YouTube платформасының іздеп табу жүйесі көрермендерге өздері көруі әбден ықтимал бейнелерді тауып, көрермендердің ұзақ мерзімді қанағаттану көрсеткіштерін барынша жоғарылатуға көмектеседі. Бейнеңіз бен арна көрсеткіштері туралы жауаптарды төмендегі сұрақ-жауап бөлімінен қараңыз.
YouTube Search және санат бойынша іздеу: "Алгоритм" және көрсеткіштерге қатысты сұрақ-жауап
Авторларға арналған бейнелерді іздеп табу туралы кеңестер алыңыз.
Іздеп табу жүйесі туралы сұрақ-жауаптар
YouTube қай бейненің көрсетілімін ілгерілететінін қалай таңдайды?
Біздің ұсыныс жасау жүйеміз төмендегілерге назар аудара отырып аудиторияңызға ұсыну үшін бейнелердің үздік жиынтығын іріктейді:
- олар көретін контент;
- олар көрмейтін контент;
- олар іздейтін контент;
- лайктар мен дизлайктар;
- "Қызық емес" деген пікірлер.
Бейнелерімнің үлкенірек аудиторияға көрсетілуін қалай ілгерілетуіме болады?
YouTube платформасында табысты болу үшін алгоритмдер немесе аналитика жөніндегі маман болу міндетті емес, одан гөрі аудиторияңызды танып-білуге зейін қою керек. Біздің ұсыныс жасау жүйеміз аудиторияңызға бейнелердің жарнамасын насихаттамайды, бірақ олар YouTube платформасына кірген кезде аудиторияңызға бейнелер тауып береді. Бейнелердің рейтингісі олардың көрсеткіші мен аудиторияға сәйкестігі бойынша жасалады және бейнелердің барлығы бірдей ұсынуға жарамды бола бермейді.
Негізгі бетте бейнелердің рейтингі қалай жасалады?
Негізгі бет — аудиторияңыз YouTube қолданбасына немесе YouTube.com веб-сайтына кірген кезде ашылатын алғашқы көрініс. Осы жерде әр көрерменге ең маңызды, жекелендірілген ұсыныстарды көрсетуге тырысамыз. Аудиторияңыз негізгі бетке кірген кезде, YouTube жазылымдардағы бейнелерді көрсетеді. Сондай-ақ ұқсас көрермендер көрген бейнелер мен жаңа бейнелер де көрсетіледі. Бейнелер мыналарға сүйене отырып таңдалады:
- Көрсеткіш: басқа факторларды былай қойғанда, ұқсас көрермендерге бейнелер қаншалықты қызық болғаны және көңілінен шыққаны туралы ақпарат.
- Көру және іздеу тарихы: аудиторияңыз арнаны немесе тақырыпты қаншалықты жиі көретіні және әр бейнені қанша рет көрсетіп қойғанымыз туралы ақпарат.
Контенттің барлығы бірдей YouTube-тің негізгі бетінде көрсету үшін ұсынуға жарамды бола бермейді.
Бейнелер "Танымал" бөліміне қалай таңдалады?
"Танымал" бөлімі қалай жұмыс істейтінін мына мақаладан қараңыз.
"Келесі" бөліміндегі "Ұсынылған" тізімінде бейнелердің рейтингісі қалай жасалады?
"Ұсынылған бейнелер" аудиторияңыз көріп отырған бейнемен бірге "Келесі" тізімінің астында көрсетіледі. Ұсынылған бейнелердің рейтингісі аудиторияңызға кезекте келесі көруі ең ықтимал бейнелерді ұсыну үшін жасалады. Бұл бейнелер жиі аудиторияңыз көріп отырған бейнеге қатысты болады, бірақ олар көру тарихына сүйене отырып жекелендірілуі де мүмкін.
Контенттің барлығы бірдей "Келесі бейне" беттерінде көрсету үшін ұсынуға жарамды бола бермейді.
"Іздеу" бөлімінде бейнелердің рейтингісі қалай жасалады?
