YouTube არ დაუშვებს სპამს, თაღლითობას ან შეცდომაში შემყვან სხვა პრაქტიკებს, რომლებიც ბოროტად იყენებს YouTube საზოგადოებას. აგრეთვე, ჩვენ არ დავუშვებთ კონტენტს, რომლის მთავარი მიზანია, სხვებს მოტყუებით დაატოვებინოს YouTube და სხვა საიტებზე გადაიყვანოს.
თუ აღმოაჩენთ კონტენტს, რომელიც არღვევს ამ წესებს, შეგვატყობინეთ. ჩვენი საზოგადოების წესდების დარღვევის შესახებ მოხსენების ინსტრუქცია შეგიძლიათ იხილოთ აქ. თუ აღმოაჩინეთ რამდენიმე ვიდეო ან კომენტარი და გსურთ მათ შესახებ მოხსენების წარდგენა, შეგიძლიათ, გააგზავნოთ მოხსენება არხის შესახებ.
რას ნიშნავს ეს წესები თქვენთვის
თუ აქვეყნებთ კონტენტს,
არ გამოაქვეყნოთ YouTube-ზე კონტენტი, რომელიც ქვემოთ მოცემული აღწერილობებიდან რომელიმეს შეესაბამება.
- ვიდეო სპამი: მრავალჯერადად გამოქვეყნებული კონტენტი ან კონტენტი, რომელიც კონკრეტულად არც ერთ აუდიტორიაზე არ არის გამიზნული და რომელიც აკმაყოფილებს ქვემოთ ჩამოთვლილი კრიტერიუმებიდან, სულ მცირე, ერთს:
- ჰპირდება მნახველებს, რომ რაღაც საინტერესოს ნახავენ, ამასობაში კი ამისამართებს სხვა საიტზე.
- ჰპირდება მნახველებს სწრაფად გამდიდრებას გარე რესურსზე გადასვლის, ნახვების ან ტრაფიკის მოპოვების მიზნით.
- ამისამართებს აუდიტორიას საიტებზე, რომლებიც ავრცელებს მავნე პროგრამებს, ცდილობს შეაგროვოს პირადი მონაცემები ან ზოგადად, უარყოფითი გავლენის მქონე საიტებზე.
- შეცდომაში შემყვანი მეტამონაცემები ან ესკიზები: ვიდეოს შინაარსთან შეუსაბამო სათაურის, ესკიზებისა და აღწერილობების გამოყენება მომხმარებლების შეცდომაში შეყვანის მიზნით.
- თაღლითური სქემები: კონტენტი, რომელიც საჩუქრად სთავაზობს ნაღდ ფულს, არის „სწრაფად გამდიდრების“ სქემები ან პირამიდა (თანხის მიღება ხელშესახები პროდუქტის გარეშე, პირამიდის სტრუქტურით).
- წახალისების სპამი: კონტენტი, რომელიც ყიდის ჩართულობის მეტრიკას YouTube-ზე, როგორებიცაა ნახვები, მოწონებები, კომენტარები ან სხვა მეტრიკები. ასეთი ტიპის თაღლითური სქემები ასევე მოიცავს კონტენტს, რომლის ერთადერთი მიზანია, გაზარდოს გამომწერები, ნახვები ან სხვა მეტრიკა. მაგალითად, შემქმნელისთვის არხის გამოწერის შეთავაზება მის არხზე გამოწერის სანაცვლოდ — ამას „გამოწერა გამოწერის სანაცვლოდ“ კონტენტსაც უწოდებენ.
- კომენტარების სპამი: კომენტარები, რომელთა მთავარი მიზანია, შეაგროვოს მომხმარებელთა პირადი მონაცემები, მოტყუებით გადაამისამართოს მნახველები YouTube-იდან ან შეასრულოს ზემოთ აღწერილი სხვა აკრძალული მოქმედება.
- განმეორებადი კომენტარები: დიდი რაოდენობის ერთგვარი, უმიზნო ან განმეორებადი კომენტარების დატოვება.
