Авторлық құқықты бұзған контентті жою туралы сұрауды қайтарып алу

Авторлық құқықты бұзған контентті жою туралы сұрауды қателікпен жіберген жағдайда, оны қайтарып алуға болады. Авторлық құқықты бұзған контентті жою туралы сұрауды қайтарып алатын болсаңыз:

• Ескертуге басқа контент ықпал етпесе, жүктеп салушының арнасынан авторлық құқықтың бұзылғаны туралы ескерту алынады.
• Жүктеп салушы контентті жоймаcа, жүктеп салушының контенті YouTube-те қалпына келтіріледі.

Контенті жойылған жүктеп салушы болсаңыз, мәлімдемені қайтарып алуды сұрауыңызға болады.

Егер сіз контентті жою туралы сұрауды жіберген болсаңыз:

Авторлық құқықты бұзған контентті жою туралы сұрауды қайтарып алудың 2 жолы бар:

• YouTube Studio-да қайтарып алу
• Электрондық хат жіберу арқылы қайтарып алу

YouTube Studio-да қайтарып алу

Контентті жою туралы сұрауыңызға қатысты мәселе шешіліп қойған болса, әрі контенттің жойылуына әкелсе, оны YouTube Studio-да қайтарып алуға болады:

1. Компьютер арқылы YouTube Studio аккаунтына кіріңіз.
2. Сол жақ мәзірден Авторлық құқық опциясын таңдаңыз.
3. Жою туралы сұраулар қойындысында жою туралы сұрау жіберілген бейнені табыңыз.
4. Бейне туралы қосымша мәліметтерді көрсету үшін "Жаю" түймесін басыңыз.
5. Бейне әлдеқашан жойылған болса, ЖОЮ ӘРЕКЕТІН ҚАЙТАРЫП АЛУ түймесін басыңыз. Жоспарланған жою туралы сұрауға байланысты бейне жою кезегінде тұрса, СҰРАУДЫ ҚАЙТАРЫП АЛУ түймесін басыңыз.
6. Қалқымалы терезедегі ҚАЙТАРЫП АЛУ түймесін басыңыз.

YouTube серіктестеріне арналған ескертпе: CVP аккаунтыңыз немесе YouTube Studio Content Manager қолданбасына кіру рұқсатыңыз болса, осы платформаларды пайдаланып жою туралы сұрауларды қайтарып алуға немесе жоюға болады. Бастапқы жою туралы сұрауды жіберген кезде қолданған Google аккаунтына кіргеніңізге көз жеткізіңіз. Мәлімдеме қайтарып алынғаннан кейін, сәйкес бейнелердің меншік құқығы туралы мәлімдей алмайтыныңызды ескеріңіз.

Электрондық хат жіберу арқылы қайтарып алу

Контентті жою туралы сұрауды электрондық хат жіберу арқылы қайтарып алу үшін электрондық хат мына талаптарға сай болуы керек:

1. Электрондық хат бастапқы мәлімдеушінің немесе оның уәкілетті өкілінің (мысалы, адвокаттың) атынан жіберілуге тиіс.
2. Электрондық хат бастапқы жою туралы сұрауды жіберу үшін пайдаланылған электрондық мекенжайдан немесе корпоративтік доменнен жіберілуі керек.
3. Электрондық хатта мынадай мәліметтер болуы керек:
   • Жою туралы сұрауыңыздағы контентке сай форматталған сілтемелер: бейнелер үшін жарамды URL мекенжайы – www.youtube.com/watch?v=xxxxxxxxxxx. Бейнеден басқа контент үшін осы жерде тізімделген сәйкес контент түріне URL форматын пайдаланыңыз.
   • Қайтарып алу туралы мәлімдеме: мысалы, "Мен авторлық құқықтың бұзылуы туралы мәлімдемемді қайтарып алғым келеді." Біз тек контентті жою туралы сұрауды қайтарып алуды қабылдай алатынымызды ескеріңіз. Біз авторлық құқықтың бұзылғаны туралы ескертуді қайтарып алу сұрауын қабылдай алмаймыз, мысалы келесідей: "Мен авторлық құқықтың бұзылғаны туралы ескертуді қайтарып алғым келеді".
   • Электрондық қолтаңба: электрондық поштаның төменгі жағында мәлімдеуші немесе уәкілетті өкіл өзінің толық заңды аты-жөнін қолтаңбасы ретінде енгізуі керек. Толық заңды аты-жөні дегеніміз компания атауы емес.
4. Электрондық хатты [e-mail] мекенжайына жіберу керек.

Ескертпе: YouTube арнасының профиль суреттері Google серверлерінде сақталады. Профиль суреті авторлық құқықты бұзған контентті жою туралы сұрауды қайтарып алу үшін, жою туралы бастапқы сұрауыңызға қатысты Google-дан алған растау хатына жауап беріңіз. Электрондық хаттың жоғарыда аталған 1–3 талаптарға сай келетініне көз жеткізіңіз.

 

Есіңізде болсын: біз жоғарыдағы бөлімдерде сипатталған барлық талапқа сай келетін YouTube Studio қолданбасында немесе электрондық хат арқылы жіберілген қайтарып алу сұрауларын ғана қабылдай аламыз.

Контентіңіз жойылған жағдайда

Егер сіз авторлық құқықты бұзған контентті жою туралы сұрауға байланысты контенті жойылған жүктеп салушы болсаңыз, мәлімдеушімен тікелей байланысып, сұрауды қайтарып алуын сұрауыңызға болады. Кейбір авторлардың арнасында байланыс ақпараты беріледі.

Заң бойынша YouTube авторлық құқықты иелену туралы дауларға делдалдық жасай алмайтынын есте сақтаңыз.

 

Сұрау қайтарып алынғаннан кейін не болады?

Авторлық құқықты бұзған контентті жою туралы сұрауды қайтарып алғаннан кейін, жою туралы сұраудың кері қайтарылғаны туралы электрондық пошта хабарландыруын аласыз. Жүктеп салушыға авторлық құқықтың бұзылғаны туралы ескертудің күйі мен жойылған контент туралы да хабарланады.

Қосымша ақпарат

• Авторлық құқықты бұзған контентті жою туралы сұрау жіберу
• Авторлық құқықты бұзған контентті жою туралы сұраулар бойынша сұрақ-жауап бөлімі
• Авторлық құқықтың бұзылғаны туралы ескерту жайлы негізгі мағлұмат