Google іздеу жүйесі сияқты, YouTube іздеу жүйесі де кілтсөз арқылы іздеу әрекеттері бойынша ең сәйкес келетін нәтижелерді шығаруға тырысады. Бейнелердің рейтингісі мына факторларға сүйеніп жасалады:
- Атау, сипаттама мен бейне контенті көрерменнің іздеу шартына қаншалықты сәйкес келеді.
- Іздеу кезінде қызығу деңгейін қандай бейнелер жоғарылатады.
Ескертпе: іздеу нәтижелері белгілі бір іздеу аясындағы ең көп көрермен жинаған бейнелердің тізімі емес.
Бейненің атауы немесе суреті өзгерсе, алгоритмдегі бейненің рейтингісі өзгере ме?
Мүмкін, бірақ бұл жүйелеріміз бейненің атауы немесе суреті өзгергеніне емес, көрермендер бейнеңізбен басқаша әрекеттесуіне қарай жауап бергендіктен болуы мүмкін. Бейнеңіз көрермендерге басқаша көрінгенде, ол көрермендерге ұсынылған кезде олардың әрекеттесу тәсілін өзгертеді. Бейненің атауы мен суретін өзгерту көру санын арттырудың ең жақсы тәсілі болуы мүмкін, бірақ жұмыс істеп тұрған нәрсеге өзгеріс енгізбейді.
Атауым мен бейне суретімді іздеп табу үшін қалай оңтайландыруыма болады?
Атауыңыз бен бейне суретіңізді іздеп табуды оңтайландыру үшін мына кеңестерді пайдалануыңызға болады:
- Суретіңіз біздің бейне суреттеріне қатысты саясатымызға сай болуы керек.
- Бейнелеріңіз үшін контентті дәл сипаттайтын тартымды атаулар қолданыңыз.
- Контентіңізді дәл сипаттайтын бейне суреттерін жасаңыз.
- Мынадай атаулар мен бейне суреттерін қолданудан аулақ болыңыз:
- алдамшы, жаңылдыратын, кликбейт немесе сезімге әсер ететін: бейненің контентін бұрмалайды
- үрейлендіретін: ішінде намысқа тиетін немесе бейпіл сөздер бар
- жиіркенішті: ішінде әдепсіз немесе жиіркеніш тудыратын суреттер бар
- орынсыз зорлық-зомбылық: зорлық-зомбылықты немесе ереже бұзуды насихаттау қажетсіз
- әдепсіз: ішінде жыныстық қатынасқа емеурін немесе азғын мінез-құлық бар
- екпін түсіріп айту: екпін түсіру үшін БАРЛЫҒЫ БАС ӘРІППЕН жазылған немесе !!!!! белгісі қосып жазылған атаулар
Бұл әдістер ықтимал жаңа көрермендерге контентіңізді тартымсыз етіп көрсетуі және кей жағдайларда Қауымдастық қағидаларын бұзғаны үшін контентіңіздің өшірілуіне себеп болуы мүмкін.
Монетизация күйі (сары белгіше) бейнемді іздеп табуға әсер ете ме?
Жоқ, біздің іздеу және ұсыныс жасау жүйеміз қай бейнелерде монетизация қосылғанын және қай бейнелерде қосылмағанын білмейді. Біз көбінесе аудиторияңыз монетизация күйіне қарамастан қанағаттанарлық деп табатын бейнелерді ұсынуға тырысамыз. Бейнеңізде зорлық-зомбылық немесе жан түршігерлік контент болса, одан монетизация өшірілуі мүмкін. Сонымен қатар ол орынсыз болғандықтан, мейлінше көп көрерменге ұсынылмауы мүмкін. Бұл мысалда бейненің аз ұсынылуына себеп болған монетизацияны өшіру емес, бейненің ішіндегі контент болып тұр.
Тэгтер қаншалықты маңызды?
Маңызды емес. Тэгтер негізінен жиі кездесетін емле қателерін (мысалы, YouTube, U Tube немесе You-tube) түзетуге көмектеседі.
Орналасқан жерімді нақты бір елге/аймаққа орнатсам, сол аудиториядан көрермендерімді көбейтуіме көмектесе ме? (мысалы, тіпті Бразилияда болсам да, орналасқан жерімді АҚШ деп ауыстырсам)
Жоқ, локация параметрлері YouTube платформасында бейнелердің ұсынылу тәсілі туралы хабарлау үшін пайдаланылмайды.
