YouTube හි සෙවීම් සහ සොයා ගැනීම් ක්‍රමය නරඹන්නන්ට ඔවුන් නැරඹීමට ඉතාම ඉඩ ඇති වීඩියෝ සොයා ගැනීමට සහ දිගු කාලීන නරඹන්නාගේ තෘප්තිය උපරිම කිරීමට උදවු කරයි. පහත සඳහන් නි.අ.ප්‍ර. සමග ඔබේ වීඩියෝ සහ නාලිකා කාර්යසාධනය ගැන පිළිතුරු ලබා ගන්න.
YouTube Search & Discovery: 'The Algorithm' and Performance FAQs
නිර්මාපකයින් සඳහා වන වීඩියෝ සොයා ගැනීම් ඉඟි ලබා ගන්න.
සොයා ගැනීම් නි.අ.ප්‍ර.
YouTube ප්‍රවර්ධන කළ යුතු වීඩියෝ තෝරා ගන්නේ කෙසේද?
අප නිර්දේශ පද්ධතිය මේවා ගැන අවධානය යොමු කර ඔබේ ප්‍රේක්‍ෂකයින්ට පිරිනැමීමට හොඳම වීඩියෝ තොගය පටු කරයි:
- ඔවුන් බලන දෙය
- ඔවුන් නොබලන දෙය
- ඔවුන් සොයන දෙය
- කැමති සහ අකමැති
- ‘උනන්දු නැත’ යන ප්‍රතිපෝෂණය
මගේ වීඩියෝ ඉතා විශාල ප්‍රේක්‍ෂක පිරිසකට ප්‍රවර්ධන කරනු ලබන්නේ කෙසේද?
YouTube මත සාර්ථක වීමට ඔබ ඇල්ගොරිතම හෝ විශ්ලේෂණ පිළිබඳ ප්‍රවීණයෙක් වීමට අවශ්‍ය නැත, ඒ වෙනුවට ඔබේ ප්‍රේක්‍ෂකයින් දැන ගැනීමට අවධානය යොමු කරන්න. අපේ නිර්දේශ පද්ධතිය ඔබේ ප්‍රේක්‍ෂකයින්ට වීඩියෝ ප්‍රවර්ධන කරන්නේ නැත, නමුත් ඔවුන් YouTube වෙත පැමිණෙන විට ඔබේ ප්‍රේක්‍ෂකයින් සඳහා වීඩියෝ සොයා ගනියි. වීඩියෝ ශ්‍රේණිගත කරනු ලබන්නේ ඒවායේ කාර්යසාධනය සහ ඔබේ ප්‍රේක්‍ෂකයින්ට අදාළ වීම පදනම් කර ගෙන ය, නිර්දේශ කරනු ලැබීමට සුදුසුකම් ලබන්නේ සියලුම වීඩියෝ නොවේ.
මුල් පිටුව මත වීඩියෝ ශ්‍රේණිගත කරනු ලබන්නේ කෙසේද?
මුල් පිටුව යනු ඔබේ ප්‍රේක්‍ෂකයින් YouTube යෙදුම විවෘත කරන විට හෝ YouTube.com වෙත ප්‍රවේශ වන විට දකින දෙය වෙයි. අපි එක් එක් නරඹන්නාට ඉතාම අදාළ, පුද්ගලායන කළ නිර්දේශ ලබා දීමට ඉලක්ක කරන්නේ එතැන ය. ඔබේ ප්‍රේක්‍ෂක පිරිස මුල් පිටුවට පැමිණෙන විට, YouTube ග්‍රාහකත්වවලින් වීඩියෝ සංදර්ශන කරයි. සමාන නරඹන්නන් විසින් නරඹන ලද වීඩියෝ සහ නව වීඩියෝ ද පෙන්වනු ලැබේ. වීඩියෝවල තේරීම පදනම් වන්නේ:
- කාර්යසාධනය -- වෙනත් කරුණු අතරතුර ඔබේ වීඩියෝව සමාන නරඹන්නන් කෙතරම් හොඳින් උනන්දු කළේද සහ තෘප්තිමත් කළේද යන්න.
- නැරඹුම් සහ සෙවුම් ඉතිහාසය -- ඔබේ ප්‍රේක්‍ෂක පිරිස කෙතරම් නිතර නාලිකාවක් හෝ මාතෘකාවක් නරඹන්නේද සහ අපි එක් එක් වීඩියෝව එවිට කොපමණ වරක් පෙන්වා තිබේද යන්න.
