Teken in by YouTube-kanale

Jy kan by kanale inteken as jy meer inhoud van daardie kanale wil sien. Daar is ’n Teken In-knoppie onder elke YouTube-video of op ’n kanaal se bladsy. As jy inteken op ’n kanaal, sal alle nuwe video’s wat die kanaal publiseer in jou Intekeninge-stroom verskyn.

Jy sal dalk ook kennisgewings begin ontvang, wanneer 'n kanaal waarby jy ingeteken is, nuwe inhoud publiseer. Ons sal by verstek net die hoogtepunte van daardie kanaal af vir jou stuur. Kom meer te wete oor hoe om jou kennisgewings te bestuur.

Beginnergids | Hoe om by 'n YouTube-kanaal in te teken en hoekom

Teken in op die YouTube Viewers-kanaal vir die jongste nuus, opdaterings en wenke.

Teken in by 'n YouTube-kanaal

1. Maak die YouTube-app oop of gaan na m.youtube.com.
2. Meld aan by YouTube.
3. As jy op die Tuis-oortjie is :
   • Tik op die kanaalikoon onder die video van die kanaal waarby jy wil inteken.
   • Tik op "Teken in" .
4. As jy 'n video kyk op 'n kanaal waarby jy wil inteken:
   • Tik op "Teken in"  onder die video.

Sodra jy by 'n kanaal inteken, sal jy 'n lys van aanbevole kanale op jou skerm sien. Dit is op verwante kanale gebaseer waarby jy nog nie ingeteken is nie. Jy kan altyd eers na 'n kanaal se inhoud kyk voordat jy inteken.

Wanneer jy kennisgewings sal ontvang

Wanneer jy by 'n kanaal inteken, sal ons outomaties vir jou kennisgewings oor hoogtepunte op daardie kanaal stuur. Jy kan kies om 'n kennisgewing te kry elke keer as die kanaal inhoud publiseer, deur kennisgewinginstellings te verander. 

Let daarop dat as jy by 'n kanaal uitteken en dan weer daarby inteken, jou kennisgewinginstellings teruggestel sal word.

Jy sal nie kennisgewings kry as 'n kanaal se gehoor as vir kinders gemaak gestel is nie. Die kennisgewingklokkie sal ook na "geen kennisgewings" gestel word . Jy sal nie hierdie instelling kan verander nie. 

Teken uit van ’n YouTube-kanaal

1. Meld aan by YouTube.
2. Gaan na 'n video toe van die kanaal waarby jy wil uitteken.
3. Tik op Ingeteken  Teken uit onder die videospeler.
4. Jy sal aan die onderkant van die skerm 'n kennisgewing kry dat jy uitgeteken is.

Bestuur jou YouTube-intekeninge

Vind kanale om by in te teken

YouTube wys video's en kanale waarvan ons dink jy sal hou op die Tuis-oortjie  en nadat jy 'n video kyk. Ons beveel hierdie video's aan op grond van wat jy gekyk het en wat gewild is.  

As jy nie van ons aanbevelings hou nie, kan jy ons laat weet dat jy nie belangstel nie.

• Blaai volgens kategorie: As jy kanale oor 'n spesifieke onderwerp wil sien, gaan na Verken om gewilde kanale oor verskillende kategorieë te sien.
• Doen 'n soektog: Probeer om na dit waarin jy belangstel op YouTube te soek. Jy kan dan 'n filter op jou soekresultate gebruik om kanale te wys wat relevant aan jou soektog is. 

Sien jou YouTube-intekeninge

Wanneer jy by 'n kanaal inteken, sal jy nuwe video's in jou Intekeninge-oortjie sien . Die Tuis-oortjie  sal ook video's van jou intekeninge af wys, saam met aanbevelings vir kanale of video's waarin jy dalk sal belangstel.

Volg hierdie instruksies om jou Intekeninge te kry:

1. Maak die YouTube-program oop.
2. Meld aan by YouTube.
3. Tik op die Intekeninge-oortjie . 

Jy kan na 'n lys van jou kanale gaan, deur op Alle te tik en jou resultate met die aftrekpyltjie aan die bokant te filtreer.

Wanneer 'n kanaal waarby jy ingeteken is, nuwe inhoud het, sal jy 'n kolletjie langs die kanaalnaam sien. As 'n kanaal waarby jy ingeteken is inhoud regstreeks stroom, sal jy die woord “Regstreeks” langs die kanaalnaam sien.  

Foutspoor 'n probleem met jou YouTube-intekeninge

YouTube-intekeningbeperkings

As jy 'n foutboodskap sien wat sê "Te veel intekeninge," het jy jou intekeninglimiet bereik. Jy kan net by tot 75 kanale per dag inteken.

Jy kan in die algemeen by 'n maksimum van tot 2 000 kanale inteken. Jou intekeninglimiet groei egter saam met jou YouTube-kanaal — dit is verbind aan die aantal intekenaars wat jou kanaal het of hoe lank jou rekening al bestaan. Jou presiese limiete sal mettertyd verander.

Ons beveel aan dat jy jou rekening tot 5 000 kanaalintekeninge beperk, om seker te maak dat die intekeninge-stroom en kanaallys vir jou die beste ervaring bied.

Derdeparty-uitbreidings wat jou sonder toestemming by kanale inteken

As jy kennisgewings vir video's en kanale kry waarby jy nie ingeteken het nie, of vir inhoud waarby jy uitgeteken het, kan dit dalk 'n blaaieruitbreiding wees wat sonder jou toestemming inteken. Kom meer te wete oor hoe om blaaieruitbreidings te beheer.

Verskil tussen Kennisgewings en Intekeninge-stroom

Intekeninge-stroom, wat op mobiele toestelle én rekenaars beskikbaar is, sal enige video’s wys wat onlangs van jou intekeninge af opgelaai is.

Kennisgewings kan vir jou sê wanneer daar nuwe video’s is, opdaterings van jou intekeninge af deel, en jou ook vertel van inhoud waarvan jy dalk sal hou. Ons sal e-posse, gepersonaliseerde kennisgewings op mobiele toestelle, of inkassie-kennisgewings op jou rekenaar of mobiele toestel stuur. Wanneer jy by ’n kanaal inteken, sal jy outomaties gepersonaliseerde kennisgewings met hoogtepunte van aktiwiteit kry.

Inkassie-kennisgewings word volgens tyd rangskik, met nuwer kennisgewings boaan. Sommige kennisgewings sal dalk bo nuwer kennisgewings uitgestal word in die “Belangrik”-afdeling, wat kennisgewings uitstal wat ons dink die relevantste sal wees vir jou. Voorbeelde van belangrike kennisgewings kan ’n antwoord op jou opmerking of wanneer mense jou video’s deel, insluit.

Tik op die Kennisgewingklokkie  om alle kennisgewings van ’n kanaal waarop jy ingeteken is, te kry. Die klokkie sal dan na 'n luiende klokkie verander  om te wys dat jy alle kennisgewings gekies het.

Jy sal nie kennisgewings kry as 'n kanaal se gehoor as vir kinders gemaak gestel is nie. Die kennisgewingklokkie sal ook na "geen kennisgewings" gestel word . Jy kan nie hierdie instelling verander nie.