Hindi pinapayagan ng YouTube ang content na naglalagay ng emosyonal at pisikal na kapakanan ng mga menor de edad sa panganib. Ang isang menor de edad ay isang taong wala pang 18 taong gulang.
Kung makakakita ka ng content na lumalabag sa patakarang ito, iulat ito. Kung naniniwala kang may batang nanganganib, dapat kang makipag-ugnayan sa iyong lokal na tagapagpatupad ng batas para iulat kaagad ang sitwasyon.
Available dito ang mga tagubilin para sa pag-uulat ng mga paglabag sa aming Mga Alituntunin ng Komunidad. Kung nakakita ka ng maraming video o komentong gusto mong iulat, puwede mong iulat ang channel.
Ang epekto ng patakarang ito sa iyo
Kung nagpo-post ka ng content
Huwag mag-post ng content sa YouTube kung tumutugma ito sa alinman sa mga paglalarawan sa ibaba.
- Sekswalisasyon ng mga menor de edad: Tahasang sekswal na content na nagtatampok ng mga menor de edad at content na nananamantala ng mga menor de edad sa sekswal na paraan kabilang ang kahubaran ng menor de edad na na-post nang may layuning maging nakakatawa. Iniuulat namin ang content na naglalaman ng koleksyon ng imahe ng pang-aabusong sekswal sa kabataan sa National Center for Missing and Exploited Children, na nakikipagtulungan sa mga ahensyang nagpapatupad ng batas sa buong mundo.
- Mga mapaminsala o mapanganib na aktibidad na kinakasangkutan ng mga menor de edad: Content na nagpapakita ng menor de edad na nakikilahok sa mga mapanganib na aktibidad o humihikayat sa mga menor de edad na gumawa ng mga mapanganib na aktibidad, lalo na kung puwedeng gayahin ng ibang taong nanonood ang mapanganib na aktibidad, o kung hinihikayat o pinupuri ng content ang mapanganib na aktibidad. Huwag kailanman ilagay ang mga menor de edad sa mga mapaminsalang sitwasyong posibleng humantong sa pinsala, kabilang ang mga mapanganib na stunt, challenge, dare, o prank.Kasama sa mga mapanganib na aktibidad ang, pero hindi limitado sa, anumang aktibidad na kabilang sa mga kategoryang nakalista sa ilalim ng mga Lubhang Mapanganib na challenge, gaya ng asphyxiation o pagkakuryente.
- Kasama sa mga halimbawa ang content na nagpapakita ng mga menor de edad na:
- Umiinom ng alak
- Gumagamit ng mga vaporizer, e-cigarette, tabako, o marijuana
- Gumagamit ng mga paputok sa maling paraan
- Gumagamit ng mga baril nang walang patnubay
- Kasama sa mga halimbawa ang content na nagpapakita ng mga menor de edad na:
- Pagdudulot o pag-uudyok ng pagdudulot ng pisikal, sekswal, o emosyonal na pagmamaltrato o pagpapabaya sa isang bata, kabilang ang pagdudulot ng emosyonal na pagkabalisa sa mga menor de edad.
- Posibleng makatanggap ng exception ang content na naglalaman ng pagdudulot ng pisikal, sekswal, o emosyonal na pang-aabuso sa isang bata sa loob ng kontekstong pang-edukasyon, dokumentaryo, siyentipiko, o artistiko, at may pag-blur.
- Content na posibleng magdulot ng emosyonal na pagkabalisa sa mga menor de edad na kalahok o manonood, kabilang ang:
- Paglalantad sa mga menor de edad sa mga pang-mature na tema
- Panggagaya sa pang-aabuso ng magulang
- Pamimilit sa mga menor de edad
- Karahasan
- Mapanlinlang na pampamilyang content: Content na nagta-target sa mga menor de edad at pamilya, pero naglalaman ng:
- Mga sekswal na tema
- Karahasan
- Kalaswaan o iba pang mature na temang hindi naaangkop para sa mga batang audience
- Mga medikal na pamamaraan
- Pananakit sa sarili
- Paggamit ng mga character sa pang-adult na horror
- Iba pang hindi naaangkop na temang naglalayong manindak ng mga batang audience
- Posibleng makatanggap ng exception ang content na naka-target sa mga batang menor de edad at mga pamilya gamit ang mga temang hindi akma sa edad sa loob ng kontekstong pang-edukasyon, dokumentaryo, siyentipiko, o artistiko. Hindi ito pahintulot para mag-target ng mga menor de edad at mga pamilya gamit ang mga pang-mature na tema na sinadyang manindak ng mga batang audience.
- Mga pampamilyang cartoon na nagta-target sa mga menor de edad at naglalaman ng mga temang para sa nasa hustong gulang o hindi akma sa edad gaya ng karahasan, pakikipagtalik, pagkamatay, droga, at higit pa. Hindi namin pinapayagan ang content na may label na angkop sa mga bata sa pamagat, paglalarawan, mga tag ng video o sa pagpili ng audience kung naglalaman ito ng mga temang hindi akma sa edad.