- მე-3 მხარის კონტენტი: პირდაპირი სტრიმინგით სხვისი კუთვნილი კონტენტის გადაცემა, როცა ასეთი ქმედება რამდენიმე გაფრთხილების შემდეგაც მეორდება. არხის მფლობელი პასუხისმგებელია მის პირდაპირ სტრიმინგზე და ვალდებულია, დროულად გამოასწოროს პოტენციური ხარვეზები.
ეს წესები ვრცელდება ვიდეოებზე, ვიდეოების აღწერილობებზე, კომენტარებზე, პირდაპირ სტრიმინგებზე და ნებისმიერ სხვა YouTube პროდუქტზე ან ფუნქციაზე. გაითვალისწინეთ, რომ ეს არ არის სრული სია. გაითვალისწინეთ, რომ ეს წესები ასევე ვრცელდება თქვენს კონტენტში მოცემულ გარე ბმულებზეც. გარე ბმულებში შესაძლოა შედიოდეს დასაწკაპუნებელი URL-ები, ვიდეოში მომხმარებელთა სიტყვიერი გადამისამართება სხვა საიტებზე და სხვა.
ვიდეო სპამი
შემდეგი ტიპის კონტენტი დაუშვებელია YouTube-ზე. გაითვალისწინეთ, რომ ეს არ არის სრული სია.
- კონტენტი, რომელიც მნახველებს რაიმეს ჩვენებას ჰპირდება, სინამდვილეში კი ამისამართებს მათ სხვა საიტზე.
- ერთი და იმავე კონტენტის განმეორებით გამოქვეყნება ერთ ან რამდენიმე არხზე.
- სხვა შემქმნელებისგან კოპირებული კონტენტის მასობრივად ატვირთვა.
- მცდელობა, დააყენებინოთ მნახველებს მავნე პროგრამული უზრუნველყოფა ან გადაამისამართოთ ისეთ ვებსაიტებზე, რომლებიც საფრთხეს შეუქმნის მათ კონფიდენციალურობას.
- ავტომატურად გენერირებული კონტენტი, რომელსაც კომპიუტერი აქვეყნებს ხარისხისა და მნახველის გამოცდილების უგულებელყოფით.
- ფულის, პროდუქტების, პროგრამული უზრუნველყოფის ან ვიდეო თამაშებში ბონუსების დაპირება უსასყიდლოდ, მნახველების მიერ პროგრამული უზრუნველყოფის დაყენების, აპის ჩამოტვირთვის ან რაიმე სხვა დავალების შესრულების სანაცვლოდ.
- აფილირებული კონტენტის მასობრივად გამოქვეყნება ამისთვის განკუთვნილ ანგარიშებზე.
- ისეთი კონტენტის განმეორებით ატვირთვა, რომელიც თქვენ არ გეკუთვნით და არ არის საგანმანათლებლო, დოკუმენტური, სამეცნიერო ან მხატვრული ხასიათის.
შეცდომაში შემყვანი მეტამონაცემები ან ესკიზები
- ცნობილი პირის ამსახველი ესკიზი, რომელიც არანაირ კავშირში არ არის კონტენტთან.
- ვიდეოს შინაარსთან შეუსაბამო სათაურის, ესკიზებისა და აღწერილობების გამოყენება მომხმარებლების შეცდომაში შეყვანის მიზნით. მაგალითად, როცა არსებობს რეალური საშიშროების წარმოქმნის ნამდვილი რისკი.
თაღლითური სქემები
- გადაჭარბებული დაპირებების მიცემა, მაგალითად განცხადება, რომ მნახველები სწრაფად გამდიდრდებიან ან რომ რაიმე წამალს შეუძლია ქრონიკული დაავადებების განკურნება, მაგალითად, კიბოსი.
- ნაღდი ფულის ჩუქების ან სხვა პირამიდის სქემების რეკლამირება.
- ანგარიშები, რომელთა პირველადი მიზანი ნაღდი ფულის ჩუქების სქემებია.
