გარკვეული ტიპის შეცდომაში შემყვანი ან მაცდუნებელი კონტენტი, რომელიც ძლიერი დაზიანების სერიოზულ რისკს გულისხმობს, ნებადართული არ არის YouTube-ზე. ეს მოიცავს ისეთი ტიპის მცდარ ინფორმაციას, რომელმაც შეიძლება გამოიწვიოს რეალური ზიანი, ასევე გარკვეული ტიპის ტექნიკურად მანიპულირებულ კონტენტს ან კონტენტს, რომელიც დემოკრატიულ პროცესებს აფერხებს.
თუ აღმოაჩენთ კონტენტს, რომელიც არღვევს ამ წესებს, გადმოგზავნეთ მოხსენება მის შესახებ. ჩვენი საზოგადოების წესდების დარღვევის შესახებ მოხსენების ინსტრუქცია ხელმისაწვდომია აქ. თუ აღმოაჩინეთ რამდენიმე ვიდეო ან კომენტარი და გსურთ მათ შესახებ მოხსენება შეგიძლიათ, გამოგზავნოთ მოხსენება არხის შესახებ.
რას ნიშნავს ეს წესები თქვენთვის
თუ აქვეყნებთ კონტენტს
არ გამოაქვეყნოთ კონტენტი YouTube-ზე, თუ ის შეესაბამება რომელიმე ქვემოთ მოცემულ აღწერას.
- აღწერაში მონაწილეობის შეფერხება: კონტენტი, რომელიც მიზნად ისახავს, შეცდომაში შეიყვანოს აღწერის მონაწილეები აღწერის დროის, ადგილის, საშუალებების ან საკვალიფიკაციო მოთხოვნების შესახებ, ან ცრუ განაცხადები, რამაც შეიძლება არსებითად შეაფერხოს აღწერაში მონაწილეობა.
- მანიპულირებული კონტენტი: კონტენტი, რომელიც ტექნიკურად არის მანიპულირებული ან გაყალბებულია ისეთი ფორმით, რომ შეცდომაში შეიყვანოს მომხმარებლები (როგორც წესი, კონტექსტიდან ამოღებულ კადრებზე სერიოზული) და შესაძლოა სერიოზული ზიანის რისკს წარმოადგენდეს.
- არასწორად მიკუთვნებული კონტენტი: კონტენტი, რომელიც შეიძლება სერიოზული ზიანის დიდ რისკს ქმნიდეს ყალბი განცხადებით, მაგალითად, რომ წარსული მოვლენის ძველი კადრები მიმდინარე მოვლენიდანაა.
მაგალითები
აი, YouTube-ზე აკრძალული კონტენტის ზოგიერთი მაგალითი.
აღწერაში მონაწილეობის დაბრკოლება- აღწერაში მონაწილეობის მიღების შესახებ არასწორი ინსტრუქციების მიცემა.
- აღწერაში მონაწილეობის გადათქმევინება ცრუ მტკიცებით, რომ რესპონდენტის საიმიგრაციო სტატუსი ეცნობება სამართალდამცავებს.
- ვიდეოს არაზუსტად თარგმნილი სუბტიტრები, რომლებიც ამძაფრებს გეოპოლიტიკურ დაძაბულობას და ქმნის სერიოზული ზიანის დიდ რისკს.
- ვიდეოები, რომლებიც ტექნიკურად იყო მანიპულირებული (როგორც წესი, კონტექსტიდან ამოღებულ კადრებზე სერიოზული), რათა ეჩვენებინა, რომ ხელისუფლების წარმომადგენელი გარდაცვლილია.
- ვიდეო კონტენტი, რომელიც იყო ტექნიკურად მანიპულირებული (როგორც წესი, კონტექსტიდან ამოღებულ კადრებზე სერიოზული) ისეთი მოვლენების გასაყალბებლად, სადაც არის სერიოზული ზიანის მიყენების რისკი.
- კონტენტი არაზუსტად არის წარმოდგენილი, როგორც ადამიანის უფლებების დარღვევის დოკუმენტირება კონკრეტულ ადგილას, რომელიც რეალურად არის კონტენტი სხვა ადგილიდან ან მოვლენიდან.
- კონტენტი, რომელიც აჩვენებს სამხედრო დარბევას მომიტინგეების მიმართ ყალბი განცხადებებით, რომ კონტენტი არის მიმდინარე მოვლენიდან, როდესაც კადრები რეალურად რამდენიმე წლისაა.
გახსოვდეთ, რომ ეს მხოლოდ რამდენიმე მაგალითია და არ გამოაქვეყნოთ კონტენტი, თუ ფიქრობთ, რომ ის შეიძლება არღვევდეს ამ წესებს. გაითვალისწინეთ, რომ ეს წესები ასევე ვრცელდება გარე ბმულებზე თქვენს კონტენტში. ეს შეიძლება მოიცავდეს დაწკაპუნებულ URL-ებს, სიტყვიერ მიმართვას მომხმარებელთან სხვა საიტებზე ვიდეოში, ასევე სხვა ფორმებს.
საგანმანათლებლო, დოკუმენტური, სამეცნიერო ან მხატვრული კონტენტი
შესაძლოა დავუშვათ კონტენტი, რომელიც არღვევს ამ გვერდზე მითითებულ მცდარი ინფორმაციის წესს, თუ ეს კონტენტი შეიცავს დამატებით კონტექსტს ვიდეოში, აუდიოში, სათაურში ან აღწერაში. ეს არ არის მცდარი ინფორმაციის პოპულარიზაციის საშუალება. შესაძლოა, დავუშვათ გამონაკლისი, თუ კონტენტის მიზანია ჩვენი წესების დამრღვევი მცდარი ინფორმაციის დაგმობა, განხილვა ან დაცინვა.
ასევე ნებადართულია პირადი აზრის გამოხატვა ზემოაღნიშნულ თემებზე, თუ ისინი სხვაგვარად არ არღვევენ ზემოთ ჩამოთვლილ რომელიმე წესს
რა ხდება, თუ კონტენტი არღვევს წესებს
თუ თქვენი კონტენტი არღვევს ამ წესებს, ჩვენ ამოვშლით კონტენტს და ელფოსტით შეგატყობინებთ ამის შესახებ. თუ ჩვენ ვერ დავადასტურებთ, რომ თქვენ მიერ გამოქვეყნებული ბმული უსაფრთხოა, ჩვენ შეიძლება ამოვშალოთ ბმული.
თუ ეს საზოგადოების წესდების პირველი დარღვევაა, თქვენ, სავარაუდოდ, მიიღებთ შენიშვნას და თქვენს არხზე ჯარიმა არ დაგეკისრებათ. თუ არა, ჩვენ შეიძლება გავაფრთხილოთ თქვენი არხი. თუ 3 გაფრთხილებას მიიღებთ 90 დღის განმავლობაში, თქვენი არხის მოქმედება შეწყდება. შეიტყვეთ მეტი ჩვენი გაფრთხილებების სისტემის შესახებ აქ.
საზოგადოების წესდებისა და მომსახურების პირობების განმეორებითი დარღვევის გამო, უფლება გვაქვს თქვენს არხს ან ანგარიშს მოქმედება შევუწყვიტოთ. ჩვენ, ასევე, შეიძლება შევწყვიტოთ თქვენი არხის ან ანგარიშის მოქმედება მძიმე დარღვევის გამო ან მაშინ, როცა არხი დებულების დამრღვევია. შეიტყვეთ მეტი არხისა და ანგარიშის მოქმედების შეწყვეტის შესახებ აქ.