YouTube මුල් පිටුව මත නිර්දේශ කරනු ලැබීමට සුදුසුකම් ලබන්නේ සියලුම අන්තර්ගත නොවන බව මතක තබා ගන්න.
නැඹුරුව සඳහා වීඩියෝ තෝරා ගනු ලබන්නේ කෙසේද?
නැඹුරුව ක්‍රියා කරන ආකාරය පිළිබඳ මෙම ලිපිය පරීක්‍ෂා කරන්න.
‘මීළඟට’ යටතේ යෝජිත වීඩියෝ ශ්‍රේණි ගත කෙරෙන්නේ කෙසේ?
යෝජිත වීඩියෝ ඔබේ ප්‍රේක්‍ෂකිය්න නරඹන වීඩියෝ සමග ‘මීළඟට’ යටතේ නිර්දේශ කරනු ලැබේ. යෝජිත වීඩියෝ ශ්‍රේණි ගත කරන්නේ ඔබේ ප්‍රේක්‍ෂකයින්ට ඔවුන් ඊළඟට නැරඹීමට ඉතාම ඉඩකඩ ඇති වීඩියෝ පිරිනැමීමට ය. මෙම වීඩියෝ නිතර ඔබේ ප්‍රේක්‍ෂයින් නරඹන වීඩියෝවට අදාළ වන නමුත් ඒවා නැරඹුම් ඉතිහාසය මත පදනම්ව පුද්ගලායන කරනු ලැබීමට ද හැකි ය.
ඊළඟට බැලීම් පිටුව මත නිර්දේශ කරනු ලැබීමට සුදුසුකම් ලබන්නේ සියලුම අන්තර්ගත නොවන බව මතක තබා ගන්න.
සෙවීම තුළ වීඩියෝ ශ්‍රේණි ගත කෙරෙන්නේ කෙසේද?
Google හි සෙවුම් යන්ත්‍රය මෙන්ම, YouTube සෙවීම මූලික පද සෙවීම්වලට අනුව ඉතාම අදාළ ප්‍රතිඵල මතු කිරීමට ප්‍රයත්නය දරයි. වීඩියෝ පහත සඳහන් කරුණු මත පදනම්ව ශ්‍රේණි ගත කරනු ලැබේ:
- මාතෘකාව, විස්තරය, සහ වීඩියෝ අන්තර්ගතය කෙතරම් හොඳින් නරඹන්නාගේ සෙවීමට ගැළපෙන්නේද යන්න.
- සෙවීමක් සඳහා ඉතාම නියැළීම ඇද ගන්නා වීඩියෝ කුමක්ද යන්න.
සටහන: සෙවුම් ප්‍රතිඵල දෙන ලද සෙවීමක් සඳහා ඉතාම නරඹන ලද වීඩියෝවල ලැයිස්තුවක් නොවේ.
වීඩියෝවක මාතෘකාව හෝ සිඟිති රුව වෙනස් කිරීම ඇල්ගොරිතමය තුළ වීඩියෝව නැවත ශ්‍රේණි ගත කරයිද?
එසේ වේවි, නමුත් එය අපේ පද්ධති වීඩියෝ මාතෘකාව හෝ සිඟිති රුව වෙනස් කිරීමට වඩා නරඹන්නන් ඔබේ වීඩියෝව සමග අන්තර්ක්‍රියා කරන ආකාරයට වෙනස්ව ප්‍රතිචාර දක්වන බැවිනි. ඔබේ වීඩියෝව බලන්නන්ට වෙනස්ව පෙනෙන විට, එය ඔවුන්ට එය පිරිනමනු ලබන විට ඔවුන් අන්තර්ක්‍රියා කරන ආකාරය වෙනස් කරයි. ඔබේ වීඩියෝවේ මාතෘකාව සහ සිඟිති රුව වෙනස් කිරීම බොහෝ දසුන් ලබා ගැනීමට ඵලදායී මාර්ගයක් විය හැක, නමුත් ක්‍රියා කරන දෙය වෙනස් නොකරන්න.
සොයා ගැනීම සඳහා මට මගේ මාතෘකා සහ සිඟිති රුව ප්‍රශස්ත කළ හැක්කේ කෙසේද?
ඔබට සොයා ගැනීම සඳහා ඔබේ මාතෘකාව සහ සිඟිති රුව ප්‍රශස්ත කිරීමට මෙම ඉඟි භාවිත කළ හැක:
- ඔබේ සිඟිති රුව අපේ සිඟිති රූ ප්‍රතිපත්තිය අනුගමන කරන බව තහවුරු කර ගන්න.
