Protecting against fraud | Google Pay
మీరు కష్టపడి సంపాదించిన డబ్బును రక్షించడం, ఆన్లైన్ పేమెంట్ మోసాల నుండి మిమ్మల్ని కాపాడటం అనే అంశాలకు Google Payలో మేము అత్యధిక ప్రాధాన్యం ఇస్తాము.
అనుమానాస్పద లావాదేవీలను రియల్-టైంలో గుర్తించడానికి మేము Google యొక్క అత్యుత్తమమైన ఆర్టిఫిషియల్ ఇంటెలిజెన్స్ను, మోసాల నివారణ టెక్నాలజీని ఉపయోగిస్తాము. మిమ్మల్ని సురక్షితంగా ఉంచే టెక్నాలజీలను రూపొందించడానికి, మేము ఈ రంగానికి చెందిన మిగిలిన సంస్థలతో కూడా కలిసి యాక్టివ్గా పని చేస్తున్నాము.
అయినప్పటికీ, స్కామ్లకు పాల్పడే వ్యక్తులు మీ డబ్బు కాజేసేందుకు మిమ్మల్ని ఉద్దేశపూర్వకంగా కొన్ని పనులకు పురికొల్పుతారు అందుకే, మీకు అలాంటి సందర్భాలు ఎదురైనప్పుడు, ఏం చేయాలి, ఏం చేయకూడదు అనేది మీరు తప్పక తెలుసుకోవాలి.
Google Payలో ప్రామాణీకరణ ఎలా పని చేస్తుంది?
Google Payలో రెండు దశల రక్షణను అందిస్తున్నాము.
మొదటి దశ [ఆప్షనల్] పేమెంట్ అప్లికేషన్ను అన్లాక్ చేస్తుంది, రెండవ దశ (UPI PIN) పేమెంట్ ప్రాసెస్ను పూర్తి చేయడానికి మీకు వీలు కల్పిస్తుంది. మీరు ATM PINను రహస్యంగా ఉంచినట్టే, UPI PINను కూడా రహస్యంగా ఉంచుకోవాలని Google Pay సూచిస్తోంది.
ఏదైనా అనుమానాస్పదమైన యాక్టివిటీని గమనించినట్లయితే, మీరు వెంటనే మీ బ్యాంక్ను సంప్రదించి, ఆ యాక్టివిటీ గురించి రిపోర్ట్ చేయాలి.
మీకు అనుమానాస్పదమైన కాల్స్ వస్తే ఏం చేయాలి?
అసందర్భంగా వచ్చే కాల్స్తో ఎలా జాగ్రత్తపడాలనే విషయానికి సంబంధించి ఇక్కడ కొన్ని ఉదాహరణలు ఉన్నాయి.
మీకు తెలియని నంబర్ నుండి కాల్ వస్తే, చాలా అప్రమత్తంగా ఉండండి. మీ బ్యాంక్/రిటైలర్/బీమా సంస్థ తరఫున కాల్ చేస్తున్నాము అని సంబంధిత వ్యక్తి చెప్పి, తన వివరాలు సరిగా వెల్లడించకపోతే, చాలా జాగ్రత్తగా ఉండండి. ఆ సంభాషణ ప్రభుత్వ IDలు, డాక్యుమెంట్లు, మీ PIN, బ్యాంక్ ఖాతా నంబర్, UPI ID వంటి మీ వ్యక్తిగత ఆర్థిక డేటాను అడగడం వైపు సాగితే, అలాంటి వివరాలను దయచేసి షేర్ చేయవద్దు.
అనుమానాస్పదమైన కాల్స్ లేదా మెసేజ్ల విషయంలో మీరు అస్సలు చేయకూడని విషయాలు:
- తక్షణ లావాదేవీ జరిగేలా వచ్చిన ఎలాంటి పేమెంట్ రిక్వెస్ట్లను అంగీకరించవద్దు, ముఖ్యంగా మీరు కాల్ మాట్లాడుతున్నప్పుడు లేదా ఆన్లైన్లో ఉన్నప్పుడు, మీకు కాల్ చేసిన వారు లైన్లో వేచి ఉంటామని చెప్పినప్పుడు.
