Sekere tipes misleidende of bedrieglike inhoud met ernstige risiko van erge skending word nie op YouTube toegelaat nie. Dit sluit sekere tipes verkeerde inligting in wat werklike skade kan veroorsaak, soos sekere tipes tegnies gemanipuleerde inhoud, en inhoud wat met demokratiese prosesse inmeng.
Beleid oor verkeerde inligting oor verkiesings: YouTube-gemeenskapriglyne
As jy inhoud kry wat hierdie beleid oortree, moet jy dit aangee. Instruksies om oortredings van ons gemeenskapsriglyne aan te gee, is hier beskikbaar. As jy veelvuldige video’s of opmerkings van ’n enkele kanaal gekry het wat jy wil aangee, kan jy die kanaal aangee.
Wat hierdie beleide vir jou beteken
As jy inhoud plaas
Hierdie beleide verbied sekere soorte inhoud wat met vrye en regverdige demokratiese verkiesings verband hou. Moenie verkiesingverwante inhoud op YouTube plaas as dit by enige van die beskrywings hieronder pas nie.
- Kieseronderdrukking: Inhoud wat daarop gemik is om kiesers te mislei oor die tyd, plek, wyse of geskiktheidsvereistes om te stem, of vals bewerings wat mense wesenlik kan ontmoedig om te stem.
- Kandidaatgeskiktheid: Inhoud wat onwaar uitsprake maak wat verband hou met die tegniese geskiktheidsvereites vir huidige politieke kandidate en sittende verkose regeringsamptenare om ampte te beklee. Geskiktheidsvereistes wat in aanmerking geneem word, word gebaseer op toepaslike nasionale wette en sluit ouderdom, burgerskap of lewenstatus in.
- Aanhitsing om in demokratiese prosesse in te meng: Inhoud wat ander mense aanmoedig om in demokratiese prosesse in te meng. Dit sluit die verhindering of onderbreking van stemprosedures in.
- Verkiesingintegriteit: Inhoud wat vals bewerings bevorder dat wydverspreide bedrog, foute of tegniese probleme voorgekom het in sekere vorige verkiesings om regeringshoofde te bepaal. Of inhoud wat beweer dat die gesertifiseerde uitslag van daardie verkiesings vals is. Hierdie beleid is tans van toepassing op:
- Die Duitse federale verkiesing van 2021
- Brasilië se presidensiële verkiesings van 2014, 2018 en 2022
Hou in gedagte dat dit nie ’n volledige lys is nie.
Voorbeelde
Die volgende soorte inhoud word nie op YouTube toegelaat nie. Dit is nie ’n volledige lys nie.
Kieseronderdrukking- Om vir kykers te sê dat hulle kan stem deur onjuiste metodes, soos om hul stem na ’n bepaalde nommer te SMS.
- Om versinde kiesergeskiktheidsvereistes te gee, soos om te sê dat ’n bepaalde verkiesing net vir kiesers ouers as 50 jaar oop is.
- Om vir kykers ’n verkeerde verkiesingdatum te gee.
- Om te beweer dat ’n kieser se affiliasie met ’n politieke party op ’n posstemkoevert sigbaar is.
- Vals bewerings dat stemme deur nieburgers die uitkoms van vorige verkiesings bepaal het.
- Vals bewerings dat Brasiliaanse elektroniese stemmasjiene in die verlede gekraak is om ’n persoon se stem te verander.
- Bewerings dat ’n kandidaat of sittende regeringsamptenaar nie kwalifiseer om die amp te beklee nie op grond van vals inligting oor die ouderdomsvereiste om ’n amp in daardie land/streek te beklee.
- Bewerings dat ’n kandidaat of sittende regeringsamptenaar nie kwalifiseer om die amp te beklee nie op grond van vals inligting oor burgerskapstatus om ’n amp in daardie land/streek te beklee.
- Bewerings dat ’n kandidaat of sittende regeringsamptenaar nie kwalifiseer om die amp te beklee nie op grond van vals bewerings dat hulle oorlede is, nie oud genoeg is nie, of andersins nie aan die geskiktheidsvereistes voldoen nie.
- Om vir kykers te sê om lang kieserrye te skep met die doel om dit vir ander mense moeiliker te maak om te stem.
- Om vir kykers te sê om regeringwebwerwe te kraak om die uitreiking van verkiesinguitslae te vertraag.
- Om vir kykers te sê om fisieke konflik met verkiesingamptenare, kiesers, kandidate of ander individue by stemlokale aan te hits om mense af te skrik om te stem.
- Inhoud wat vals bewerings aanvoer dat wydverspreide bedrog, foute of tegniese probleme die uitkoms van Duitsland se parlementêre (Bundestag-) verkiesing verander het, en die vorming van die nuwe regering of die verkiesing en aanstelling van die volgende Duitse kanselier ongeldig maak.
- Vals bewerings dat wydverspreide bedrog, foute of tegniese probleme die uitkoms van Brasilië se presidensiële verkiesing van 2018 verander het.
