magdagdag ng akademikong pamantayan, exam, o kursong nauugnay sa iyong video.
Mga komento at rating	Piliin kung puwedeng maglagay ng mga komento sa video ang mga manonood. Piliin kung puwedeng makita ng mga manonood kung ilan ang like ng iyong video.

Visibility	Piliin ang mga setting ng privacy ng iyong video para makontrol kung saan puwedeng lumabas ang video mo at kung sino ang makakapanood nito.
Mga subtitle at caption	Magdagdag ng mga subtitle at caption sa iyong video para makaabot ng mas malawak na audience.
End screen	Magdagdag ng mga visual element sa dulo ng iyong video. Dapat ay 25 segundo o mas matagal ang iyong video para makapagdagdag ng end screen.
Mga Card	Magdagdag ng interactive na content sa iyong video.

Kung gustong mong ipaalala na ang video ay tungkol sa isang partikular na laro, puwede mong piliin ang kategoryang "Gaming" at idagdag ang pamagat sa mga advanced na setting ng video. 

Panoorin kung paano mag-edit ng mga setting ng video

Panoorin ang sumusunod na video mula sa channel para sa Mga Creator sa YouTube tungkol sa kung paano mag-edit ng mga setting ng video.

Edit Video Settings with YouTube Studio