- SMS/ఇమెయిల్ ద్వారా పంపిన లింక్పై క్లిక్ చేయవద్దు
- కాల్లో ఉన్నప్పుడు యాప్/ఫైల్ను డౌన్లోడ్ కానీ లేదా ఇన్స్టాల్ కానీ చేయవద్దు
- వారు మీకు పంపే సాఫ్ట్వేర్ను లేదా వెబ్ లింక్ను ఉపయోగించి మీ ఫోన్ స్క్రీన్ను షేర్ చేయవద్దు.
- మీ UPI PIN, UPI ID, లేదా ఎలాంటి బ్యాంక్ వివరాలను ఫోన్ ద్వారా తెలియచేయవద్దు.
- ఏదైనా ఆన్లైన్ ఫారమ్ చట్టబద్ధమైనదిగా అనిపించినా కూడా, దానిని పూరించవద్దు. మోసగాల్లు తరచుగా, మీ బ్యాంక్ను లేదా యాప్ను పోలి ఉండేలా లోగోలు, డిజైన్లతో మీకు తెలిసిన లేదా అసలైన వాటిలా కనిపించే వెబ్ పేజీలను క్రియేట్ చేస్తారు.
ఏ విషయాలను ఎల్లప్పుడూ దృష్టిలో పెట్టుకోవాలి?
- డబ్బు పంపడానికి, బ్యాలెన్స్ చెక్ చేయడానికి మాత్రమే మీ UPI PIN అవసరమవుతుంది. పేమెంట్లు స్వీకరించడానికి PIN అవసరం లేదు. ఒకవేళ ఎవరైనా మీ PINను ఎంటర్ చేయమని అడిగితే, మీరు మీ నుండి బయటకు వెళ్లే పేమెంట్ను ఆమోదిస్తున్నారని అర్థం, అంటే, మీ బ్యాంక్ ఖాతా నుండి పేమెంట్ అన్నమాట.
- మీ Google Pay ఖాతాలోకి లాగిన్ చేయడానికి మీరు అందుకున్న OTPని ఎప్పుడూ షేర్ చేయవద్దు.
- మీ దృష్టి వేరే చోట ఉన్నప్పుడు ఎప్పుడు ఎలాంటి ఆర్థిక లావాదేవీలు చేయవద్దు — అది రీఛార్జ్ అయినా, బిల్లు పేమెంట్ అయినా లేదా మరేదైనా.
- ఎవరైనా ఫోన్ లైన్లో ఉండి, మీపై ఒత్తిడి తెచ్చినప్పుడు అస్సలు చేయవద్దు.
- సోషల్ నెట్వర్కింగ్ సైట్లలో గోప్యమైన వ్యక్తిగత వివరాలను ఎప్పుడూ షేర్ చేయవద్దు.
- ఎదుటి వ్యక్తి ఎవరు అనేది నిర్ధారించుకోకుండా ఎప్పుడూ నిధులు బదిలీ చేయవద్దు.
- మీరు లావీదేవీని జరిపే సమయంలో స్క్రీన్ షేరింగ్ యాప్లను ఎప్పుడూ ఉపయోగించవద్దు.