- Tiyaking tumutugma sa audience na tina-target mo ang iyong mga pamagat, paglalarawan, at tag. Dagdag pa rito, tiyaking tumpak na kinakatawan ng iyong piniling audience ang audience na naaangkop para sa content mo. Puwede mo ring paghigpitan ayon sa edad ang iyong content sa panahon ng pag-upload nito kung para ito sa mga mature na audience.
- Cyberbullying at panliligalig na kinabibilangan ng mga menor de edad: Content na:
- Naglalayong mamahiya, manlinlang, o mang-insulto ng menor de edad
- Naglalahad ng personal na impormasyon gaya ng mga email address o bank account number
- Naglalaman ng sekswalisasyon
- Nanghihimok sa ibang tao na manakot o manligalig
Nalalapat ang patakarang ito sa mga video, paglalarawan ng video, komento, Stories, Post sa komunidad, live stream, playlist, at anupamang produkto o feature ng YouTube. Tandaang hindi ito kumpletong listahan.
Pakitandaang nalalapat din ang mga patakarang ito sa mga external na link sa iyong content. Puwedeng kasama rito ang mga naki-click na URL, pasalitang pagdirekta ng mga user sa iba pang site sa video, at iba pang anyo.
Puwede kaming magdagdag ng paghihigpit sa edad sa content na kinabibilangan ng alinman sa mga sumusunod.
- Mga mapaminsala o mapanganib na aktibidad na puwedeng gayahin ng mga nasa hustong gulang o menor de edad: Content na nagpapakita ng mga nasa hustong gulang na lumalahok sa mga mapanganib na aktibidad na madaling magagaya ng mga nasa hustong gulang o menor de edad.
- Tandaan: Posibleng hindi magresulta sa exception ang pagsasabi lang ng, “Huwag itong subukan sa bahay.”Matuto pa tungkol sa Mapaminsala o Mapanganib na content na pinaghihigpitan ayon sa edad.
- Mga pang-adult na tema sa pampamilyang content: Content na para sa mga audience na nasa hustong gulang pero madaling mapagkamalan bilang pampamilyang content. Kabilang dito ang mga cartoon na naglalaman ng mga temang pang-adult gaya ng karahasan, pakikipagtalik, o pagkamatay. Tandaang puwede mong paghigpitan ayon sa edad ang iyong content sa panahon ng pag-upload kung nilalayon ito para sa mga mature na audience.
- Bulgar na pananalita: Hindi naaangkop para sa mga mas batang audience ang ilang pananalita. Puwedeng lapatan ng paghihigpit ayon sa edad ang content na gumagamit ng tahasang sekswal na pananalita o labis na pagmumura.
- Mga Komento
- Live chat
- Live streaming
- Mga rekomendasyong video (paano at kailan inirerekomenda ang iyong video)
- Mga post sa komunidad
- Pag-remix ng Shorts Video
Paano protektahan ang mga menor de edad sa iyong content
Bago mag-post ng content ng sarili mo, iyong pamilya, o mga kaibigan, pag-isipang mabuti kung mailalagay ba nito ang sinuman sa panganib ng negatibong atensyon. Sensitibong populasyon ang mga menor de edad, at may mga patakaran ang YouTube para maprotektahan sila sa hindi hinahangad na atensyon.
- Tiyaking pinapatnubayan ng isang nasa hustong gulang ang menor de edad at nagsasagawa siya ng mga aktibidad na naaangkop sa edad gaya ng pagpapakita ng mga libangan, pang-edukasyong content, o mga pampublikong performance.
- Tiyaking naaangkop sa edad ang damit na susuotin. Iwasan ang damit na mag-o-overexpose sa menor de edad o talagang hapit na hapit.
- Gamitin ang mga setting ng privacy ng YouTube para limitahan kung sino ang makakapanood sa mga video na ipo-post mo.
Huwag mag-post ng content sa YouTube na nagtatampok ng mga menor de edad at tumutugon sa isa o higit pa sa mga sumusunod:
- Kinunan sa mga pribadong espasyo sa bahay gaya ng mga silid-tulugan o banyo.
- Nagtatampok ng mga menor de edad na nanghihingi ng pakikipag-ugnayan sa mga hindi kilalang tao, dare o hamon online, o nagtatalakay ng mga paksang pang-nasa hustong gulang.
- Nagpapakita ng mga aktibidad na puwedeng makatawag ng hindi gustong atensyon sa menor de edad, gaya ng pagsasagawa ng mga body contortion o ASMR.
- Nagbubunyag ng mga personal na detalye tungkol sa isang menor de edad.
Ilang halimbawa lang ang mga ito, makakakuha ka ng higit pang pinakamahuhusay na kagawian para sa kaligtasan ng bata rito. Kung wala ka pang 18 taong gulang o nasa naaangkop na edad ng mayorya sa bansa mo, makakatulong sa iyo ang Be internet awesome na maging ligtas online.
