Monetisering is onderbreek vir my kanaal

Jou kanaal se monetisering sal onderbreek word wanneer daar nie ’n aktiewe en goedgekeurde AdSense vir YouTube-rekening aan jou kanaal gekoppel is nie. Die YouTube Vennootprogram vereis van alle vennote om ’n aktiewe, goedgekeurde en gekoppelde AdSense vir YouTube-rekening te hê. 

Let daarop dat jy sonder ’n aktiewe, goedgekeurde en gekoppelde AdSense vir YouTube-rekening vir jou kanaal nie geld by YouTube kan verdien nie, en advertensies sal nie in jou video’s gewys word nie. Dit sluit in inkomste uit advertensies, YouTube Premium-intekeninge en ander inkomstebronne, soos kanaallidmaatskappe.

Terwyl jou monetisering onderbeek is, kan jy aanhou om oorspronklike inhoud op te laai en jou gehoor op YouTube uit te bou. Moenie bekommerd wees as jy in die YouTube Vennootprogram is en jou monetisering is onderbreek nie – jy is steeds in die program. Monetisering sal hervat word nadat jy ’n aktiewe en goedgekeurde AdSense vir YouTube-rekening gekoppel het.

As jy reeds ’n bestaande AdSense vir YouTube-rekening het, moet jy bloot seker maak dat die adres wat op lêer is, geverifieer is. Om te help om jou rekening veilig te hou, vereis ons dat jy jou adres verifieer voor ons vir jou enige betalings stuur. Kry hier meer inligting oor wat vereis word.

Koppel ’n AdSense vir YouTube-rekening

As jy in die YouTube Vennootprogram is en die AdSense vir YouTube-rekening wil verander wat met jou kanaal geassosieer word, kan jy dit doen deur hierdie stappe te volg: Verander jou gekoppelde AdSense vir YouTube-rekening.

Let daarop dat as jy ’n paar kanale het wat in die YouTube Vennootprogram is, ’n AdSense vir YouTube-rekening aan elke kanaal gekoppel moet wees.

Sal ek betaal word vir die tyd wat my kanaal onderbreek was nadat monetisering hervat is?

Nee. Monetisering wat onderbreek is, beteken dat jou kanaal vir die duur waarin dit onderbreek is nie geld sal verdien nie, en dat advertensies nie in jou video’s gewys sal word nie.

Tel ’n kanaal wat onderbreek is as ’n “waarskuwing” teen die multikanaalnetwerk (MKN)?

Nee. Onderbreekte monetisering oortree nie ons beleid oor kanaalaanspreeklikheid nie, want dit word nie ingevolge hierdie beleid as ’n misbruikgeleentheid beskou nie. “Demonetisering” word as ’n misbruikgeleentheid beskou, maar dit hou nie met die onderbreekte monetiseringstatus verband nie. Kry meer inligting oor gedeaktiveerde monetisering.

Is eise gesluit terwyl my kanaal se monetisering onderbreek is?

Nee. Eise sal nie gesluit word as jou kanaal se monetisering onderbreek word nie.

Hoe lank neem dit om ’n AdSense vir YouTube-kanaal op te stel?

Terwyl dit nie lank neem om ’n nuwe AdSense-rekening op te stel nie, kan die aktivering van die nuwe AdSense-rekening ’n ruk neem. Goedkeuring gebeur gewoonlik binne ’n dag of wat, maar dit kan ’n paar dae neem. As jy ’n nuwe AdSense-rekening koppel waarvoor PIN-adresverifikasie vereis word, kan dit 2-4 weke neem. Jou gekoppelde AdSense-rekening moet geaktiveer en goedgekeur word voordat monetisering hervat kan word.

Wat sal met my kanaallidmaatskappe gebeur?

Wanneer ’n kanaal se monetiseringstatus onderbreek word, word hul lidmaatskappekenmerk ook onderbreek en lede word in kennis gestel. Gedurende hierdie tydperk het die kanaal 120 dae om monetisering te hervat. Ná 120 dae se monetisering wat onderbreek is, sal die kanaal toegang tot lidmaatskappe verloor en hulle sal hul lede verloor.