మీ Google Pay పేమెంట్లను సురక్షితం చేయడానికి ఉపయోగపడే కొన్ని చిట్కాలు:
మీ UPI PINను రహస్యంగా ఉంచండి: మీ UPI PIN అనేది సరిగా మీ ATM PIN వంటిదే. దానిని ఎవరితోనూ షేర్ చేయవద్దు. | |
మీ Google Pay లాగ్ ఇన్ OTPని రహస్యంగా ఉంచండి. దానిని ఎవరితోనూ షేర్ చేయవద్దు. | |
విశ్వసనీయమైన యాప్లు మాత్రమే డౌన్లోడ్ చేయండి: స్క్రీన్ షేరింగ్ యాప్లు వంటి హానికరమైన యాప్లు మీరు మీ స్క్రీన్పై ఎంటర్ చేసే వ్యక్తిగత సమాచారాన్ని యాక్సెస్ చేయగలవు. | |
మీకు లింక్ ద్వారా పంపబడిన వెబ్సైట్లు లేదా ఫారమ్లలో మీ UPI PINను షేర్ చేసే విషయంలో జాగ్రత్త వహించండి. | |
మీరు డబ్బు స్వీకరించడానికి UPI PIN ఎంటర్ చేయవలసిన అవసరం లేదు: మీ UPI PIN ఎంటర్ చేయడం అంటే మీరు ఎవరికో పేమెంట్ చేస్తున్నారని అర్థం. మీ డబ్బు ఎటు వెళ్తుందో గమనించండి. | |
కస్టమర్ కేర్ను సంప్రదించడానికి మీ పేమెంట్ యాప్ మాత్రమే ఉపయోగించండి: అసలైన సపోర్ట్ వివరాలను మీ Google Pay యాప్ సహాయం/సపోర్ట్ విభాగంలో పొందండి. ఇంటర్నెట్లో మోసపూరితమైన నంబర్లు లభించే అవకాశం ఉంది, వాటిని ఉపయోగించకండి. |
మీరు మోసపూరిత లావాదేవీకి బాధితులైతే ఏం చేయాలి?
మీ లావాదేవీలలో ఏవైనా అవకతవకలు ఉంటే, వాటి గురించి తక్షణమే మీ బ్యాంక్కు, ప్రభుత్వ సైబర్ సెల్కు రిపోర్ట్ చేయండి. మీ Google Pay లావాదేవీలో మోసం జరిగిందని మీకు అనుమానం ఉంటే, కింద పేర్కొన్న అంశాలను ఫాలో అవ్వాలని మేము మీకు సూచిస్తున్నాము:
- లావాదేవీ గురించి మీ బ్యాంక్కు రిపోర్ట్ చేయండి
- మీ స్థానిక అధికారిక ప్రదేశానికి సంబంధించిన సైబర్ క్రైమ్ పోలీసు డిపార్ట్మెంట్ను సంప్రదించవలసిందిగా మేము సూచిస్తున్నాము.
అత్యంత అధునాతన ఆర్టిఫిషియల్ ఇంటెలిజెన్స్ (AI), మెషిన్ లెర్నింగ్ (ML) టెక్నాలజీలతో మా యూజర్లకు సురక్షితమైన, భద్రతతో కూడిన ఎక్స్పీరియన్స్ను అందించడానికి మేము ప్రయత్నిస్తున్నాము. స్కామర్ల గురించి ముందుగా తాజా సమాచారాన్ని అందించడంలో మా యూజర్ కమ్యూనిటీ కీలక పాత్ర పోషిస్తుంది.
మీరు 3 విధాలుగా ఫీడ్బ్యాక్ను అందించవచ్చు:
- ఈ ఫారమ్ ద్వారా దాన్ని మాకు రిపోర్ట్ చేయండి: మీరు షేర్ చేసే వివరాలు, మోసపూరిత ప్రొఫైల్స్ను గుర్తించి వాటిపై చర్య తీసుకోవడానికి మా సిస్టమ్లను మెరుగుపరచడంలో మాకు సహాయపడతాయి.
- మోసపూరిత లావాదేవీ గురించిన సమాచారాన్ని రిపోర్ట్ చేయడానికి మాత్రమే పై ఫారమ్ను ఉపయోగించండి. మీ పేమెంట్ నిలిచిపోవడం వంటి పేమెంట్కు సంబంధించిన ఏవైనా ఇతర సమస్యలు ఉంటే, వివాదాన్ని రిపోర్ట్ చేయండి లేదా మమ్మల్ని సంప్రదించండి.
- యూజర్ను రిపోర్ట్ చేయండి: అనుమానాస్పద యూజర్ను రిపోర్ట్ చేయండి.
- Google Pay కు వెళ్లండి.
- యూజర్ ప్రొఫైల్ను క్లిక్ చేయండి.
- ఎగువ కుడి వైపున, మరిన్ని యూజర్ను రిపోర్ట్ చేయండి అనే ఆప్షన్ను క్లిక్ చేయండి
- పుష్ నోటిఫికేషన్లు: లావాదేవీ సురక్షితమైనదో కాదో నిర్ధారించడానికి, Google Pay నోటిఫికేషన్లను పంపవచ్చు.