Kudhibiti metadata ya rekodi ya sauti yako

Vipengele hivi vinapatikana tu kwa washirika wanaotumia Kidhibiti Maudhui cha Studio ya YouTube. Wasiliana na Msimamizi wako wa Washirika wa YouTube ili uweze kuvitumia.

Iwapo wewe ni mshirika wa muziki ambaye hutoa vipengee vya rekodi ya sauti, unaweza kutumia maelezo yaliyo hapa chini kudhibiti metadata ya rekodi ya sauti yako.

Angalia metadata ya rekodi ya sauti

1. Ingia katika akaunti kwenye Kidhibiti Maudhui cha Studio.
2. Kwenye menyu ya kushoto, chagua Vipengee .
3. Bofya mada ya kipengele cha rekodi ya sauti ambacho ungependa kuangalia. Ukurasa wa maelezo ya Kipengee utafunguka.
4. Katika ukurasa wa maelezo ya Kipengee, chagua Metadata  kwenye menyu ya kushoto.

Kutambua metadata ya onyesho au ya jumla

Metadata ya jumla, ambayo inafahamika kama metadata ya onyesho, ni kundi la metadata ambayo YouTube huonyesha kwa watumiaji wa YouTube. Ni toleo la metadata linaloonekana wakati wapakiaji wanapata madai ya Content ID na katika vipengele kama vile Muziki katika Video hii. 

Katika ukurasa wa maelezo ya Kipengee, kwenye sehemu ya Metadata , metadata ya jumla au onyesho huonekana katika sehemu ya juu chini ya Jumla.

Unapobofya LINGANISHA METADATA, metadata ya jumla au onyesho imewekewa aikoni ya kijani ya Onyesho . Pata maelezo zaidi kuhusu kipengele cha Linganisha Metadata.

Kutoa metadata ya rekodi ya sauti

Hapa chini ni baadhi ya mbinu bora za kutoa metadata ya vipengee vya rekodi ya sauti yako:

Weka metadata kamili na sahihi katika utumiaji wa kwanza

Unapotoa kipengee cha rekodi ya sauti kwa mara ya kwanza, tunapendekeza ujaze sehemu nyingi uwezavyo za metadata.

Pia, tunawahimiza washirika kutoa metadata ya mwisho na kuepuka kutuma metadata ya kishikilia nafasi, hata kwa vipengee vinavyohusiana na matoleo ya baadaye. Pata maelezo zaidi kuhusu kutoa metadata.

Jumuisha vitambulishi vya kipengee mahususi wakati wa kutoa masasisho

Wakati unasasisha kipengee kilichoko, tunapendekeza ujumuishe kitambulisho kilichopo cha kipengee pamoja na ISRC (Msimbo wa Kurekodi wa Kiwango cha Kimataifa) na Kitambulisho Maalum, ikihitajika. Hatua ya kuweka maelezo haya itasaidia katika kutuma sasisho kwa kipengee sahihi na kipengele katika rekodi ya sauti. Pia, itapunguza uwezekano wa kipengee kipya au mgawo kubuniwa.

Iwapo unasasisha ISRC au Kitambulisho Maalum, bado unapaswa kuweka kitambulisho cha kipengee katika utumaji wako. Kumbuka kuwa kuweka ISRC au kitambulisho kipya maalum kunaweza kusababisha kubuni kwa kipengele kipya katika rekodi ya sauti. Pata maelezo zaidi kuhusu vipengele katika rekodi za sauti.

Tuma vipengee vya rekodi ya sauti kabla ya kutuma video za picha

Tunapendekeza utume kipengee cha rekodi ya sauti kabla ya kutuma video ya picha.

Pia, hakikisha kuwa ISRC ya video ya picha inalingana na ISRC ya kipengee cha rekodi ya sauti. Kufanya hivyo kutasaidia kubuni uhusiano sahihi wa vipengee vilivyopachikwa kati ya video ya picha na kipengee chake cha rekodi ya sauti. Pata maelezo zaidi kuhusu vipengee vilivyopachikwa.

Maswali Yanayoulizwa Sana

YouTube huamua vipi kundi la metadata ya jumla au onyesho linaloonyeshwa kwa watumiaji?

Wakati kuna mmiliki mmoja wa kipengee cha rekodi ya sauti, metadata kutoka kwa kipengele kipya zaidi na kamili cha rekodi ya sauti cha mmiliki kitaonyeshwa kama metadata ya jumla au onyesho. 