Лайктар/дизлайктар бейнемнің ұсынылу тәсіліне әсер ете ме?
Аздап. Лайктар мен дизлайктар — біз рейтинг жасау кезінде қарастыратын жүздеген сигналдардың бірі. Біздің ұсыныс жасау жүйеміз көрермендер бейне көруді таңдаған-таңдамағанына қарап үйренеді. Жүйе көрермен бейненің қанша бөлігін көргені және қанағаттанғаны туралы мәлімет алады. Жалпы бейне көрсеткіштері осы факторлардың тіркесімімен анықталады.
Бейнені жасырын етіп жүктеп салып, кейін оны баршаға ашық етсем, бұл бейнемнің көрсеткіштеріне кері әсерін тигізе ме?
Жоқ, бейне жарияланғаннан кейін көрермендер оған қалай жауап бергені маңызды.
Көрсеткіштер туралы сұрақ-жауап
Бейнелерімнің біреуінің көрсеткіштері төмен болса, бұл менің арнама кері әсерін тигізе ме?
Әр бейне көрермендерге ұсынылған кезде, оған қалай жауап беретіні маңызды. Жүйелеріміз аудиторияңыз үшін қай бейнелер үздік ұсыныстар болатынын анықтау үшін бейнелер мен аудитория деңгейіндегі сигналдарға көбірек сүйенеді. Бейнелеріңіз көрермендерге ұсынылған кезде, олардың көпшілігін көруді тоқтатса, бұл — арнаның көру санының азаюына себеп болуы мүмкін.
Контент жүктеп салудан үзіліс алсам, бұл — арнамның көрсеткіштерін төмендете ме?
Қажет болған кезде үзілістер жасап тұрғаныңыз абзал. Біз үзіліс жасаған мыңдаған арнаны зерттедік, бірақ үзіліс ұзақтығы мен көру санының өзгеруінің арасынан ешқандай байланыс таппадық. Аудиторияңыз қалыпты контент көру режиміне қайтып келгенше оны қайтадан "қыздыруға" біраз уақыт қажет болуы мүмкін екенін есте сақтаңыз.
Күнде немесе кемінде аптасына бір рет жүктеп салу қажет пе ?
Жоқ, біз жылдар бойы талдаулар жасап, жүктеп салынған барлық контент бойынша көру санының өсуі жүктеп салу арасындағы уақытқа байланысты емес екенін анықтадық. Авторлардың көбі саннан гөрі сапаға мән беру арқылы аудиториясымен сенімді байланыс орнатып алды. "Жанып кетпеу" үшін өзіңізді күткеніңіз абзал. Бұл — аудиторияңыз үшін де, сіздің саулығыңыз үшін де маңызды.
Бейнелерді қай кезде жариялаған дұрыс?
Жариялау уақыты бейненің ұзақ мерзімді көрсеткішіне әсер ететін-етпейтіні белгісіз. Біздің ұсыныс жасау жүйеміздің мақсаты — бейне қай уақытта жүктеп салынғанына қарамастан, керек көрермендерге керек бейнелерді көрсету. Алайда жариялау уақыты тікелей трансляция және премьера бейнелері сияқты форматтар үшін маңызды. Қай кезде премьера немесе келесі тікелей трансляцияңызды шығаратыныңызды жоспарлау керектігін түсіну үшін YouTube Analytics бөліміндегі Көрермендеріңіздің YouTube платформасына кіретін уақыты туралы есепті қараңыз.
Аудиторияңыз ең белсенді кезде бейнелер жариялау ерте көру саны үшін пайда болуы мүмкін, бірақ бейненің ұзақ мерзімді көру санына әсер ететіні белгісіз.
Қайсысы маңыздырақ: көрілген бейне бөлігінің орташа пайыздық көрсеткіші ме, әлде орташа көру ұзақтығы ма?
