YouTube қолданбасында тік форматты тікелей трансляцияларды көру және олармен әрекеттесу

YouTube қолданбасында тікелей трансляцияларды немесе Shorts бейнелерін шолу кезінде тік форматты тікелей трансляцияларды көре аласыз. Мұндай бейне ұзындығына қарағанда биіктігінің өлшемі ұзынырақ етіп түсіріледі. Осындай тікелей трансляцияны көрген кезде, тік форматты трансляциялар фидіне кіру үшін оның үстінен түртуге болады. Фидте келесі әрекеттерді жасай аласыз:

• Тікелей эфирді толық экранда көресіз.
• Тікелей эфирде, соның ішінде чатта сөйлесу немесе арна мүшеліктерін сатып алу арқылы әрекеттестік жасай аласыз. 
• Тағы басқа тік форматты тікелей трансляцияларды көру үшін экранды жоғары қарай сырғытыңыз. 

Сондай-ақ тік форматты трансляциялар фидіне Shorts бейнесінде Кідірту және Тікелей эфир түймесін түрту арқылы кіруге болады.

Жоспарланған тікелей трансляциялар мен премьералар тік форматты трансляциялар фидінде көрсетілмейді.

Ескертпе: Тік форматты трансляциялар фиді тек YouTube қолданбасында қолжетімді және қазір планшеттерде қолжетімді емес.

Тік форматты тікелей трансляция чаты

Тікелей эфир чаты қосулы болса, тікелей эфирдің төменгі жағындағы мәтін ұясы арқылы чатта сөйлесуге және реакциялар жіберуге болады.

Чатты өшіргіңіз келсе, бейненің жоғарғы оң жағындағы мәзірді  түртіңіз, содан кейін Тікелей эфир чатын өшіріңіз.

Арна мүшеліктерін сатып алу

Арна мүшелігін сатып алу үшін:

1. Тікелей эфир чатындағы доллар белгісін  түртіңіз.
2. Мүшеліктер түймесін түртіңіз.
3. Қосылу түймесін түртіңіз.

Ескертпе: арна мүшеліктерін тік форматты трансляциялар фидінде сатып алу мүмкіндігі қазір тек Android телефондарында қолжетімді, iPhone құрылғыларында мұндай мүмкіндік жоқ.

Super Sticker немесе Super Chat сатып алу

Super Sticker немесе Super Chat сатып алу үшін:

1. Тікелей эфир чатындағы доллар белгісін  түртіңіз.
2. Мыналардың бірін таңдаңыз:​
   1. Super Sticker  ұнайтын стикерлер жинағын табыңыз  сатып алатын стикерді таңдаңыз.
   2. Super Chat  соманы таңдау үшін жүгірткіні жүргізіңіз немесе қажет мәнді теріңіз  хабар қосып жазыңыз (міндетті емес).
3. Сатып алу және жіберу опциясын түртіңіз.

Басқа опцияларды көру

Тікелей эфирмен өзара әрекеттесу опцияларын көру үшін бейненің жоғарғы оң жағындағы мәзірді  түртіңіз, оның ішінде келесі мүмкіндіктер бар:

• лайк немесе дизлайк қою;
• бөлісу;
• чат сүзгілерін қосу;
• "Бұл арна ұсынылмасын" опциясы;
• арна үстінен шағымдану;
• Анықтама және пікір.

Сондай-ақ тікелей трансляцияда көрсетілген тауарларды қарап шығу және сатып алу үшін Shopping  түймесін басуға болады.