Uchumaji wa mapato kwenye chaneli yako utasitishwa wakati hakuna akaunti inayotumika na iliyoidhinishwa ya AdSense katika YouTube ambayo imeunganishwa kwenye chaneli yako. Mpango wa Washirika wa YouTube unahitaji washirika wote wawe na akaunti ya AdSense katika YouTube inayotumika, iliyoidhinishwa na iliyounganishwa.
Kumbuka kuwa bila akaunti ya AdSense katika YouTube inayotumika, iliyoidhinishwa na iliyounganishwa kwenye chaneli yako, huwezi kuchuma mapato kutoka YouTube na matangazo hayataonyeshwa kwenye video zako. Hii ni pamoja na mapato kutoka kwenye utangazaji, usajili kwenye YouTube Premium na vyanzo vingine vya mapato kama vile uanachama katika chaneli.
Wakati uchumaji wa mapato umesitishwa, bado unaweza kuendelea kupakia maudhui halisi na kukuza hadhira yako kwenye YouTube. Iwapo umejumuishwa kwenye Mpango wa Washirika wa YouTube na uchumaji wako wa mapato umesitishwa, usijali – bado uko kwenye mpango huu. Uchumaji wa mapato utaendelea baada ya kuunganisha akaunti ya AdSense katika YouTube inayotumika na iliyoidhinishwa.
Iwapo tayari una akaunti ya AdSense katika YouTube, hakikisha kuwa anwani iliyo kwenye faili imethibitishwa. Ili kusaidia kudumisha usalama wa akaunti yako, tunahitaji uthibitishe anwani yako kabla hatujakutumia malipo yoyote. Pata maelezo zaidi kuhusu kinachohitajika hapa.
Kuunganisha akaunti ya AdSense katika YouTube
Iwapo uko kwenye Mpango wa Washirika wa YouTube na ungependa kubadilisha akaunti ya AdSense katika YouTube inayohusishwa na chaneli yako, unaweza kufanya hivyo kwa kufuata hatua hizi: Badilisha akaunti uliyounganisha ya AdSense katika YouTube.
Kumbuka kuwa ikiwa una chaneli kadhaa zilizojumuishwa kwenye Mpango wa Washirika wa YouTube, akaunti ya AdSense katika YouTube inatakiwa iunganishwe kwenye kila chaneli.
Je, baada ya kuendelea na uchumaji wa mapato, nitalipwa kwa wakati ambao chaneli yangu ilisitishwa?
Hapana. Uchumaji wa mapato uliositishwa humaanisha kuwa kituo chako hakitachuma pesa kuanzia wakati kilipositishwa na matangazo hayataonyeshwa kwenye video zako.
Je, kusitishwa kwa chaneli kutasababisha "onyo" kwenye Mtandao wa Chaneli Mbalimbali (MCN)?
Hapana. Uchumaji wa mapato uliositishwa haukiuki
sera yetu ya uwajibikaji wa vituo kwa vile hauchukuliwi kama hatua dhidi ya matumizi mabaya chini ya sera hii. "Kukomesha uchumaji wa mapato" huchukuliwa kama hatua dhidi ya matumizi mabaya na hakuhusiani na hali ya uchumaji wa mapato uliositishwa. Pata maelezo zaidi kuhusu
uchumaji wa mapato uliozimwa.
Je, madai hufungwa wakati uchumaji wa mapato umesitishwa kwenye kituo changu?
Hapana. Ikiwa uchumaji wa mapato kwenye chaneli yako umesitishwa, madai hayatafungwa.
Je, inachukua muda gani kuweka mipangilio ya akaunti ya AdSense katika YouTube?
Ingawa
kuweka mipangilio ya akaunti mpya ya AdSense au AdSense katika YouTube hakuchukui muda mrefu, mchakato wa kuwezesha utumiaji wa akaunti mpya ya AdSense kunaweza kuchukua muda kiasi. Kwa kawaida uidhinishaji hufanyika kwa takribani siku moja, lakini unaweza kuchukua siku kadhaa. Iwapo unaunganisha akaunti mpya ya AdSense katika YouTube ambapo
uthibitishaji wa anwani ya PIN unahitajika, inaweza kuchukua wiki 2 hadi 4. Akaunti uliyounganisha ya AdSense katika YouTube inahitaji kuwezeshwa na kuidhinishwa kabla uchumaji wa mapato uendelee.
Je, ni nini kitafanyika kwenye uanachama wangu katika chaneli?
Wakati hali ya uchumaji wa mapato katika kituo unasitishwa, kipengele chako cha uanachama husitishwa pia na wanachama watafahamishwa. Katika kipindi hiki, kituo kina siku 120 za kuanza tena uchumaji wa mapato. Baada ya siku 120 za kusitishwa kwa uchumaji wa mapato, kituo kitapoteza uwezo wa kufikia uanachama na kitapoteza wanachama wake.