Mga Halimbawa
Narito ang ilang halimbawa ng content na hindi pinapayagan sa YouTube.
- Isang video na nagtatampok ng mga menor de edad na nakikibahagi sa mga mapanukso, sekswal, o sekswal na nagpapahiwatig na mga aktibidad, hamon, at dare, gaya ng paghalik o panghihipo.
- Nagpapakita ng mga menor de edad na kasama sa mga mapanganib na aktibidad. Halimbawa, mga pisikal na stunt, paggamit ng mga armas o pampasabog, o paggamit ng kontroladong substance tulad ng alak o nicotine, kabilang ang paggamit ng mga vape o e-cigarette.
- Isang video na may mga tag tulad ng "para sa mga bata," o na nakatakda ang audience sa "Oo, para sa bata ito," na nagtatampok ng mga pampamilyang cartoon na gumagawa ng mga hindi naaangkop na pagkilos tulad ng pagtuturok ng mga karayom.
Tandaang ilang halimbawa lang ang mga ito, at huwag mag-post ng content kung sa tingin mo ay posibleng labag ito sa patakarang ito.
Higit pang halimbawa
- Pag-aalok ng pera, papuri, mga like, o anupamang insentibo sa isang menor de edad para pumayag siya na magkaroon ng pisikal na ugnayan sa isang tao.
- Isang video na nag-a-advertise ng sekswal na content na nagtatampok ng mga menor de edad o mapang-abusong content na nagtatampok ng mga menor de edad.
- Mapanamantalang gawi na may kasamang mga pakikipag-ugnayan sa, o tungkol sa mga menor de edad.
- Pag-aggregate ng inosenteng content ng mga menor de edad para sa mga layunin ng sekswal na kasiyahan.
- Mga video ng pag-aaway o pananakot na nagtatampok ng mga bata na walang kontekstong pang-edukasyon, dokumentaryo, siyentipiko, o artistiko, at pag-blur.
- Mga hamon, prank, o stunt na may panganib ng pisikal na pagkapinsala o malubhang emosyonal na pagkabalisa. Puwede kang matuto pa tungkol sa kung ano ang hindi pinapayagan sa aming mga patakaran kaugnay ng mga challenge at prank.
- Nanghihikayat sa mga menor de edad na lumahok sa mga mapanganib na aktibidad, kahit na walang menor de edad sa content.
- Content na nanggagaya sa pang-aabuso o pang-aabandona ng magulang, nanggagaya sa pagkalantad sa pagkamatay o karahasan, o nagpaparamdam sa mga menor de edad ng matinding pagkapahiya o panliliit.
- Paggamit ng cartoons, mga puppet, o mga tauhan sa libangang pampamilya para magustuhan ng mga bata, pero may content na nagtatampok ng mga tema para sa nasa hustong gulang tulad ng karahasan at pagtatalik.
Ano ang mangyayari kung lumalabag sa patakarang ito ang content
Kung lumalabag sa patakarang ito ang iyong content, aalisin namin ang content at papadalhan ka namin ng email para ipaalam ito sa iyo. Kung hindi namin mave-verify na ligtas ang link na na-post mo, puwede naming alisin ang link. Tandaan na ang mga lumalabag na URL na na-post sa loob mismo ng video o sa metadata ng video ay posibleng magresulta sa pag-aalis ng video.
Kung ito ang iyong unang paglabag sa aming Mga Alituntunin ng Komunidad, malamang na makakatanggap ka ng babala nang walang penalty sa channel mo. Magkakaroon ka ng pagkakataong sumailalim sa isang pagsasanay sa patakaran para hayaang mag-expire ang babala pagkalipas ng 90 araw. Gayunpaman, kung malalabag ang parehong patakaran sa loob ng 90 araw na palugit na iyon, hindi mag-e-expire ang babala at bibigyan ng strike ang iyong channel. Kung lalabag ka sa ibang patakaran pagkatapos mong makumpleto ang pagsasanay, makakatanggap ka ng isa pang babala.
Kung makakakuha ka ng 3 strike sa loob ng 90 araw, wawakasan ang iyong channel. Matuto pa tungkol sa aming system ng mga strike.
Puwede naming wakasan ang iyong channel o account dahil sa mga paulit-ulit na paglabag sa Mga Alituntunin ng Komunidad o Mga Tuntunin ng Serbisyo. Puwede rin naming wakasan ang iyong channel o account pagkatapos ng isang matinding pang-aabuso, o kapag nakalaan ang channel sa isang paglabag sa patakaran. Puwede naming pigilang sumailalim sa mga pagsasanay sa patakaran sa hinaharap ang mga paulit-ulit na lumalabag. Matuto pa tungkol sa mga pagwawakas ng channel o account.
May zero tolerance kami para sa mapanamantalang gawi sa YouTube. Kung sa palagay namin ay may batang nanganganib batay sa iniulat na content, tutulungan namin ang tagapagpatupad ng batas na siyasatin ang content.