- ඔබේ වීඩියෝව සඳහා අන්තර්ගතය නිරවද්‍යව නියෝජන කරන බල කරන මාතෘකා භාවිත කරන්න.
- ඔබේ අන්තර්ගතය නිරවද්‍යව නියෝජන කරන සිඟිති රූ සාදන්න.
- මෙවැනි මාතෘකා සහ සිඟිති රූ භාවිත කිරීම වළක්වන්න:
- රැවටීම, නොමඟ යැවීම, ක්ලික් කිරීමට අදින, හෝ සංවේදී: වීඩියෝවේ අන්තර්ගතය වැරදි නියෝජන කරයි
- කම්පාකාරී: අහිතකර හෝ දරුණු භාෂාව ඇතුළු වෙයි
- පිළිකුල් සහිත: තරබාරු හෝ පිළිකුල් ඇති කරන අනුරූප අඩංගුයි
- නිර්මූල ප්‍රචණ්ඩත්වය: අනවශ්‍ය ලෙස ප්‍රචණ්ඩත්වය හෝ අපයෝජනය ප්‍රවර්ධන කරයි
- අවිනීත: ලිංගිකව යෝජනා කරන හෝ සල්ලාල හැසිරීම අදහස් කරයි
- කෑ ගසන: මාතෘකාව අධික උද්දීපන කිරීමට සම්පූර්ණයෙන් කැපිටල් අකුරු හෝ !!!!! යෙදීම
මෙම ක්‍රම විභව්‍ය අලුත් නරඹන්නන් ඔබේ අන්තර්ගතයෙන් බැහැර කළ හැකි අතර සමහර අවස්ථාවලදී ප්‍රජා මාර්ගෝපදේශ උල්ලංඝනයක් නිසා ඔබේ අන්තර්ගතය ඉවත් කරනු ලැබීම සිදු කරාවි.
මුදල් කිරීමේ තත්ත්‍වය (කහ නිරූපකය) මගේ වීඩියෝ සොයා ගැනීමට බලපාන්නේද?
නැත, අපේ සෙවුම් සහ නිර්දේශ පද්ධතියට මුදල් කෙරෙන සහ නොකෙරෙන වීඩියෝ කුමක්ද දන්නේ නැත. අපි ඒවා මුදල් කරන්නේද යන්න කෙසේ වූවත්, ඔබේ ප්‍රේක්‍ෂකයින්ට තෘප්තිමත් විය හැකි වීඩියෝ නිර්දේශ කිරීමෙහි අවධානය යොමු කරමු. ඔබේ වීඩියෝවට ප්‍රචණ්ඩ හෝ චිත්‍රක අන්තර්ගතය අඩංගු නම්, එය මුදල් නොකරනු ලැබිය හැක. එය නුසුදුසු බැවින් එය බොහෝ නරඹන්නන්ට නිර්දේශ නොකරනු ලැබීමට ද ඉඩ ඇත. මෙම උදාහරණය තුළ, වීඩියෝවක් අඩුවෙන් නිර්දේශ කරනු ලැබීමට හේතු වන්නේ මුදල් නොකිරීම නොව, වීඩියෝව තුළ ඇති අන්තර්ගතය වෙයි.
ටැග කෙතරම් වැදගත් වන්නේද?
වැදගත් නැත. ටැග මූලික වශයෙන් භාවිත කෙරෙන්නේ පොදු අක්‍ෂර වින්‍යාස වැරදි නිවැරදි කිරීමට උදවු කිරීමට ය (උදාහරණය වශයෙන්, YouTube එ. U Tube එ. You-tube).
මගේ නාලිකා ස්ථානය රටකට / කලාපයකට නිශ්චිත කිරීම මට එම ප්‍රේක්‍ෂකයින් තුළ බොහෝ නරඹන්නන් වෙත ළඟා වීමට උදවු කරයිද? (උදා: මම බ්‍රසීලයේ සිටින නමුත් ස්ථානය එක්සත් ජනපදයට මාරු කිරීම)
නැත, YouTube මත වීඩියෝ නිර්දේශ කරනු ලබන ආකාරයට දැන්වීමට ස්ථාන සැකසීම් භාවිත නොකෙරේ.