- ვიდეოები, რომლებიც გპირდებათ, რომ „ამ გეგმის მეშვეობით ხვალ 50 000 $-ს იშოვით!“
წახალისების სპამი
- ვიდეოები, რომელთა მთავარი მიზანია, მოუწოდოს მნახველს, გამოიწეროს არხი.
- „გამოწერა გამოწერის სანაცვლოდ“ ვიდეოები.
- ვიდეოები, რომლებიც „მოწონებებს“ ყიდის.
- ვიდეო, რომელიც სთავაზობს არხის გადაცემას მე-100 000 გამომწერს და რომელიც არ შეიცავს რაიმე სხვა კონტენტს.
კომენტარების სპამი
- კომენტარები გამოკითხვების ან სარეკლამო საჩუქრების შესახებ, რომლებიც რეკლამას უწევს პირამიდის სქემებს.
- „გადახდა დაწკაპუნებაზე“ რეფერალური ბმულები კომენტარებში.
- კომენტარები, რომელიც შეიცავს ვიდეოს სრული კონტენტის ცრუ შეთავაზებას. ეს კონტენტი შეიძლება იყოს:
- ფილმები
- სერიალები
- კონცერტები
- მავნე პროგრამული უზრუნველყოფის ან ფიშინგის შემცველ ვებსაიტებზე ბმულის გამოქვეყნება კომენტარით: „სულ ახლა ტონა ფული ვიშოვე ამ გვერდზე! — [xyz phishing site].com“
- კომენტარები, რომლებიც მოიცავს ბმულს ყალბ მაღაზიებზე.
- „ჰეი, ნახეთ ჩემი არხი/ვიდეო აქ!“ ტიპის კომენტარი, მაშინ როცა არხს/ვიდეოს საერთო არაფერი აქვს ვიდეოსთან, რომელზეც კომენტარი გამოქვეყნდა.
- თქვენი არხის ბმულის შემცველი კომენტარის მრავალჯერ გამოქვეყნება.
მე-3 მხარის კონტენტი
- სატელევიზიო სერიალის სტრიმინგი თქვენი ტელეფონით.
- მე-3 მხარის პროგრამული უზრუნველყოფის მეშვეობით ალბომიდან სიმღერების პირდაპირი სტრიმინგი.
გახსოვდეთ, ეს არის მხოლოდ რამდენიმე მაგალითი. თუ ფიქრობთ, რომ ვიდეო შეიძლება არღვევდეს წესებს, არ გამოაქვეყნოთ იგი.
რა ხდება, თუ კონტენტი არღვევს ამ წესებს
თუ თქვენი კონტენტი არღვევს ამ წესებს, შეიძლება შეგიწყვიტოთ მონეტიზაცია ან წავშალოთ თქვენი არხი ან ანგარიში. შეიტყვეთ მეტი მონეტიზაციის წესებსა და არხის ან ანგარიშის შეწყვეტაზე.
ზოგიერთი დარღვევის შემთხვევაში, შეიძლება წავშალოთ კონტენტი და თქვენს არხს მივცეთ შენიშვნა ან გაფრთხილება. ამ შემთხვევაში, ამის შესახებ ელფოსტით გაცნობებთ.
თუ გაივლით ტრენინგს წესების შესახებ, თქვენს შენიშვნას ვადა 90 დღის გასვლის შემდეგ ამოეწურება. თუმცა, თუ 90 დღის განმავლობაში განმეორებით დაარღვევთ წესებს, შენიშვნას ვადა არ ამოეწურება და თქვენი არხი გაფრთხილებას მიიღებს. ტრენინგის დასრულების შემდეგ დარღვეული სხვა წესი ცალკე შენიშვნას იღებს. განმეორებით დამრღვევებს შეიძლება შეეზღუდოთ მონაწილეობის მიღება წესების შესახებ მომავალ ტრენინგებში.
თუ 90 დღის განმავლობაში 3 გაფრთხილება დაგიგროვდათ, თქვენს არხს მოქმედება შეუწყდება. შეიტყვეთ მეტი გაფრთხილებების სისტემის შესახებ.