Puwede mong gamitin ang tabletop mode sa iyong Pixel Fold para kumuha ng mga larawan ng grupo, manood ng mga video nang hands-free, at kumuha ng mga larawan ng langit sa gabi nang walang tripod.
Gamitin ang tabletop mode para manood ng mga video nang hands-free
- Piliin kung ano ang gusto mong panoorin.
- I-fold ang iyong telepono sa hugis L.
- Ilapag ito sa isang surface nang nasa ilalim ang cover screen.
- Para umalis sa tabletop mode, i-unfold nang tuluyan ang iyong telepono o i-fold pasara ang device.
Kumuha ng larawan ng grupo gamit ang tabletop mode
Mahalaga: Sa ilang piling app lang available ang feature na ito.
- Sa iyong Pixel Fold, buksan ang Camera app .
- I-fold ang iyong telepono sa hugis L.
- Ilapag ito sa isang surface nang nakaharap sa iyo ang screen at nakaharap sa subject mo ang mga camera sa likod.
- Para kumuha ng larawan gamit ang timer, itakda ang timer at pumasok sa frame.
- I-tap ang 3 segundo o 10 segundo .
- Pindutin ang shutter button at pumasok sa larawan.
Tip: Kapag nakapili ka na ng setting ng timer, puwede mo ring i-trigger ang shutter button sa pamamagitan ng pagtaas ng iyong kamay. Matuto pa tungkol sa palm timer.
Kumuha ng hands-free na larawan gamit ang iyong boses
Mahalaga: Na-set up mo na dapat ang Google Assistant. Alamin kung paano i-set up ang Google Assistant dito.
- Sa iyong Pixel Fold, buksan ang Camera app .
- Ilagay ang iyong device sa stable na surface o stand.
- Pumasok sa frame ng camera.
Para magsimula ng timer ng camera gamit ang iyong boses, sabihin ang "OK, Google, take a picture (OK, Google, kumuha ng larawan)." Pagkatapos ng 3 segundong pagkaantala, kukuha ng larawan ang iyong telepono.
Tip: Para magamit ang feature na ito, naka-enable dapat sa Mga Setting ang "Mga Quick Phrase."