මගේ වීඩියෝ නිර්දේශන කරනු ලබන ආකාරයට කැමති / අකමැති බලපාන්නේද?
තරමක්. කැමති සහ අකමැති අපි ශ්‍රේණි ගත කිරීම සඳහා සලකා බලන සිය ගණන් සංඥාවලින් සමහරකි. අපේ නිර්දේශ පද්ධතිය නරඹන්නන් වීඩියෝවක් බැලීමට තෝරා ගන්නේද නැතිද යන්නෙන් ඉගෙන ගනියි. පද්ධතිය නරඹන්නා වීඩියෝවෙන් කොපමණක් බලන්නේද සහ ඔවුන්ට තෘප්තිමත් වූයේද යන්න ඉගෙන ගනියි. ඔබේ සමස්ත වීඩියෝ කාර්යසාධනය මෙම කරුණුවල සංයෝගයකින් තීරණු කරනු ලැබේ.
මම වීඩියෝවක් ලැයිස්තු නොකළ ලෙස උඩුගත කර පසුව එය ප්‍රසිද්ධ ලෙස මාරු කරන්නේ නම්, එය මගේ වීඩියෝවේ කාර්යසාධනයට බරපතල වෙයිද?
නැත, වැදගත් වන්නේ එය ප්‍රකාශන කළ පසු නරඹන්නන් ප්‍රතිචාර දක්වන ආකාරයයි.
කාර්යසාධනය නි.අ.ප්‍ර.
මගේ වීඩියෝවලින් එකක් අඩුවෙන් කාර්යසාධන කරන්නේ නම් එය මගේ නාලිකාවට බරපතල වෙයිද?
වැදගත් වන්නේ එක් එක් වීඩියෝවක් ඔවුන්ට නිර්දේශ කරනු ලැබූ විට ඔවුන් ඒවාට පිළිතුරු දෙන ආකාරයයි. අපේ පද්ධති ඔබේ ප්‍රේක්‍ෂකයින් සඳහා හොඳම නිර්දේශ වන වීඩියෝ කුමක්ද තීරණ කිරීමට වීඩියෝ සහ ප්‍රේක්‍ෂක මට්ටම මත වැඩියෙන් රඳා පවතියි. සමස්ත නාලිකා දසුන් තුළ අඩු වීමකට මඟ පෑ හැකේකේ නරඹන්නන් ඒවා ඔවුන්ට නිර්දේශ කරනු ලැබූ විට ඔබේ වීඩියෝවලින් බොහොමයක් නැරඹීම නවත් වන අවස්ථාව වෙයි.
මම උඩුගත කිරීමෙන් විවේකයක් ගන්නේ නම්, එය මගේ නාලිකා කාර්යසාධනයට බරපතල වෙයිද?
ඔබට අවශ්‍ය වූ විට විරාම ගන්නා ලෙස අපි ඔබට පොලඹ වන්නෙමු. අපි විරාම ගත් නාලිකා දහස් ගණනක් අධ්‍යයන කළ අතර විරාම කාලය සහ දසුන්වල වෙනස්කම් අතර සම්බන්‍ධතාවක් සොයා ගත්තේ නැත. ඔබේ ප්‍රේක්‍ෂක පිරිස ඔවුන්ගේ ක්‍රමවත් නැරඹුම් චර්යාවට ආපසු පැමිණීමට “උණුසුම් කිරීමට” ටික කාලයක් ගත වන බව මතක තබා ගන්න.
මම දිනපතා හෝ අවම වශයෙන් සතියකට වරක් උඩුගත කිරීම අවශ්‍යද?
නැත, අපි වසර ගණන් විශ්ලේෂණ කර උඩුගත කිරීම් පුරා දසුන් වර්ධනයට උඩුගත කිරීම් අතර ඇති කාලයට සම්බන්‍ධ නැති බව සොයා ගත්තෙමු. බොහෝ නිර්මාපකයෝ සංඛ්‍යාවට වඩා ගුණත්වය හරහා ඔවුන්ගේ ප්‍රේක්‍ෂකයින් සමග විශ්වසනීය සම්බන්‍ධතා ගොඩනඟා ඇත. අපි ඔබට නැති වී යාම වැළැක්වීමෙන් ඔබ ආරක්‍ෂා කර ගැනීමට පොලඹ වන්නෙමු, එය ඔබේ ප්‍රේක්‍ෂකයින්ටත් ඔබේ යහපතටත් වැදගත් වෙයි.