Wakati kuna zaidi ya mmiliki mmoja, kipengele kipya zaidi na kamili kutoka kwa mshirika yeyote mwenye umiliki unaoendelea wa kipengee kitaonyeshwa.

Ninawezaje kusasisha kipengee cha rekodi ya sauti ili kufanya uonyeshaji wa metadata yangu kuwa metadata ya jumla au onyesho?

Unaweza kuzidisha uwezekano kuwa metadata yako itachaguliwa kwa kutoa kundi kamili la metadata uwezavyo.

Pia, hakikisha unasasisha metadata yako ili kudumisha usahihi. Vitendo hivi vitasaidia kuboresha fursa za metadata yako kuchaguliwa kama metadata ya jumla ya kipengee.

Kwa nini metadata yangu haionekani kama metadata ya jumla au onyesho?

Huenda mshirika mwingine alituma metadata hivi karibuni zaidi au aliweka kundi kamili zaidi la metadata. Tumia kipengele cha Linganisha Metadata ili uone metadata iliyowekwa na washirika wengine.

Tunapendekeza uthibitishe kuwa umetuma kundi kamili la metadata na kusasisha metadata ya kipengee inavyohitajika.

Nimesasisha kipengele chenye wamiliki wengi. Kwa nini sasa metadata yangu haionekani kama metadata ya jumla au onyesho?

Ingawa huenda ulituma metadata hivi majuzi zaidi, kuna uwezekano mshirika mwingine alituma kundi kamili zaidi la metadata. Tumia kipengele cha Linganisha Metadata ili uone metadata iliyowekwa na washirika wengine.

Tunapendekeza uthibitishe kuwa umetuma kundi kamili la metadata na kusasisha metadata ya kipengee inavyohitajika

Niliwasilisha kipengee ambacho kiliunganishwa na kipengee kilichopo. Kwa nini sasa metadata yangu haionekani kama metadata ya jumla au onyesho?

Inawezekana kuwa kundi la metadata ya kipengee kilichopo lilichaguliwa kutokana na matatizo ya metadata isiyofanana katika wasilisho lako. Ili ukague matatizo ya metadata isiyofanana:

1. Ingia katika akaunti kwenye Kidhibiti Maudhui cha Studio.
2. Katika menyu ya kushoto, chagua Vipengee .
3. Bofya mada ya kipengee kilichounganishwa. Ukurasa wa maelezo ya Kipengee utafunguka.
4. Kwenye ukurasa wa maelezo ya Kipengee, chagua Metadata  kwenye menyu ya kushoto.
5. Bofya kichupo cha Kipengele katika Rekodi ya Sauti.
6. Tafuta na unakili Kitambulisho cha Kipengee kinachohusishwa na kipengele kilichobuniwa kutoka kwa wasilisho lako. Kitambulisho cha Kipengee kinapaswa kuanza na “AA”.
7. Bofya kishale cha kurudi nyuma  na urudi kwenye ukurasa wa Vipengee.  
8. Kwenye menyu ya kushoto, chagua Ripoti .
9. Bofya kichupo cha Vipengee.
10. Chini ya Vipengee (vipengele), bofya Toleo la 1.1  na uchague Ripoti ya mgawo wa kipengee. Ripoti itaanza kupakuliwa kama faili ya CSV.
11. Fungua ripoti. Katika safu wima ya sound_recording_share_asset_id, tafuta Kitambulisho cha Kipengee kinachoanza kwa “AA”. 
12. Katika safu mlalo ya vipengee, tafuta safu wima inayoitwa “from_inconsistent_metadata_merge”. Iwapo safu wima hii imewekewa lebo ya Ndivyo, inamaanisha mfumo wetu ulitumia metadata iliyopo kwa sababu metadata yako ilikuwa na tofauti na metadata kwenye kipengee kilichopo.

Kidokezo: Unaweza kubadilisha metadata isiyofanana katika Kidhibiti Maudhui cha Studio au kupitia uwasilishaji wa maudhui:

• Kidhibiti Maudhui cha Studio: Fuata maagizo haya ya Badilisha metadata ya kipengee.
• Uwasilishaji wa Maudhui: Kwa kutumia njia unayopendelea ya kulipa, kama vile CSV, DDEX, au API, weka kundi kamili la metadata ambalo ungependa lionekane. Ikiwezekana, hakikisha unabainisha kitamblisho cha kipengee na ISRC au Kitambulisho Maalum ulichotoa hapo awali.