Opvoedkundige, dokumentêre, wetenskaplike of artistieke inhoud
Inhoud wat andersins hierdie beleid sou oortree het, word soms toegelaat om op YouTube te bly wanneer dit opvoedkundige, dokumentêre, wetenskaplike of artistieke (EDSA-) konteks in die video, oudio, titel of beskrywings het. Dit moenie beskou word as toestemming om verkeerde inligting te bevorder nie. Bykomende konteks kan kompenserende sienings insluit, of as die konteks verkeerde inligting wat ons beleide oortree veroordeel, betwis of daarmee spot. Kry meer inligting oor hoe YouTube EDSA-inhoud beoordeel.
Verwante beleide
Inhoud wat met verkiesings verband hou is ook aan ander gemeenskapsriglyne onderworpe. Dit kan byvoorbeeld insluit:
- Inhoud wat individue, soos verkiesingwerkers, kandidate of kiesers, dreig, word ingevolge ons beleid oor teistering en kuberafknouery nie toegelaat nie.
- Inhoud wat tegnies gemanipuleer of gedokter is sodat dit gebruikers mislei – gewoonlik meer as net snitte wat buite konteks gebruik word – en wat ’n ernstige risiko van erge skending kan inhou, word ingevolge ons beleid oor verkeerde inligting nie toegelaat nie. Byvoorbeeld, videomateriaal wat tegnies gemanipuleer is om ’n kandidaat vir ’n openbare amp valslik te laat beweer dat hulle hul aan die verkiesing onttrek.
- Inhoud wat ’n ernstige risiko van erge skending kan inhou deur valslik te beweer dat videomateriaal van ’n gebeurtenis in die verlede dié van ’n huidige gebeurtenis is, word ingevolge ons beleid oor verkeerde inligting nie toegelaat nie. Byvoorbeeld, ’n video wat ’n staatshoof wys wat ’n gewelddadige konflik veroordeel wat hy of sy in werklikheid verskoon het.
- Inhoud wat ander mense aanmoedig om gewelddadig op te tree, insluitend optrede wat verkiesingwerkers, kandidate of kiesers teiken, word ingevolge ons beleid oor gewelddadige of grafiese inhoud nie toegelaat nie.
- Inhoud wat geweld of haat teen individue of groepe op grond van sekere kenmerke bevorder, word ingevolge ons beleid oor haatspraak nie toegelaat nie. Dit sluit byvoorbeeld inhoud in wat wys hoe iemand wat ’n politieke saamtrek bywoon ’n groep op grond van ’n beskermde kenmerk, soos ras, geloof of seksuele oriëntasie, van mensheid ontneem.
- Inhoud wat bedoel is om ’n persoon of kanaal, soos ’n politieke kandidaat of hul politieke party, na te boots, word ingevolge ons beleid oor nabootsing nie toegelaat nie.
- Inhoud wat eksterne skakels bevat na materiaal wat ons beleide sou oortree en wat ’n ernstige risiko van erge skending kan veroorsaak, soos misleidende of bedrieglike inhoud wat met ’n verkiesing verband hou, haatspraak wat beskermde groepe teiken, of teistering wat teen verkiesingwerkers, kandidate of kiesers gemik is. Dit kan klikbare URL’e, om gebruikers verbaal tydens ’n video na ander werwe toe te stuur, en ander vorme van skakeldeling insluit.
Onthou dat dit net ’n paar voorbeelde is, en moenie inhoud plaas as jy dink dat dit dalk hierdie beleide oortree nie. Riglyne vir adverteerdervriendelike inhoud geld ook. Neem kennis dat hierdie beleide ook op eksterne skakels in jou inhoud van toepassing is. Dit kan klikbare URL’e en ander vorme insluit, asook om gebruikers verbaal tydens die video na ander werwe toe te herlei.
Wat gebeur as inhoud hierdie beleid oortree
As jou inhoud hierdie beleid oortree, sal ons die inhoud verwyder en vir jou ’n e-pos stuur om jou daaroor in te lig. Ons kan ’n skakel wat jy plaas verwyder as ons nie kan verifieer dat die skakel veilig is nie. Let daarop dat oortredende URL’e wat in die video self of in die video se metadata geplaas word, tot gevolg kan hê dat die video verwyder word.
As dit die eerste keer is dat jy ons gemeenskapsriglyne oortree, sal jy waarskynlik ’n aanmaning sonder enige straf vir jou kanaal kry. Jy sal die kans hê om aan beleidopleiding deel te neem sodat die aanmaning ná 90 dae kan verval. As dieselfde beleid egter binne daardie 90 dae oortree word, sal die aanmaning nie verval nie en sal jou kanaal ’n waarskuwing kry. As jy ’n ander beleid oortree nadat jy die opleiding voltooi het, sal jy nog ’n aanmaning kry.
As jy binne 90 dae 3 waarskuwings kry, sal jou kanaal beëindig word. Kom meer te wete oor ons waarskuwingstelsel.
Ons kan jou kanaal of rekening weens herhaalde oortredings van die gemeenskapsriglyne of diensbepalings beëindig. Ons kan ook jou kanaal of rekening beëindig ná ’n enkele geval van ernstige misbruik, of wanneer die kanaal aan ’n beleidskending toegewy is. Ons kan herhaalde oortreders verhoed om in die toekoms aan beleidopleiding deel te neem. Kry meer inligting oor kanaal- of rekeningbeëindigings.