වීඩියෝ ප්‍රකාශන කිරීමට හොඳම කාලය කුමක්ද?
ප්‍රකාශන කිරීමේ කාලය වීඩියෝවක දිගු කාලීන කාර්යසාධනයට බලපාන බවට දැනුවත් වී නැත. අපේ නිර්දේශ පද්ධතිය වීඩියෝව උඩුගත කරන ලද කාලය නොතකා නිවැරදි නරඹන්නන්ට නිවැරදි වීඩියෝව බෙදා හැරීමට ඉලක්ක කරයි. කෙසේ වෙතත්, ප්‍රකාශන කිරීමේ කාලය සජීවී සහ මංගල දර්ශන වීඩියෝ වැනි ආකෘති සඳහා වැදගත් වෙයි. මංගල දර්ශනයක් කාලසටහන් කළ යුතු හෝ ඔබේ ඊළඟ සජීවී ප්‍රවාහය සැලසුම් කළ යුතු අවස්ථාව තේරුම් ගැනීමට YouTube විශ්ලේෂණ තුළ ඔබේ නරඹන්නන් YouTube මත සිටින අවස්ථා වාර්තාව පරීක්‍ෂා කරන්න.
ඔබේ ප්‍රේක්‍ෂකයින් ඉතාම ක්‍රියාකාරී වූ විට වීඩියෝ ප්‍රකාශන කිරීම පූර්ව නැරඹීමට ප්‍රයෝජනවත් විය හැකි නමුත් වීඩියෝවක දිගු කාලීන නැරඹුමට බලපාන බවට දැනුවත් වී නැත.
ඉතා වැදගත්, නරඹන ලද සාමාන්‍ය ප්‍රතිශතය, හෝ සාමාන්‍ය දසුන් කාලසීමාව කුමක්ද?
අප සොයා ගැනීමේ පද්ධතිය ප්‍රේක්‍ෂක නියැළීම තීරණ කරන විට සංඥා වශයෙන් සම්පූර්ණ සහ සාපේක්‍ෂ නැරඹුම් කාලය භාවිත කරයි, අපි ඔබට එයම කිරීමට පොලඹ වන්නෙමු. අවසානයෙන්, අපට කෙටි සහ දිගු වීඩියෝ යන දෙකම සාර්ථක වීමට අවශ්‍ය ය, එබැවින් අපි ඔබට ඔබේ වීඩියෝ අන්තර්ගතය මත පදනම්ව සුදුසු දිගට සෑදීමට පොලඹ වන්නෙමු. පුළුල්ව කථා කරන්නේ නම්, කෙටි වීඩියෝවලට සාපේක්‍ෂ නැරඹුම් කාලය ඉතා වැදගත් වත අතර දිග වීඩියෝවලට සම්පූර්ණ නැරඹුම් කාලය ඉතා වැදගත් වෙයි. ඔබට ඔබේ නරඹන්නන් කොපමණ කලක් නැරඹීමට කැමති යන්න තේරුම් ගැනීමට ප්‍රේක්‍ෂක රැඳවුම භාවිත කර අනුව ඔබේ අන්තර්ගතය හරිගැස්සිය හැක.
මගේ දසුන් මගේ ග්‍රාහක සංඛ්‍යාවට වඩා අඩු වී ඇත්තේ ඇයි?
ඔබේ ග්‍රාහක සංඛ්‍යාව ඔබේ YouTube නාලිකාව අනුගමන කිරීමට නරඹන්නන් කී දෙනෙක් ග්‍රාහක වී තිබේද යන්න පරාවර්තන කරයි. එම සංඛ්‍යාව ඔබේ වීඩියෝ බලන නරඹන්නන් සංඛ්‍යාව නියෝජන නොකරයි. සාමාන්‍යයෙන්, නරඹන්නන් නාලිකා දුසිම් ගණනට ග්‍රාහක වන අතර ඔවුන් ග්‍රාහක වී ඇති නාලිකා සඳහා වන සෑම අලුත් උඩුගත කිරීමක් සඳහාම ආපසු නොපැමිණේවි. නරඹන්නන්ට ඔවුන් තවදුරටත් බලන්නේ නැති නාලිකාවලට ග්‍රාහක වීම ද පොදුයි. YouTube විශ්ලේෂණ සමග ඔබේ ප්‍රේක්‍ෂකයින් දැන ගන්න
මගේ නාලිකාවට මුල් පිටුවෙන් සහ යෝජිත ඒවායෙන් අඩුවෙන් ගමනාගමන ලැබෙන්නේ ඇයි?