Біздің іздеп табу жүйеміз сигналдар ретінде аудиторияның әрекеттерін анықтау кезінде абсолют және салыстырмалы көру уақытын пайдаланады, сондықтан дәл осылай істегініңіз абзал. Түптеп келгенде, біз қысқа бейнелеріміз де, ұзақ бейнеліріміз де табысты болса екен дейміз, сондықтан бейнелеріңіздің ұзақтығы контентке қарай тиісті өлшемде болғаны абзал. Жалпылап айтқанда, салыстырмалы көру уақыты қысқа бейнелер үшін, ал абсолют көру уақыты ұзағырақ бейнелер үшін маңыздырақ. Көрермендеріңіз қанша уақыт бейне көргісі келетінін түсіну үшін көрермен назарын сақтау әдісін қолданып, контентіңізді сәйкесінше реттеуіңізге болады.
Неліктен бейнелерімді көру уақыты жазылушы санынан аз?
Жазылушыларыңыздың саны қанша көрермен YouTube арнаңызды бақылап жүру үшін жазылғанын білдіреді. Бұл сан бейнелеріңізді көретін көрермендердің санын білдірмейді. Көрермендер, орташа есеппен алғанда, ондаған арналарға жазылып, өздері жазылған арналарда жаңа бейнелер жүктеп салынған сайын қайтып келуі мүмкін. Сонымен қатар көрермендер жиі өздері бейнелерін мүлдем көрмейтін арналарға жазылып жатады. YouTube Analytics құралының көмегімен аудиторияңызды танып-біліңіз.
Неліктен "Негізгі бет" пен "Ұсынылған" бөлімдерінен арнама аз трафик келеді?
Уақыт өте арнадағы көру санының артуының және төмендеуінің себептері көп. Ұсыныстардан келетін трафиктің азайып кетуінің жиі кездесетін себептері мынадай:
- Аудиторияңыз YouTube платформасында басқа бейнелер мен арналарды көбірек көреді.
- Аудиторияңыз YouTube платформасында азырақ уақыт өткізеді.
- Сізде көрсеткіштері жоғары бірнеше бейне немесе "вирус" болып таралып кеткен бір бейне болды, бірақ ол көрермендер тағы да көру үшін қайтып келген жоқ.
- Әдеттегіден сирегірек жүктеп салып жүрсіз.
- Сіздің бейнелеріңіздің тақырыбы танымал болудан қалып бара жатыр.
Аудиторияңыздың қызығушылықтары уақыт өте өзгеруі мүмкін екенін есте сақтаңыз. Әрдайым жаңа тақырыптар мен форматтарды қолданып, тәжірибе жасап отыру маңызды. Аудитория қалыптастыру үшін авторлар бар көрермендерді сақтап қалуы да, жаңа көрермендер тартуы да қажет.
Ескі бір бейнем жақында танымал болып кетті, неге?
Көрермендердің ескі бейнелерге қызығушылығының артуы жиі болып тұрады. Көрермендердің көбі бейнелерді хронологиялық ретпен көріп отырмайды немесе не көруге болатынын бейненің жарияланған уақытына қарап шешпейді. Көрермендер ескірек бейнеге көбірек қызыға бастаса, оның себептері мынадай болуы мүмкін:
- Бейнеңіздің тақырыбының танымалдығы артып жатыр.
- Жаңа көрермендер арнаңызбен танысып, ескі бейнелеріңізді тоқтамай көріп жатыр.
- Көрермендерге бейнеңіз ұсынылған кезде, олардың көпшілігі сіздің бейнеңізді көруді шешкен.
- Сіз жаңа бейнені серия етіп жариялап, көрермендерге қайтып келіп, ескірек эпизодтарды көруін сұрағансыз.
Ескірек бейне көбірек трафик жинай бастаған кезде, бұл көрермендерді тағы да қайтып келіп, көре беруге қызығушылығын ояту үшін қандай контент түрін жүктеп салу керектігі туралы ойланыңыз.
"Балаларға арналған" деген белгі бейнемнің көрсеткіштеріне қалай әсер етеді?
Олардың балаларға арналған басқа бейнелермен қатар ұсынылу ықтималдығы артады. Мақсаты өздігінен дұрыс белгіленбеген контент басқа ұқсас бейнелермен қатар ұсынылмауы мүмкін.