නාලිකාවක ප්‍රේක්‍ෂකත්වය කාලයත් එක්ක වැඩි වීමටත් අඩු වීමටත් හේතු බොහොමයක් ඇත. නිර්දේශවලින් ගමනාගමන පහත වැටීම් සඳහා ඉතාම පොදු හේතුවලින් සමහරක් මෙන්න:
- ඔබේ ප්‍රේක්‍ෂක පිරිස YouTube මත වෙනත් වීඩියෝ සහ නාලිකා අධිකව නරඹයි.
- ඔබේ ප්‍රේක්‍ෂක පිරිස YouTube මත අඩු කාලයක් ගත කරයි.
- ඔබට ඉහළ කාර්යසාධන වීඩියෝ කිහිපයක් තිබුණා, නැති නම් වීඩියෝවක් “පැතිරුණා” නමුත් එම නරඹන්නන් තව බැලීමට ආපසු පැමිණියේ නැත.
- සාමාන්‍යයට නිතර උඩුගත කිරීම අඩුයි.
- ඔබේ වීඩියෝ අවධානය යොමු කරන මාතෘකාවට ජනප්‍රියත්මය අඩු වෙයි.
ඔබේ ප්‍රේක්‍ෂක පිරිසේ උනන්දු කාලයත් එක්ක වෙනස් විය හැකි බව මතක තබා ගන්න. ඔබ නව මාතෘකා සහ ආකෘති සමග අත්හදා බලමින් සිටීම වැදගත් වෙයි. ප්‍රේක්‍ෂක පිරිසක් ගොඩනැඟීමට, නිර්මාපකයින්ට ඔවුන්ගේ පවතින නරඹන්නන් රඳවා ගැනීමට සහ අලුත් අය ආකර්ෂණ කිරීමට අවශ්‍ය ය.
පරණ වීඩියෝවක් මෑතදී ජනප්‍රිය විය, ඒ ඇයි?
නරඹන්නන්ට පරණ වීඩියෝවල වැඩි උනන්දුව දැක්වීමට පටන් ගැනීම පොදුයි. බොහෝ නරඹන්නනෝ වීඩියෝ කාලානුක්‍රමිකව බලන්නේ හෝ වීඩියෝවක් ප්‍රකාශන කරන ලද අවස්ථාව පදනම් කර ගෙන බැලිය යුතු දෙය තීරණ කරන්නේ නැත. නරඹන්නන් පරණ වීඩියෝවකට වැඩි උනන්දුවක් දක්වන්නේ නම්, එයට හේතුව විය හැක්කේ:
- ඔබේ වීඩියෝවේ මාතෘකාවට ජනප්‍රියත්වය වැඩි වෙයි.
- අලුත් නරඹන්නනෝ ඔබේ නාලිකාව සොයා ගෙන ඔබේ පරණ වීඩියෝවලට 'මනස්කාන්ත' වෙයි.
- බොහෝ නරඹන්නෝ ඔවුන්ට ඔබේ වීඩියෝව නිර්දේශ තුළ පිරිනමනු ලැබූ විට එය බැලීමට තෝරා ගනිති.
- ඔබ මාලාවක් තුළ නව වීඩියෝවක් නිකුත් කර නරඹන්නන්ට ආපස්සට ගොස් පරණ කතාංග බැලීමට ප්‍රේරණ කළේය.
පරණ වීඩියෝවකට වැඩි ගමනාගමන ලැබීමට පටන් ගත් විට, ඔබට එම නරඹන්නන්ට තව බැලීමට ආපසු ඒමට පොලඹ විය හැකිව ඊළඟට නිකුත් කළ හැකි උඩුගත කිරීම් වර්ගය කුමක්ද ගැන සිතන්න.
‘ළමයින් සඳහා සාදන ලද’ නිශ්චය කිරීමක් මගේ වීඩියෝ කාර්යසාධනයට බලපාන්නේ කෙසේද?
ඔබ “ළමයින් සඳහා සාදන ලද” ලෙස සකසන වීඩියෝ වෙනත් ළමා වීඩියෝ සමග නිර්දේශ කිරීමට වැඩි ඉඩකඩ ඇත. නිවැරදිව ස්වයං නිශ්චය නොකරන ලද අන්තර්ගතය වෙනත් සමාන වීඩියෝ සමග නිර්දේශ නොකරනු ලැබේවි.